素年 (三陂坊)

Open Now

Now Closed

一早想去深水埗嘅分店試，點知行完城門水塘，落返荃灣先知有分店，即刻衝去試！三點幾過曬午餐時間，等左五分鐘就入座了，叫了不可能漢堡包，忌廉菠菜闊條麵，木瓜雪梨燕麥奶&熱情果檸檬梳打。行完山熱辣辣飲啖梳打即刻涼晒！燕麥奶都好creamy同有果味！到主食用了不可能肉扮牛肉嘅漢堡拼蕃薯條，不可能肉食落無論質感同味道都好似肉;蕃薯條是淋身質地不是脆卜卜的，夠晒驚喜亦好好味！美中不足是闊條麵催了兩次，等左好耐先上碟，忌廉味亦唔多夠。食物份量都幾大碟，細食人士留意返唔好叫得太多啦。