素年 (三陂坊)

Open Now

Now Closed

下班後特意相約朋友到近期大熱的和洋式素食餐廳品嚐晚餐 - 「素年」，有三間分店，這間以粉紅色和白色設計為主，富有簡約文青及可愛少女風味。簡約的設計，大落地玻璃，樓底頗高，整個感覺十分寫意及舒服通爽，店旁的書架打造出很悠閒的飲食空間同時俱有書卷氣息。女店員們的十分有禮友善，整個環境感覺清新舒服。餐牌菜式款式不算太多，但勝在每道菜都很有誠意，我們點了兩款主食，第一款是熱門菜式「不可能漢堡」，份量很大，植物肉很出色，外型同口感也幾可亂真，感覺在吃真的牛肉一樣，肉質香滑，大塊厚切，配上火箭菜、紫洋蔥圈等等的配料，伴碟的是大堆蕃薯條，香脆甘甜，必試之選！另一款是「葡式紫薯芋頭片意粉」，一上菜已經被賣相吸引了，紫薯片及芋頭片很薄，炸得酥脆通透，賣相精緻，葡汁味道很香濃，沒有辣度的葡式咖喱香味均勻掛在意粉上，蟹爪菇及香脆片均增加了口感層次！凍伯爵茶很大杯，口味清新、熱玄米茶，麥味厚重，十分健康，店員說可以再添加熱水，感覺良好。總括來說，環境及食物質素很好，店員們服務細心有熱誠。絕對值得推介的素食店！

次次去食素年都排晒隊，今日經過荃灣的素年竟然唔洗排隊，就一於食佢啦。忌廉菠菜闊條麵綠色一大碟，顏色好奪目，菠茶味好濃，麵質係偏軟熟，有飽足感，而且整碟麵好creamy, 仲有三色椒襯托，份量麵算大，絕對夠一個女生食。不可能漢堡一上碟見到大大的漢堡肉，而且中間仲煎到半紅，完全看不出是素肉，配搭洋蔥、火箭菜同沙拉醬，整個漢堡味道十分豐富，麵包軟硬適中，好易入口。蕃薯條甜甜地，個人覺得好食過薯條！熱情果檸檬梳打不是特別甜的一杯特飲，味道酸酸味味好開胃

而家真係好輕食素肉，不過食肉獸嘅我呢就真係冇乜興趣啦，但係今日呢就支持下店舖啦，加上我朋友減緊肥，所以就嚟到荃灣呢間餐廳食。好多人食，我都排咗一陣位先有位食晚飯。睇網上面大家都係推介佢個漢堡包同埋咖喱吉列豬扒飯，我諗都冇諗就叫呢兩個，再叫多兩杯嘢飲。我同朋友都鍾意食佢個漢堡包多啲，第一就因為佢嘅醬汁好食，而且佢個漢堡扒嘅肉質都真係有啲似真肉，雖然就冇真嘅牛肉咁好味㗎啦，但係一向都鍾意食肉嘅我呢都覺得食下素肉唔錯，一嚟健康啲二來唔使咁肥呀嘛，而另外嗰個吉列豬扒都炸得好香，配埋都真係幾似真正嘅咖喱豬扒飯。至於嘢飲方面就叫咗一杯奇異果羽衣甘藍富士蘋果燕麥奶，同一杯抹茶燕麥奶，兩杯都好健康，亦都好飽肚，所以都冇胃口食埋甜品了。

近年出現不少新式素食菜式，之前試過幾間，有點伏🙃素年是其中一間我會推介比朋友仔試既。芫茜意大利飯飯既上滿布芫荽，飄來陣陣草青味，好清新。😌配料有蘆荀，茄子，蓮藕和粟米芯，既中和了芫茜的清澀味道配菜又有咬口，唔錯。意大利飯煮得剛剛好，不太硬或太糊。每啖飯有配料帶來的清新味覺，因此唔會太膩。熱愛芫茜既朋友可以試下。

一早想去深水埗嘅分店試，點知行完城門水塘，落返荃灣先知有分店，即刻衝去試！三點幾過曬午餐時間，等左五分鐘就入座了，叫了不可能漢堡包，忌廉菠菜闊條麵，木瓜雪梨燕麥奶&熱情果檸檬梳打。行完山熱辣辣飲啖梳打即刻涼晒！燕麥奶都好creamy同有果味！到主食用了不可能肉扮牛肉嘅漢堡拼蕃薯條，不可能肉食落無論質感同味道都好似肉;蕃薯條是淋身質地不是脆卜卜的，夠晒驚喜亦好好味！美中不足是闊條麵催了兩次，等左好耐先上碟，忌廉味亦唔多夠。食物份量都幾大碟，細食人士留意返唔好叫得太多啦。

星期三放假想吃素，選擇到這裏吃午餐。雖然今天天氣很熱，但一進店裡就感到很清新。店內樓底頗高，天然光線充足。裝修以粉紅色和白色為主，而年青女店員的服務態度也很積極和有禮。感覺任何年齡的女士都會喜歡在這清新脫俗的環境裡用餐。食物選擇不多，但設計有心思，有新鮮感。忌廉菠菜闊條麵 $88菠菜闊條麵韌度適中，菠菜葉、黃椒、紅椒和雞髀菇都很新鮮，混和了松子仁、自家製巴馬臣芝士和忌廉汁，味道不錯。日式咖喱粉豬扒意大利飯 $108新豬肉吉列豬扒口感鬆軟，意大利飯有咖喱香而不辣，飯內的蘆筍幼嫩，薄切的雞髀菇有菇香，以兩片香甜的蘋果點綴，為賣相加了分。青檸接骨木花梳打+$24這款梳打不會過甜，清新解渴。

三陂坊大排檔式餐館林立，街坊感強烈，突然中間像有一個玻璃盒子。素年落地玻璃，走清新簡約風，可以想像是一個打卡地點。這是一個提供清新素食的地方，打破既定的中式素菜館印象。葡式紫薯芋頭片意粉 $88賣相精緻，甫上桌己經聞到香濃的葡汁味道，紫薯片和芋頭片都香脆(不同薯片那種薄脆) 中和了一點葡汁的濃味。濃稠的汁均勻掛在意粉上黑松露純素芝士蕃薯條 $68蕃薯條香甜酥脆，沒有過乾，醬汁很香黑松露味（好像還有磨菇味）朱古力香蕉冧酒撻 $58原本已經九成飽，但看見menu上的甜品很吸引，抗拒不了。這個冧酒撻不太重酒味，掀起面層可看到裡面的朱古力漿、香蕉、合桃，好味有層次。會再來的，想試一下辣的素菜。冬蔭，等我！希望下次人龍不太長。

深水埗嘅素年好出名第一次食呢間荃灣嘅分店首先叫咗忌廉菠菜闊條麵整體比較清新 味道都好味 好green嘅感覺有青紅椒 松子仁淨係食佢可能唔夠滿足所以叫埋impossible burger😆😆係必嗌嘅! burger 整得好好食十足真正嘅肉burger咁😁個蕃薯條超好食 新鮮製 卜卜脆!我發現每枱都有叫呢個burger配蕃薯條或者 獨立叫蕃薯條配黑松露醬大滿足😋😋😋

媽媽一向鍾意素食，母親節一於帶佢去品嘗西餐素食慶祝下。上網睇左好多食評，最後揀左素年。甫到餐廳有好多食客，我地訂左位，但因為早到左，所以都係要等陣。等待期間聽到有人想walk in 至少要等一個鐘。冇諗過平日都咁滿坐，建議有興趣的話，要提早訂位。餐廳行文青風，感覺好休閒，我地有幸坐係大枱自成一角葡式紫薯芋頭片意粉 ($88)紫薯芋頭片切到好薄，以為會好酥脆，但非也，可能俾蒸氣蒸軟左，口感麻麻地，但味道仍然係唔錯既，係天然芋頭香。意粉以葡汁煮成，味道與「合味道」咖喱味杯麵好似，不過係唔辣版。廚師放左唔少蟹爪菇，增加左口感層次。媽媽最鍾意呢款，話個汁完全唔辣，但又有點咖喱香味。芫茜意大利飯 ($88)意大利飯鋪滿芫茜，聞落芫茜味好重，香氣撲鼻，但入口味道又唔係好濃，仲有點奶味，味道唔錯，芫茜控可試！冬蔭意大利飯 ($88)賣相平平無奇，但味道相當唔錯，同冬蔭公湯味道好相似，酸酸辣辣，好開胃。意大利飯粒粒分明，好有咬口，醬汁裹住每一粒飯，一啖接一啖好快清碟。推薦！麻辣青醬墨西哥薄餅 ($128)賣相感覺好健康，厚厚一層火箭菜，苦苦甘甘。餅底由2層墨西哥薄餅組成，每層薄薄一片，口感小小脆得黎偏

素食近年大行其道，唔止深水埗，荃灣都開咗分店，緊係要名而來 時間尚早，唔使等位，已經可以入座啦。裝修簡約，白色主調，文青設計， 落地玻璃 ，日光充足， 坐得舒適忌廉菠菜闊條麵， 菠菜汁creamy 濃郁, 唔似一般機械式嘅波菜汁，每條麵都沾有菠菜汁， 口感一流不可能漢堡包， 睇佢個樣同普通漢堡包好似冇乜分別，牛肉像真度十足，夠曬肉汁，唔講真係以為食緊真肉。配菜係炸番薯條，比普通炸薯條更甜，更香脆，真係食唔停口㗎， 絕對值得推介甜品係朱古力冧酒香蕉撻， 我開頭都諗住酒味會太多而對呢個甜品無太大期望， 點知佢嘅酒味啱啱好，配上濃濃朱古力味，好夾，好讚

好耐之前去過深水埗食，今次見到荃灣有分店，當然不能錯過。文青cafe風格，簡單色調，坐得好啲舒服。 impossible meat 都唔係第一次食了，中間夾咗好多火箭菜🥰，令我驚喜係個burger 中間竟然可以扮到5成熟，真係有1秒以為係真牛肉，仲同友人講唔想食太生😂😂😂配番薯條，一個人食晒真係好夠飽 。芫荽意大利飯，芫荽唔係個個都鍾意食，成日聽啲人食米線都走芫荽，個人覺得芫荽味可以再重啲，中間加咗碎既西芹，增加左個口感，意大利飯冧咗少少。 包埋杯Genmaicha，幫助消化。

—與相鄰嘅餐廳 走嘅路線大相逕庭要book位同有限用餐時間食物飲品各一頁紙 所以幾個人share好多都試到香芋蕃薯波波($48)外脆內有綿密雙色芋薯蓉黑松露純素芝士蕃薯條($68)份量慷慨 嗌嗌下發現都幾多芋薯嘢食日式昆布蕃茄漬($78)幾鍾意呢款小食 酸酸甜甜忌廉菠菜闊條麵($88)黃椒/紅椒/雞脾菇/松子仁/自家製巴馬臣芝士估唔到連個醬都係綠色 應該同pizza base醬係差唔多葡式紫薯芋頭片意粉($88)蟹爪菇/紫椰菜/紅蘿蔔絲/紫洋蔥絲/炸芋頭片/炸紫薯片麻辣青醬墨西哥薄餅($128)泡椒/辣椒/菜脯/水瓜柳/蟹味菇/火箭菜/松子仁/菠菜蓉一層薄脆餅底搽滿菠菜蓉醬?!再疊上一層餅底 再堆滿菇同rocket本身主食會有伯爵茶或者玄米茶附送但係都想試下d特色嘅嘢飲焙茶燕麥奶(跟餐+$24熱/$28凍)焙茶味濃 沒有半點兒甜膩燕麥奶唔係好飲到——————————————————素年荃灣三陂坊20號地舖

差不多兩年前左右試過深水埗本店試過不可能漢堡之後 便明白為什麼客人不絕荃灣的分店位於三陂坊 需然與地鐵站有距離 但我覺得門口等位比起馬路邊舒服好多而這天很幸運 等了個五分鐘就有 =不可能漢堡包=和之前一樣 餡料非常豐富 烘過外脆內軟的包素漢堡扒厚身 肉質與牛肉相似只煮到 五成熟 可看到它變色相對真肉還是較乾身 但其實仍然有肉汁 加上芝士 涼洋蔥同火箭菜老實說和真肉漢堡幾乎無分別配番薯條 外脆內軟 =冬蔭意大利飯=西泰式Fusion料理 幾有性格西式煮法配東南亞香葉其實幾夾金不換 車厘茄 泰茄子 露筍 感覺豐富冬蔭功酸辣香口 飯粒質感也調至飽滿煙韌少少酸酸辣辣 味道上唔算濃 但吃得很過癮 配餐有伯爵茶一杯 挺解膩

呢排食左好多肉...想食下齋平衡一下身心...睇住個location充滿疑惑既我地，都係跟住google map黎黎到先知原來係打卡熱點...好彩呢日lunch時間唔多人，無等就坐底左佢鋪面感覺唔細但正中間棵樹好鬼大，坐位編排又有d怪......入正題 我地先叫左個忌廉波菜闊條麵同芫茜意大利飯...兩樣都好綠，好特別~~芫茜意大利飯真係食得芫茜先好叫!! 質感好creamy，味道岩岩好，但好主要係飯...配料少得可憐.....睇圖都知一塊蓮藕兩粒粟米心....波菜闊條麵其實都係差唔多，除左麵有落到三色椒，闊條麵硬度適中幾清新~雖然佢聲稱份量較大，但唔知係咪我地太肚餓，唔夠飽咁...再叫左個甜品 - 豆腐芝士蛋糕同小食 - 香芋蕃薯波波~比較下，個人中意波波多過蛋糕，波波熱辣辣、好脆口，唔會好甜你睇我食左大半先記我影就知 而豆腐芝士蛋糕唔知點咁，又唔豆腐又唔芝士~個人幾欣賞佢隨餐奉送既玄米茶，好多玄米好香!!!

每逢初一十五都緊係素食日啦🌱兩年前食過素年，佢仲係新開嘅一間位於深水埗嘅小店，兩年後嘅今日已經有兩間分店，今次就去荃灣嘅分店試下佢，留意番三間分店都有唔同嘅餐牌🌱-風格簡約舒服，同樣都係日系，夠晒光猛，位置喺三陂坊大排檔嘅中間，簡直就係漆黑中嘅螢火蟲🐞🌟言歸正傳講返嘢食先，今次叫咗四樣嘢食，-🍔不可能漢堡包 $𝟭𝟮𝟴 Impossible Meat 一啲都唔陌生㗎啦，食過幾次不可能漢堡肉完全不會膩口，最鍾意切開佢好似五成熟咁嘅樣👊-🍝葡式紫薯芋頭片意粉 $88 第一次食，葡汁強烈，配料有蟹爪菇、紫椰菜、甘荀絲、紫洋蔥絲，再加上炸芋頭片及炸紫薯片，係必須加埋兩塊脆片一齊食，如果就禁食意粉會比較單調，意粉亦煮得恰到好處，軟硬兼施，但敗北係芋頭片唔脆。-🍝泰式香辣不可能肉碎意粉 $88 其實我本身都幾怕食炒意粉，因為我怕太油膩，但以碟炒到幾乾身非常香口👍🏻但味道相對淡口少少，可能因為其他都屬於重口味。-冬陰意大利飯 $88 既然上次食左冬陰公闊條麵，今次見到有risotto，就試試佢🤤配料一啲都唔孤寒，食落超濃冬陰公味，而且夠晒辣食落去會一啖接一啖，夠曬泰式風情🇹🇭對我唔太食辣嘅人來講，都岩