Friday Cafe & Wine Bar

Open Now

Now Closed

星期六去接好友放工再一起食lunch , 真的很久沒有見過面了，好掛住她呢！好友帶了我去她平常跟同事一起吃飯的地方，好好邊吃邊傾談近況。餐廳裝修充滿格調，牆身放滿不同的裝飾，鹿頭、單車、還有大量Iron man公仔，非常有特色。Ice Mocha濃厚而富深度，香滑的朱古力配搭特濃咖啡，再覆上幼滑的鮮忌廉，味道令人一試難忘。Green Tea Latte顏色偏淺綠色，入口啖到抹茶味同奶味，兩者味道平衡，質感香滑，最特別加了蜜糖，潤喉之餘還多了一份清甜蜜糖香。牛油果烤雞沙律烤雞肉嫩滑入味，沙律菜新鮮爽脆，加上開胃的黑醋沙律汁，大大片牛油果, 熟度剛好, 每一口都好幸福。檸檬雞翼搥雞翼搥烤到表面有少少焦香，肉嫩多汁，入口酸酸甜甜，滲出淡淡檸檬清香，加上少許香草調味，非常滋味。香煎精選魚柳今日精選魚柳用上日本鯛魚，份量十足，魚柳煎得剛剛好，外脆內軟，入口鮮甜多汁，底層配上炒蔬菜，最喜歡加入沙葛，清甜又爽脆，烤粟米粒粒飽滿，香甜可口，值得一讚炸薯角每一件都非常酥脆，令人一食完全停不了口。

Saturday Nite 想搵個靜靜地嘅地方食飯都吾系易事。上環 Friday Cafe and Wine Bar 🥂可以避開上班族同另一半撐枱腳，我們由沙律、小食和主菜也慢慢嘆，雖然冇飲酒，但特飲也相當不錯。熱情果野莓桔梗茶$48 第一次試桔梗茶，味道好獨特，我喜歡有更多酸微微的熱情果，甜度適中，打左個奶蓋加左分。薑味豆奶$36飲前要用匙羹搞勻，薑味剛剛好，不會有過份辛辣的味道，豆奶口感如奶泡一樣，入口軟棉棉，有驚喜。牛油果烤雞沙律$128 沙律菜新鮮；牛油果醬夠熟特別好食；烤鷄吾老，加上黑醋伴碟，感覺更健康，而且份量十足。紅酒燒汁一口牛 $108這個小食略為失色，牛肉粒有啲吾太淋，而且冇乜紅酒味，反而洋蔥炒得焦糖化入口甜香。法式油封鴨腿$248食油封鴨髀識食梗要用手食，鴨肉炆得堅淋，入味又夠香，奉上燒汁都吾使加已經好好味，一人一隻鴨髀實在令我地得到大滿足。除了主角以外配菜也包羅萬有，炒蔬菜；沙律菜、粟米、炸薯角等。份量超乎預期，開心share 剛剛好。

有次經過門口,見到呢間餐廳,就特意前來食飯。餐廳擺咗好多鐵甲奇俠的模型和特式物品,食飯的同時亦欣賞到鐵甲奇俠的姿態。🔸煙三文魚凱撒沙律沙律菜新鮮爽脆,煙肉粒鹹脆,沙律醬酸酸地令人開胃,煙三文魚煙燻味突出。🔸蔬菜長春卷外皮炸得脆口,裏面有爽甜多汁的白蘿蔔粒,春卷配上喼汁是最佳配搭。🔸檸檬雞翼搥上枱時已飄來檸檬的香氣,雞搥有很清新的檸檬香味。雞搥外皮金黃,肉質嫩滑多汁。🔸法式油封鴨腿份量都幾多,竟然有兩隻鴨腿,鴨腿肉厚冇羶味,炒過的椰菜腍滑,炸薯角炸得焦脆,粟米微甜。

上環有很多小店，朋友帶我去了間裝潢很有特色餐廳，牆的一邊放了很有餐酒，另一邊放了公仔。而餐廳的食物及服務都很多。紅酒燒汁一口牛牛柳粒肉質鮮嫩，濃濃的牛肉味配合醬汁，味道很好。德式香腸併盤各款的德國腸，有雞肉，豬肉及部份混有香料的香腸，香腸衣薄脆，燒得香噴噴，配酒一流。意大利茄茸蝦肉意粉意大利粉可選擇扁或圓意粉，意粉硬度適中，加入酸甜美味的蕃茄茸及彈牙爽口的大蝦，份量充足，好好味。自家制什果窩夫香噴噴的窩夫，外脆內軟，與軟綿綿的紅豆及忌廉一齊食，很好味。熱情果野莓桔梗茶酸酸甜甜，味道濃郁，非常解渴好味。

Friday Cafe & Wine Bar黑松露雜菌扁意粉黑松露雜菌扁意粉散發出濃郁嘅黑松露香氣，加上各種新鮮雜菌如蘑菇等，味道醇厚。意粉口感彈牙，松露嘅滋味香氣滲透每一條意粉，增添咗貴氣同高級感。紅酒燒汁燴紐西蘭羊膝紐西蘭進口嘅羊膝肉質肥嫩，經過長時間嘅慢煮後，肉質變得極為軟嫩。濃郁嘅紅酒燒汁帶出醇厚嘅口感，但卻不會過於油膩。配上薯蓉，沙律，蔬菜，為整道菜增添咗層次同生氣。朱古力心太軟 配薄荷雪糕朱古力心太軟係經典嘅甜品，外層焗得酥脆嘅朱古力蛋糕包裹著柔滑綿密嘅流心香濃朱古力。帶出唔同口感同層次。餐廳可以俾我哋揀多款嘅雪糕，例如雲呢拿味，伯爵茶味，朱古力味，但係我哋最後揀咗薄荷味雪糕，因為一直相信清新嘅薄荷雪糕同香濃嘅朱古力係最佳配搭，對比強烈，卻份外和諧。Lemon Tart餐廳每日嘅是日蛋糕有多款選擇，朱古力蛋糕，藍莓芝士蛋糕，蘋果批，但係我哋今晚揀咗檸檬撻。檸檬撻外表金黃晶瑩，檸檬餡料酸甜適中，口感滑順。酥脆嘅撻餅底完美地襯托出檸檬餡料嘅酸爽，令人回味無窮。

行完中環街市，就一直往上環方向搵食，見到呢間又似Cafe又似酒吧，氣氛都唔錯👍🏻好鍾意侍應一來到就給我一瓶水😍😍芝士牛肉肉醬千層麵嘩！真係好濃郁嘅芝士同埋碎牛，千層麵又闊又軟，蕃茄牛肉嘅汁完全滲入闊條麵來，推介推介！英式早餐上桌已經覺得好靚好吸引，多士脆卜卜，配合暖和嘅蕃茄焗豆，真係做得幾好食喎。值得一提係個芝士焗薯，超脆超正。雪糕咖啡我揀咗伯爵茶雪糕，原來咖啡真係要配雲呢拿㗎，伯爵茶雪糕直接食好食，混合咖啡之後味道就唔係好出，所以下次都係要揀返雲呢拿雪糕🍦熱情果惹莓桔梗茶酸酸甜甜的果茶味道，開胃。Dirty雖然唔Dirty，但係幾好飲😂😍😍

在區内工作的朋友引路到這酒吧式西餐店，聞說可喝到造型別緻的3D咖啡，好潮的佈置，中間牆上的鹿頭標本最吸睛👏坐下後經理告知咖啡師傅放假，失去觀摩機會🤔十幾款午市套餐已包括前菜，主菜， 餐飲，及加費甜品(+$25) 😋前菜兩位都是慢煮雞柳沙律，雞肉嫩滑非常，配上油醋汁，真係好醒胃😋朋友主菜點了:紐西蘭燴羊膝配燒汁伴薯蓉，炒雜菜，他分一塊羊肉给我試下， 羊肉醃料入味有質感，看來份量夠😋我就食:香煎紐西蘭西冷牛扒(十安士)伴黑椒汁及炒雜菜，微辣黑椒汁好滋味，配五成熟爽嫩一大塊足秤西冷牛肉，好和味😋食意未盡，追加甜品:朋友點了:檸檬撻，配以 cappuccino咖啡，他說味道好合拍😋我點了:藍莓芝士餅配熱檸檬水，碰撞得亦唔錯😋值得👏一間有心機的隱世酒吧食店

上環連小巷窄行都充斥各式各樣餐廳～多國菜式任君選擇🤗🤗是日嚟到孖沙街一間朋友介紹嘅cafe用餐～店面小小但氛圍感充滿格調～可歎啡又可以同時享用美食～啱哂嚟chill住歎悠閒時光🤟🏻.✨榛子鮮奶咖啡 $42✨朱古力咖啡 $40兩杯都有靚靚拉花～而且咖啡味香濃高質～絕對視覺與味覺享受並存😘😘.✨檸檬雞翼搥 $88呢個價格有六隻都幾合理🤗焗得金黄香口～配以檸檬角增添清新滋味嘅同時～亦有去油膩感之效🍋🍋.✨千島醬海鮮薄餅 $178推薦🧡餅底香脆又有咬口☺️鋪滿海鮮料:煙三文魚,蝦仁,青口等～兼且落足芝士🧀🧀拉絲程度滿滿!!可稱得上為有質素嘅pizza🍕.✨芝士牛肉醬千層麵 $158熱辣辣送上🤝🏻🤝🏻咸香芝士同牛肉醬配合得恰到好處～底下為千層麵及香軟薯蓉～經典滋味令人滿足！！ .✨是日蛋糕 $38從幾款之中～揀咗藍莓芝士餅😘芝味香滑濃郁!!仲伴有鮮果粒陪襯添🍇🍈🫐.✨加一服務費

上環這家小餐館以3D可愛咖啡聞名，特地相約女友人來打卡，可惜老闆忙於籌備中環新店，3D咖啡暫不供應🥹幸好小酒館的氣氛與擺設都十分吸引，最搶眼莫過於左邊一列放滿各種酒品的高身木架，右邊牆則佈滿電影海報、角色擺設、咖啡豆收藏等Lemon Chicken Sticks檸檬雞槌 (6隻)$88 (🌟8.5/10)Savoury and juicy chicken sticks marinated with a vibrant burst of lemon and herbs. 鹹味基底配上檸檬的酸，令肉質更鮮嫩Duck Confit 油封鴨脾 $248 (🌟9/10)The ultimate culinary delight of this little bar resto. The two huge duck legs are exceptionally meaty, and slowly cooked to falling-off-the-bone perfection in their own fat filled with herbs and garlic.份量巨大，兩大隻鴨脾超級多肉

Happy Friday 去左呢間Friday cafe🥳 食物質素好吾錯，系上環的內街位置，系一間值得去嘅cafe3D Latte🐱 好得意啊，有多款公仔選擇,亦都有吾同口味可以揀！Egg Benedict ✨每次只要去餐廳見到有egg benedict 我都一定會嗌😍 一切開隻蛋仲系超級流心嫁👏🏻 好滿足！而且仲可以揀配煙三文魚/大啡菇，仲有沙律作side dish檸檬雞鎚🍋呢款系餐廳ga 推薦菜之一，估吾到真系幾好食呢～雞鎚以烤嘅方式烹調，肉質仲係好Juicy, 食落有檸檬嘅清香味，就算食完6件都吾覺得膩，仲想繼續食落去😂

這家西餐廳位於上環站附近，交通方便。餐廳的內部裝修新，室內佈置很有特色，有很多擺設，例如：模型公仔、車牌號碼牌、卡通掛畫、懷舊掛畫、咖啡豆和紅酒，還播放著輕快的英文歌曲，氣氛輕鬆。牛油果烤雞沙律128元，份量大，牛油果新鮮綿滑，烤雞是熱的，香氣撲鼻，肉嫩美味，沙律菜新鮮爽脆，有少量黑醋味道，很開胃。香煎精選魚柳248元，魚皮香脆，魚肉多汁，粟米很甜，炸薯角外脆內軟，很美味，墊底是炒雜菜，味道鮮甜。卡邦尼煙肉意粉128元，煙肉多，肉厚身，咸味適中，野菌煙韌，芝士忌廉汁惹味，扁意粉軟硬適中。是日蛋糕有三款，每件38元，選了蘋果批，餅底香脆，蘋果酸酸甜甜。

本身為了犬兒衝著餐廳的 3D 拉花而來，豈料到來後侍應告知 3D 拉花師今天放假，犬兒萬念俱灰之下唯有將願望放投香蕉船之上。牛油果雞肉沙律，沙律菜新鮮，海量的雞肉兩面被煎香，與牛油果鋪於表面，只簡單以酸醋調味已經有夠好吃。法式白酒煮蜆，蜆肉雖然個子不大，但勝在量多，白酒忌廉和蒜蓉的味道配合得很好，絕對以數量及味道取勝，以隨附的蒜蓉包點着蜆汁同吃，美妙。忌廉蟹肉意大利飯，意大利飯口感 creamy，忌廉味道濃郁，蟹肉新鮮之餘份量亦不少，整體食感令人滿意。香蕉船，香蕉船中間盛載著三球雪糕，上面有提子哈密瓜以及火龍果，為今晚劃上一個圓滿的句號。

📍 Friday Cafe & Wine Bar - 上環近上環地鐵站附近原來有一間coffee shop 係甘好食😋無論係主食，小食，甜品，飲品都係用心製作絕不馬虎！尤其係有我最鍾意嘅綠茶鮮奶🍵飲完一杯再一杯🍵✨ 卡邦尼煙肉意粉煙肉的鹹香與意粉的柔軟濃郁的醬汁，每條意粉都好掛汁✨每一口都有煙肉同意粉的滑嫩口感🍝✨ 炸洋蔥圈炸到外酥內軟，口感十分爽脆。新鮮的洋蔥切成圓環狀裹上麵粉漿後油炸至金黃酥脆。每一口咬下去，洋蔥的甜味和酥脆的外層，脆脆哋🫶🏻✨ 焗蒜蓉法包蒜蓉的香辣+麵包的酥脆，外酥內軟🥖✨ 自家制什果窩夫配伯爵茶雪糕窩夫酥脆外皮被雜莓醬包圍，帶來甜蜜口感。伯爵茶雪糕則散發著淡雅的茶香，口感順滑。配上酸甜水果和濃郁茶香，簡直係絕配🫶🏻✨ 綠茶鮮奶清香的綠茶配濃郁的鮮奶綠茶的微苦與鮮奶的香濃相互融合平衡了口味🍵

Friday Cafe & Wine Bar．「有頭有面」的上環cafe放假最好去「開疆闢土」當然講緊係搵新店開飯呢次開飯的地點係上環陪好姐妹行咁遠食飯都係為左試新店推門而入已經好有FEEL牆身裝修唔簡單又有車牌又有咖啡豆仲有IRON MAN 真正的「有頭有面」！酒的種類也多晚市主打酒類今天食午餐當然係一試咖啡的功夫本身想試3D咖啡，朋友說好多款得意公仔造型惟當天師傅放假只好轉飲其他款咖啡Caramel Latte：香滑純粹有好飲的咖啡豆，有美麗的拉花熱熱的口感豐盈的香氣為周末來打氣Rich Chocolate：朱古力朋友之選特級極濃，面上更有重手朱古力粉入口衝擊味覺，爆炸級朱古力濃香係朱古力友不能錯過油封鴨脾主食共有2隻，好大方唔好睇佢顏色咁深味道係唔錯肉質林香濃濃的入晒味炸薯角夠香脆玉米夠甜沙律菜以黑醋提味醒神開胃煙三文魚PIZZA番茄甜椒做基底餅底夠香夠薄煙三文油份足，味道出值得一試的作品周末去上環chill住歎啡食野真心非常的爽！希望下次可以試到可愛造型的3D咖啡！Friday Cafe & Wine Bar上環孖沙街8-10號金滿大廈地舖#咖啡#pizza#意粉 #pasta

忙碌頻撲的一天後終於可靜下食晚飯休息放鬆一下。我地揀咗間cafe ，餐廳佈置幾有特色，播著輕鬆的英文歌，好多外國人士來飲酒飲嘢，氣氛好chill。煙三文魚凱撒沙律$128生菜新鮮爽脆，凱撒沙律醬調味適中，不多不少，配合煙肉碎、芝士同埋麵包糠一齊食，好味。煙三文魚份量慷慨，拆開個煙三文魚花，有4件大大塊嘅煙三文魚，好開心。千島醬海鮮薄餅$178呢個Pizza幾有驚喜，勁多海鮮餡料，有蝦粒，青口粒，魷魚，煙三文魚等等。千島醬味道突出，好惹味，估唔到嘅係除咗勁多芝士拉絲之外，上面還短火炙，令到個Pizza特別香。批底係薄底，非常香脆。海膽汁帆立貝意大利飯$168意大利飯Creamy，每一啖都都散發淡淡的海膽味，味道香而不離，意大利飯還混合了三色椒，特別香。帆立貝大大隻，但海膽意大利飯香濃可口，令食帆立貝的時候覺得味道比較平淡。炸薯條 $68炸薯條新鮮熱辣辣，又新嘅薯條咁黃香脆，令人食唔停口。有啲可惜嘅係今日3D咖啡師唔響度，未有機會試3D chococinno, 有機會下次再嚟試。