Fûhn Express (Closed)

同屋企人行到腳攰，入左food court門口第一間食越南野fuhn express。我嗌左特式牛湯檬。好大碗，好足料。有生牛肉，牛丸，牛栢業，牛筋，。。。。。。我最中意食生牛肉，因為佢夠生哈哈，唔會1上台已經口鞋晒。越式扎肉串好入味好香。將佢幾整到一串串咁好易食。越式炸牛油雞翼夠晒脆口，脆皮認真係好卜卜脆。雞肉都好嫩滑。店員的服務態度好好，樣樣都想食，我地狂問左好多問題好煩，佢地都好好禮貌好親切。食物又大份又抵食。下次會再黎幫襯。

行完MOKO勁肚餓，天氣鬼咁熱唔想食中餐飯餐，就食Food Court 越南野fuhn express啦。fuhn express都幾多人排隊，都有費事影店面喇。2個店員哥哥都超好人，我地咩都想食，心大心細，左問右無都無嫌我地煩。點了以下:特式牛湯檬唔知食咩好就揀左大雜燴:特式牛湯檬。咩都有，勁多餸。有生牛肉，牛腩粒，牛筋片，牛柏葉，牛丸等等。最正係生牛肉，仲紅紅地色既，正，唔會1上台已已老晒。越式扎肉串超惹味，好入 味，又香口。越式炸牛油雞翼表面既脆粉炸得好夠脆身，牛油咪勁濃。燒豬頸肉餐牌無，但我超想食，所以問店員哥哥。佢超nice可以做俾我地。豬頸肉厚切既，但一d都唔硬身唔韌，入口軟身，香噴噴，油脂甘香，好味。

這個美食廣場有很多間餐廳, 今次試了一間主打越南菜式的餐廳。我們找了位置後, 便去了落單, 它有好幾款湯麵、撈檬和飯類供選擇。素菜湯河粉裏面有素菜丸、菜和冬菇, 旁邊亦有一些醃青瓜絲和蘿蔔絲作調味。河粉湯底味道不會太過濃, 清清地。河粉的份量幾多, 我還加了牛丸和牛筋作配料。牛筋很淋, 有微微爽口的質感, 牛丸幾彈牙。香茅雞扒撈檬上的香茅雞扒很惹味。越式炸牛油雞翼上面灑滿蒜蓉, 脆脆的, 雞翼炸得很香脆, 很香口。越式手打炸蝦餅, 脆脆的, 裏面的蝦肉份量多, 蝦餅也算大件, 跟套餐再點這個會便宜一點。

Food court 亮點@fuhn express地址: 旺角太子道西193號MOKO新世紀廣場3樓食代館9號檔一直唔知新世紀廣場有food court ,行開旺角上左天橋，行完街買新衫新鞋新袋，以迎接新工,買完後再醫肚主要食越南湯麵,小食同飯，主食由50來元起，在food court 超值的香茅豬扒飯一直都是我心水啦，醃得足夠基本上就毒到好高份啦。豬扒又啖啖肉，如果小食有些蔬菜就好了。加埋$22 手打蝦餅，彈牙又好味，蘸點泰式甜辣醬綿上添花啦

依排成日落雨,咁唯有去睇下戲,食下飯咁啦。於是近近地去左新世紀廣場間戲院睇戲,睇完戲,就去左食代館𥚃面其中一間食越南菜既餐廳,叫Fuhn Express,我地就叫左特色牛湯粉,特色雞絲湯粉,香茅豬扒飯同加配份炸蝦餅。先講下個特色牛湯粉,非常足料,牛腩,牛栢葉,牛筋,牛丸等咩都有,湯底入哂味。特色雞絲湯粉又係好足料,最重要係有鵪鶉蛋,真係唔係有幾多間鋪頭會加落去,非常特別,值得一讚。炸蝦餅即叫即炸,外脆內軟。不過要數到最正就不得不提香茅豬扒飯,真係好食到不得知了,豬扒炸到金黃色,又醃得非常入味,唔會太咸,一流水準。

今晚收工之後去左moko個大食代依肚，晚上想清淡啲食返碗粉麵，媽媽又說係附近過來同我一齊食❤️記得佢鍾意食檬粉，就揀左呢間越南粉麵 — Fuhn express。特式牛肉湯麵 $78 加$8要多份雞絲估唔到food court咁足料 呢個價錢唔平但份量係重量級🤩成碗麵有半碗係料，滿足感爆燈🌟生牛肉係安格斯牛肉，有牛香又有脂香！牛坑腩、牛筋片、牛柏葉都好正！牛丸好juicy同充滿肉香，食到呢個質素好滿意！雞絲係有鮮味嗰啲，無乜雪藏味👍🏻推薦佢哋加牛骨湯底，唔太濃又唔會淡，飲完唔口渴😆可以配檬粉/金邊粉/越式河粉媽媽要嘅雞絲撈檬同樣好正，雞絲多又新鮮，仲有好多配菜，撈魚露一流！伴隨嘅雞湯偏咸，應該係用嚟撈檬粉，以為係就咁飲，咸死左😅每個餐都會伴隨越式春卷，呢個炸得好香脆，食到有雞肉，但最衰唔係熱辣辣，如果唔係就更好食！加錢要嘅炸蝦餅同札肉串都好食蝦餅入面好多蝦，但略嫌調味咸咗D要改善嘅地方就係無嘢飲.....食完想飲杯野要出去買。

今日約咗兩個女去旺角新世紀廣場shopping, 行到攰要搵食。星期日商場滿是人，行了好幾間餐廳門口都是等位的人群😑。最後走到大食代這間越南餐廳， 有我喜歡的生牛肉湯河，女兒鍾意食的撈檬，而且啲小食又幾吸引😍。 生牛肉湯河~ 牛肉片特多，湯夠惹味，河粉細滑👍😋雞扒撈檬 ~雞扒皮脆肉嫩，加埋配菜及酸青瓜蘿蔔，混入酸汁撈起來食真係好正😍👍豬頸肉撈檬~ 豬頸肉炸得夠脆身😋越南春捲~ 春捲裏面是芋絲，炸得香脆， 入口前浸浸酸汁， 醒胃之餘，口感更豐富😋👍蒜蓉牛油雞翼~ 超香牛油味， 雞翼炸得脆脆，上面再放上金蒜，很好食😋，但太罪惡了😈，不敢多食一隻🙈扎肉串~似炸熱狗腸，配啤酒一流🍺😁估到快餐式的越南菜也有這水準，此店設有醬汁區，並提供無限青檸，指天椒碎等等，任客人自取👍

小食點⚡️#手打蝦餅同⚡️#扎肉米紙卷 蝦餅香脆厚身 帶蝦肉甜味 爽口彈牙 扎肉米紙卷 米紙皮薄煙靭 有生菜和檬粉  ⚡️#生牛肉湯粉 可以選擇河粉或金邊粉 生牛肉有數片 油脂夠 脂肪位多 牛肉味濃郁 湯底牛味很香不過有點過鹹 河粉有米香味 尚叫軟滑  ⚡️#燒豬扒撈檬  豬扒外皮香脆 肉質還可以 配菜有酸蘿蔔 沙拉菜 酸甜撈檬汁 整體好清新開胃  . Yum: 🤙🏻🤙🏻🤙🏻/5 Revisit:😉😉😉/5 Price: $100/head

前排去新世紀一田行街, 買完野唔知食咩野就去左food court搵食, 見到開左新既越南野, 呢間fuhn係第2到都有分店, 所以就食佢啦!叫左一碗大牛河, 貪佢乜都有, 原來仲送春卷2條, 老豆就叫左個香茅豬排飯, 我地仲加左d小食, 炸複餅同牛油雞翼~牛河都幾大碗, 夠我地3個人食, 入面有牛丸有肉有腩等等, 牛肉幾好食, 唔係cheap肥牛湯底都唔太重味精, 食完都唔口乾香茅豬排好入味, 好juicy, 飯粒都好乾身好正!不過都係小食比較吸引, 牛油雞翼炸得好脆, 好香牛油味, 炸蝦餅好彈牙, 入面食到有蝦架!

Moko food court平身價錢都唔平，不過俾我行行下搵到依間越式面店，最平四十二蚊就有交易，幾抵喎！不過果晚特別肚餓，所以叫左特式牛湯面，入面咩都有，有齊生牛肉、牛坑腩片、手打牛丸、牛筋片、牛腩邊、牛柏葉（78蚊）。Food court就梗係自助式，落左order之後十分鐘內就煮好，拎餐具嘅位仲放左唔同嘅醬汁（甜辣椒醬、是拉差、越南甜醬、醬油）碗面超大碗，啲餸多到食到最尾都未食完啲牛肉好嫩又滑身，牛丸都幾彈口，牛柏葉都爽口！另外仲加左越式扎肉串、越式炸牛油雞翼，扎肉串外面脆身但係皮算薄身，幾好食。炸牛油雞翼好惹味，面頭有啲蒜片，食落好香牛油味！

今天喺旺角行行吓街，突然間落雨，咁就匿入moko 商場(以前叫新世紀廣場)避雨兼繼續行商場。行到肚仔餓就來到food opera食代館 搵嘢吃，來到新開冇耐嘅越南菜館fuhn express。同一般喺food court的食肆一樣，櫃枱度有D食物展示，亦有餐單可睇我同朋友嗌咗特式牛湯粉，除咗湯底鮮甜外，大堆頭材料嘅生牛肉(熟咗少少)，牛坑腩片，彈牙嘅手打牛丸，牛筋片，牛腩邊，牛柏葉(細舊但好多，吃起來方便)，一次過满足晒所有口感。另一份雞絲撈檬亦好味。跟餐送嘅越南春卷一般好吃，但跟餐加咗22蚊同18蚊嘅蝦餅(材料足同埋有D蝦粒够晒彈牙)及扎肉串表皮脆而香，好好吃

Fûhn first started off in Causeway Bay and now they have expanded their third branch at Food Opera which connects to RPH hotel!The menu is much the same except for drinks.You can order the all day sets or order the noodles a la carte.Ordered the brisket fuhn and the special chicken.When you collect your noodles don't forget the herbs which make the broth tasty.The brisket fuhn was in a lovely clear broth topped with lots of onions which help to make it sweet.You can taste the beefiness in the br

之前都聽過fuhn好耐, 不能奈何銅鑼灣同佐敦分店都唔就我腳， 終於等到佢進駐旺角區， 當然要抽空上嚟食一食啦。餐廳喺food court入面大把位， 而且款式不比銅鑼灣分店少， 有湯粉有飯有小食樣樣都有， 不過係冇飲品姐，無問題啦。牛坑腩湯粉 大56先講湯底，湯底以牛骨、牛肉、越南香料等熬煮十多小時而成，飲得出啖啖牛的味道，卻又不會太濃及肥膩，河粉的質感也見爽滑。 牛坑腩肥瘦適中，肉質紋理清晰， 腍身有彈性，牛味濃之餘亦不帶半點臊。-香茅豬扒飯配太陽蛋62這裏的香茅豬扒炸得香口， 不算肥膩。 而且豬扒炸後也有滿滿的肉汁，豬扒以 越式香料醃過，相當入味，配上秘製的葱油， 與及 充滿濃郁蛋味的太陽蛋 ，撈飯超級好味！-雞絲撈檬粉52天口熱，當然要叫一些 酸酸味味的食物， 雞絲撈檬粉正是其中 讓人開胃的主菜。 雞絲份量很多， 肉質不會煮得 過鞋，檬粉下面也放了些生菜醃蘿蔔青瓜 ，新鮮爽脆， 秘製的魚露醬汁更是 讓味道更上一層樓。-扎肉米紙卷38材料簡單卻是健康的一道小菜， 以生菜米粉扎肉 青瓜蘿蔔絲等等扎成， 扎得結實，不會散修修， 有蔬菜的新鮮，也有紮肉的爽口， 配搭秘製的魚露醬汁，是另

假日在moko睇戲，臨近食飯時間，餐廳門口都是長長的人龍，趕住去睇戲，點都要食個快飯，我諗食food court 應該系個好選擇，行左幾分鐘，就搵到位，仲要系沙發位，行前少少居然有Fuhn越南美食，之前食過佢銅鑼灣分店，質素有保障，于是就揀左佢。湯粉，撈檬，以及多款越南小食可供選擇，我地點左一個特式牛湯粉，一個特式手撕雞湯粉。牛類湯粉用牛湯，湯底鮮甜，選用美國安格斯牛，肉質嫩滑，牛雜爽口，手打牛丸彈牙。特式雞湯粉用雞湯，十分鮮甜，份量真的十分的滿足！手打雞肉丸，出乎意料彈牙，鵪鶉蛋，手撕雞多到食晤晒！蝦餅質素好過好多大品牌！大大塊又彈牙，外表金黃酥脆。滿滿的全部都是蝦膠。扎肉串，似扎肉版的蔗蝦，改用竹簽，將扎肉串起燒，好夠味，而且口感厚實。牛油雞翼，相當邪惡，牛油味超級香，香香脆脆。

新世紀廣場大食館晚膳，又有新餐廳進駐, 今次光顧這間叫fuhn的越南美食。燒豬頸肉飯有驚喜，豬頸肉外脆內嫩，好入味，咬開後，肉質鬆軟多汁， -另外白飯也配有蔥油和 特製豉油， 讓平淡的白飯也變得惹味。-特食牛湯粉內有牛百葉，牛生肉，手打牛丸，牛坑腩，牛腩邊，牛筋片，----配料及囗感豐富，一次過吃到六款牛的不同部份，心滿意足了。 而且每碗也附有大量芽菜和洋蔥等等， 正宗越南風味。生牛肉湯河另外朋友不想吃太多牛， 所以就叫了生牛肉湯河， 連去food court食飯也不計成本，以安格斯牛肉作為主菜， 整碗河粉的味道 和層次得以昇華。值得一提，河粉是吃過的越南河粉中最稔滑的一種，不是廣式的河粉，另外湯底以雞骨及牛骨 淆製了好幾小時 ， 飲落潤喉潤肺 ，湯底一滴油都沒有，值得一讚。-另外不得不提，每碗湯粉套餐也附有越南春捲， 即叫即炸，香口惹味。-牛油雞翼是越南小食必叫之物，外脆香口野味，內裡肉質白滑。-扎肉串全日套餐送春卷及可用優惠價加購小食，於是換了扎肉串，扎肉串外形一般，但咬落皮脆，肉質美味，十八元的確是超值價！