富記麵家

Open Now

Now Closed

朋友介紹富記生牛河，真係唔錯，以河粉價錢黎講，少貴，但質素好，值回票價。本地生牛河，湯頭都清甜有牛味。白蘿蔔不得了，勁清甜無渣！牛肉新鮮，滑，唔會咬成鐘鐘吞唔到個種。河粉係幼身河，正常發揮，整體係好食嘅。雙色墨魚丸，勁彈，食得出手打，真材實料，有墨魚粒，個清湯都唔錯。叫左碟菜芯，就失色啦，好冧。

細細個已經跟屋企人食粉麵 難得有間良心粉麵檔之前睇過D報導原來老闆係年輕人 佢地其他一個招牌係墨魚丸每日新鮮人手製作 真係用墨魚打到起膠再唧丸 唔會好似坊間咁加肥豬肉減低成本之前食過黑白墨丸河 墨丸爽口彈牙鮮甜 入面重有D墨魚粒 真材實料!而個河粉幼滑 唔會煮得太耐淋哂~今次試下紫菜魚片頭米粉 紫菜勁多!!! 啖啖都食到紫菜!正!片頭彈牙有鮮味 可惜唔係厚切..唔係既話更好~另外蘿蔔(腩汁)無咩人介紹但我覺得係必叫入味同時又保留到蘿蔔既鮮甜!無渣又唔澀 好好味!每次黎到都會叫 但今次售罄唯有食腐魚通菜員工睇落去好cool但其實態度幾好~會繼續支持!

又到中午放lunch時間，今日胃口麻麻，想食啲light food；喺Openrice搵到呢間中式粉麵店好多捧場客，決定一試！去到現場，門口有幾個人排隊，但都好快有得入去；店內環境不大，但勝在乾淨企理，唔會俾人有混亂同污糟嘅感覺，我嗌左黑白墨丸米線($38)同一碟炸魚皮($23)，評價如下：份量：正常 價錢：相宜 (餐飲方面，熱飲+$6；凍飲+$8)味道：非常好，非常好，非常好(重要嘅事要講3次！！！)尤其係個湯底，第一啖入口已經覺得十分之清甜，墨丸爽滑彈牙，但略嫌細粒左啲~魚皮係新鮮炸起，好脆口！服務：迅速、態度佳整體而言，富記麵家係一間高質嘅中式粉麵店，相信之後會再去多幾次！

喺灣仔有唔少嘅粉麵檔，之前都食過一間，今次路過一間，見到門口都有啲人喺度排隊，所以今次又去試下。平時去粉麵檔都會食雲吞麵或者牛腩麵，但係menu見到佢寫最出名嘅係自己製作嘅墨魚丸，所以今次就嗌咗個墨魚麵去試。雖然係外賣，但係佢喺個兜入面將湯同埋麵分隔，所以食嘅時候都唔會變得好淋。墨魚丸真係睇得出佢哋有用心製作，每一啖都係好爽口，同平時自己去買打邊爐嗰啲配料好唔同。另外我都加咗個炸魚皮，啲炸魚皮好脆口，即使浸過湯既然都會聽到chop chop聲嘅感覺。

睇到youtube 介紹一間手打墨丸好似好吸引咁， 就決定一試。餐廳地點唔難搵， 其實未入去之前就知道要食乜。 牛腩河加墨丸牛腩肥瘦適中， 夠晒腍， 入口即溶。 手打墨丸真係無得輸。 有咬勁， 夠晒墨丸味。 絕對超班。 腩汁湯底鮮甜， 配搭夠晒幼滑既河粉真係無得輸。老婆叫左黑白墨丸河。 黑丸幼滑， 白丸有咬勁。 係一碗必食名物。 睇youtube 介紹， 老闆係一位年青人， 做到咁既水準真係唔簡單。 如果係灣仔想食牛腩河， 我真係會行遠少少黎幫襯。 絕對值回票價

個日見果籽介紹左幾間堅持用大量墨魚整新鮮墨魚丸既店富記係其中一間收工即刻黎試試啦😋————————————《黑白墨丸+鮮蝦雲吞粗麵》黑白墨丸基底唔算差好遠嫩口彈牙之中都有啲墨魚碎粒有兩層口感但略嫌白墨丸調味重左啲，有啲略咸黑墨魚就多左陣墨汁少少鐵味不過唔會令人反感既調味比較適中，我中意呢款多啲🤩雲吞就唔算好大粒皮薄同滑，蝦仁都爽口彈牙不過食落就無墨丸咁特別一般貨色，甚至有啲會更好麵底好爽！但鹼水味重左少少有腩汁都蓋唔過油菜就煮得太淋整體都滿意，一定會翻兜食墨丸😋❤️去得呢啲地方都遇左坐得迫

<高質粉麵💛>呢間粉面店經常幫襯🙈 不過食過咁多次最推薦以下呢一款❗️—🥢本地生牛肉河粉 $48 (+$9黑白墨丸)生牛肉薄切 色澤粉嫩🤩 牛肉🥩肉味超級濃郁😋 入口充滿油香🤤河粉好幼滑 唔係一pat野嗰種👍🏻另外加錢叫咗呢度嘅招牌黑白墨魚丸🦑 黑色🖤加咗墨魚汁 味道比白色濃少少😆 兩粒嘅質感都好彈牙 會食到墨魚粒☺️湯底幾清 都飲到牛骨味😌—評分📈味道 8/10環境 6.5/10性價比 7.5/10—Rating 📈Taste 8/10Environment 6.5/10Worthiness 7.5/10

富記麵家清湯牛腩河+黑白墨丸自家酥炸魚皮價錢💲: $40+9/ $23好味程度😋: 3.6/5服務🍴: 3.6/5環境🗾: 3.3/5性價比🥢: 3.3/5回頭率😚: 3.3/5-灣仔有檔富記麵家，一向都幾出名，之前都有睇過佢地的報導💛 今次去開個邊就試左。避開lunch hour就會小人啲架啦！-✅清湯牛腩河+黑白墨丸。首先湯底真係幾清，唔太油，飲落有啲牛味，唔會口渴個隻😆 河粉好滑同完整👍🏻有一舊白蘿蔔都好甜冇渣。牛腩雖然我唔知咩部位，但好腍😋邊位有小小膏，好香🤓 有肥有瘦，好適中。招牌的黑白墨丸，比較細粒，但好彈牙，食到好香的墨魚香同粒🤩 比起出面的就係用人手擠同埋冇落咁多粉。但加$9得2粒丸，都唔平下。-❌自家酥炸魚皮。佢地用左黃鱔魚皮，塊塊都好大片，一啲都唔碎👍🏻 新鮮炸起，唔太油膩。但我比❌因為有1/3碟都勁硬‼️係咬唔到的硬，完全冇魚皮的鬆化，陣完湯都一樣咬唔到🥵 希望係我咁唔好彩啦。

這家麵店出名自家制手打墨丸由老板精心煮理眼見很多客人都會選擇墨丸的配搭另一名物就是炸魚皮，是用新鮮魚皮製造次次都好想試，但因為次次都自己一個去食，食哂一碟炸魚皮唔肥都熱氣爆，因此遲遲都未試，希望遲啲可以搵個機會试吓！今次我就食了紫菜四寶，有魚餃、豬肉丸、招牌墨丸各一粒、魚蛋兩粒，紫菜應該都有一餅的四分一。佢平一碗墨丸河都有四粒，所謂貴精不貴多，四粒一碗都可以令人夠飽，不過未必夠喉！我今次食四寶係因為我真係好鍾意紫菜，平時就一定唔會無拉拉買紫菜番屋企煮，又唔想單一只吃墨丸，就食四寶，盛謂$42。我會常幫襯

💛富記麵家·呢間我已經食過超多次㗎喇 一路質素都唔錯 但係我近排再去食 我覺得整體差左好多😭而且佢樓面係完全唔夠人 我落單等左至少10分鐘 因為個位staff係咁處理外買單同收錢🤦🏻‍♀️🤦🏻‍♀️·黑白墨丸米粉 $38今次食我覺得佢細碗左超多 就算我比較細食我食完都覺得唔飽😂 而且佢啲墨丸都細粒咗好多 係肉眼可見嘅細粒🤭🤭佢都仲食得出係手打既 但係咁細粒真係無咩質感可言😂·#rbyeat#rby💛#rby港式#rby灣仔·📍灣仔灣仔道177-179號保和大廈地下6號舖

大馬路旁的麵館，很容易走漏眼，原來藏有隱世的美食，喜歡食墨魚丸的話，真的要來一試當日點了牛盛薈和黑白墨魚丸麵，我是沒抱有期望去試的，第一感覺是份量很少，麵和丸的大小望落都比較細少，若作為正餐主食有機會不夠飽肚，作為小食是不錯的。墨魚丸口感介乎軟滑和彈牙之間，煮得剛剛好，誇張來說是我吃過最嫩的墨魚丸，墨魚味亦足，不像平時買的急凍墨魚丸般較實，加入粉的比例應該不會太多，所以好好食，好有驚喜，只是得4粒，確實意猶未盡⋯⋯另外牛腩和牛肚都好入味，整體來說食物頗出色，只是份量太小而已

偶然SERACH到呢間粉麵見幾特別個評又幾好就黎試下呀點左~黑白墨丸河個墨丸出名係手打既所以堅彈牙好有口感個人就覺得黑色口感更好係真係覺得個SIZE細左DD河粉真係幾滑而且好大碗真係一定夠飽呀~牛腩河朋友話個牛腩夠淋口感不錯份量都多

成日係Ig見到啲人post富記已經好想食今日落堂就去咗食1點去到都要等陣但比較多人會選擇買外賣叫咗個牛肚米粉啲牛肚夠多 米粉份量就普通大食既人可能唔夠多可能我無叫加腩汁所以覺得個湯底好淡味而朋友就叫咗個飯 但未必一定有因為侍應落單都會問下廚房先個飯就偏細應該普通夠飽😂其實佢地最出名既係墨魚丸/雙色墨魚丸仲叫咗野飲凍飲加$8 熱飲加$6 個人覺得係有啲貴 下午茶加$2抵好多🤣🤣🤣雖然今日無我想像中咁好食但我一定會為咗自家製既墨魚丸再去食！💛

前幾日個肚唔係幾舒服，要食番清少少調理下個腸胃，就黎到呢間富記麵家，呢度最出名係佢既自家制墨丸，黎到梗係要試試佢🥳🥳自家制黑白墨丸河粉 $38因為太好賣既關係，得番一粒黑墨丸，可惜🥺而老闆都好好咁平左比我講番碗麵先，黑白墨丸都好有墨魚味，又好彈，而黑墨丸又好有墨汁味，兩者風味不同，都好出色🥰🥰唔怪得佢咁快就賣曬🥺🥺，下次要再黎食到佢💪🏻💪🏻整體來講性價比高，又平又高質🥰🥰🥰🥰

相信大家都一定食過潮州粉麵店，大家喺屋企附近總有一間，不過間間都好似味道都普普通通，無嚟新意，所以今日就介紹一間又平又高質既麵店嚟！呢間麵店位於灣仔灣仔道，雖然餐廳睇落平平無奇，但佢地用料新鮮，所以每碗麵食落都特別唔同。佢哋最出名係限量供應嘅「牛坑腩河粉」，可惜賣哂😢，唯有揀「清湯牛腩河粉」，牛腩雖然鮮味一般，但勝在肉質滑口，有肥有瘦，食落唔錯😋！河粉賣相通透，口感滑身，而果一舊少少蘿蔔非常嫩口，又稔身又無渣，所以覺得佢地材料質素都唔錯！嚟到呢一間麵店，一定要試吓佢兩樣名物😍 -1️⃣黑白墨魚丸2️⃣炸魚皮。呢兩樣都係舖頭每日新鮮自家製造。墨魚丸採用新鮮大墨魚，粒粒都由老闆親自人手擠丸。每一粒食落柔軟，唔似似間咁多粉，又有彈性，每一啖都有濃郁墨魚鮮味。而炸魚皮佢哋係用黃鱔魚皮，新鮮炸出嚟口感偏硬，但非常脆口，食完一點油膩感覺都無，所以佢地出品真係價廉物美！