freshtea by happylemon (創紀之城五期(apm)) (Closed)

經過一輪嘅芝士奶蓋, 黑糖珍珠之後，又試下飲番鮮果茶先🍹今日行經apm見到有 "粒粒菠蘿果肉檸檬茶"，睇相好消暑解渴但下次要少甜先得，因為真係超甜，除此之外，有粒粒🍍🍍肉，D冰開始溶後，甜度減少，就啱啱好……滿足

見好耐冇幫襯童年回憶Happy Lemon，今次就唔揀飲開果幾間台店，行過睇下有咩好飲多左好多選擇，花多眼亂，俾爆粒系列吸引住，就多口問下收銀姐姐，「我想問爆粒入面係咪甜架?」因為想確定下係甜、酸定純口感冇味，換黎既答案真心想走人!!姐姐竟然一個眼尾閃過黎答我「我地所有野都甜架喎!」即係我係問爆粒，我由始至終都係為爆粒而飲，咁既態度都算，我就叫左杯爆粒繽紛水果茶（走糖），佢有建議我走糖會好酸，但天氣熱想飲啲酸野我話照走糖ok，最後......飲落唔會好酸，但除左態度問題，另外有2點係令我一定要上黎寫評1。就係杯野一粒爆粒都冇!係一粒都冇!!大家應該記得我係為爆粒而問同買呢杯茶我好想知佢指既爆粒係咩意思?係爆珠粒粒定係水果肉既粒粒，係咪誤導緊消費者，因為我咩都食唔到!!2。水果欠奉，相比飲開既茶x，人地成杯都係水果，呢杯大家睇下有幾削，得幾片橙都檸檬，sorry應該係我期望大左你實話咁你又唔上去問。。。我敢問你都唔敢飲啦係咪先我諗都冇咩回憶令我再黎支持,bye

夏日炎炎，這幾日的天氣酷熱，最好就是喝一口冰凍的飲品。剛在觀塘工作完畢，看到這間鮮茶店的海報上展示着不同種類的鮮果特飲，便決定叫一杯消一消暑。我點了一杯爆粒繽紛鮮果茶，茶味香，杯內有很多新鮮水果，鮮果味十足，喝一口很解渴，消除夏日帶來的炎熱感。我仔細品嚐後，才發現所謂「爆粒」，原來是杯內一粒粒的果籽，咬下去很有口感，相當特別。如果下次再來的話，我想試試「夏日雪冰斯系列」的飲品，看着餐牌已覺得很是吸引呢！

台灣手調飲品店「Freshtea By Happylemon」雖然都有提供屬於自己的黑糖珍珠鮮奶，但是「Freshtea By Happylemon 」的黑糖珍珠鮮奶，始終不及沙冰和水果茶那麼令我留下深刻印象。例如我之前在牛頭角的購物商場「淘大商場」裡面，就曾經購買過「淘大商場」分店「Freshtea By Happylemon」製造的沙冰飲品，名稱叫做「雪冰斯」。恰巧觀塘「apm」分店裡面的「Freshtea By Happylemon」，同時有提供一般台式手調飲品版本，以及沙冰版本的「雪冰斯」飲品，所以我需要在一般珍珠鮮奶飲品跟「雪冰斯」裡面作出艱難的決擇。我都已經忘記了之前，光顧「淘大商場」分店裡面的「Freshtes By Happylemon」的時候選擇了「黑糖珍珠鮮奶」，抑或是「雪冰斯」沙冰飲品，即使我嘗試翻閱手機，搜查上手戶口裡面的記錄還是無補於事。我想起自己以前，已經在港九新界不同的台灣手調飲品店裡面，購買和喝過了很多杯手調黑糖珍珠鮮奶飲品了。結果我最後還是以為自己需要，憑自己的直覺去決定自己選擇飲哪一款飲品。但是當我在翻查過，自己上次在「淘大商場」分店「Freshte

Fresh tea by happy lemon 黑糖4.3鮮奶(珍珠.仙草)(大杯少冰)($32)近排天氣炎熱，路過APM附近就買左手搖飲品消消暑，降降火。之前有飲過Happy Lemon既芝士奶蓋系列，d芝士係唔會令我覺得甜得滯。但今次係APM試既黑糖4.3鮮奶就稍比上次稍為遜色。 鮮奶同冰既比例唔太岩，冰太多鮮奶奶味淡，但個仙草同珍珠就有補救，珍珠較為煙韌，仙草滑口。黑糖4.3鮮奶既黑糖虎紋同配料係可為飲品加唔少分，叫左少冰但冰量都沖淡4.3牛乳，就些許失望。強烈推薦飲芝士奶蓋系列，超超超好飲呢！

天時暑熱，一杯台式凍飲真的少不了！一上電梯見到旁邊有間<Fresh Tea>，馬上要飲番杯解暑！💦🥤『紅豆黑糖珍珠奶茶』好少飲珍奶會加紅豆，原來味道是好夾的呢！紅豆夠綿，少少起沙，加上煙韌的珍珠，兩種不同質感。味道像紅豆沙的奶茶，比起淨珍奶帶來多點新意！賣相滿分！大大柸，飲到很飽足！🍊『爆粒繽紛果茶』今日新嘗試，點了水果茶，很夏日的感覺！茶内生果新鮮，熱情果味特出，茶底也不錯，不會苦澀，有淡淡茶香！很不錯！

夏日炎炎，一杯凍飲真的非常重要。就算是置身於商場之內，炎熱的氣氛一點都沒有減少。因此難怪在商場內仍然能夠看到有不少專賣飲品的小商店。雖然有很多都是以台式珍珠飲品為主，但個人對珍珠飲品沒有徧好，所以能遇到這提供果汁類飲品的地方特別叫自己欣喜，一定要來幫襯一下。這杯梳打除了冰凍及夠氣之外，還有粒粒的鮮菠蘿，有得飲，又有得食，菠蘿遇要有鮮味之餘又不會乾淨淨的，好吃又有滿足感。最重要的當然是消暑，而且非常之解渴啦。

中學時期既台飲仲未咁盛行，當時既Happylemon都係比較有名氣既珍奶店舖！！到依家既手調店愈開愈多，真係好耐無飲過呢間啦~~~呢日同朋友係apm食完野見到原來開左分店係1樓，見咁耐無飲，我地都興起想飲返杯，試下依家質素如何xpp原來依家佢地都多左好多唔同類型既飲品！！唔淨止有珍珠奶茶/奶蓋茶，仲有果茶、梳打等唔少選擇~~就連前排大熱既黑糖乜乜乜都有添！！！不過由以前開始就鍾情於佢地既岩鹽芝士奶蓋，所以呢日我都係要返杯basic d既“岩鹽芝士奶蓋 蜜香紅茶（M size）”HKd$24回味一下😆😆😆而朋友就要左大杯裝既“oreo脆脆奶茶”HKd$32~~~等左幾分鐘左右，我地既飲品就已經沖好拎得！！！蜜香紅茶既茶味都幾出，微甜既紅茶同綿密而帶有咸香既芝士奶蓋好夾，加上M size其實都唔細杯，所以都幾抵飲=]而朋友要左L size，所以就仲大杯！！！佢話奶茶底就normal既，但加左有oreo脆脆之後個層次豐富左，所以佢都幾中意~~~買滿指定金額仲可以有免費送貨添！！！如果公司係觀塘，有時成班同事tea time想飲杯野既話都係個唔錯既選擇啵xppp

夏日炎炎，最好飲番一杯消暑嘅飲品。呢一間happy lemon係我由細飲到大，偶然經過都會買返一杯飲，依家越出越多款式，連黑糖飲品都有，不過因為今日真係實在太熱，所以都係揀返一啲較清涼消暑嘅飲品爆檸黑烏龍茶(少甜少冰）$25爆檸真係夠晒酸，而且好Fresh，加上我又叫左少甜，比一般酸還要酸。岩哂呢d又熱又焗既天氣，飲完人都覺得清新d益力多晶鑽綠茶（少甜少冰）$27無諗過益力多同綠茶都可以好夾，加上入面有d晶鑽，口感同質地都似椰果，飲落層次豐富，口感一流。就算叫咗少甜，甜度都適中，因為可能本身益力多都帶有甜味，

店鋪：Freshtea By Happylemon (觀塘)地址：觀塘觀塘道418號創紀之城五期(apm)1樓L1-17號舖平時行街經過啲台式飲品店就會買杯珍珠奶茶飲下，今日去到觀塘APM果邊行，見到有間Freshtea By Happylemon，雖然佢地都有珍珠奶茶，亦都有我最鍾意嘅曲奇飲品，不過叫得Freshtea By Happylemon，我諗水果茶類尤其檸檬飲品一定係一個唔錯嘅選擇爆粒檸檬綠茶少甜少冰 $24/M size用新鮮檸檬榨汁再加到淡淡清香嘅綠茶，酸酸甜甜，開胃又消滯，食飽之後飲返杯最岩，鍾意酸啲嘅可以選擇少啲份量嘅甜，反而怕酸嘅話可以要正常甜度，咁就點都可以試到新鮮檸檬香之餘又唔怕唔岩自己口味啦

夏天炎炎🎏🎏最好來一杯冰凍的茶解一解渴不知道為什麼夏天總想喝到有檸檬的飲料剛好 #freshtea一次過可以滿足我兩個願望！Freshtea 是happy lemon的旗下店是用料新鮮的飲料店～想健康又想飲飲料必定來freshtea排隊的人很多但是店員動作很快由點餐到取餐整個過程大概五分鐘左右而且服務態度好工作有效率適合趕時間又想買飲料的港人這杯爆檸四季春茶茶味濃🍵而且不會有茶過泡的那種苦澀味🍵加上超多的檸檬汁🍋🍋茶的香淳加上檸檬的清新整個感覺很fresh 檸檬汁不會太酸🍋🍋加上茶香也不會搶了茶的味道🍵有點檸檬茶的感覺🍋為了健康點我叫了走甜走冰走甜也不會怪怪反而更喝到茶味🍵雖然是走冰但是整杯茶都是冰凍的因為店員有把茶先加進冰裡搖晃令茶快速冷卻再把冰隔走！很貼心的做法啊這杯茶很棒很好喝！🍵

經過APM發現有間叫做happylemon，小妹本身就好鍾意檸檬味嘅飲品，見呢間個名都有檸檬，加上都幾多人幫襯咁，就試左佢嘅檸檬茶，另外見到深焙2粒字，感覺唔錯，就再試多杯深焙奶茶加芝士。.岩鹽芝士深焙奶茶（$29）賣相都唔錯，奶茶顏色望落好正咁，味道就中規中矩啦，加埋岩鹽芝士，飲落又濃又咸咸地，有層次感。.金桔爆粒檸茶（$27）賣相同樣唔錯，金黃色，望落有好多金桔碎，仲有粒青檸係入面，飲落唔太酸味道亦唔夠香濃，加重金桔檸檬味會更好。

琴日去APM同朋友行街嘅時候，竟然比我見到以前細個成日都飲嘅happy lemon！我就梗係二話不說，即刻衝左去買啦！好彩當事人都唔算太多，等咗大概5分鐘就飲到。見到啲一個黑糖4.3鮮奶，就發現原來happy lemon都同其他手搖飲品一樣，都開始買黑糖嘅飲品。最後好鍾意食紅豆嘅我，亦都鍾意咬口嘅食物嘅我，就帶咗紅豆同仙草係杯飲品到啦。平時我都唔鍾意飲油塘嘅飲品，即使係珍珠奶茶都只會嗌無糖。今次問店員可唔可以唔堂嘅時候，佢就話因為黑糖係材料之一，所以冇辦法做到小糖或者無糖。但係好彩佢嘅黑糖一啲都唔過甜，而且配合好新鮮嘅鮮奶，飲落去唔會覺得口渴。而且個人10分推介加埋紅豆令到成杯野，甜味嘅層次都豐富左。

嚟到APM行街，口渴就梗係飲嘢啦，經過由細飲到大嘅freshtea by happylemon，見到有好多新產品喎，一於試吓先😝1️⃣芝士經典綠茶 大杯裝 少冰 半糖 $27 勁厚嘅一層芝士呀！飲一啖芝士覺得超級濃郁，鹹香味四溢😛重點係好多芝士，芝士控必揀😋綠茶底真材實料，比較濃，少許澀，撈匀芝士飲，平衡返，夠曬fresh 😛唔知點解我覺得有啲似置身仙境一般清爽🧚🏻‍♀️2️⃣黑糖奶茶 少甜 少冰 $30可以自選兩款配料，我揀咗仙草同埋珍珠幾OK喎！個奶茶底好好味，似港式奶茶，黑糖唔會令到成杯奶茶勁甜，我覺得啱啱好，珍珠幾煙韌，仙草都幾好😝我覺得鍾意奶茶嘅就揀呢杯😚呢度嘅員工都幾親切，服務唔錯☺️

平時出街都鍾意叫杯台式飲品以當中黑糖鮮奶更係全城最熱今日去觀塘行街見到happy lemon有新出產品於是買杯試試黑糖4.3鮮奶 （微甜少冰）（L） $32採用4.3鮮奶製造，飲落香滑厚實。黑糖做到掛杯效果，不過我叫咗微甜，所以黑糖分量會有啲唔同。另外再加咗紅豆同埋仙草配料，食落口感一流，紅豆好綿， 仙草份量十足。而且佢嘅大杯裝size相比起其他台式飲品嘅份量更加抵飲 Oreo 脆脆奶茶 （微甜少冰）（M） $27奶茶比例奶味相對較重，茶味唔會太濃，相對較滑身同埋香滑。本身諗住加入oreo會令杯奶茶飲落變得好甜好膩，但份量調較得很好，除了不會令飲品變得太甜，反而令飲品更影易入口， 飲落層次豐富，口感一流。oreo味不會搶過奶茶味， 有驚喜！