富穎餐廳

Open Now

Now Closed

諗住有個優閒既下午可以享受下午茶，食物感到不乾淨，杯飲品來時，隻手指掂到杯邊，噢，唔想飲了，放棄了。食品味道没有特色，味道唔得。第1次幫襯，唔會再去這間，無下次。寧願隔離旁既店铺，都好過這間。

男侍應送餐來嘅時候，隻手揸住檸檬茶嘅杯頂，檸檬茶滿寫到枱面上，由於佢手揸住杯嘅頂端，檸檬茶畀佢嘅手仔指擋住，部份溜返入杯內，佢又冇戴手套，我非常之嘔心即時放棄唔飲了，另外牛腩河裏邊有一條黑毛係唔知乜嘢嚟嘅，食了一半都放棄，另外個男侍應無端端又在另一張枱，拿樽辣椒油放咗我哋邊枱，由於佢嘅手係唔夠長，佢跨過我太太碗食物放低，咁啱又有其他人入嚟，佢即刻講嘢話隨便坐，我太太怕他口水噴了碗食物內，食都一半即時放棄，呢間嘢呢以後唔好嚟。

同教會朋友飯聚，點左6個餸飯前有個中式例湯一定唔少得，今晚係冬瓜薏米魚香茄子煲好香，茄子入味，唔會太鹹辣子雞辣椒、芹菜好夠，所以食落好夠香，有鑊氣小炒王都係鑊氣好足，除左蝦乾仲有少墨魚，腰果好香口，就算我食哂飯都繼續食埋佢黃金四季豆就無炸粉嘅，唔會咁易食滯，四季豆係爽脆，感覺係好新鮮，連埋鹹蛋黃送飯之選京都豬扒個汁有少少似咕嚕醬，酸甜味係我鍾意嘅最後一個係酥脆雞柳，配埋個千島醬，都係啲香口野，做到外脆內嫩。上水街坊小店，見鋪頭都係熟客為主～ 作為一個區外客，支持下小店，香港人支持香港人

今日黎叫左個常餐食，有三文魚炒蛋、牛油多士及茄牛通。三文魚炒蛋十分鞋及乾身，牛油多士是正常的。茄牛通湯沒有太多蕃茄味，牛肉沒有牛味、數量少。熱齋啡亦比其他茶記差。

認認真真價錢絕不是親民的茶餐廳見到晚餐都要成$70-$80，無論點講都好我覺得價錢偏貴的晚餐是送例湯及熱飲的，中伏位就在於如果熱飲升級凍飲要加$6！老老實實加啲冰就要加$6？平時見得多熱飲轉凍飲加$2-$4左右，真心見到轉凍飲加$6有少少懷疑人生（記住本身是送熱飲的，就是加少少冰就要加$6），有一些套餐不包飲品，加配凍飲都只是$8，真心價錢不合理。Fine，食得鹹魚抵得渴。.叫了一個霸王雞，味道正正常常不算很差，份量都OK。令我叫了一個西式雜扒，都想像到雜扒是非常不新鮮的冰鮮貨。醬汁是橙色的很奇怪，不過算啦茶餐廳還有什麼要求？.值得一題，這裏的晚餐選擇不算多而且我覺得價錢偏貴，飲品價錢特別是凍飲極不合理。

今日去上水做野，經過呢間茶餐廳，見佢好新，望入去好光猛，裝修望落去好舒服，決定入去試下，嘆番個下午茶～～～～～～～～～～～～～～～～～～～～～～～～～～我平時對茶餐廳無乜期望，唔會expect 啲茶餐廳會好好食，但估唔到今次竟然有驚喜🥰，尤其是嗰杯奶茶，真係超正，超滑，好有水準，呢杯茶奶真係值得推介！👍🏻👍🏻👍🏻👍🏻👍🏻～～～～～我另外仲叫左個吉列西多士，好脆都好好味😋～～～～～～

食品很好食(只是我當時選擇的)，其他未試未有回應，喜歡飲奶茶的真的要品嚐一下，茶味和奶很配合好香滑，連口味有要求的朋友仔一起用餐也說這3個食品好食，凍奶茶好飲。環境寬敞簡潔乾淨，食品整潔，2020年4月首次到訪這店，一食之下，想飲奶茶都一定想起這家。未有拍攝的欖菜菜粒炒飯也好食

去market88行街，所以去對面茶記食野二人叫左常餐黑松露炒蛋厚多士，味道一般厚多士薄cheap cheap雞翼撈出前一丁我問阿姐係咩汁撈出前一丁通常出面係撈瑞士汁或者蔥油樓面阿姐支支吾吾話有d汁囉答左等於無答，都算啦咁我叫佢多汁，因為我唔鐘意食乾爭爭既撈麵點知黎到係出前一丁味精粉撈一丁成個餐都Hea到爆！無heart！阿姐態度又好hea，落落下單照鏡！咁都可以每個餐收$49，兩個餐成舊水一定無下次

早餐時間咁啱路過一於坐低俾次機會自己試吓新嘢。～ 自選配撘早餐A沙爹牛肉麵（加$4蚊改食出前一丁麵）出品賣相唔錯，不過全碗麵靈魂人物嘅沙爹牛肉入口味寡肉柴扣晒分，完全冇沙爹醬應有嘅濃香惹味。。。出前一丁麵煮過咗火，麵質軟淋淋非個人所好。。。跟餐厚多士、火腿、太陽蛋說好咗嘅厚多士上枱變咗薄薄半塊乾浄淨嘅多士。。。火腿係用下價貨（合成火腿），乜成本真係可以慳好多？。。。太陽蛋合格。奶茶合格期望老板同師傅可以俾多兩錢肉緊提升出品嘅質素，加油。。。

睇完餐牌落單 同我講冇唒 我轉嗌第二樣 又冇 我再轉第三樣 都係冇唒!! 最後求其嗌咗個飯 餸一般 啲飯硬到........... 檸水苦到........啲檸檬好似就爛咁...... 職員態度又差..... 一間餐廳整得個menu出黎 但又樣樣野都冇賣.....依間野真係唔簡單 唔係一般嘅劣..............................

前幾日，同男朋友去了食下午茶，餐廳的下午茶唔算多，但都有比較飽同無咁飽的可以選擇，同時佢舖唔大，有兩部電視，播Viu tv同J2，只少我有得揀睇咩電視。因為我都唔係太肚餓，所以我叫左一個芝士蛋蔥花三文治，而男友就啱啱起身無耐，未食嘢，所以就叫左個老干媽炒飯，我揀左個熱奶茶，而男友就揀左個凍檸茶，唔知係咪因爲新年期間啦，飲嘢要額外加多2蚊。杯奶茶味道都ok的，佢比較重奶味，但仍飲得出有少少茶的澀味，兩種味都可以飲到。個蛋花三文治的麵包有烘過底的，所以外層都外脆，內層食得出有塗牛油，個蛋有滑蛋炒法，仲有保留到少少蛋漿，而啲蔥花又唔會炒到變老，再加上芝士的鹹鹹地，所以都幾好食。至於老干媽炒飯，都叫炒得比較乾身，又唔算太油膩，材料有火腿、蝦、蛋等等，但可能佢用左個隻咩老干媽辣醬炒，所以佢同平時的炒飯係唔同味。以下評分以5⭐️為滿分推介⭐️⭐️

雞扒腸仔飯，超難食。門口問轉意粉，佢話可以，坐低左先話要加$3 ，冇原則。後來又話唔使，點知冇轉意粉。飯又超難食, 坐地起價啊，很不開心，來此食飯，必定心情不好，傷心！