呼吸冰室 (Closed)

行開深水埗即管去試下， 入面環境好有懷舊味道。 叫餐好飲快餐店形式。 比錢自取，食完後放回回收架。開初有點感覺不好，因為價錢並不便宜，不過見佢只有3-4個人做野， 就算吧。食物質素都唔錯， 朱古力咖啡夠晒濃。

見食評影啲相咁吸引所以過黎試下，而且同屋企咁近。地方唔難搵，但見到個餐牌真係嚇親！價錢都幾貴下，喺呢度食一個飯最少都要$60。如果我唔係只係試下，否則我係唔會食。餐廳環境無真係非常好，裝修非常懷舊，我都好鍾意。但我今次食嘅卡邦尼意粉真係好難食！個湯夠味，但真係勁稀，似飲水多過飲湯。意粉淡而無味，我甚至要倒少少湯去意粉調味。總括黎講呢度啲野食價錢好貴，只有下午茶兩點半有半價外，其實真係一啲都唔抵食，甚至價錢根本一啲都唔值。下次會試下呢度嘅下午茶，希望唔會失望。

美荷樓的呼吸冰室相當有名，皆因他那復古懷舊的裝修，像處於七，八十年代的香港一樣，也成為香港熱門打卡的地方。位於石硤尾和深水埗的交界，令平時只搭地鐵的我不知要在哪個站出。我今次就從石硤尾站出閘，經過一帶的石硤尾邨，終於看到新式建築的美荷樓。其實美荷樓也不只有特式冰室，它也紀錄了石硤尾的歷史和蹤跡，所以一身鮮橙色的外牆，配合石硤尾邨的舊式樓宇。美荷樓是香港新建成的特式生活館，而呼吸冰室是美荷樓內的飯堂。從門口一直去到尾就會看到呼吸冰室，那天是星期六，有不少年青人相約在呼吸冰室留影，要找位置確有點難度，不過幸好冰室對出是一片空地，冰室也善用這片空地，為較多人數的客人擺放枱櫈。我們只有二人，都是為呼吸冰室的懷舊裝修而來，當然要坐室內感受一下。我們兵分兩路，一個排隊下單，一個去找位。午飯時分，下單的都有蠻多人，雖然餐牌和點單位置只有一個轉角位，但到我點單時已經把要的食物忘記得一乾二淨，而點單位置又沒有餐牌，實在是個考記性的遊戲。點單後拿個牌子，當食物準備好就會震動提示你去取食物，有很多餐廳都用這個牌子，對客人來說應該不難。 我點的是All Day Breakfast，原來這個餐包括了一杯細橙汁，

假期好去處,可以約友人逛逛,懷舊一番,看看昔日的美荷樓,然後來呼吸冰室,呼吸一下香港的氣息。下一站會往哪兒去?當然要細想……坐在懷舊冰室下欣賞佈置,吃吃喝喝,更可回想人生。這兒是自助形式,人不算多,所以可以慢慢坐,不用趕時間。環境非常好,而食物方面賣相吸引,而味道當然不及冰室。價錢方面,不算便宜,西多士二十九元,飲品另叫,每杯大約三十元左右。而麵包要三十多元。樣子吸引,味道不太吸引。飲品,相信熱飲會比較好,因為也多人叫熱飲。西多士有三層,看起來也很豐厚。咸牛肉蛋潛艇,不太咸,因為咸牛肉欠奉,但看外貌也不錯。其實,最重要的是環境,在這兒人們可放慢腳步,欣賞往昔種種,展望將來。

由於肚飽飽，但又想搵個地方坐下，就諗到上美荷樓。其他all day breakfast感覺太heavy，又蛋又腸又煙肉......於是就試下穆斯尼鮮果沙律，覺得沙律點都唔會失手，唔會飽到作嘔既。我今日先知穆斯尼(muesli)解"碾碎的穀物、堅果、乾果等混合而成的瑞士風味的早餐食品"，姐係我本時就好鐘意既物品，原來佢地有個名架。依個沙律有穀物、堅果、乾果、沙律菜、乳酪同生果，融合得天衣無縫。唔記得確實幾多錢，大約50-60左右，所以佢先有咁大碗，同埋都幾飽肚。

入到美荷樓 環境確是有種懷舊的氣息 不論間格，擺設 在我印象中都加了分再看一下餐牌 非小食類的食物 大多都是$60以上 算是中上價錢點了 呼吸星期天全餐 有多士 煙肉 腸 炒蛋 蕃茄 茄汁豆 焗薯等等 先講焗薯 外表焦黑 內裏生冷 我指的是唔夠熟 且有種生薯腥腥的味道 咬下去的口感還是偏硬身 難入口。然後其他食物都是普通貨色 罐頭茄汁豆 急凍腸 普通蕃茄 我覺得炒蛋是唯一比較好食另外 亦點了 檸檬汁煙三文魚天使麵 我覺得還不錯的 冷麵配煙三文魚 沒什麼可挑剔的 $64貴於三文魚我亦覺合理士多啤梨玫瑰紅茶 清清的 還可以整體而言 我認為星期天全餐不值$89 如果這是茶餐廳 價錢更低的話 才比較可接受的 高價而質素差

是日, 去美荷樓參觀一下生活館~ 最後Briefing既地方, 就係正cafe 旁邊~就被佢既裝飾吸引左入去~入到去, 有一種舊香港既感覺, 特別種四,五十年代, 舊冰室既桌同椅。可惜係, 有幾group人擺左成個area 係到影野, 拍沙龍or 影產品... 都幾難先搵到位~ 人地岩岩走,我地就坐左去4人檯, 呢左3個all day breakfast, 同一個pasta。食埋好似大家樂咁去點, 之後比部機你, 野食整好, 佢就會震。 你自己去拎餐具, 野食~我地既all day breakfast都等左2-3個字, 但跟餐既野飲都仲伙到等緊... 其實客人都已經唔係好多~ 我地又趕住去一下場, 得1個小時左右既時間lunch, where 等都等左1/4既時間... 睇想就可以見到,伕個toast 係普通麵包, 而bacon等既都好greasy, 唯一係個salad 冇太失望~ 我個egg benedict就比較shocking, 睇圖都應該見到幾條..已經開始收縮緊既wedges, 再睇下個"ham" 我真係呆左? hkized? 真係見都未見過...仲要咁既價錢... 見到佢地

第二次去呢度坐下食野，真係好舒服，急無論擺設，座椅，牆同地下，都好有味道。而食物都好多選擇。果日去就食左個煙三文魚天使冷面，冷面配酸酸甜甜既汁，好正同fresh，配埋煙三文魚，一流，但銀可以多魚少少，左宜家個份量只適宜做下午茶。不過整體黎講係好唔錯，下次會再去！

遊美荷樓，感受甚深。走着走着，發現呼吸冰室，一下子走進時光隊道。對比鮮明牆色、幾何地磚、懷舊家具、理髮椅子，王家衛的電影世界?懷舊該是褪色得黯淡無光，怎麼一切是那麼的鮮明，也許那年代才是最燦爛的年代吧。我也是舊時代的追隨者，不是生於舊時代，卻嚮往着舊事、舊物，不自覺地迷上這個地方。直至看到那格格不入的，快餐店式的「水牌」，及那快餐模式的出餐處、收銀處，才回過魂來。我仍在2014，這本應色彩鮮明，卻褪色得黯淡無光的現在。找了冰室的一角坐下，簡約的沉色木桌，配黑色皮椅，大大的窗台，景觀一般，還有工程進行，煞風景。不過，我仍是喜歡它的懷舊氣息。食物不算便宜，中位消費，朋友在附近工作，說下午是有套餐的，不過味道普通。點餐了，人手極不足，收銀員並不在，等了好一會才出現。買了票，會有一個取餐呼叫器，店員說明了窩夫要等較久，絡果等了25分鐘。雖然服務不太理想，也太有快餐感覺(與價錢不成正比)，猶幸食物質素不錯。凍朱古力($39)老公點的，朱古力香不夠濃。薄荷LATTE($38+3)另加3元，加薄荷、玫瑰、焦糖、香蕉。選了薄荷，調得不錯，薄荷令原本已不錯的LATTE更添滋味，上面添一片薄荷，賣相更美。

自問對一般餐廳食評不太苛刻，極少會以「難食」黎評價，但今次真係不得不講好難食！第二次到美荷樓食嘢，特登去食只為真心想支持本地文化，同政府保育。記得第一次係食意粉，感覺還可以，除環境有特色外，並無可取之處。今次去食卻令我極為失望。2人叫左客炸魚薯條/漢堡拼薯條/冰熱朱古力咖啡各一杯，$2xx。先講熱咖啡，38蚊諗住應該係一杯好正常嘅咖啡瓜，點知連最低嘅要求都無，熱咖啡係涼的！我明白加cream+奶後，唔會太熱，但都無理由連暖都無囉！咖啡不夠香，朱古力已掩蓋晒。再黎就係炸魚薯條，滿心期待應該不錯啦，佢真係俾到驚喜我。魚柳超鹹！醃到連肉已變硬，炸得又油又乾，極難食！！薯條情況亦都係一樣，$62蚊俾啲垃圾客人食，真係好趕客！唔明白點解仲全場滿座？！我就絕唔會再去了。

當初都知深水埗多野食，諗住出去食之前爬下有咩食，見到美荷樓新開左呢間野食。睇相個下見到好似幾好食就黎左試下。去到間野第一個印象係：個佈局幾有特色。個餐廳一邊係設計到舊冰室咗，另一邊就cafe design. 入面仲有張傳統上海理髮鋪的理髮椅。返去正題，間野主要係brunch同甜品。排住隊諗食咩個陣聽到egg Benedict售罄之後,轉投左呼吸星期天全餐($89)同士多啤梨奶油窩夫($69)。基本上全餐只係一個平凡既套餐，唔係樣樣齊晒，係比較多唔同既野食；個士多啤梨奶油窩夫見佢寫自家制士多啤梨醬咁沙塵，咁無得唔試啦。士多啤梨奶油窩夫($69)個士多啤梨醬真係新鮮士多啤梨整，幾好食(利申：我本身唔多好士啤梨)，所以最後淨食左個醬。 另外，個雪糕都唔差，下面仲有個忌廉，加埋好易入口。但個窩夫同想像有D 出入，比較多麵粉，入水有D蛋糕既口感；你可以話比較家庭式既口味，但我鍾意外邊整種脆身D 既窩夫。老老實實，咁佢又唔錯既。呼吸星期天全餐($89)個全餐包一杯橙汁同好多種料(話晒全餐WO)，但它唔係有晒所有配料。不過佢入面有驚喜，個忌廉炒蛋同炸著角連佢個牛油好好食。忌廉炒蛋好滑，好好食 )。

呢間真係完全估佢唔到！！ 一開始真係以為自己行錯路，去左一個完全唔岩FEEL 既BUILDING， 但入到去真係別有洞天，鋪頭DECOR 又有FEEL，GREAT!!!!!! 每樣野食都係好吸引份量多 味道正兩塊煙三文魚捲成花，加少少黑椒碎，鹹得黎又好有三文魚既鮮味冇得頂！仲有半舊檸檬自己擠檸汁唯一不足系，意粉應該比返D汁上去，因為有少少太乾。呢碗系同行友人叫，我諗應該差不多，只系煙三文魚變左煙鴨胸，食左一舊，味道唔算突出，都系煙三文好食D 可惜我地今次唔係HIGH TEA 時間去 甜品半價啊!!! 下次一定要再去試試

「美荷樓」全稱「石硤尾邨美荷樓」，位於香港九龍石硤尾清拆後分期重建的石硤尾邨，是現時香港碩果僅存的「H」形7層徙置大廈，獲評為二級歷史建築。石硤尾邨各座舊型大廈陸續清拆，並分期重建，興建4,110個單位，在2011年落成，並接收鄰近的蘇屋邨拆遷戶。除重建公屋外，房屋署會興建安老院、青少年中心和小學等公共設施，第41座美荷樓則建議保留作公屋博物館。(資料來源：http://zh.wikipedia.org/wiki/%E7%BE%8E%E8%8D%B7%E6%A8%93)Wing為何說那麼多呢？大家有猜到嗎？哈哈，對唷，Wing早前來到了位於石硤尾邨美荷樓的呼吸冰室，為的就是來吃個Brunch喔，這個地方環境很舒服的啦，Wing都不想離開的說。好吧，看看啦~~~這道牆超美的啦，忍不住要為它拍下多張照片呢~!!!這道牆上面都是描繪了美荷樓周圍的環境，JCCAC也在畫中出現呢~看著這道牆就好像看著地圖一樣喔!!!這家冰室內的環境也叫人感到懷舊的啦，七、八十年代的理髮椅、燈、風扇，跟不同的擺設。雖然Wing沒有經歷過住七層徒置大廈的生活，但聽家人也說得多了，加上以前讀書時有歷史照片，現在看到實

禮拜日想四出尋找美食，上網Search找到這間冰室似乎幾有特色，所以決定去馬一戰。餐廳環境充滿舊冰室的味道，點了我最喜歡的全日早餐，味道普通但勝在價格相宜，裝修富有特色，位置旺中帶靜，乾淨，好懷舊，是一個和三五知己相眾的好地方！

你可曾記得石硤尾邨嗎？你又何曾居住過徒置大廈嗎？在下還記得石硤邨，和它的歷史。歷史已經成為過去，石硤尾鄒舊式大廈只有剩下了美荷樓，也改健成青年旅館。提起了美荷樓，是因為記起了有間餐券，位於這幢大廈裡，在下也曾經閱讀過這餐廳的食文文章，於是今天就走一趟，這餐廳的名字就是呼吸冰室。還未進入餐廳，先來一幅圖畫，畫上了人們生活的模樣，進入後採用了懷舊的裝飾，白綠色的地磚，每一幅牆都掛滿了圖畫，也有不少醬櫃，擺放了不少杯子，也有舊式髮廊的椅子，每一個間格都是保留了內籠的設計。在還未進入餐廳之前，有一個牆上餐牌，有全日早餐，窩夫和咖啡茶等，因此在這裡先看餐牌，後到點餐區點餐，點餐後，就有這個四四方方的物體，當準備好後，就會震動通知領餐，點餐區隔鄰就是半開放式的廚房。星期天全日早餐。雖然今天已用過早餐，但依然點來這個全日早餐，為在下來說，已經相當豐富了。除了有沙律菜外，還有香腸，薯角，煙肉和茄汁焗豆，還有兩片蕃茄和炒蛋。炒蛋不是有蛋汁在內，卻炒得全熟，還加上香草。炒律菜未至於十分新鮮，但是加上了芝麻醬汁，令蔬菜有種芝麻香味。然而今天的煙肉為在下來說，卻肥了一點，現在在下也不能吃得太過肥膩嘛。薯角呢，