富粥 (Closed)

好耐無寫食評，吸引我再寫呢篇食評，係因為太失望。前排去廣州食過廣州幾間既布拉腸，覺得好好食，響香港心思思想食，就周圍揾下有無，比我揾到呢間。中午入去 得閒位女士坐左係度等外賣。我叫左個 布拉生菜腸粉 同 布拉叉燒腸粉，外賣盛惠total 40蚊。個女士想嗌碗碎牛粥，個店主/店員粗聲粗氣咁話 "碎牛咩野? 咩野碎牛?" 女士話 "我想要碗碎牛粥呀唔該"， 跟住個店主/員又用同樣語氣話 "我地無碎牛粥呢樣野!"... 個女士後尾心急，走去問下碗粟米粥得未，仲有3分鐘要衝返office，佢已經係驚驚青青咁，勁唔好意思地問.... 之不過換黎既係同樣語氣。。。食物方面。。。# 叉燒腸 # ***** * 6/10叉燒好乾柴，好厚又大舊，同啲腸粉好似夾唔埋咁。腸粉好軟....只可以講好軟... 無煙un彈牙既感覺。# 生菜腸 # ***** * 6/10生菜熟得滯，做唔到爽脆既效果，腸粉好軟，好似亦係過熟咁。總括黎講，同廣州街邊求其一檔都無得比。

第一次openrice寫食評，但不吐不快。叫左個皮旦瘦肉粥，义燒腸。個粥來到習慣撩一撩個粥，稀到無得再稀，大概有7-8片手指尾甲咁大既既肉加4-5粒皮旦，由此可見豬肉真係貴左好多好多，我寧願你標貴少少比返d正常份量我。 個义燒腸味道係不錯既，只嫌個豉油加左不少油。 至於服務方面，本來小店也不會期望什麼服務，只係一個四眼後生仔唔知係老闆定店員，收碟收到噼里爬啦，掟落個桶到，如果心情唔好，大可請假一天，到埋單時，佢某低左喺廚房玩電話，要我重覆自己食左咩先話到比我知幾錢

咁啱揸車去土瓜灣果頭，於是就順便試試「富粥」。即拉叉燒腸粉由於比較夜去所以當時客人唔多，落咗單後見到老闆即時入廚房開爐整腸粉，所以真喺新鮮滾熱辣咁整好。腸粉厚度適中，無偷工減料整到薄切切咁，所以食落好有口感。唯一可惜嘅喺叉燒比較小，比較鍾意食多料嘅腸粉，因為食落口會更豐富。由於今次喺外賣拎走，所以外賣盒內嘅水蒸汽或多或少會影響到腸粉嘅味道。所以建議大家都喺堂食好過。即炒豉油皇炒麵雖然喺外賣拎走，不過喺一路行一路食，所以無俾水蒸汽影響到。呢道嘅炒麵鑊氣差d，炒麵唔夠乾身。不過調味好好唔會太鹹。地點唔太好搵，如果唔喺經過附近都唔會專登過嚟食。

在今晚之前已來過富粥幾次，感覺粥和腸粉都很好吃，但經過今晚的遭遇後，不會再考慮幫襯。今晚外賣自取，叫了皮蛋肉碎粥和雞蛋蝦米腸，粥吃到最後階段卻給我看到有兩隻蟻在膠碗底，而腸份一整盒都有沙石，已不敢想像剛才吃下的東西會有甚麼後果

朋友在紅磡區返工 經常叫佢外賣速遞 今日終於過嚟現場食 除左士應哥哥打乞嗤唔遮口 我地叫嘢食唔行埋嚟要我地大叫之外，嘢食都係無令我地失望嘅！出面街好少食到呢種皺皮腸粉，加蛋一流！

幫襯左富粥幾年，一向是食腸粉同紅豆沙，有次試左佢既粥，估唔到出奇綿滑同夠味。見到有時令蟹粥，作為海鮮怪既我又點能錯過。Order左魚片蟹粥，一上枱即刻試一啖粥底，果然無令我失望，綿滑既粥底帶有蟹既鮮甜味，仲加左薑片辟左海鮮既腥味。大大隻既蟹佔左碗面八成面積，咬一下啖啖肉，又鮮甜，真係大滿足。比起出面既所謂蟹粥，貴得來又無蟹味，今餐真係抵食到不得了。美中不足既係魚片太多骨，食得唔太爽，下次可以要魚腩或者淨蟹粥。十分推介，因為真係好好味！！！支持小店！

多過兩年沒有回到富足吃手拉腸粉，仲記得第一次吃的時候覺得很滑很滑，喜愛多蔥，啖啖蔥配香滑的腸粉。今日點了一客肉碎韭菜雞蛋，總覺得味道變了，沒有了很滑的口感，不知道是什麼原因。分量沒變，加蔥花都不夠香口，豉油味道可以，不過沒有了一鳴驚人的感覺。

去紅磡開會，中午搵咗呢間粥店，門面細細，玻璃貼滿食物相片，店內紅磚牆小圓桌，地方不大，當時無其他客，我們幾個包場！店員又係廚師一個男仔！食品好多配搭，可惜今日無蟹！叫晒男店員就入廚房煮食物，都要耐心等待，因為即叫即做！白粥（$12）見住店員在開放式廚房，上菜前順手落咗蔥花，之後再𢳂走，但又𢳂淨一粒（其實有蔥我都ok架）粥底杰身夠綿夠熱，上菜時已有鹹味（枱面都無鹽）呢樣可以由客人落好啲，始終想食清啲先食粥！即拉雞蛋🥚腸粉（$19）好滑，好似雪花冰咁摺曲咁，索晒微鹹甜豉油，腸粉好滑，同蛋完美夾埋一齊，加啲蔥花好好味！五邑肉粽（$18）我唔知五邑係乜意思，上網搵即廣東江門一帶，粽糯米深色，索晒材料嘅味，我自己喜歡食糯米，糯米夾雜綠豆，中央鹹蛋黃鹹香，肥豬肉我無食，油份都比糯米索咗！幾好味同事食：皮蛋肉碎粥（$28）魚雲粥（$40）粟米豬潤粥（$33）即拉牛肉腸粉（$37）食物真係幾好味，尤其即拉腸粉，值得等！店員唔多說話，聽完就做！真係無乜接觸！無比收據為咗個腸粉要再來！

今日同老公都想食碗粥，第一時間諗起屋企附近富粥粥店買左兩碗雞粥，粥底軟綿綿，雞好滑非常美味，佢地既腸粉都有好多款，仲有好多少食，不過環境地方比較細，所以叫左外賣返屋企食。

細細個既時間，屋企人成日都會帶我出去食野，最鐘意既肯定係皺皮腸粉，上碟個樣唔似平時酒樓平滑既腸粉。時光飛逝，呢家愈來愈少地方可以食到呢種風味。早排上網睇到呢間粥店既推介，拿拿聲就去左幫襯，佢地可選擇的都幾多，腸粉既選擇更加佔了大半頁。嗌左咸肉糭同雙蛋肉碎腸粉，咸肉糭稍為煲得淋左少少，不過味道幾好，配料份量都算多至於主角---腸粉可能係對佢既期望太高，食落有點兒失望腸粉唔算太滑，肉碎變成了肉餅了只能說....還好吧…

香港有台山/潮式腸粉的店舖廖廖可數，店家以家鄉味道、即拉腸粉、即叫即蒸作招萊，也有煲得已綿的生滾粥，獲得不少街坊鄰里的支持。粉漿加入了葱花，一併放進蒸爐，待成腸粉皮後，用剷刮起，配搭不同餡料再捲起，與常見的布拉腸粉不同。腸粉大約等十分鐘左右，蝦米的香氣率先領場，夾雜豉油和淡淡腸粉香。葱花更豐富了香氣、口感和顔色。腸粉入口滑嫩，質感較厚，蝦米碎牛略帶鹹，店家自製的豉油加了爆香的蒜蓉、辣椒及麻油，淋在腸粉上十分惹味！

土瓜灣商舖食肆林立，䱽仔在此小區上班，每天中午都四出覓食，大多都是草根食堂，價錢頗便宜，但用心用意的招牌小店漸被收購重建。「富粥」是一間裝修別緻的小店，主要賣生滾粥，櫃桶即拉即蒸腸粉和特色小食。店內光線充足，整體感覺乾淨衞生。我很怕到舊式茶餐廳用饍，因為感覺很不乾淨。店內裝潢走懷舊風格。價錢亦相當簾宜，三十數元到幾十元的水蟹粥都有。即拉腸粉可配搭不同材料，任君選擇。九王(韭黄)碎牛腸粉$20，即叫即蒸，充滿米香，十分嫩滑。讓我fully recharged 了半個鐘。

食物品質還0K，但嗰幾個男員工態度愈來愈差。西口西面，語氣惡劣!有客人坐低毫不接待 ! 自己手機照打，水照吹。幾乎叫佢都唔想應 !3間分店中，呢間最差 !!!!! 希望肥仔老闆見到此 post, 找人微服出巡，了解真實情況。

There are three branches, so far I have only tried this branch and the one at Whampoa.The ricerolls are too soft at Whampoa and the food costs more at that branch.The ricerolls here are so much more elastic and springy with a decent rice flour taste.The grass jelly is another must order because the texture is soft like Taiwanese grass jelly and they put condensed milk which makes it so deliciously creamy and not too sweet.

今晚係土瓜灣收工搵野食，甘岩見到呢間特色腸粉粥店就入去試試。間舖唔大，得四至五張枱，但有冷氣機滴水，要小心睇住。一個人叫左田雞豬潤粥同齋腸，驚太飽😂呢間田雞豬潤粥好好味，田雞有味，似有調味過，比起之前係北角食呢個粥都要五十幾蚊，而且d 田雞係白烚，呢個扺食好多。齋腸都ok，但比粥品失色，略嫌太大舊，豉油唔夠多，相信可以問佢拎多啲。呢間店d粥好綿好好食，價錢又抵，而且見佢仲有水蟹粥，都係四五十蚊。性價比好高，會來再食。