Fûhn Express (Closed)

有日放假走咗去旺角東到行街，行到攰就坐低同朋友一齊食嘢，啱啱喺越南去完旅行返嚟仲有啲掛住越南嘅嘢食，就提議不如去food court 食吓越南野我最掛住就係越南嘅牛肉湯河同埋豬頸肉撈檬，呢度嘅越南pho味道一啲都唔差，甚至我覺得比起越南食嘅更啱香港人口味，因為越南食嘅湯河太多芫荽蔥，對於我來講味道太濃，但係依一度嘅湯河部份比較香甜清淡，湯底亦都條配得幾出色，不過牛肉方面就可以再滑一啲豬頸肉撈檬都幾抵讚，因為份量較多而且豬頸肉都幾趣幾新鮮，食落去好友越南嘅風味，仲要配埋特製嘅醬汁點落去食真係好正，而且酸酸甜甜嘅感覺食落去好開胃夏天食就真係啱晒然後仲叫咗一個越式豬扒飯,豬扒亦都係炸得好脆所以佩文酸酸甜甜的醬汁亦都係好開胃,份量亦都好多性價比都幾高下最後我哋仲加咗一個牛油雞翼嘅小食，炸到脆口，熱辣辣食落去好香又有嘅味道而且雞翼亦都好滑食落去都好滿足

上星期同男朋友因為趕時間，於是係food court 快食左個午餐，揀左呢間人流好旺嘅越南食店。生牛肉湯粉生牛河一向係越菜代表菜式～呢到嘅份量唔少，好大碗好足料，生牛肉係黎自美國安格斯，肉質好鮮嫩軟腍，河粉好幼身好細滑，湯底都好正宗。特式牛湯粉呢個河粉有好多唔同款式嘅餸，鍾意食牛嘅朋友一定要試，裡頭有生牛肉、牛坑腩片、手打牛丸、牛筋片、牛腩邊、牛柏葉，一次過食晒咁多種類同口味，真係幾享受。扎肉米紙卷個米紙卷認真皮薄餡靚，裡頭配料同扎肉都好足料，先咬軟腍嘅外皮，跟住入面就係爽口嘅配料，加上肉味十足嘅扎肉，好開胃！無諗過快食一餐，都揀到間咁有質素嘅食店

🐂 特色牛湯粉 HK$78 (大)超多粉，而且好多款材料， 生牛肉、牛坑腩片 、牛丸、牛筋等。湯牛肉嘅味道唔特別濃，鐘意食淡啲可以揀呢個。.🐥 特色雞絲湯粉 HK$68 (普通)都係好大碗，但粉嘅份量好似比大少啲啲。材料又無咁多類，有雞絲，雞肉丸。湯偏鹹，如果重口味可以揀呢個。.🥢 扎肉撈檬 HK$52撈檬個醬汁係重點，但偏鹹，所以唔好落咁多。.🥠 升級小食 (每個套餐只可以加一款)+$22 手打蝦餅真係食得出一舊舊切碎咗嘅蝦， 都炸得幾趣脆。+$18 扎肉串唔知點解有啲甜味，但係呢款扎肉真係第一次食。+$18 炸牛油雞翼一食就覺得好重牛油味，而且上面有啲脆蒜，所以好香口。

平日見moko呢個food court咁多野食 今日就黎一探究竟 見到呢間食越南菜嘅 就黎試試我叫左個佢地推介嘅特色牛湯粉 雖然個名普普通通 但一上枱就嚇死左寶寶我 第一 佢超級大碗 我成個頭放入去都仲有位😂😂 第二 佢內有乾坤 勁多餸！！有牛坑腩 牛筋 肥牛 牛丸等等 每樣都落左好多 食到好滿足🙈 不過呢碗粉因為得一個size 就係大 所以就除非你好大胃口 或者有啲男人喺度 否則九成機會食吾晒另外 叫左小食 越式牛油雞翼 粉漿吾太厚 炸得好鬆脆 牛油味非常濃 同時亦因為佢用左牛油嘅關係 吾會好油膩或者滯 值得一提嘅係佢用左啲新鮮蒜粒炸左入雞翼入面 咬落去汁同油一齊標出黎 連埋蒜香 omg 係愛呀哈利 總體黎講 野食質素係幾高 加上價錢吾貴 環境空曠 人流吾太多 幾安靜 食飯吹水一流

平時行商場都會留意一下food court，因為選擇多，價錢又會便宜一點。最近來到 Moko 便逛一逛食代館。Moko 食代館不似一般的 food court，座位設計多元化，有不同的特色，裡面有大量不同的餐廳。Fûhn Express 就是其中一家。由佐敦店吸取經驗，再於 Moko 開這類型的餐廳。雖然餐廳位處 food court，但平時越南餐廳的醬料都有提供，非常方便。餐牌上都有不同越南美食，提供湯粉，飯和小食，而且價錢大眾化。特式牛湯粉 $78$78 一個湯粉，沒想到用料這麼豐富。生牛肉、牛坑腩片、手打牛丸、牛筋片、牛腩邊和牛柏葉，這個價錢絕對抵食。而且湯頭的份量也不吝嗇，味道也算香濃，少少咸香，不淡味。牛魔王絕對不能錯過。香茅雞扒撈檬 $56撈檬上各種配料都十足，唔會只有雞扒和檬粉令味道單一。加入酸醋撈勻後，味道酸醒開胃，雞排香脆又散發著香茅的味道，不同配料營造豐富口感。越式手打炸蝦餅 $22蝦餅口感香脆，咬開啖啖蝦肉而且彈牙，沾上泰式辣醬提升滋味感覺。越式炸牛油雞翼 $18雞翼脆口又有牛油香，雞肉保持香嫩口感。雖然餐廳位處 food court，但出品絕不 food cou

三點幾同朋友喺moko行街，行行下見肚餓就想食吓下午茶。不過moko食飯閑閑哋都要成百蚊，同埋下午茶我地又唔想食咁heavy，所以就去food court睇下有咩食。咁啱見到有新嘅餐廳，係越南菜喎，清清地就揀佢啦。睇到嗰餐牌樣樣都好想食，價錢又唔貴。咁熱嘅天氣就緊係揀清爽嘅雞絲撈檬啦！碗檬粉好彩色，啲菜一望就好知新鮮，完全冇苦味。平時都好少會見到有沙律菜喺撈檬度，新鮮嘅沙律菜提升咗口感，又咗減低油膩感。雞絲都好嫩滑！佢地嘅泡菜亦唔會過酸或者過甜，味道啱啱好，而且好爽口，所有材料撈埋啲粉一齊食好正。撈檬最緊要就係嗰汁，酸酸甜甜，唔辣，鍾意食辣嘅就要自己加辣椒。朋友叫咗素肉撈檬。就咁睇個樣應該有一款扮豬肉有一款扮牛肉有一款扮雞肉。朋友話深少少色扮牛肉個款口落硬左少少，其餘果兩隻都好好食。而且份量啱啱好。仲有撈檬入面仲有生菜撈埋一齊食感覺好健康，冇咁有罪惡感。扎肉米卷米卷一向都係我食越南菜必點嘅小食。平時食蝦今次試下札肉，又估唔到幾夾喎。味道不錯，料也新鮮，不過如果扎實少少就再好啲。

放工要去太子，約左女友係旺角火車站等。佢未黎到就覺得有D肚餓…所以等佢到左就捉佢係附近食左野先。佢話而家天氣熱，唔想周街走，就入左MOKO 搵食。最後都係上左去food court，而家呢間都幾多選擇，最驚喜係呢度原來有Fuhn! 以快餐既越南粉麵黎講呢間都幾有水準。而且係food court價錢好親民。就分別叫左一個撈檬同一個湯河。女友揀左特式雞絲湯河，呢個既餸方面都好多野，除左有雞絲之外，佢仲有鵪鶉蛋同埋雞肉丸，唔錯! 女友話個湯底好飲，平時佢好少飲湯的，怕味精重，但呢個用返雞湯好清好香! 湯河厚度適中，而且餸菜份量都好多，雞絲又唔會好um，而且個雞肉丸都好有驚喜，第一口有D似貢丸，之後再咬發現個雞味都幾香，好彈牙! 原來我地兩碗湯粉同撈檬都有越式春卷送，唔怪得多左一碟小食，仲以為畀多左，哈哈。呢個春卷都炸得好香口，個網面好鬆脆，而且佢唔算好大條，反而容易食，食落口又唔會太油。我既香茅豬扒撈檬真係有水準，配料齊全，份量十足，最緊要個豬扒好香又鬆脆，肉又冇雪味! 佢個撈檬汁酸甜度剛好!

睇完戲，諗住喺Food court搵嘢食。可能已經食厭咗其他西式同日式野，所以大家見到呢間越南菜都好有興趣。一行三人，總共嗌咗兩碗湯粉同三個小食。特式牛湯粉鍾意食牛嘅一定唔可以錯過。越式牛湯粉一定唔少得有生牛肉，拎到埋位仲係半生熟，浸湯食啱啱好，而且食落肉質鮮嫩，非常可口。牛坑腩同埋牛腩邊亦都唔錯。另外牛湯粉入面仲有牛丸、牛柏葉等等。特色雞絲湯粉 兩款湯粉嘅份量都偏大，一個人真係未必食得曬。 雞絲湯粉有手撕雞、鵪鶉蛋同埋手打雞肉丸。越式手打炸蝦餅小食都係即制嘅， 炸蝦餅外皮炸得香脆，入面就好彈牙。越式扎肉串 + 越式炸牛油雞翼扎肉串嘅外皮好香脆而入面嘅浴液加入咗香料食落好有風味。雞翼炸得好香脆，好香牛油味，而且外皮放滿咗蒜片，食落好惹味。

話說將近去泰國旅行，同朋友們約出黎開個會先元朗與大圍的交接點莫過於起旺角東站相見最近有個位同食野既就起樓上食代館，方便吧~~成日起FOOD COURT都食PEPPER LUNCH, 倒不如試下其他菜越南菜都不差喎~~份量也十分大碗，幾抵食同埋全日套餐就一款湯粉送越式春卷兩件及雞肉湯如果唔想食越式春卷仲可以升級小食為手打炸蝦餅、札肉串、牛油雞翼出面仲向種調味料任得你加，真係樣樣味都齊曬青檸、辣椒、香葉、蔥花等等都配備埋我就叫左個特式牛湯粉裡面就有生牛肉、牛坑腩、手打牛丸、牛筋片、牛腩邊、牛柏葉用料豐富架~~湯底會較清淡，所以我地用左大量調味料製作出屬於自己的一碗麵我朋友就叫左個雞絲湯粉，雞絲份量十足，我朋友都大叫食唔曬~~首先，睇下我個碗特式牛湯粉又幾大碗又幾多材料先~~手丸非常彈牙同鮮甜，牛坑腩真係啖啖肉蝦餅、雞翼都岩岩炸起，熱騰騰的蝦餅個炸粉落得唔多，係薄薄一層好直接就食到蝦肉本身，蝦切得大D，就重D蝦味~~而不是粉味雞翼也比想像中的脆口，裡面仲KEEP到肉汁~~GOOD...無咁乾身我地仲叫左個越式札肉米紙卷份量真係大到食唔曬~~有個4大件仲要裡面粉絲十足~~好彩多得旁邊D酸菜開下

Fuhn Express 越南美食一段時間冇食越南野，今晚同一位朋友心血來潮，在新世紀廣場 food court 內找到一間高質量價錢平的越南粉.兩個人一人一碗越南火車頭粉就一定少不免，一碗生牛肉湯粉，一碗特色牛湯粉，特色嗰碗有: 生牛肉，牛坑腩，牛筋，手打牛丸，牛柏葉。而兩碗湯很所有牛肉都是用安格斯牛肉的，牛肉湯香濃但望絡去非常之清晰，牛肉湯飲落從肉骨味再加一些越南獨有的香料味真係清新香濃，特色牛湯河裡面安格斯牛肉嫩滑香口，牛坑腩的肉質一層層的肥肉非常好味，手打牛丸與眾不同，牛筋香軟滑，牛柏葉白雪雪的。另外仲叫了兩款小食，越南春捲同越南蝦餅，越南春捲鬆脆香口，越南蝦餅真材實料蝦肉彈牙，兩種小食非常之可口高質量價錢平food court裏的越南美食值得一試!

係MOKO行行下見餓又想食越南野，於是揀左FOOD COURT內既FUHN’落單後好快手，唔洗十分鐘所有野到齊。燒豬頸肉撈檬 $58豬頸肉輕輕燒過外層，令外層香脆，肉質彈牙，而且多汁。檬粉軟硬適中，配上特製既魚露汁寧舍滋味開胃，而且配菜豐富，有不少醃製籮蔔, 花生, 香蔥等。生牛肉湯河 $52檸粉配牛骨湯後更條條分明，而且配料齊備，可自行加青檸、辣椒、蔥粒等，安格斯牛肉嫩滑、配菜又多，如芽菜、醃製籮蔔、洋蔥。牛油雞翼(4隻) $48牛油味濃郁，炸得香脆，食落會卜卜聲，一咬開，肉汁流出。越式春卷 $32外皮炸得香脆，內裡豬肉碎野味，配搭軟滑粉絲加彈牙雲耳，恰得好處。紙米卷 $38外層米紙煙煙韌韌，內裡包住新鮮蔬菜及爽彈扎肉。兩款小食都有配上魚露汁，更是滋味!

Weekend 旺角真係好多人新世紀（宜家叫moko 但仲未改到口）差唔多所有餐廳都滿晒淨係可以去food court 搵食😭已經唔知自己幾多年冇去過food court,人大左對食物越黎越有要求但太餓既關係都局住要食之前食過銅鑼灣Fuhn express, 記得質素唔錯價錢都算合理，而且$18至$22已經有一個小食我哋三母女好為食咁叫咗三個小食我覺得札肉春卷都唔錯雞翼雖然好香但係好多油主食方面，叫咗一個雞扒撈檬，一個豬頸肉撈檬，一個生牛肉湯河湯河既湯底好正另外兩個撈檬水準同我喺銅鑼灣分店食差不多雖然旺角moko呢間係food court整體食物都比我預期好

今次來到旺角MOKO 的 Fuhn Express 位置在3樓食代館呢個 Food Court 食店臨立 中西日式菜不乏選擇 而主打越南菜就只此一家呢度食物款式選擇多 有湯麵 撈檬 飯我叫左個豬頸肉撈檬 再追加左蝦餅豬頸肉係厚切 咬落好滿足炸蝦餅外皮脆脆的  蝦肉好有份量 跟套餐+$22叫大件夾抵食有菜苗和酸菜平衡返油膩感檬粉條條分明 爽口彈牙 正要提一提就係個汁好重檸檬香味 岩哂炎炎夏日食 關胃一流

Food court有眾多選擇，先圍繞整個food court看看吃什麼好呢，走到最尾段，見到這家越南菜很熟口面，之前曾到過銅鑼灣那家店，所以選這間比較穩陣。生牛肉牛栢葉湯粉：生牛肉片薄薄很快便熟，牛肉帶點油脂，不會太韌咬不開；牛栢葉爽口。湯底味道清淡，帶牛骨味，不會太濃；河粉的份量多，河粉慢慢吸了湯精華，很飽肚，最後友人亦吃不完。特色雞絲湯粉：轉了金邊粉，雞絲及麪條份量都很多，雞肉有鮮味，還有丸子、鵪鶉蛋、洋蔥絲及香料。原來丸子是手打雞肉來的，較為特別，因為平日都很少吃到以雞肉打造成的丸子。扎肉米紙卷：米紙卷材料豐富，滿滿的蔬菜加扎肉條，不過米紙外皮可能放久了，有點硬，旁邊配菜還有酸甜青瓜及蘿蔔絲，蘸點酸辣醬，更加惹味。所有湯麵／飯均送上越式炸春卷，網包春卷，香口鬆脆。

#Fûhn Express (旺角)假日四處都擠滿人潮。在食店林立的food court 選中了這家越南粉🤤。#特式牛肉湯粉 就是大什錦，包括了：生牛肉片、牛坑腩片、手打牛丸、牛筋片、牛腩邊和牛柏葉。麵底亦相當多，兩個小女生分一碗都夠飽。湯頭充滿牛香帶甜味，粉亦有米香不易斷。配料都是高質滿牛香肉味濃。喜歡吃牛的牛魔王們必點。#豬頸肉撈檬 $58 味道比較港式，面上有一督仔蔥油，豬頸肉厚身燒得好香。加左隻勁靚太陽蛋$6，煎得好靚仲有燶邊，好正。#蝦餅 + $22 炸得很脆，充滿蝦肉和蝦膠， 但調味略鹹。 #牛油雞翼 +$18 牛油味好香炸得香脆，但味道都是略鹹。#越式炸春卷 睇漏左原來揀佢啲粉面就會送春卷🙈所以叫多咗嘢食，你地記得啦！春卷炸得勁脆裏面嘅餡嘅味道啱啱好係最好味嘅小食。