富華冰室 (電氣道) (Closed)

今天途經北角富華冰室，看見櫥櫃內的麵包賣相不錯，選擇又多。最後也忍不住買了幾個麵包作為明天的早餐。這店所賣的麵包頗為傳統，有點懷舊的感覺。～吞拿魚包吞拿魚包的餡料味道適中，有吞拿魚碎和少許熟蛋，吃起來並不會單調。麵包質感又不會癡牙，吃起來也不會像一陣風，已是難得。～叉燒包麵包底發得頗鬆軟，叉燒餡料豐富，味道適中，不會過鹹，頗為討人。～雞尾包回到家，麵包外型並不吸引，但吃起來是中規中矩，最喜愛麵包面的芝麻。

啱啱轉左你炮台山做嘢第一時間梗係要試一試附近嘅茶餐廳🍴早餐聽同事介紹呢間茶記唔錯所以嚟試一試(性價比唔錯)入到去坐低前摸望周圍啲人食咩好多好多人都係食菠蘿包，依稀記得同事同我講呢間茶餐廳出名自己整包，但係我習慣早餐要食麵所以就點了自己最喜歡的五香肉丁米粉及熱奶茶.原本以為佢嘅‘前菜’係火腿炒蛋/自家製出爐餐包，點知嚟到係兩樣都有.點完餐只不過係約2分鐘嘅時間全部野一次過黎咗，如果趕返工嘅人士應該很喜歡這裏.前菜:炒蛋見識到呢間餐廳嘅功夫絕對唔差，今日嘅包係吉士包本人本身不是太喜愛所以冇乜特別加上佢唔係熱所以只係食咗兩口.煮食

今午係富華冰室炮台山分店食晏🍜，過去都係我哋常與家人朋友到此用餐嘅地點，我哋三人叫咗三份餐，我如常嘆返個沙嗲牛肉公仔麵，嘆吓杯鴛鴦，都算不過不失。之後幫囝囝叫咗一份常餐D，係金寶湯豬扒通粉，餐飲叫凍檸賓少冰，通粉味道一般都算喇，最估唔到嘅驚嚇位係，當飲完杯凍檸賓後，竟然發現係杯底發現隻2cm長嘅曱甴😱😱😱😱😱😱😱😱😱真係差D想叫囝囝嘔返晒D嘢食出嚟！其實我哋係大意，不過真係太過信任咗呢間冰室，估唔到佢哋真係咁污糟邋遢🤬🤬🤬下次......唔係，應該話以後都怕怕😖😖😖

禮拜日炮台山區好多餐廳唔開門，平日食開嘅嵐本都休息，唯有行遠少少覓食，今日就試咗富華冰室。叫咗個番茄湯通粉、菠蘿油，個菠蘿油黎到，嚇一跳！超大個！！！富華嘅包係自家製嘅，新鮮熱辣辣，個脆皮好鬆化，加埋牛油，香噴噴，好好味！番茄湯入面除咗番茄，仲有西芹同大大粒午餐肉，有驚喜！杯奶茶都 OK 呀。朋友叫咗榨菜肉絲通粉、配炒蛋、火腿、麵包(今日係椰絲包)，個炒蛋好似一個波咁，好得意，味道都唔錯！

今早來到北角，本來想去另一間茶餐廳，可惜他仍未開門，於是我選擇了到富華冰室吃早餐。富華冰室差不多裝滿了，幸好我們有聊一會兒也馬上有位置坐，感恩！我畫的早餐種類也很多，有中式、也有西式。我選擇了吃中式早餐，因為可以飽肚。🤣富華冰室的早餐很特別，他不是配合多士或者普通餐包，早餐包是自家製作的墨西哥包。令我很感意外。我們認為凍咖啡非常好飲👍🏼👍🏼👍🏼我點了假鮑魚火腿通粉配熱檸水。家人點了五香肉丁通粉配凍咖啡。

同2個朋友食下午茶。全滿座。疫情期間要搭枱都算，咁大枱都有板間隔。點知個侍應叫我地坐埋一邊，因為話如果再有1-2個客入來就再搭（坐我隔離，冇板）傻的嗎？唔通疫情已經冇事？？我話唔再搭人，佢即刻翻我白眼。sorry ,即走。以後都唔幫襯！

坐低食嘢，只係想攞一杯滾水，係佢哋員工喝罵，講一句:要拎就自己拎。食物再好都沒有用，我嚟消費，唔代表要坐低俾你喝返轉頭，俾錢買難受。之後再問佢第二位員工，反應態度都係一樣，一路行一路講，要拎就自己拎。係餐廳內被佢地大聲噤喝，個度地方不算大附近六張枱其他客人都聽到，即時令我覺得很尷尬，令到成餐飯都食得好嬲。雖然係茶餐廳，但都不需要態度這麼差，令到食客感覺很委屈。因為今次食飯經驗，我相信不會再有下一次，不會再去！

不知是否換了服務員，態度令人噁心，一直在催促，很不屑的樣子，囂張至極，一副跩跩的感覺，不知餐廳經理是否知道你們家服務員這麼厲害吼～下次再也不去了！快關門吧！噁心

今天中午路經試吓富華冰室，可惜服務極之令人不滿及憤怒. 小弟點了午餐，並用了大約十五分鐘已食完. 冇幾耐有位女侍應已拿走我杯㗎啡，跟手帶兩位客人到我枱前面比壓力想我埋單，佢仲離普到同我講先生你ok未㗎?我想要番張枱! 態度令人反感. 離曬普🤬🤬🤬

平時行過都鍾意買個菠蘿包時，偶見有燒鵝食，便入去試下，點知一試就中伏！叫左碟燒鵝飯，上來時差點嘔出來，睇落好似烤得不夠，上面仲有好多毛，甚至有少少絨毛！即刻轉左碟叉燒飯，偏甜，味道尚算正常，都食到半碟，。環境上唔知係唔係冷氣壞左，好熱好熱，見裝曬風扇，可能本身冷氣有問題，需要改善。

我經常來到這裏吃早餐，當中大都會選擇吃早餐B，有番茄薯仔羅宋湯通心粉、菠蘿油和咖啡或茶一杯，雖然羅宋湯通心粉比以前的份量較為細碗，但碗內裏仍有足夠的厚粒午餐肉、多款蔬菜和不少的通粉，加上大大只的新鮮出爐熱辣辣菠蘿包及厚身牛油，吃完仍覺得十分飽肚，連午飯都不用吃。

【 啖啖肉的燒味 】 今日突然好想食香港地道美食-燒味，所以就去富華冰室Fu Wah Cafe 叫了燒味雙拼米粉，大大碗都只係$59，幾抵食！燒味雙拼我選了脆皮燒腩和蜜汁叉燒，餐飲叫左杯好立克   脆皮燒腩的肉幾嫩滑，都多肉汁，但層皮唔脆，好硬，扣晒分。蜜汁叉燒叫咗半肥瘦，啖啖肉，真係好juicy，肥瘦適中。米粉的份量都好大碗，絕對夠食。餐飲杯好立克真係超級甜，甜到我要自己加一半水去溝番淡味D。政府的疫情措施實施後，都見到餐廳都有隔開枱坐，每枱都不多過4個人，每個樓面都有帶口罩，但我自己都係勁快速食完就帶番個口罩。

富華冰室的舖面很大，左邊賣麵包右邊賣燒味，經過都會望望，尤其燒鵝燒得皮靚，可惜一直未有試過。今天中午外賣自取馬來炒貴叼（$62），粉條夠硬身，配料有蝦、火腿絲、肉絲及銀牙，咖喱粉味不太濃，整體來說不過不失吧。以$62價格，其中一蚊可能是外賣盒錢，沒有跟餐湯，是貴了一點。波蘿包、雞尾包味道與口感是一般茶餐廳的麵包質素，都是那句必須新鮮出爐夠熱才好吃。

一直都有定期幫襯下午茶時段既炒粉麵飯, 貪佢足料夠大碟, 唔似其他一啲茶餐廳取巧變迷你版, 我最鍾意食係咖哩牛腩飯, 因為配料齊全, 有青椒洋蔥薯仔配牛腩, 口感好而且有蔬菜唔駛剩食肉咁唔健康, 唯最近食嗰次只剩番少量薯仔和牛腩, 經求證佢話已經取消左加青椒和洋蔥, 賣相仲衰過快餐店其實如果啲嘢好食我唔介意你加價, 但若果為減低成本而將貨就價, 我會選擇離場去過第二間.

正值中午時間，有事去到北角辦理，見到富華冰室座無虛席，決定入去一試。有幸坐到四人卡位，比較寛闊。精選午餐款式有八款，價錢都幾貴下大約HKD59-60 ，送湯,咖啡/茶。D 餐 榨菜肥牛炆米粉: 份量超多，差不多三碗米粉量，肥牛肥瘦適中，肥牛既牛香逼人，配上爽口脆身榨菜，不得了，已經唔算太油，誠意十足加埋三色椒同香蔥，整體味道不錯。E 餐 中式牛柳飯 : 飯量大概有一碗，牛柳有好多舊，個汁係好似咕嚕肉既汁，酸酸甜甜，好開胃，60蚊有咁既質素算唔錯。H 餐 招牌燒鵝三拼飯 :  果然係招牌飯，三拚包左鵝，油雞同叉燒，叉燒偏硬有點HONEY味，油雞嫩滑，皮唔算肥加番姜蔥中和油膩感，可以! 餐廳放左甜酸汁係每張台，客人可自行加，個人喜愛多酸甜汁。重點係奶茶，首先一定要係水滾茶令，送到上台都熱騰騰出煙個隻，茶濃，唔夠茶香，加左淡奶好順口，入口順滑。總結:價錢偏貴 份量大碟 絕對夠飽經過先試的冰室(茶餐廳)