Video
9-min walk from Exit A, Whampoa MTR Station
continue reading
Opening Hours
Mon - Sun
07:30 - 19:00
Above information is for reference only. Please check details with the restaurant.
Signature Dishes
今日係紅磡做完野附近搵間茶餐廳醫下肚，忽然間想到去返細個住呢頭成日幫襯食早餐嘅街坊茶餐廳，富大，估唔到咁多年仲喺度，但就轉哂新餐牌，見到好多新穎嘅特色野食，有別於一般茶記，當然要試吓！叫左份咖央火腿西多，一個冬陰功豬部隊鍋，個部隊鍋一上到黎新鮮滾熱辣，仲要好香！成鍋紅噹噹嘅麵上邊鋪滿叉燒同豬肉丸，豬肉丸口感彈牙，冬陰功湯底夠香夠酸但唔會太辣，份量好足，一個人差啲食唔晒！估佢唔到，一間茶記有啲咁新穎既食物，而且味道好有驚喜，必試！仲好食過我之前在曼谷出差一間排哂長龍聲稱係網紅店既部隊鍋。咖央火腿西多賣相非常吸引，炸至黃金香脆嘅包皮，一切落去中間流出香甜嘅糖漿，夾住熱辣辣嘅火腿同厚厚嘅牛油，極之邪惡！口感香脆，蛋味香濃，夾雜咖央醬，簡直係完美嘅搭配～加埋鹹火腿味道出奇地夾！•冬陰功豬部隊鍋 （💎 總評分：9/10）•咖央火腿西多士 （💎 總評分：9.5/10）
continue reading
紅磡廣場除咗有一個不知所謂嘅牙醫，原來重有哩間好唔掂嘅茶記！幫襯富大唯一嘅原因，有吉位，但原來... 有吉位係有原因嘅.... 中伏啦！首先叫佢抺吓張枱d姐姐都唔多願意，點咗個票米班腩紅腸飯，一個常餐五香肉丁米+火腿奄列，五香肉丁少得可憐，火腿奄列好似煮好放涼成個鐘咁樣，睇見真係無哂胃口。粟米芡汁水汪汪毫無美味可言，如果加個橙，即刻感覺自己好似食緊碟皇家飯！我已經重口話，重要整杯過甜嘅檸檬茶。下次同邊個有仇一定推介佢去富大。
continue reading
是天下雨不想跑太遠！順眼見就進來吃的一家！店內好像滿多燒臘！睇清餐廳個名叫做富大燒味茶餐廳！正正 11點就有人在點餐了！所以我才會順便進來吃！最近吃過的燒味都不錯！全部以純賣燒味為主！這家燒味店賣的食物種類還真不少！除了燒味還有小菜、炒飯、河粉、撈麵、炒麵等等本來想食乾炒牛河的！老實說普通庶民例如我隨便走入茶餐廳都吃到乾炒牛河！隨時吃到一嘴油！考慮到這點最後還是點了好久沒吃的乾炒牛肉麵換換口味！落單等大概五分鐘就有得食！牛肉口感滿好的且份量非常慷慨！肉質帶點軟又有點彈很好咀嚼生麵不算太油，麵質保持軟硬度！每條都掛醬油！醬油不鹹稍甜一些！麵不是一舊舊的！功夫到家能炒得到很鬆散！適量的洋蔥夠哂香口！不過聞的鑊氣比較不強！是那種大火快炒的味道沒那麼明顯！整體來說還不錯！食物水準可以, 但服務和態度就麻麻！時段已經少人, 但坐落一會！都係無人理會我！加上舉了手數次才能落到單！
continue reading
個日早左起身，諗住食個靚早餐先返工。叫左個沙嗲牛+雪菜肉絲米粉食，點知食到一半，係堆雪菜肉絲到見到隻曱甴！！！！極度嘔心！！有一截手指尾咁大隻，完整無缺！！好彩我一向都有整散啲雪菜肉絲黎食嘅習慣，如果唔係，呢隻曱由已經比我咬碎晒仲吞埋落肚叫個阿姐埋黎，問佢呢隻咩黎！呆一呆，講句唔好意思，就話幫我換左佢。大佬，你第2碗野咪又係個堆野到"筆"出黎！我話唔洗啦，之後佢就咁走左。冷靜番小小，行出去埋單，佢仲好意思想收我錢，跟住我開口問佢，咁張單點，佢er一陣就話，咁你有飲野，就收你飲野錢，$16蚊，唔係$18先岩，你個杯係凍飲！！！ok, 個餐先係個$29，碗面咁唔乾淨有曱甴，仲好意思同我計係咪凍飲，我當豪比佢！點知返到上公司，即刻肚瀉......事後已報食環署。呢間野永遠都唔會再幫襯！！！！
continue reading
普通街坊茶餐廳，檯椅密麻麻、卡位又細張，坐得好唔舒服又勁迫夾，幸好姐姐、嬸嬸、叔叔們服務尚算殷勤啫。暴飲暴食左七日，仲未停到口，要花多一點時間調整一下，食埋個飯先講，衝呀！成個月無食靚燒味飯咯，食多餐先操啦！要食飽飽先有力操架麻，努力做運動就是為了能夠食更多珍饈百味，正呀。條街焗爐一樣，連我自己都覺得溶溶地，路過望到居然有卡位喎，是鬼但即刻衝入黎，跟住阿姐不停比壓力要我落單，最緊要快，唔諗喇。炸雞髀，香氣撲鼻、皮香肉嫩、肉質結實帶彈，夠晒滿足啦，熱騰騰好味道 ﹗切雞髀叉燒飯，多謝 $48 蚊，合理價錢。就算選擇多都係諗唔到食咩好，是但又燒味啦，富大燒味有保證無甩拖。正呀！切雞髀好好味，完全無位比我彈 ﹗切雞髀肉白雪雪又嫩嫩滑，每一口都充滿彈性，無話硬實實。薄薄雞皮黏著雞肉，甘香不油膩，肉汁瘋狂而濕潤，雞味香濃又香甜，氣味芬芳又清新，聞得到的美味 ﹗蜜汁叉燒熱辣辣，質地夠軟棉又 juicy，不會硬掘掘、不會乾爭爭，豬味濃厚，甜中帶點燋香，實在好食 ﹗惹味蔥油撞上甜豉油再撈白飯，大大味塞入口，極度滋味，好食到手都震！美味叉燒躺在蔥油甜豉油白飯上連埋嫩滑雞肉同吃，百般味道反質感在舌頭上打滾，融合得天衣無縫，堅係無得頂呀 ﹗叉燒非常香甜軟腍鬆軟，肉汁微滲，真係好好食，邊位仲有燋香味道！切雞髀燒鴨飯加煎蛋，餸仲多過飯，$50 蚊大大碟，抵食到爛，嘩哈哈！煎蛋加 $5 蚊好合理，一隻雞蛋係街市都要 $3 蚊隻，試過尖沙咀茶記加隻蛋收我十蚊，離晒譜架，您以為我大陸黎架咩 ﹗賣相有點可怕喎，求其堆埋一齊就出貨，感覺非常凌亂，知否好影響食慾架呢！唯有我親手執返靚仔，整整齊齊、企企理理影張遺照啦。豐滿的荷包蛋異常吸引，脹卜卜又肥嘟嘟，可愛非常，使人想入非非 ﹗流心蛋黃暖笠笠、軟軟棉棉、黏黏滑滑，漿住您的雙脣，緊緊包著您的舌頭 ﹗甘甜無比的蛋汁混上豉油蔥油白飯，不用半點肉、不用半點餸，淨係依隻蛋已經消滅左半碟飯喇 ﹗簡單但又最好味既就係熱辣辣煎蛋撈飯，正正正呀！好食到想咆吼呢 ﹗好少可叫普通燒鴨，而唔叫燒鴨髀食呢，突然想食下鴨胸之麻，而且富大是沒有燒鵝供應的啊 ﹗肉質不過不失啦，啖啖肉無搵笨，唔會斬晒頭頭尾尾或背脊，夠老實。味道係有點偏咸，跟飯同吃都唔係太嗆，還算合格。切雞髀燒肉飯，到依一刻先發現，原來富大最出名係燒肉囉，我係紅磡打滾左十年，捐窿捐隙搵食都從未聽過，果真孤陋寡聞啊 ﹗難怪有個個衝住黎要食燒肉啦，有幾次我想食都已經賣晒喇。燒肉仲好食過上水陳六記所謂既招牌碳燒五層樓啦，好食百倍呀 ﹗層次分明的燒肉，最上層香脆無比，黏著薄薄甘香油脂，不肥不膩牽著甜美多汁又軟棉的瘦肉，最後就是結實的咸肉。味道環環緊扣，美味可口無得彈 ﹗無論如何配搭豉油蔥油飯都極好食，香噴噴越食越精神、越食越起勁，真係停不了啊 ﹗油雞髀燻蹄飯，白切雞有點悶吧，人生要多點色彩，出黎啦 ﹗豉油雞髀 ﹗好很怕油雞浸得太咸太嗆，而且我一向都唔多咸得，幸好富大未算重手，輕輕淡淡的豉油香恰到好處，溫柔不粗暴，咸中帶甜，味道宜人。浸過豉油的雞皮較脆口又更有彈性，雞肉亦微得結實但不失嫩滑，不負眾望，有一定水準。我喜歡燻蹄配燒味有個好重要既原因，淋上甜醋非常提神醒腦又開胃呢，不過甜醋既品質、味道都好緊要，如果係外購獨立包裝既就差好遠喇，只酸不香不甜。燻蹄外皮夠膠又夠爽彈，不肥膩配上豬味濃郁瘦肉，不錯不錯。淨食點都有點寡，夾著油雞髀肉撈埋豉油蔥油飯齊齊食，即時產生化學作用，美味極致，好食到拍案叫絕。香噴噴的蔥油切得幼細，香味更能發揮得淋灕盡至，跟燒味甜豉油飯簡直絕配。回想當年對蔥油百般抗拒又反胃，真係走寶呀 ﹗切雞髀燻蹄飯，好好好味啊 ﹗我喜歡燻蹄配燒味有個好重要既原因，淋上甜醋非常提神醒腦又開胃呢，不過甜醋既品質、味道都好緊要，如果係外購獨立包裝既就差好遠喇，只酸不香不甜。燻蹄外皮夠膠又夠爽彈，不肥膩配上豬味濃郁瘦肉，不錯不錯。淨食點都有點寡，夾著切雞髀肉撈埋豉油蔥油飯齊齊食，即時產生化學作用，美味極致，好食到拍案叫絕。燒鴨髀燒肉飯，鴨髀比鵝髀細一半有多，不過比起鵝少油少肥膏，不過鵝肉緊緻幼嫩好多，肉味更濃，肉汁更勁，味道更香，所以貴好多囉。燒鴨髀皮香肉嫩，鴨皮燒得非常乾爽唔油膩，堅香噴噴 ﹗包著嫩肉一啜入口，鴨肉味濃又甜美可口，鴨油甘甜不膩，飯粒又乾爽、蔥油又香口，當然大滿足啦 ﹗頂級燒肉勁好味，脆皮勁香！香菇牛肉炆伊麵走蔥走芽菜走韮黃，唔理有定無，梗係走左先算，費事揀死我啦。全部走晒舒服晒，可以安心地大啖大啖地將伊麵掃入口，依個感覺真係堅爽呀 ﹗伊麵彈彈的，洽得剛好唔會太腍，有點趙口，生抽老抽味濃又香噴噴，不過咸又不嗆不濁，炒得鑊氣迫人，食得津津有味，不過有一半伊麵碎晒，要用羹食囉。乾炒濃味牛肉雞髀菇伊麵，都帶點濕潤，牛肉腍滑、菇爽彈，蠻滿意的，好味。黑椒牛柳絲炒意粉，中式炒意比叉我用，想揀走芽菜、洋蔥、韮黃、青蔥都幾困難喎，全部我都唔食架。實在太趕時間，求其爬晒入口算數，近年開始頂得住股草腥味唔會反胃，免強吞得到入口。估唔到有師傅有料到喎，炒得勁有鑊氣，白煙飄飄，香氣撲鼻。意粉好彈牙，牛柳絲嚥嚥韌韌，黑椒味濃又夠辣，混埋大量香菜味道滿意，而且不太油膩。咖哩牛扒意粉，咖哩夠香又夠辣正喎，特別開胃，食得津津有味 ﹗炸牛扒質感有趣，微微脆口，雖然略咸，還可以的。意粉剛剛好，掛著大量咖哩入口，濕潤美味，大力啜啜啜啜，消失得無影無蹤。
continue reading