Fryers (Closed)

位於尖沙咀舊K11後面的酒吧街道新開專賣炸魚薯條的小店，鋪面以英國國旗的紅藍色為主調，十分之Eye-catching！店主好nice，好想係疫情之下香港人可以開開心心，以親民的價錢讓大家可以嚐到唔同種類的食物！的確，平日多數餐廳先有的fish and chips, 較少係鬧市之中可以以炸魚薯條作小食店舖主要做外賣，旁邊有張Bench和反枱可立食。也有意粉選擇，附近返工的朋友唔好錯過可以try try~ 𝓜𝓾𝓼𝓱𝓻𝓸𝓸𝓶𝓼 𝓢𝓹𝓪𝓰𝓱𝓮𝓽𝓽𝓲 𝔀𝓲𝓽𝓱 𝓑𝓵𝓪𝓬𝓴 𝓣𝓻𝓾𝓯𝓯𝓵𝓮 𝓒𝓻𝓮𝓪𝓶 𝓼𝓪𝓾𝓬𝓮 ($68)黑松露什菌意粉 一條友食唔到咁多，所以選擇左食意粉，醬汁creamy加上芝士鋪面，加上數量不少的什菌，意粉軟硬度都ok，整體不錯！𝓒𝓻𝓮𝓪𝓶 & 𝓜𝓾𝓼𝓱𝓻𝓸𝓸𝓶 𝓢𝓸𝓾𝓹 ($35) 什菌忌簾湯又係什菌喇haha，看得出我有多喜歡菇類食物～ 飲落真材實料，什菌磨碎，湯超級濃郁和份量很多！

這間水手藍的外賣店很矚目。店鋪門口有兩個座位，可以讓客人在等待美食的時間休息一下。我這天品嚐了炸魚薯條及什菌忌廉湯！忌廉湯是熱燙燙的，裡頭有很多蘑菇碎，整體味道很香濃。飲品方面，外賣店只提供罐裝飲品，選擇不多，但有梳打水，算是提供了少糖的飲品選項！這天的主角是炸魚薯條。吃炸魚不求鮮美，我只要它外皮鬆脆、魚肉結實多汁，還有脂香濃郁。這個炸魚滿足了我這三個要求！輕輕一咬看似厚重的外皮便散開；隨著咯咯聲，我品嚐到白嫩的魚肉，香滑美味！

行開尖沙嘴，知道最近新開左一間炸魚薯條外賣小店，緊係唔執輸試下啦！炸魚薯條薯條（大）$78本身都聽聞呢間fish and chips 嘅炸魚好厚，但估唔到真實係超厚身又大塊，比出面食到嘅實在厚好多。外脆內軟就唔洗講，魚肉夠曬juicy同軟滑，配埋他他醬簡直係一絕香草大蝦意粉 $78意粉都絕對唔失禮，蝦肉爽脆又新鮮，配搭好refreshing 嘅香草醬，差d忍唔住要encore洋蔥湯$32 雜菌忌廉湯$35兩個湯都好足料，雜菌湯超濃郁，啖啖都係蘑菇肉，洋蔥湯都有好多洋蔥絲，食曬落肚堅係飽香港真係唔多高質fish and chips，呢間堅值得推介！

向來都好鍾意食Fish & Chips, 一知道尖沙咀開咗呢間就一路好想試，直到今日終於試咗，本身因為驚連埋薯條食唔哂就叫咗舊細魚，點知食咗第一啖就後悔唔係嗌舊大魚！因為真係好！好！食！外皮熱辣辣兼好脆，入面好好好嫩滑兼好JUICY!!佢地自製個Tartar source又是好好味，我食到最後一丁點都chur埋（但唔記得影相 😜）以幾十蚊嘅價錢食到咁高質嘅炸魚真是抵到無法形容，如果放在裝修靚嘅餐廳就是過百蚊的菜式，但在現場雖然不是高級餐廳，都一樣有位可以坐低舒舒服服咁食，下次再去尖沙咀一定會再去食

我本身都好鍾意食炸魚薯條有個朋友仔話尖沙咀附近開咗一間超級好食嘅炸魚薯條可惜冇得堂食只能外賣咁佢就相約我去尖沙咀試一試佢😂因為得外賣所以搵咗個朋友仔屋企開餐雖然有好多種選擇不過都係鍾情於炸魚薯條撇開個薯條唔講個炸魚又大嚿又滑就算我哋外賣放耐咗少少，仍然個皮都係好脆入邊都係夠熱，仲要加埋個醬汁簡直冇得頂果然係真係超級好食我相信如果有堂食嘅話應該會更佳我哋另外嗌咗個意粉都可以嘅，係個意粉質地就淋咗少少所以如果嚟呢度都係食炸魚薯條啦🤪重點係可能冇得堂食所以咁平，抵吖

推薦指數：🌕🌕🌕🌕🌑（5🌕滿分）邪惡外賣之選，如果有位坐就更加好細小的外賣店，有人情味的老闆和老闆娘，勾起我昔日在英國與好友食炸魚薯條的回憶店外有一張bench夠2個人坐，主要係比人等外賣🥡另有小吧枱可以企喺度食，有陣陣微風吹過唔會熱架，不過老闆娘推介我地向左行過去K11 Musea對出望住個海景食🌊下次唔趕時間可以一試💙炸魚薯條 大（2件） $78兩件炸魚成個手掌咁大件，外皮鬆脆，完全唔會話炸得好香好熱氣，咬開啖啖嫩滑魚肉，兩個女仔每人食一件都飽飽🍟薯條係粗切好英式feel，一條薯條要蘸老闆自家製洋蔥忌廉醬3次，因為個醬實在太好味😋💙香草大蝦意粉 $784隻大蝦爽口彈牙，橄欖油同香草包住每一條意粉，非常足料，而且夠晒香💙洋蔥湯 $32大量洋蔥🧅飲落甜甜地，濃稠度適中

Order 係即叫即炸。炸漿出乎意料地非常薄，真係做到外脆內軟！Tartar sauce 亦調教得非常好，完全可以做到提升炸魚味道！連薯條亦都好脆，調味亦適中！簡單的菜式，不簡單地好味，仲有啲英國風味！喺冇得飛冇得去旅行的日子，可以係一個「食咗當去咗」嘅選擇！價錢亦非常合理，真的value for money! 係午餐、tea time 的 perfect choice! 只可惜小店經營，主要做外賣，如果有堂食就更好！下次要再去試吓 menu 的其他食物！

-🔸Fish & Chips $78/2pcs🔸什菌忌廉湯 $38-聽同事講尖沙咀某一巷仔，新開咗一間英式炸魚薯條外賣店，我當然要率先試吓啦！炸魚薯條即叫即炸所以要趁熱食啊！估唔到炸魚嘅份量超重手、勁厚肉，而且炸衣唔厚，新鮮食仲皮脆有肉汁，勁juicy。必須要蘸他他醬啊，係勁match的配搭！私心覺得仲好味過以前去英國食過嘅fish&chips啊！仲有必須要點佢哋嘅什菌蘑菇湯！超級濃郁，每一啖都有滿滿嘅蘑菇碎，口感同味道都一流啊！