念月樓

Open Now

Now Closed

是晚叫左個4人套餐，頭盤鮑汁雞腳，份量少就預左，size細唔緊要，甩皮甩骨。冬瓜炆豬腳，豬腳尚可，冬瓜未入味，稍硬。焗豬扒飯是另外加的，食唔出有咩特別，同普通茶餐廳無分別，但價錢係3倍。炒飯偏硬。蒜蓉菠菜，好咸。條蒸馬友就合格。比較滿意就係最後既甜品。服務態度麻麻地，當服務員在收碗碟時，我地提服務員“可否加加水”，佢答“我收緊碗呀，一陣先啦”。其實，你可以話“我整理完枱上碗碟再幫你加水”。要培訓！

念月樓 - 大圍📍大圍車公廟路18號圍方2樓232號舖第一次黎the wai呢個新商場，地鐵行過黎一分鐘，扶手一上直行就到。念月樓係望月樓姐妹店，食中式川菜，仲有二人餐，好抵食。前菜 +茶水冷盤 麻辣貢菜，開胃, 小小辣，好爽口。蒜泥白肉白肉包住青瓜，減去咗豬肉嘅肥膩。上面嘅蒜泥，磨到非常之細，好考心思。而個汁就甜甜地，啱晒我地口味。香辣豬耳絲對比起蒜泥白肉雖然冇咁特別，調味係少少辣，少少滷水味，都係爽口既，如果入味啲會更好。白肺湯除咗豬肺仲有瘦肉，白菜頭，杏仁味十足，秋天咁乾最啱潤肺。入邊啲料都好豐富，細細一碗，已經有六七粒豬肺。酸菜桂花魚故名思意有酸菜，桂花魚係無骨既，菇，湯底好香麻油味，冇味精，可以當湯飲，小酸，但好開胃。魚肉好滑，肉質爽口，夠晒鮮味。擔擔面因為我哋唔食辣，所以可以俾我哋轉擔擔麵，估唔到佢一人一碗細細碗，個湯頭好甜，少少麻辣味，仲有一啲花生香味，唔會太杰太濃，好易入口。麵底都好彈牙，推薦！上湯菠菜熱辣辣出晒煙，有炸蒜嘅味道，菜好新鮮，夠稔，大大碟，好滿足芝麻卷內外都係芝麻，夠晒薄，攤返開，見到佢嘅黑芝麻一粒粒，非常足料，仲好爽滑煙靭

同老公入左呢間酒樓食普通晚飯，貪佢坐得舒服又唔會限時。今晚前菜係蒜味豆角，香蒜味重同爽口，ok好食。叫左d好餸飯嘅餸，麻婆豆腐同芋頭油鴨煲。麻婆豆腐只屬少辣同有少少香料味肉碎，有好多滑豆腐，都幾惹味。另一味嘅油鴨好香好煙韌，芋頭好粉，汁底有椰香，亦都係好好餸飯。椰汁桂花鴛鴦凍糕賣相精緻，淡淡桂花香同椰香，糕嘅口感軟硬適中，作為晚飯甜品唔錯。地方整潔、餐具都好精緻。就腳又想靜靜地食個中餐，可以一試。

新商場新開的中菜館水準很不錯啊～這次與家人到大圍圍坊的念月， 地方舒適環境優雅，-除了各款燒味海鮮粵菜，甚至連大閘蟹都在應市了，在圍坊嚐粵菜這裡是首選呢～-一嚐幾款招牌菜,每款都份量夠鑊氣足，首推招牌焗豬扒飯，份量超澎湃！豬扒厚身啖啖肉，飯底也炒得金黃有鑊氣，蕃茄汁酸香醒胃。-還有秋冬必吃的臘味炒芥蘭，-臘味的油香都滲進芥蘭裡，油香香氣逼人，-喜歡蔬菜類的，也大推竹笙紅燒豆腐，-豆豆腐惹味內裡嫰滑，超惹味的～若果不是蟹粉小籠包售罄了，絕對會再想趁季節蒸多兩隻呢下次會來這裡飲茶食點心哦~

第一次去念月樓, 位於圍方2樓, 星期日同屋企人飲茶, 12點坐低, 個場8成滿, 陸陸續續多人.叫咗個二人餐$580 , 再加其他單點, 4 個人埋單$1210. 套餐份量都好足杏汁白肺湯好好飲, 杏汁味濃, 足料前菜: 蒜泥白肉 加 麻辣豬耳, 水準之上酸菜魚正正常常波菜好大份兩碗仔重慶酸辣麵甜品: 芝麻卷散叫蝦餃, 足料好味 水準之上, 如果咬落去有多啲汁就完美雪山叉燒包, 正正常常春風得意腸, 好食外軟內脆灌湯餃用盅上, 湯浸住隻餃, 唔係傳統既餃包湯, 但都足料好食, 食到有蟹肉

最近去咗 #圍坊 食咗間會令人尖叫嘅川菜🌶️！環境高雅，二人套餐仲做緊優惠$580/2位 💢！（原價:1060)睇到冇理由唔揀佢! 鍾意食川菜嘅朋友，記得要收藏🥰🧡 蒜泥白肉🌶️嫩滑嘅白肉搭配濃郁的蒜泥醬，口感豐富濃郁!白肉煮得啱啱好，肉質鮮嫩，而蒜泥醬則帶來了濃郁的蒜香和微辣的風味。滋味又開胃！🧡香辣豬耳絲🌶️豬耳絲切得細薄，口感脆爽，配埋麻辣醬汁，又辣又香❤️原來我平時唔係好食嘅都覺得正🥰過癮過癮😂! 🧡杏汁燉白肺湯食咗咁多辣，一定要揀番個滋補嘅湯，順便減減辣🤣佢嘅湯底唔夠清澈，味道鮮甜，白肺肉燉得軟嫩，最正係佢嘅杏仁味唔會好強，就算我平時唔多飲嘅杏仁汁嘅都會愛上！佢有滋補身體嘅作用，冬天飲就啱晒啦♥️🧡水煮酸菜魚🌶️鮮嫩嘅魚肉同酸菜，搭配上不同嘅辣椒、花椒，製成超濃郁嘅辣味湯底，食落有不同層次嘅辣感。魚肉煮得嫩滑，口感豐富！讚呀👍🧡上湯浸時蔬：清湯嘅鮮甜同菜心真係好爽！食左咁多辣真係要食返道"菜"清清腸胃🤣🧡 家常酸辣麵🌶️個麵煮得彈牙，搭配上酸辣嘅湯真係好惹味！佢嘅辣味比較出， 啱晒鍾意食辣嘅朋友!記得留肚食🤣🧡生磨芝麻卷捲埋幾層好有口感，咬落煙煙韌韌仲有超濃郁嘅芝麻香，即刻中和返晒之前嘅辣

今晚又去圍方去發掘一下美食，結果揀咗念月樓，坐底才知道原來是Lubuds集團的，覺得自已好犀利冇揀錯，因為Lubuds 一向水準都不錯。餐前小食 - 蓮藕片 $25少少辣的蓮藕片很爽脆，不錯的小食。水煮厚切牛脷 $378牛脷係我嘅至愛，一👀到「厚切牛脷」這四個字，就急不及待話要點，那種厚切絕對是我想要的，因為這樣才有「咬」口，加埋水煮汁的香辣味，教我如何不愛它呢！😋😋除咗牛脷，仲有其他配料如鴨血、竹筍、冬粉，還有花生芽，今晚係我第一次食這款花生芽，感覺味道似吃厚身芽菜，幾特別！砂鍋生拆蟹粉炒飯 $468見到侍應倒下那些蟹粉，已經聞到陣陣香味，非常邪惡的炒飯，𥚃面仲有好多帶子，食到舔舔脷，停不下來，很少在晚上吃那麼多炒飯！😜😜櫻花蝦魚湯魚滑泡時蔬 $178食咗太多濃味的牛脷或炒飯，所以要番一些清淡時蔬來平衡一下。

Lubuds 集團的餐廳一向皆有水準，今次走到大圍圍方的「念月樓」，新開推廣平日晚上蔬菜類及炒粉麵飯有八折，吸引了我來。茶錢每位$20餐前小食 $25自動送來的餐前小吃是辣辣地的蓮藕片，爽脆微辣都唔錯。水煮厚切牛脷 $378心水推薦這個牛脷，因為是極厚切，咬落軟棉棉又爆汁，水煮汁香而不過辣，除非你自己挑辣椒吃。水煮湯內有不少其他材料，包括香港少吃到的花生芽、常見的蒿筍、竹荀、鴨血及必備的冬粉。做得精緻，不算油膩。砂鍋生拆蟹粉炒飯 $468在「紅棉」吃過類似菜式念念不忘，那蟹粉真心正，淋在砂鍋飯之上，已經垂涎欲滴！不過應該唔好咁快攪勻食，必須先邪惡地淨嚐。蟹肉炒飯內有非常多的帶子，味道鮮美。櫻花蝦魚湯魚滑泡時蔬 $178餐牌看來套餐幾抵食環境中高檔，新派中菜風格，招呼很好。餐廳入口右方是平台，飯後可以出去走一走，正有萬聖節佈置。 

位於圍方既念月樓主打中菜同川菜~餐廳裝修以中式風格為主, 牆上掛著不少中國書畫, 很有中國風情環境優雅舒適, 氛圍溫馨~ 佢哋嘅服務都唔錯, 員工親切友善, 態度好好餐牌上有多款中菜川菜選擇~ 款式非常豐富!提供單點或套餐~~茶介 $20/位冰山雪菊帶有清新花香, 口感清涼且具淡雅香氣, 口感溫和前菜--涼拌蓮藕 $25蓮藕清新爽口, 帶點微辣, 十分開胃XO醬露筍炒帶子 $238菜色賣相精緻, 色彩鮮豔~~帶子係新鮮嘅大粒鮮貨, 粒粒都炒到金黃色 質感鮮嫩, 肉質鮮甜彈牙, 有咬勁露筍顏色鮮綠, 清脆爽口~~XO醬增添咗一份香辣味, 令整道菜味道更加豐富每粒帶子都超大粒秘制柱侯牛筋煲 $218煲裡盛載滿滿嘅牛筋, 份量非常多~~牛筋嘅質感非常軟綿, 嫩滑多汁! 經過秘制柱侯醬嘅烹調, 味道更加濃郁柱侯醬嘅香味滲透入牛筋每一絲每一寸, 帶出咗牛筋本身嘅鮮甜味道而蘿蔔更加索晒醬汁, 好入味好juicy

圍方開咗咁耐都未認真行過，今日放假同屋企人去搵間精緻中菜一齊食，見佢有個二人套餐新張大特價，原價$1060優惠價$580超抵食，再加啲小菜好滿足🌟二人套餐 $580頭盤：蒜泥白肉同香辣豬耳絲兩款都辣辣地夠晒開胃，尤其欣賞蒜泥白肉信蒜醬磨得超滑，塗上爽滑白肉入口好滋味杏汁燉白肺湯：杏汁湯呈奶白色，入口清潤，白肺大件好足料酸菜煮桂花魚：魚片厚身鮮甜，個湯酸辣又開胃，飲完一碗又一碗上湯浸時菜：菠菜新鮮幼嫩，海鮮上湯帶出蔬菜甜味擔擔麵：花生同肉碎味道濃郁，麵質又滑又有咬口生磨芝麻卷：好特別係白芝麻卷，比平時食嘅芝麻卷冇咁甜，但白芝麻味都好出🌟脆皮蔥油雞 (半隻) $348雞皮真係好脆，仲好鹹香，雞肉有用蔥油醃過，伴碟再有一大堆蔥油，啱晒重口味嘅人🌟椒鹽九肚魚 $118九肚魚炸得金黃酥脆，魚肉嫩滑，件件肥美可口

見圍方呢個商場開左無耐 念住帶屋企人去食下飯行街😻就簡左呢間中菜館👍🏻聽人講呢到既價錢比較進取🤣不過最近做緊二人套餐優惠 款式都多 份量夠 價錢平一大半 都唔錯😋💯環境裝修華麗雅致 坐得都舒服 最緊要系店員貼心服務好 周不時幫我換碟、加熱水等 又有推介有咩食 整體感覺屋企人都話唔錯🥰🔥二人套餐🔥▫️蒜泥白肉 ▫️香辣豬耳絲 ▫️杏汁燉白肺湯▫️酸菜煮桂花魚 ▫️家常酸辣麵 ▫️上湯浸時蔬▫️生磨芝麻卷呢個二人套餐都幾抵食 精緻得泥款式多樣😍蒜泥白肉重蒜 肉質唔會鞋 食落開胃惹味豬耳絲爽口微辣 惹味之選每人一碗白肺湯 杏汁味好出 豬肺軟嫩 最緊要乾淨😂酸菜桂花魚無骨 肉質嫩滑啖啖肉 而且份量好多💯💓脆皮蔥油雞(半隻）外皮香脆 中間有層油脂肪 肉質嫩滑唔鞋口 加左蔥油點綴 味道更濃郁有雞味💯💓椒鹽九肚魚是日最愛😻九肚魚脆身熱辣辣 皮薄內嫩 味道較淡食落無骨 魚肉鮮味十足 一啖一塊 何其滋味🤤

平日放假同媽媽去圍方行下，去左一間川菜同點人集合既中菜館，門口俾我感覺好有氣氛同乾淨，媽媽又鐘意食點心就入左去果然無失望，好乾淨企理，餐具好特別好靚，有我鐘意既藍色第一碟斯上菜，海鮮芋蓉盒，好特別同埋其他酒樓好小會食到！第一口真係好好食，夠脆夠熱，啖啖都係芋容，海鮮第二碟，陳皮牛肉腸粉外皮超級通透皮薄，最正既腸粉莫過於此，好滑同埋多牛肉第三碟，蝦餃，味道不過不失，同平時食既差不多，正正常常都不錯第四碟，四川擔擔麵，不錯哦，我要求都幾高，同埋好大碗估唔到，麵好有口感，湯底麵不錯，但要好辣既人就唔岩服務好好，比起其名牌酒樓，人手充足招呼周到，好耐未試過係香港有咁好既服務茶都好飲，價錢合理，會再黎幫襯的

大圍‘’圍方‘’一開的時候人頭湧湧，我就待第一批趁完熱鬧，今日平日先去行下😅趁未到中午午飯時間，搵位飲茶先🤭上openrice 見到“念月樓”似乎吾錯，就試試吧～裝修雅致，座位寬敞👍水滾茶靚，茶具更是精緻漂亮😍紅菜頭水晶餃$68賣相好靚，紅彤彤嘅水晶皮，包住粒粒紅菜頭和海鮮粒，既爽口又鮮甜😋😋😋好食之餘。。。仲做左善事👍係侍應好貼心咁介紹俾我地嘅🫶鮮露筍蝦餃$65飲茶必食😅皮薄餡靚，粒粒都飽滿及晶瑩通透，蝦肉爽口彈牙，新鮮是也👍上湯杞子鮮竹卷$48上湯清淡透杞子香味，鮮竹卷都係用海鮮做餡料，落足本錢😍黑松露野菌腸粉$68黑松露鋪在晶瑩的腸粉皮上，一啖咬落口有滿滿嘅黑松露香氣，包住非常香濃嘅野菌，滋味👍茹素者都啱食～雪山义燒焗餐包$48熱呼呼的，外皮脆脆的，包身好軟熟，當然吾少得美味嘅义燒餡呢😅😍侍應人手充足，所以有殷勤嘅服務，不用等茶壺沒水就自動跟我們添加👍今時今日有這樣招呼真的沒有很多家酒樓做得到😊值得讚許❤️

食川粵菜唔駛穿越時空，圍方就有😂 環境舒適優雅，嘆茶食點心一盅兩件，抑或烤雞烤鴨再炒幾碟精緻小菜配粉麵飯都一樣得～ 而家嘅侍應生服務態度都好好，好有禮貌～ 仲比咗張意見紙我填～ 又有個女侍應時不時會睇吓我哋壺茶水滿唔滿，幫手斟～❣️全部點心即叫即蒸/炸～ 其中最特別嘅點心有「魚中龍皇牡丹蝦」，係世界廚師錦標賽2023嘅獲獎作品～ 打開蓋，高湯上有兩隻小金魚伴隨魚龍皇暢泳，游向水中赤龍珠，非常賞心悅目🤍 湯中仲有蟹肉、蟹柳絲、杞子，令湯更鮮甜味美😋 而其他點心雖然無巧妙趣異嘅造形，但都非常精緻同好食～ 就如芙蓉海鮮芋茸盒一上桌，嗰種香芋味竟然撲鼻而嚟，而入口香酥鬆脆，真係超讚👍🏻仲有春風得意腸粉嗰塊滑滑嘅腸粉包住脆脆嘅蝦都係非常好食😋

念月樓餐廳剛剛進駐喺沙田大圍站圍方商場2樓,餐廳裝修高尚典雅,牆身掛上富有中國色彩的掛畫,地方寬敞,令食客食得舒適,餐具充滿中國色彩古典嘅圖案,甚為搶眼,服務員招呼到位,點心都很快上桌。煲湯瓜粒牛肉球餐廳用一個可愛嘅獅子器皿承載冬瓜牛肉球,熱騰騰嘅湯鮮甜不膩,冬瓜粒吸收咗牛肉汁好鮮甜。蜜汁黑毛豬叉燒包黑毛豬叉燒包餡內豬肉肥瘦適中,唔會太鹹或太甜,包質食落鬆軟。芙蓉海鮮芋茸盒入口鬆化內軟,食落滿口香芋和海鮮味,仲有蝦片碎作伴碟。香煎焦糖小米糕小米糕食落有口感,好特別,微甜,係健康嘅甜品點心。紅菜頭水晶餃用紅菜頭做水晶餃外皮,鮮桃紅色的水晶餃都好奪目,餡內有肉碎和鮮蝦,這款特別的點心係做緊善事,用來幫助乳癌的病人。