福禧食館 (Closed)

2月14的一個晚餐,同女朋友來這老店(開左都有8-9年以上,現在的地點是新的)食左個2人餐菜單如下: 冷食,正常野唔係雪..唔用汁會沒味,量多,淡口味人士會ok,口味重者,會沒什麼感覺..就如本人-.- <--樣平平無奇,但一食精彩...你會感覺到炒果個人....一定係做中菜出身!飯干身!爽口!粒粒皆獨立分開!味道層次清楚!係你口到浪下浪下....最後咬晒-.-+ 意想不到的一味,芥藍唔老,沒出水情況,有咬口唔會硬!馬拉棧香味出,又沒迫走芥藍味,係唔多汁的情況下炒到咁唔容易!你食過d炒到水汪汪的話就知果廚唔流....最後食晒. 兩凍飲平平,正常,118$加14$買單.好合理的一餐.結論都係果廚得,佢地d越南野就流於形式,不過平民食店價位來說,出品叫有心做同有態度. 吹雞再來,指日可待

朋友極力推介呢間越南野又平又好食.於是黎左試一試佢..我叫左手撕雞撈檬.朋友叫左香矛豬扒米線..手撕雞撈檬($19):食落好咸..真係咸!! 手撕雞好肥..見到都唔開胃..檬粉一舊舊好散.我覺得好難食-_-香矛豬扒米粉($19):朋友咁佢d豬扒超正~我見佢食到津津有味咁..不過可能大家d口味唔同啦..不過講平~呢度都算係幾平既..

星期四我地4個女仔約左係附近飲野, 當然之前要係附迎搵食醫肚啦, 呢度既格局只係好似一般茶餐廳, 全場差不多滿座, 4個女仔有2個都話要減肥, 於是我地叫左兩個粉套餐再加兩碟小食, 一個生牛肉拚香茅豬排金邊粉,豬排好林, 好好食,牛肉一般, 香茅雞翼拚扎肉湯檬, 見到雞翼好似好熱氣我冇食, 扎肉其實沒有好吃不好吃,另外叫了春卷又是好熱氣,不過好好味, 遮蝦很大件,不過兩件很難分,要啊姐剪開,啊姐說為何不叫蝦餅,…兩個餐只包兩杯飲野埋單$108,價錢可以. 粉還有剩呢…

未裝修之前, 真係唔係好想去, 去過一兩次卦. 而家整咗之後, 光猛好多, ok 喇!我最鍾意食蒸飯, 真係一碟送蒸出來那種, 北菇雞唔錯. 夠滑! 好有住家feel! 加奶茶23蚊, 又抵又好味!其餘還有越南粉麵, 都ok架! 我較喜愛吃手撕雞和香茅豬扒.

路邊雞湯檬$19, 其實係白切雞, 冇乜特別, 份量足夠啦.

下午茶餐至18:00,叫了香茅牛肉金邊粉+熱奶茶$21,牛肉不是用肥牛,是切得又大又厚的牛肉,食落有點香茅味,幾OK啦. 杯奶茶就一般了.

星期六放工同肥b去厚福街搵食(lunch),本來想食雲南米線,都幾多人,要等位, 肥b就走去隔離八,見到呢間,話掛出d相都ok,都有位,橫掂趕時間,就走入去試下,我叫香矛牛肉+手撕雞凍檬,肥b叫咖喱牛腩河粉,set包埋一杯drink, 香矛牛肉幾入味,幾淋,手撕雞啖啖肉,但味就咸d,凍檬就平平無奇, 而肥b話碗咖喱牛腩河粉,咖喱味都夠,不過個湯就稀d, 而牛腩有d攝牙,但搭跟d牛根就幾好味,好淋,肥b話叫牛根會好食過叫牛腩

橫街窄巷的小店，路過幾次，唔明生存之道，就坐下看個究竟。地痞小店，三點幾8成滿，外賣生意外是附近的上班族再加偶這路人甲。越南菜作主打，配手絲雞及路邊雞作招途。穩陣的叫了香茅牛肉配手絲雞湯米線，以為無死，卻換來「疏打牛肉」及醃過的刀切雪雞，湯味精得緊，受不了，不過廿多塊錢，兩?加凍飲真是無敵組合，難怪成為附近上班族的蛇竇，再加上三數十元一碟小菜炒得夠香，料落得夠足，地道越菜無不受歡迎之理。

因為在附近返工, 有時都會來食, D 炸蝦餅唔錯. 推介豬扒同手撕雞飯, 這裹D飯好味過湯粉.

去到厚福街唔知食乜好，有好幾間都食過，之前睇過cheap兄同麵包的食評，即管o黎試試。正如兩位講，地方環境真係麻麻，但係幾旺場。要了個80蚊2人套餐，包小食、兩碗雙併粉及兩杯飲品，仲叫多碟油菜。小食要了無骨鳳爪，夠爽口，可惜酸辣醬味道唔夠。越式薰蹄併香茅豬扒湯檬-豬扒完全食唔出有香茅，只是一塊腍o左的炸豬扒；薰蹄估唔到幾好食，味道有點似金華火腿，唔會過鹹；檬粉幾幼細幾滑，而湯底亦唔錯，雖然知道一定是味精湯。雞絲香茅牛肉撈檬-雞絲還可以；牛肉勁唔掂，沒有香茅味外，牛肉味亦冇，肉質醃到鬆晒。老公要了杯大樹菠蘿冰，只飲到甜甜的糖水。而我杯的檸檬茶，其實係青檸茶。

不久前椒女在這裏買了些外賣回家食，食完都覺得幾好味，所以之後便找一日來這裏食了。這小小的店，看落都幾乾淨，而我們當晚叫了一個晚市二人套餐。包括有越南庶蝦、手撕雞/香茅豬扒/湯檬、香茅雞翼/香茅豬扒/河粉，青檸七喜和咸檸七。越南庶蝦- 蝦肉很彈牙，又好入味，新鮮熱辣，都算唔錯。手撕雞/香茅豬扒/湯檬- 雞肉很有雞味，又唔會韌，幾好；豬扒炸得好脆，但因來時已浸在湯裏，令口感差了點；檬粉幾爽口，味道幾好。香茅雞翼/香茅豬扒/河粉- 雞翼浸得太久，外皮變得的，好在內部的雞肉味道幾好，但已大打折扣，河粉味道一般，但都算幾好。下次一定要叫分開上！青檸七喜- 很解渴，青檸味都幾好。咸檸七- 咸味幾夠，辣椒女就好喜歡，但我就一般了。差不多食完時，看到侍應在放芽菜的水中洗手，但這些芽菜是用來食的，是不是有點那個呢？希望他們可以改改這壞習慣吧！

有次路過厚福街想找地方食個Quick Lunch﹐但行黎行去都無心水﹐原本諗住行返去大街食海南粉﹐點知經過巷仔就見到有一間門面似港式粉麵鋪﹐但標榜越式粉麵飯及小食的食店﹐一於試下。環境頗擠逼且衛生一般﹐間唔中仲會有小昆蟲飛過。不過入得呢類街坊小店食野﹐都預左會有呢種畫面。各式粉麵飯都係20 幾蚊或以下﹐相當經濟。款式就的而且確係越式﹐有蝦餅有扎肉有香茅雞翼豬扒等等﹐最特色就係有手撕雞﹐不過原來太早去係無得食的﹐因為未撕好﹐真搞笑。各式雙拼飯都只係24蚊﹐仲可以另外俾錢加咖喱或沙嗲汁﹐左配右搭﹐都算幾多選擇。要左一碗沙嗲牛湯檬($19)﹐一碟炸蝦餅($24)一碟春卷($20)。沙嗲牛肉湯檬還可以﹐牛肉份量不少﹐亦算新鮮﹐檬粉質地軟滑﹐但湯唔夠香﹐幸好加埋沙嗲汁﹐算有返少少味道。春卷新鮮炸好﹐熱辣香脆﹐配上甜酸魚露﹐作小食一流。炸蝦餅則比較多油﹐不過味道其實係唔錯的。另外後來經過再食過一碟雞翼豬扒飯加咖喱汁﹐雞翼同豬扒都幾惹味﹐咖喱則比較普通﹐但以快餐計都叫合格有余。如果抱著食正宗越南菜心態的話﹐恐怕會令你失望。但呢度就似係一間越式快餐店﹐你想快快趣趣經濟地食一餐﹐又想有一點特色的話﹐福禧