富記麵家

Open Now

Now Closed

In winter days, what’s better than a bowl of HK-styled beef noodles to fill our hungry stomach and warm our hearts? Every time I visit Fu Kee, the 牛盛薈河粉 “Flat Rice Noodles with Beef Set” is the pick for me. It includes smooth flat rice noodles, a rich beef broth, tender but flavourful beef briskets, super beefy meatballs and bouncy beef tripes, and a sweet radish too! If you come with friends, add-ons like handmade cuttlefish balls or deep fried fish skins might be a nice side dish as well! 📍Fu

牛腩米 外賣$40*另售 牛坑腩麵 $50（限量） ▪▪▪▪▪▪▪▪▪▪▪▪▪▪▪牛腩 🐮五香粉味突出 爽腩位 有層薄薄的筋膜 口感QQ😋 但有兩塊薄過叉燒既瘦肉🙈唔硬既 好似食緊肉絲但呢舊陳皮味就好出 蔔葡 大大舊 清甜多汁 腍度10滿分 有8分  仍保留蔔葡口感 米粉🍜好爽 ▪▪▪▪▪▪▪▪▪▪▪▪▪▪▪另外 富記既 🖤🤍黑白雙色手打墨魚丸 都好出名大家有興趣可以試試 ▪▪▪▪▪▪▪▪▪▪▪▪▪▪▪後記：牛腩確實燜得夠腍，如果有得揀食靚位（牛坑腩），的確係一大賣點🤗但如果叫普通牛腩麵，性價比不高 欠缺獨特性 表現不俗 但不標青 ig jw.step

“自家鮮黑白墨魚丸河粉+紫菜”($38+7)呢間富記麵家喺灣仔都小有名氣Lunch time成日都大排長龍所以啲食物有時都會提早賣哂我都去咗2次先食到呢個黑白墨魚丸河🤣仲加多咗份我覺得食魚蛋粉一定要有嘅紫菜😝黑白墨丸其實食落味道係冇咩分別嘅😂質地係彈牙嘅但冇其他人講到咁驚豔😂而且size偏細粒一碗粉得4粒感覺有啲孤寒🙈河粉夠哂滑溜而且唔油膩☺️好彩叫多咗份紫菜如果唔係味道就會太單調😂仲有樣嘢就係明明入舖頭仲有吉枱店員係都要人搭枱😅疫情下感覺唔太良好😂

💛 富記麵家 💛..............................講咗好耐想食 平時見人啲生牛肉好似好正咁啱今日諗起佢就去咗食😈.🔅想知黃店原因請Dm💛..............................🍽生牛肉米粉 $48（👏🏻8.5/10）.生牛肉用湯浸到七成熟 我覺得真係必食牛味好濃 肥瘦適中 腍中帶啲彈牙好好食呀湯底都唔差 唔會太淡 加啲辣油好香好正有啲炸蒜簡直係畫龍點睛 但米粉有啲嚡口😳.🍽自家鮮墨魚丸河粉 $37（👏🏻8/10）.之前上網睇到呢間嘅墨丸係招牌菜本身想叫黑白墨丸但咁啱無晒黑墨丸咁唯有試住白色先啦🤩一碗有4粒墨丸墨丸無自製嘅 食到一粒粒墨魚 好鮮味呀同平時現成嘅好唔同 有種好足料嘅感覺🥰...............................🎈 富記麵家 (灣仔)灣仔灣仔道177-179號保和大廈地下6號舖..............................

你冇睇錯，喺灣仔區呢碗墨魚丸粉賣$38。份量好大碗，只求飽肚嘅話絕對冇問題。黑白墨魚丸係店內最出名嘅食物，每日用新鮮墨魚製造，爽口彈牙！唔怪得之咁多人點啦。下次去一定會叫淨黑白墨魚丸，跟粉麵一碗四粒唔夠喉呀。

提早放Lunch過嚟避開排隊人流今次墨丸竟然未補得切貨所以食唔到😫唔緊要 俾個機會我試吓牛筋河一樣咁好食牛筋好入味 特別淋食到碗底都仲有附有大塊清甜蘿白湯底都好味😋好抵食 所以經常都嚟

值得一試的小店，約了朋友去中環食晚飯，見下午有空檔時間就特登去試下呢間麵檔，冇嚟錯下午茶更加抵食，墨丸沒有失望牛腩亦有水準，河粉扣底加埋杯奶茶，非常滿足的一個悠閒下午

返工食晏諗住食得清淡少少，就嚟咗呢間富記麵家。見灣仔返工既朋友成日嚟食，平時去灣仔都好少食粉麵，今次終於有機會啦。🥢嚟到嘅時候，出面都要排兩至三位客人。第一次嚟食，梗係試佢招牌嘅黑白墨魚丸河粉。價錢都唔平都要差唔多$40，不過個墨魚丸真係睇得出貨真價實。其實黑色同白色墨魚丸差唔多味道，黑色感覺上冇咁彈牙。而河粉就好滑，係幾好食嘅👍🏻👍🏻👍🏻 下次可以再試食其他餸，感覺好過其他連鎖粉麵店。

之前介紹的鈺饍, 老闆是20多歲的年輕人, 而今次介紹的富記麵家, 主打傳統魚蛋及牛腩粉麵, 老闆只有30多歲, 在九龍城的富記學藝,年紀輕輕就有著深厚的傳統技藝, 我自己也是30多歲, 生活依然營營役役, 看着他們也要催逼自己跟進一步了. (笑)無論裝橫和食物也是如此的踏實, 點了牛三寶河粉加配黑白墨魚丸, 前者牛腩並非特別部位, 但肉質依然十分爽嫩, 咬下去沒有渣黏在牙縫; 牛肚和牛筋的鹵水汁炆得夠入味, 外表保持堅挺, 但口感一咬即化, 同樣做得出色. 後者黑白分明, 白色是純粹墨魚丸, 而黑色的則是加了墨汁, 沒有加入其他添加劑或肉類, 吃得出其鮮味之餘, 手打墨魚丸內裏的墨魚粒令其口感實在而真摯, 味道和口感就是原萃, 相比之下牛丸就失色了一點呢! 河粉份量十足, 吸收湯汁後沒有糊掉, 依然保持其爽滑, 至於湯汁味道並不濃烈, 帶點清香的牛骨香味, 喝完後不會口渴得要喝汽水呢!

☺️好食。最欣賞啲餸各自有各自豐富的味道：滷水、清湯的味道。啲白蘿蔔係清甜的，牛肚都好入味同淋身，唔會有咬唔到既吐出黎，偶然加紫菜食都幾正，索汁，成碗份量都唔少喎，估唔到一碗湯粉都可以令我咁多個讚賞，相信我會再幫襯佢嘅🍜

作為香港潮式粉麵最大競爭地區居民……由細到大都食過唔少舖頭魚蛋河墨丸米咁。一碗合格河粉，湯頭／河粉／你叫個餸………仲有辣椒油！都係缺一不可。但其實好多間永遠都差咁一樣野，d食材好食,d河又唔得，一係個湯冇味，再唔係就係辣油得個辣字但係冇內涵。咁其實係睇左apple daily知依間舖頭，見到老細咁後生又對自己食物咁自信，一直都好想幫襯。剛剛星期六下午終於有機會。同老公叫左 墨丸魚蛋河／炸魚皮／牛筋粗。依度招牌係墨魚丸，但粉麵舖邊有唔試魚蛋既道理？佢碗河真係好有水準！湯底隻味完全唔味精，魚蛋同墨演都好食，食得出唔係來貨野。另外我想講，老細你河粉真係俾得好重手…勁多…… 但質素幾好ga,條條都冇斷。最後辣椒油就合理表現，唔知係咪自己炒。我覺得唔太似下次要試佢個黑白墨丸！老公話佢個牛筋啲肉都冇？我有個理論係…魚蛋野好食通常牛肉類就唔會話勁出色。不過佢個牛筋丸咁快賣完，可能幾正掛？不過我想講講個炸魚皮，23蚊一碟，分量算合理。見個報導係講自己炸……唔知係咪因爲咁，有2,3舊都炸唔透好韌……食唔到。個味係好食的，但冇2,3塊食唔開心仲要係大塊嗰d，希望可以改良下。如果想灣仔平平地快食，一定要去幫

早前見人 post IG 呢度，咁啱去開灣仔中午便去試試。咁第一次來，梗係要試佢地嘅招牌墨魚丸啦。墨魚丸有黑白兩款都一次過試晒，加埋自家製菜肉雲吞，揀咗米粉。兩款墨魚丸都好鮮味，有粒粒墨魚肉，口感都算彈牙，但個人更喜歡黑色有墨汁果款，唔會好鹹但味道更香濃，其實有少少似菇味，哈哈。另外菜肉雲吞都好多汁好好味，欣賞。叫粉麵加$15有油菜一碟，加$6有熱飲，共$66 都好抵食。有機會返來試埋牛腩，見到人地叫啲睇落都好靚好淋。

黑白墨魚丸河粉配熱飲$44之前係youtube睇到呢間店嘅訪問片段，知道灣仔道有間唔係老店嘅舊式麵店。雖然老闆係後生仔，但係都做到傳統地道嘅粉麵，片入面啲食客俾曬好評咁吸引，終於搵到機會有得試下招牌手打墨魚丸能吃到手打的質感，夠滑夠彈牙，味道夠新鮮，感覺係真材實料😋😋不過黑白兩色好似食落無咩分別，係影相靚啲遮，食就我覺得叫普通白色墨魚丸都得碗河粉就大大碗，量都多美中不足係飲品沖得有啲稀，不過呢個價錢就算啦

今日早左收工，又有少少肚餓，就決定食少少野😎灣仔的富記麵家餐牌上的食物同一般的麵館大致一樣，都有雲吞、水餃、牛腩、牛丸。特別啲的有黑墨魚丸😋最後我決定左叫最經典的雲吞，配上墨魚丸。麵就揀左河粉。一開始飲左啖湯，但湯頭略清淡，有少少辣椒油同醋會好食啲。雲吞同墨魚丸都係3粒雲吞由2鮮蝦加豬肉包成，鮮蝦夠鮮又足料，連上豬肉，鮮味再度提升。已雲吞皮又夠薄，食落真係唔錯。而墨魚丸就啖啖咬得出有用墨魚，食唔出有粉味，都係新鮮野黎。

#pigfoodiexhk_黃店#pigfoodiexhk_粉麵=========================📍手打黑白墨丸 -- 富記麵家🍜💛見到有唔少人介紹呢間良心粉麵舖，前排就同朋友嚟試下呢到嘅招牌墨丸🙈當晚都幾full，店舖唔算大，坐得會有少少逼～------------------------------⭐️黑白墨丸米粉（$37）墨丸有四粒，食落味道鮮甜，口感煙韌爽口～但黑白嘅味道其實無大分別😹😹湯底清清哋，食完都唔會口乾👍👍米粉份量多，煮得剛好唔會太腍～整體都ok可以一試🤤有機會再試下佢嘅牛丸同牛腩～------------------------------賣相：6.8/10味道：7/10性價比：6.8/10回頭度：6.9/10------------------------------店舖資料名稱：富記麵家地址：灣仔灣仔道177-179號保和大廈地下6號舖前往方法：灣仔站A3出口