富泰家 (Moved) New Location

今日係旺角返工見到富泰家張外賣單好似幾吸引見佢個湯烏冬寫住手打個價錢又唔算貴...咪諗住試下...咁就打電話去訂外賣點知一訂就出事喇!!雞翼湯烏冬寫住$28之後外賣盒+$1total: $29等左15~20分鐘...外賣來了!由於我沒有散銀...咁就俾左1張20蚊同1張10紙佢...之後等佢找錢啦!佢話$30!我就問佢點解係$30唔係$28佢就答我外賣盒+$1咁ok啦!我再問佢就算+$1外賣盒都係$29...咁點解要收我$30(係呢個時候我俾埋張外賣紙佢睇!)佢就答我張單寫住收$30,佢一定要收$30,唔肯找錢!ok!! 我唔同佢嘈...俾佢走...之後打去鋪頭問...聽電話果個就答我係total$29...係收多左我$1...會叫人退返$1俾我...等左好耐...我食哂成個烏冬都未有人送返$1俾我...之後我又打去問...換左人聽電話...我問點解咁耐都冇人送返$1俾我...佢就答我... 知道架啦...一陣同事經過會送返$1俾你... (呢個時候我心諗...你同事唔經過咁我果$1係咪即係唔駛拎返?)之後過左15分鐘...終於見到我個$1喇!!但係重點: 送返黎果個同送外賣黎果個係同

出到旺角又食唔知食咩好就行左去女人街搵食喇見到有芝士LO麵即刻諗起TST果間先黎好搞笑可以加$5加餸,好似車仔麵咁其實仲有紅米飯架豬頭肉加煙鴨胸我地叫佢俾多碗芝士汁我地另外上果碗汁係杰身D架其實D汁好似唔係好夠芝士味如果再多少少就好喇朋友既雞翼餃子埋單都係70,好抵!!

本身係去對面間紅蔥頭食,不過佢冇開(定執左??)又見呢間d野食賣相幾好,就試下佢啦!order左一個吉烈炸蝦芝士撈麵同司華力腸雞扒撈麵,2杯珍珠奶茶,仲有送2左份生果司華力腸雞扒撈麵黎先,賣相都唔錯,不過陣味同營多差唔多,以呢個價錢黎講唔多抵食吉烈炸蝦芝士撈麵個汁似白汁多過芝士,蝦炸得有d過火,不過都ok啦 可以接受總括黎講我覺得試下無妨,下次應該唔會特登再返去食

真的很長時間沒有回來,過往經常放學來的餐廳我也不算是食家,但我有的是回憶我總記得這裡最出名的是紅米飯,最岩我地班學生又要食又要令這天我決定回來一試我知道新出左芝士撈面系列所以我就叫左芝心丸芝士撈面加荔枝玉露,仲送埋西瓜厚厚的芝士的在面,,還有芝士粉,賣相好正你們有看過那麼正的芝心丸嗎??在試食途中,突然有2名青年慕名而來,原來在找這裡我對這裡同樣有很大信心,我想我會介紹朋友來食飯><

夜晚試左lee間既海鮮雜燴芝士撈麪 & 日式鮑魚魚翅撈麪勁唔得~~~~~芝士個個好奇怪, 魚翅撈麪個個 好似食緊7仔既印尼撈麪咁......同埋勁咸.而且平均仲要成$40一個 仲要勁唔好食 勁唔抵!!!!~ 一定唔會有第二次!!!!

難食到想死的餐廳,主打芝士撈麵,我叫左個豬頸肉撈麵,一黎到個樣係白汁加芝士粉,食下去果然完全沒有芝士味,白汁撈麵...,豬頸肉好咸,出左門口5分鐘已經要找水飲,野飲叫左珍珠奶茶,結果一樣難飲,一句講哂奶粉加水,仲要水味多過奶,都唔知有無加過茶,做生意比d良心啦 .\ /. ,同行者食物都不用多講了

系OPENRICE見到呢間有芝士撈面食^^於是就叫左男朋友出去陪我食啦其實平時都有經過呢間野..見過好多人堆系門口等位不過好彩今日去到果陣都唔洗等好耐^^我地叫左:吉列魚柳芝士撈面(餐-$38)跟餐有生果同野飲一杯,是日生果系哈密瓜..跟餐叫左杯低糖紅茶..冇咩特別芝士撈面真系好多芝士汁同仲芝士粉系面,好特別未試過用芝士汁黎撈塊魚柳炸得幾好夠哂脆仲有菜夠健康不過呢個份量就偏少啦..我諗男仔可能會食唔飽蒜香牛肉粒撈面(唔跟餐-$29)唔跟餐都有生果送呢個系男朋友叫既所以冇咩點試..試多舊牛肉粒覺得都幾香味道都夠唔錯^^不過缺點價錢以撈面黎講要成三十幾蚊有D仲四十幾算幾貴

我今日就同同學一齊去食li間撈麵啦我哋7個人, 唔洗等位一坐低就叫o野食, 我叫左個蒜香牛柳粒撈麵走辣加個珍珠奶茶,誠惠$32 :|西瓜先到, 普普通通,冇乜特別,夠哂的骰><緊住係珍珠奶茶, 嘩!甜到好似落左4-5羹糖早知就叫走甜啦等多2分鐘, 其他嗰D加大麵, 雞扒面都嚟齊哂...得我個撈麵未嚟等呀等...等左15分鐘都未嚟==跟住我就叫一個女待應幫我跟一跟啦,佢問我落左單未,我話落左,佢乜都5講就行開左...1分鐘後佢喺度行嚟行去,我問佢我碟面點...佢話起緊另一位senior小小ge女待應喺佢走左之後問我仲zang乜,我咪講我等左3-4個字都仲未有半分鐘我碟面先嚟,所以我有理由相信個junior女待應由頭到尾都冇幫我跟進過D面淡而冇味,得d牛枊汁同中等份量ge mini牛枊好失望優點: 環境幾乾凈缺點: d待應好rude, 食物麻麻, 唔抵食,有其他好d ge選擇

早幾年住油麻地，富泰家是其中一間經常食的店舖，見證他由一個舖位變兩個舖位，由健康的紅米飯，到不健康的撈丁都有，紅米飯好吃，撈丁則偏辣了一點，不過今次吃的是芝士撈丁水果，今次是哈密瓜，有時是西瓜，很甜，好食荔枝玉露，正常味道吉列魚柳雞扒芝士撈丁滿滿的芝士，上面還有芝士粉，好好食，不過最後幾啖，由於太多芝士，麵條幾乎是浸在芝士中，感覺有點"漏"吉列魚柳我每次都要加的，炸得很脆，很香口雞扒則沒有特別，正常"雞有雞味"最值得一提，是吃了這麼多次，每次店員都十分有禮，招呼很好，但不會過火，要讚!不過座位比較迫和窄，不過香港寸金尺土，也沒辦法……

工作至夜，幸好旺角還有一些食肆供應晚餐。一直希望能嚐試富泰家的食品，由於太晚了，未能吃到馳名的芝士撈麵。最後點了脆皮雞扒撈麵套餐(包括撈麵、一份水果及一杯凍飲)。由於接近「收鋪」，有點擔心水準。食物還沒到，但已感受到服務員的細心。他們不時留意顧客的動態隨時服務，上菜有效率，亦適時收碟，的確值得一讚。至於食物方面，脆皮雞扒真的香脆；水果是哈蜜瓜，雖然不太甜，亦達水準。飲品選了低糖綠茶，那種清幽令我疲憊的身軀紓緩了少。此餐廳也有其他選擇，可以一試。

原本打算去這條街附近的一間日本店食，點知要等到8點半先有位(那時7點)因要等太的關係，但又諗唔到食乜，結果好隨便搵左lee間(其實我係俾佢D芝士吸引住)佢俾我地個位好迫,只有好瘦ge人先坐到，好彩我地3個都唔係肥人，還可以啦！豬頸肉撈麵：我朋友話D豬頸肉一邊香口D，另一邊就唔香口牛肉粒撈麵：男友話菜好咸，牛肉粒ok海鮮芝士撈麵：Ｄ芝士唔夠，但出奇的是竟有2個青口，因一般的只有1個佢送埋生果，是無味的西瓜，好淡

最近每星期都要出旺角一次，因為要返學!有點怕在旺角搵食了是口胃口不佳我想都是隨便一點好了!發現了沒食過的就碰碰運氣試試~進入!!!!!看了餐牌後，想不到價錢真的便宜啊~~~~~~~自己要了一個豬頸肉紅米飯餐，份量絕對夠!餐前還有幾粒生果~不過個人覺得冇好過有!因為第一，生果切到好求奇!第二，超細粒~第三，沒乜味!所以就............豬頸肉沒什麼特別，但個紅米飯幾掂...一來健康，二來因為自己唔係成日食~偶像一試感覺很好~煮得幾香同硬度剛剛好!朋友的芝士撈麵，絕對要讚!味道很濃芝士味~他還說下次要再食

味道不錯，價錢不算太貴。經常和女朋友來用餐，一定食牛柳粒撈麵，如果接受到的話，可叫他們加SPICY，仲正。最近一次試左佢果個新野，雜腸撈。有三條腸，但只覺得其中一條有芝士的好食，建議食店可再找下一D更好的選擇。一般同女朋友兩個人叫兩個餐，有生果，飲品有折，埋單都係七十多，唔係貴，但如果份量多DD會好開心。值得一提係，收銀的(應該係老板娘)好友善，個人感覺，是一個不是為錢而開店的人。

果然人有多大膽，地有多大產。富泰家夠膽$40賣一客營多撈面，香港人就夠膽拎$40去試。男朋友睇左呢度幾多笑面食評所以去試下，而家諗返，果D人應該從來未試過營多撈面。入到去睇餐牌，豆漿大王D撈丁我都嫌貴，比一丁cheap的撈面唔好要我試喇。飯好似穩陣D，醒起openrice話出名士多啤利牛肋骨就點左，男朋友就叫"招牌撈面"，ok，到時搶他的試試食味。等野食時見到廚房棚上一箱箱的，不就是營多撈面嗎.......!?好，上菜，中間待應的唔醒目就省略啦。一聞到我男友撈面浸味.....係營多。食落口，還不及我在家中煮的彈牙!! 有理由相信佢地煮既唔係香港版營多，而係響天后賣$8/5包，零售價一蚊包都唔洗既水貨版營多!!!! 佢照落返營多D調味，講真佢地重新較過個汁都無咁嬲! 佢個面成本少人地咁少，但司華力腸都係俾得1/4條，好孤寒呀呀呀呀!!!!!!到我個士多啤利牛肋骨。點解唔係一整塊而係一粒粒的!? 骨頭在那? 而且形狀也很頹，不是丁方型的(可參考其他食評的照片)。食落口，D筋又un又多到爆，食下肚的有1/3，吐出來的不能吃的有2/3，不明白為甚麼有人以"彈牙"稱之。只係用D肉頭肉尾加鬆肉粉扮

呢間富泰家雖然係係女人街既兩旁..吾算易搵但十分抵食!!同好味!!出色!!星期日果日我同個fd食飯但見銀座間韓燒甘多人索性周圍行下..就搵到呢間喇!!富泰家原來最出名係紅米飯同撈面..價錢界乎三十零蚊至四十零蚊有飯有送有菜有野飲有水果又健康又全面是日我就揀左雞扒紅米飯..好快就黎到喇!!生果係菠蘿..吾係罐頭個隻係新鮮塊雞扒ok大下..燒得幾香好好味!!菜係小白菜配蠔油仲熱既好體貼,不馬虎紅米飯mix白飯好健康好好咬...d飯好鬆軟夠熱..仲加左d調味料因為食到吾只飯味同穀味...食完呢餐真係好滿足係旺角地方甘既價錢最多high個tea吾會係一個dinner...下次一定再去!!至於朋友既炭燒牛肉粒撈面就比較遲上..或者要撈掛(仲可以加送)d牛肉粒好好味燒得好香..oh my god...配埋d撈面真係好正埋單好似都係70幾蚊...但唯一我不滿意既係d waitress態度不太好...將本menu掟落張枱到笑容不夠..面口好似吾想招呼我地甘