富泰家 (Moved) New Location

2個人去食, 叫左1個豬頸肉芝士撈麵, 1個蒜香牛柳粒撈麵, 2杯台式飲品。埋單86蚊。先講豬頸肉芝士撈麵, 真係同傳聞中ge一樣, 真係好溜, 而且d汁都幾"杰"下, 食得到大半已經好厲害!! 再試蒜香牛柳粒撈麵, 又係同傳聞中一樣, 激似印尼撈麵, 超市十幾蚊有5包ge印尼撈麵, 呢度要31蚊= = 個感覺好似好唔抵咁加上, 食落得辣味, 普通到好似o係屋企都煮到咁, 個牛柳粒又無咩蒜香味 成餐最好食算係豬頸肉lo

星期四同朋友去左旺角,朋友帶我嚟呢度餐廳食飯,佢話芝士撈麵好出名,店子細細,選擇都唔少架喎,朋友推介我食芝士蒜香牛肉撈麵,佢話跟餐抵食,有杯低糖綠茶及鮮果,今日係西瓜,朋友唔食套餐只係叫左一個芝士雞扒撈麵,但仕應都照攞西瓜俾佢,佢話唔跟餐都有,幾好喎.西瓜有三小件都甜的,低糖綠茶好大杯,味道唔係好甜,啱我,呢度係台式餐廳,所以有台式飲品的,芝士蒜香牛肉撈麵唔算好大份,用個幾別緻既碗上的,賣相都好吸引,好多芝士汁架,蒜香牛肉好好香,細細粒好入味及好淋身,好味呀,撈埋d芝士一齊好正,芝士唔係好濃既味道,唔會太漏,啱我,牛肉粒都好多料喎. 有些菜芯及車厘茄伴住添呀,上面還有一些芝士粉. 個麵唔係煑到好淋,爽爽地幾彈牙,good wor.份量係啱啱好,唔會過多,啱好仔及細食既人呀!又唔會浪費,朋友話上次食過其它唔係芝士既餐,份量大d既,係芝士既份量先細少少.我見呢度都好旺,好多人嚟的呀! 服務及好好,價錢都好抵食架.

與友人在這兒吃的一頓下午茶，吃的是「鹽酥雞翼鴨胸出前一丁」，加一杯「凍低糖綠茶」，二十多塊錢的消費，只是一碗有料出前一丁麵，加一杯清涼凍飲，價錢雖不算便宜，可也不算很貴。這天所吃的丁麵煮得不太軟腍，口感較為煙韌，也許不是每個人都喜歡，我可不太介意。鹽酥雞翼與鴨胸是另上的，鴨胸不多，只得兩塊，水準一般，無甚驚喜。較佳的是鹽酥雞翼，炸得通透，外脆內嫩，也夠熱度，加上味道適中，水準確是不錯。也喜歡這兒的麵有少許蔬菜作為配料，不致全部都是肉類作為送麵吃的配料，可見店主人體貼的一面。「凍低糖綠茶」因為是低糖的關係，味道略淡，但這甜度正合我意。以之來送麵，比叫其他飲品看來健康多了。這個名叫「富泰家」的台式餐廳，給自己的印象還不錯呢！

家姐話有間MK既撈面幾正,原來係女仔街入面 .. 今日落雨鋪頭入面冇咩人,家姐話平時多好多人,因為今日落雨所以唔洗等位我有選擇恐懼症... 想試芝士撈面... 但又覺得好漏家姐想食豬仔脾但係冇哂,所以佢點左鹽酥雞翼撈面..幾經辛苦下,我簡左蒜香牛柳粒芝士撈公仔面套餐配低糖紅/綠茶, 特色野飲加$5首先有碗仔西瓜,三片到,好特別, 飯前果.. 野飲低糖紅茶幾好飲,唔係好甜,感覺上真係冇咁肥家姐個鹽酥雞翼撈面泥左先,我試左一啖,OK和..真係幾好味..食左一隻雞翼,雞翼沒有太大驚喜,椒鹽既感覺我個蒜香牛柳粒芝士撈公仔面到左,家姐話好漏,佢唔太愛芝士芝士味幾香,但比我簡,我寧願簡普通冇芝士既撈面多D!ANYWAY,係一個好嘗試!唔貴,都係一人40蚊左右冇加一,我慳家妹繼續食平野佢唔會趕你走,但有個亞姐不停裝下你食完未.. 不停收野..

17號小妹生日*班朋友就同我去慶祝!來到富泰家,已經可以話唔使諗.都係例牌雞亦撈麵...個麵本身有少少辣同埋D雞亦亦炸得好好但今次有少少失望.因為個麵硬左D.可以再改進..........野飲就小妹最愛珍珠特飲..椰香珍珠都唔錯......整體來講都OK....會再去食**

叫了撈麵，覺得味道同營多無異，連調味料對也是用營多的粉的味道，連隔離枱都系一上麵話營多。，四十蚊食個毫無烹調技巧可言的撈麪..不值得..不會再光顧第二,個服務員態度極差勁串。不會再幫襯！！

晚餐時間還未到, 男朋友肚子很餓, 不能不吃了於是在花園街裡隨便走走, 看看有沒有下午茶供應來到”富泰家”, 門口是吸煙地方, 方便煙民放鬆我們點了脆皮雞扒撈麵, 和煎蛋豬頸肉出前一丁另外, 配了凍蘋果綠茶和姜母茶下午茶餐份量也很多, 所以也吸引不少客人, 特別是Sales呢大碟夾抵食, 又可以坐下來, 邊食飯邊食煙雞扒很瘦, 撈麵是印尼撈麵…配菜還有西蘭花和蕃茄, 算不錯了下午茶時段真的不應要求太多呢… 煎蛋豬頸肉出前一丁整體也沒什麼特別, 最特別是我今天才發現他們漏了一隻煎蛋!只有豬頸肉出前一丁, 沒有煎蛋!!!凍蘋果綠茶和姜母茶台式飲品調味好, 出奇的好飲姜母茶十分香, 容易入口, 姜味不是太濃烈的那種男朋友的凍蘋果綠茶感覺清新, 沒想到”富泰家”的飲品可與”貢茶”相比呢戴眼鏡的長髮女店員真的沒有禮貌, 落單態度差, 說話也沒有尾音落單很麻煩嗎? 服務性行業就更加需要有耐性和禮貌!今日還可以用這種態度出來工作, 後生女, 你可有反省?!茶水部付責飲品的女店員, 所調出來的飲品味道不會太甜太膩, 讚!

Service 很好.因為係地鋪, 有人係門口食煙, 我個朋友唔中意煙味, 掩住左口.個姐姐咩都冇講, 開左個冷氣, 關左門. 喜歡不刻意討好的細心.老闆都好吹得!正正子!食物味道也不錯.

第一次到去食，見到咁多人食，又有人等位，應該ok啦我地2個人，等左好快有位野食好多選擇，所有野都係跟綠茶$5，跟台式野飲$10野食好快黎到，味道一般，無乜特別，唔知點解d人話咁好味！食到一半，有個staff行埋黎問 可唔可以坐過隔離位，其實當時係無人等位，只不過係我地同另外兩個人坐緊6人檯咁佢叫我地坐過去隔離張四人檯我地覺得都係坐鬆d，咁咪OK點知食多5分鐘，又有另一個staff行埋黎問我地可唔可以坐去另一張檯果陣係有一班人6個等緊檯今次真係火都黎，如果你呢d檯係for一大班人既，你一早安排我地去d 2人檯坐咪好囉點解我食一餐飯都要食到咁唔安落？點解食食下都要我轉檯，仲要轉唔止一次？佢地識得同我講話 移一移俾d位我做生意咁點解佢地唔識俾小小時間我食餐安落茶飯呢呢間野無下次！

It has been ages since I have dined here. Their food must be OK because this place has been here for quite sometime, a lot of other places just open and go out of business.In general I prefer to try new restaurants rather than dine at the same restaurant again unless there is something I want to try or it is really good.Last time I came, they did not have noodles in cheese sauce, but now they claim to be specialists in noodles in cheese sauce.When did they change their status to cheese specialis

米奇同米妮成日黎呢間食dinner，因為呢間餐廳可以添飯！米奇個飯量一向都幾大，肚餓起上黎，真係兩三個正常ge餐都食得落！個撈麵都應該係印尼撈麵，有少少辣味，落order個陣waiter都話會有少少辣～雜腸有2條半，果2條腸偏硬，有一條入面有辣椒(但唔辣)，另一條貌似有黑椒(因為係有黑色一粒粒)，半條ge係司華力腸......但都唔係好好食。食緊個陣聽到隔離枱想叫個辣肉腸芝士撈麵，個waitress話，個腸得一條同埋要加8蚊=.=......咁個客人話，ok冇問題，但係個收銀就話，唔做呀！就算真係唔做，都應該要好好地講而唔係咁lor......好似唔係好做到顧客至上wor......豬頸肉個醬好重味，基本上遮晒豬頸肉本身個味。肉質其實唔錯，如果剩係煎一煎，加少少鹽或椒鹽，應該都已經好好食。紅米飯本身都好似有d鹹鹹地，因為唔係好鍾意食飯ge米妮都幾鍾意食呢度ge紅米飯，仲要齋食飯都唔會覺得個味好寡。平價飯質素黎講，都真係唔錯。

我是在旺角上班的。每天在旺角煩惱的當然是食飯時間，太多選擇...那天平時一起食飯的同事，家有事，自己只好孤身覓食....自己漫無目的逛到一間出名撈面的餐廳~對~就是這間不是排了很長時間....喜歡芝士的我，點了"蒜香牛柳粒撈天使面和檸檬玉露。頭盤是生果。不錯這些天氣食的話。最重要是主菜!!!! 蒜香牛柳粒撈天使面 雖然它賣相不是太好..但落了黑椒，帶出了牛柳的鮮味。而且肉沒有熟過頭，和不lun~所以入口即溶.....芝士味道適中，反而芝士能夠和幼幼的天使面混合了一起,很易入口 檸檬玉露 飲品是這個，檸檬玉露。不太特別，但相對旺角街旁的多料和較著數因為點一份餐加3元就可加飲品飲下去...不太酸的檸檬味,有點甘..反而玉露很甜整體上...這間是食撈面,他的款式可吸引不同客人而且伙計的笑容都留下深刻印象...令客人都食得開心^^

行過女人街, 見到呢間鋪都幾多人, 價錢經濟, 門面同裝修都ok, 決定去試一試入到去唔洗等位, 坐得都幾舒服。餐牌都幾多選擇點左炸魚柳芝士撈面 $38炸魚柳好滑, 不過應該係唔係自家製的芝士汁無芝士味, 麵好似唔夠熟芝士汁, 落左好多生粉, 好似鼻涕雞排撈麵, 雞排ok, 但個撈麵就好似"印尼撈麵" $34所有麵都唔夠熱個麵加$5 可以轉台式飲品點左蘋果綠茶, 普通芝麻珍珠奶茶, d 芝麻粉打得唔夠均, 飲落口仲飲到一舊舊粉 雖然價錢唔貴, 不過唔會再試

今天去女人街諗住試下食新野，見到呢間食撈麵想試下，點知入到去係惡夢既開始我們兩人叫了個司華力腸雞扒撈麵，醬燒豬頸肉芝士撈麵同蒜香牛柳粒!!!佢先黎個水果比我地食，很奇怪，點解唔係食哂D 野先黎水果呢-_-都算了，但D 雪梨是鹹的跟住黎個司華力腸雞扒撈麵，好似係$31，佢D份量少到呢食落去試下，條司華力腸同係七仔食既是沒有分別的D 雞扒ok，但份量太少!!!!!講個主角 - 撈麵，食落去同營多無分別再黎個醬燒豬頸肉芝士撈麵，算是呢度出名的芝士撈麵($38)!!!份量唔洗再講，講下d 味道，d 芝士完全冇味，撈麵繼續是營多味豬頸肉一般，但可發現完全冇醬燒過!!!小食蒜香牛柳粒黎啦(好似係$26)，份量依然少，我覺得佢應該叫做"油浸牛柳粒"，平時d 蒜香牛柳粒係應該好乾身既，但呢度既油浸浸食落去有點嘔心成餐都食到好唔開心，唔明點解出街都要食營多我們計過，佢每碟用營多既食物加加埋埋既成本唔洗$10，但佢卻收人差唔多$40，真係好唔抵，好貴最尾兩個人仲要$100埋單，實在太貴，佢應該賺好多好多加上我地諗過，佢附近就有"家興超市"，那裡出名買營多平，佢地行幾步就可以買大量營多比顧客食，實在方便-_

1月1日, 踏入2011年, 又係一個新嘅開始~ 最緊要梗係食得富泰~ 今日就一於去富泰家食個撈麵撈起下先~ Tea time嚟到, 難得有tea食, 真係無理由唔叫!::: 脆皮雞扒撈麵 + 低糖綠茶 ::: $24由於係下午茶份量, 撈麵都頗細碟, 伴以四塊雞扒. 脆皮雞扒並無名不副實, 雞皮的確夠脆! 雞肉有彈性, 而且乾身唔油膩~ 麵呢就有d似印尼撈麵… 煮得都ok唔會過淋. 撈麵同雞扒都用上近似照燒汁咁嘅帶甜味醬汁, 質地就稀稀地~ 值得一讚嘅係佢加咗d白菜仔同車厘茄, 中和下d撈麵同雞扒嘅肥膩感!低糖綠茶似係道地d味… 勝在茶味濃得又有淡淡清甜~ 都唔錯!::: 鹽酥雞翼伴鴨胸湯麵 + 低糖綠茶::: $25鹽酥雞翼同埋鴨胸都分碟上, 唔會索晒汁浸淋晒, 幾好~ 煎過嘅雞翼幾惹味, 鹽酥應該只係加咗d調味料上去, 味道唔太突出~ 鴨胸都有煎過下, 不過燶咗dd, 味道正常~ 湯麵用咗出前一丁, 加埋麻油味湯底, 直情屋企都煮得出, 好在都加咗幾條白菜仔, 唔會咁齋~ 整體算ok~撈起撈起, 撈到風生水起~ 知道呢度有芝士撈麵食, 仲差唔多枱枱都有叫, 似乎都真係幾出名咁!