Video
1-min walk from Exit N3, Tsim Sha Tsui / East Tsim Sha Tsui MTR Station
continue reading
Opening Hours
Mon - Sat
12:00 - 19:30
Sun
Closed
Above information is for reference only. Please check details with the restaurant.
之前已經聽朋友講過K11附近有間專食炸魚薯條嘅外賣小店好得，今次去開附近加上又冇左晚市堂食，就黎try try。小店門面係亮眼嘅彩藍色，離遠已經見倒。餐牌好簡單，一頁睇晒，除左炸魚薯條，佢地仲有意粉、小食、湯同沙律，全部幾十蚊貨仔，價錢合理。野食都係即叫點整，因為小店都係得老闆一個一腳踢，所以由落單到最後一樣野食上齊大約都要三四個字，不過慢工出細貨，野食都好熱辣辣，炸魚仲好鬆化。什菌忌廉湯($35) - 忌廉湯好夠熱，就算係外賣拎到返屋企都仲係暖嘅，忌廉湯杰度啱啱好，每啖都飲倒什菌碎，好有咬口。炸雞塊($45) - 雞塊熱辣辣又香脆，炸皮唔會太厚，雞塊仲有肉汁唔會太乾，蘸埋甜辣醬食非常香口好味。炸魚薯條($78/大) - 大份炸魚薯條有兩塊炸魚，每塊有差唔多一隻手掌咁大，炸魚好香脆鬆化，炸漿唔會過硬過厚，魚肉亦唔會太腍，比好多西餐廳做得出色。薯條外賣雖然腍左少少，但粗薯口感都唔錯。香草大蝦意粉($78) - 意粉上面有四隻大蝦，橙色嘅大蝦配上青色嘅意粉，顏色幾吸引。意粉軟硬適中，一路食會聞倒好大陣蒜香味，味道同賣相同堂食分別不大，完全唔似外賣。總結，炸魚做得出色，炸漿薄而香脆，意粉賣相靚味道亦唔錯，每樣野都係幾十蚊貨仔，但質素拍得住餐廳，喺冇晚市堂食哩段時間，絕對係外賣嘅好選擇。
continue reading
Fryers @ Tsim Sha Tsui 尖沙咀📍G/F, 2 Blenheim Avenue, Tsim Sha Tsui香港都有唔少地方可以食到Fish and Chips但價錢合理又好食既我都幾推薦呢間比起平時係餐廳起碼都百幾二百蚊一份，跟住又勁大份，食一份可能都食唔到其他野Medium Size 係配一件炸魚加薯條，一個人食份量岩岩好，如果你唔係大食既人，可能你食完都已經飽左一大半全部即叫即炸，勁新鮮，魚肉嫩滑炸魚薯條 Fish and Chips (中 Medium) $58Sony A7ii + Sony FE 40mm f2.5G
continue reading
說到最具代表性的英國國民小吃，想必非炸魚薯條莫屬，今次就在尖沙咀的小巷中發掘到一間英式Fish & Chips專門店 - Fryers。餐牌貴精不貴多，主打Fish and Chips 、意粉和炸物小食。食物都是即叫即製， 保證熱辣辣，下單後大約等10-15分鐘就可取貨。這次點了招牌菜炸魚薯條、意粉和湯品。炸魚薯條 $78英式炸魚脆漿加入啤酒，因為啤酒是充滿氣泡的液體，可以讓粉漿變膨鬆，炸起來就會特別鬆脆。從橫切面也可看到金黃的外皮十分輕薄，咬下去口感特別酥脆，裡面包著嫩滑雪白而又相當豐厚的魚肉。薯條炸得外脆內軟，乾爽不油膩，肉心軟綿細密。黑松露什菌意粉 $68忌廉醬汁調較得香滑濃稠，加入黑松露，菌香滿溢，香氣馥郁。幼身的意粉煮出Al dente輕微韌度的口感，入口奶滑。什菌忌廉湯 $35忌廉湯頭夠creamy稠身，野菌濃香撲鼻而來。喝起來濃濃滑滑的，真材實料，頓時感到暖身也暖心。
continue reading
經過棉登徑 見到呢間之前bookmark咗嘅fish & chip🐟 所以決定試吓佢😍 小店用藍白色做主色 夠晒歐式風味 除咗有fish and chip 小店仲有意粉等主食Fish and chips (L) $78呢一個fish & chips有兩大塊嘅魚柳 下低配咗好多粗薯條🍟 另外仲有茄汁同一個自家他他醬😜 咁呢個魚柳炸衣好薄 因為店主係即叫即炸 所以我即刻食嘅時候又熱辣辣又脆卜卜👍🏻 魚柳相對上比一般厚肉 好厚身 所以食落去啖啖滑身魚肉 質感幾好🥰 薯條就係粗身薯條 所以都好多薯肉 同樣即叫即炸😝 咁我自己幾鍾意佢個他他醬 洋蔥味較強 所以食落去呢就特別香口惹味🤤雜菌忌廉湯 $35我自己都幾鍾意呢個湯 因為佢有足料 店主應該將所有嘅雜菌蘑菇攪碎blend爛 所以每啖都有菇菌粒粒 有口感😆 而且每啖都會有好香嘅雜菌味 一定啱晒菇菌fans😘洋蔥湯 $32洋蔥湯冬天飲真係好正 夠暖身😚 洋蔥湯有好洋蔥絲 全部都已經煲到好軟身入味 食到洋蔥甜味 湯底比較甜😎
continue reading
係尖沙咀K11附角街頭轉角有間賣Fish & chips 既外賣店~突然心血來潮又想食D煎炸野，就決定買D食下~原來佢地除左有炸魚薯條，仲有湯、意粉、其他小食~炸魚薯條兩大舊炸魚加埋粗薯條~炸魚脆漿香脆，魚肉juicy，外脆內軟！洋蔥湯洋蔥湯好足料，啖啖洋蔥~有埋芝士同法包就正啦~蘑菇湯蘑菇打碎左，十分香濃鮮蝦香草醬意粉意粉夠al dente，香煎鮮蝦爽口彈牙！洋蔥圈好脆既洋蔥圈，炸得恰到好處估唔到外賣店都咁有驚喜！推薦！
continue reading