滿屋廚房 (Closed)

好耐無嚟過愉景新城，原來商場已大變格，多咗好多兒童設施，今次朋友聚餐就搵咗哩間充滿童真感覺嘅Fullhouse……睇完一輪餐牌，我地點咗新加坡雞飯，賣相唔錯，但食落輆澀澀；海鮮喇沙湯米一啲都唔覺似喇沙，又唔香又唔辣，啲米粉仲硬梆梆；巴馬火腿雞肉白汁意粉，雞肉無味；夏威夷薄餅是所叫嘅主菜中最好嘅一款，因為感覺係最正常；東南亞併盤有蔗蝦，辣魚餅，金絲蝦卷，啱晒小朋友食；柚子雞翼嗰柚子醬好彩係分開上，個人認為個醬好稀，一啲都唔似柚子味叫咗4杯飲品，除咗朱古力咖啡較為好，基本上都麻麻地

今日約左朋友同佢個Bb, 首選baby friendly 既愉景新城。 呢間位置係正育嬰截隔離而且價錢唔貴就入左。 等朋友期間我地先試一個伯爵茶雞蛋仔， 佢個模比一般街上賣既大粒， 而且茶味都足夠，算係唔錯。 人齊後再叫左喇沙同海南雞飯， 賣相唔錯。 味道算係中等啦，可能要配合小朋友食到， 喇沙係完全唔辣既。 海南雞飯就係正常野。 我地有加錢叫到珍珠奶茶，唔知係咪因為要整earl grey 雞蛋仔，連個珍奶都係earl grey 味做底，感覺好搞笑。 😂😂😂 整體黎講係OK, 如果食物再好味啲或者唔只帶小朋友去個時都會去食。

由於小編今日係荃灣上堂既關係，午餐時段都要大約1245先走，怕周圍太多人搵唔到位，所以走左去愉景新城果邊睇下會唔會少d人~ 去到愉景新城，果然同小編所想的唔係咁多人，剛經過依間餐廳就被它可愛的裝修吸引住，而且餐廳有lunch set供應，省卻左選右選的時間，所以最後決定試一試~ 由於唔係太多人，小編覺得餐廳環境坐得很舒服~ 小編選左一個lunch set，包餐湯/沙律及飲品，主菜選了冬蔭海鮮湯粉~ 餐湯係南瓜湯，南瓜味香濃，湯既質感細滑，味道唔錯~冬蔭海鮮湯粉味道稍辣，湯底食唔到海鮮既鮮味，而湯粉軟硬適中，配料的海鮮味道挺不錯，整體味道ok，但由於小編之前好少食冬蔭公，所以唔清楚冬蔭公的味道應該係點~整體黎講，餐廳環境挺好，食物都唔算差，都可以一試~

It was so cool that I can mix and match the toppings and sauce that I want for egglets @fullhouse_kitchen I saw that they started to collaborate with twinings and launched new flavours including earl grey $18 x strawberry $20 x hazelnut $20. I decided to try earl grey with chocolate sauce and also strawberry egg waffles! They are surprisingly pretty good, the egglet was crispy on the edges. The portion was big enough to share among two people. Nice try I would say!

這次想同大家推介下一間位於荃灣水準唔錯fusion菜餐廳--Full House.餐廳外表好似外賣店咁，原來裡面別有洞天，好大！但今次我和朋友只係叫order左一款士多啤梨雞蛋仔同Tiffani蛋撻,士多啤梨雞蛋仔好香濃的士多啤梨味，再加埋本身蛋及牛油味，仲配埋士多啤梨醬，有種清爽的感覺！Tiffani蛋撻奶味好重，搶哂啲蛋味，外皮鬆脆，個外型都幾好笑！總結:每粒雞蛋仔上都印有餐廳四位代表卡通人物嘅樣貌，好Q下!

這間餐廳又係以公仔做主題，以東南亞食物為主。環境都幾靚及可愛呀。點餐要自己出去的，原來有午餐，我食蕃茄牛尾飯，同事食凱撒沙徫配燒雞。南瓜湯或雜菜沙律，我食沙律，都okay, 醋汁有些酸。南瓜湯同事話好creamy好味的燒雞沙律普通，雞唔太吸引，有些煙肉碎，麵包粒，加凱撒沙律醬一齊食，可以的。熱奶茶也香滑，有茶味，good蕃茄牛尾，好特別的器皿，用火慶住，好香呀，牛尾夠淋夠入味，有洋蔥同薯仔，好入味，正，份量夠多。餐廳有得扭蛋，然後儲來換禮券之類。幾特別呀！！

雞蛋仔--作為香港的街頭小食之一，店舖遍佈滿街，大部份都是賣傳統的雞蛋仔！但隨着智能手機及人的生活模式轉變，街頭小食文化和以往相比，現在更熾熱，市面亦陸陸續續出現了很多不同口味的雞蛋仔，這次想推介一間位於荃灣水準比較高的食肆-Full House.我和朋友點了兩款雞蛋仔，分別是士多啤梨味及花生醬紫菜肉鬆味，另外再點了特別推介的Tiffani蛋撻花生醬紫菜肉鬆雞蛋仔$24很濃烈的花生醬味道，再加上紫菜肉鬆味，又不失蛋及牛油味，另再配上朱古力醬，感覺很新穎！士多啤梨雞蛋仔$20又是很香濃的士多啤梨，蛋及牛油味，很香囗，再將士多啤梨醬淺在雞蛋仔上，非常清新的感覺！Tiffani蛋撻$8奶味比蛋味濃很多，喜歡奶類的朋友們一定很喜歡，外皮亦很鬆脆，美中不足是限量制定的！總結:雖然價錢比平常會貴一點點，但食材用料很豐富，再加上每粒雞蛋仔上都印有本身餐廳設計了四位卡通人物的相貌，很有誠意!

因為是自助排隊點餐，又得一部收錢機，前面ㄧ位客人一問ㄧ答已用上十五分鐘，所以造成後面有鼓譟，等餐很快~十分鐘內已上哂，星洲海鮮喇沙味道太淡，有D失望!環境衛生滿分。

有點卡通人物，小朋友大人也喜歡呢度海南雞飯幾大碟油飯其實同白飯差不多，食不出分别入口有點硬，不過加d醬汁不會變糊口，仍然有嚼感雞肉已去骨，啖啖肉，雞味清清地，脾肉比較滑嫩加左$叫橙汁，成支上橙味香甜不酸，如果是涷的應該更好飲

其實係前一日有個朋友send咗呢張圖比我，身為愛麗絲控嘅我，當然抵擋唔到呢個主題啦！而且咁啱我又有個朋友晌英國返嚟送咗隻愛麗絲嘅杯同Wittard茶葉俾我。但我屋企就係差個泡茶器！ XD所以我決定襯放緊暑假又有時間就過嚟食個下午茶，順便換埋個泡茶器。其實好耐之前都同朋友嚟過一次食Lunch同水晶球甜品，都覺得OK嘅。俾大家睇下個餐牌先~其實食物選擇都足夠，飲品方面會多少少。價錢同出面一般Cafe差唔多，可以接受，不過呢度會坐得舒服D~甜品方面選擇都多~價錢都係大約$30左右好啦~話晒我都係為個泡茶器而嚟嘅，所以我點左個藍莓芝士蛋糕同兔子陀錶蜜桃紅莓梳打(連泡茶器)提提各位客人~每款泡茶器係需要根據固定嘅特色飲品而附加購買嘅，唔可以揀其他款式，每杯限購一個。即係話，我要一杯兔子陀錶蜜桃紅莓梳打的話，加購嘅泡茶器只能係兔子陀錶款。如果大家好想要埋其他款式的話，咁唯有買多杯換啦~^^又或者你可以去精品區單買~價錢係$78/款 (飲品連加購才$52啊!!囧)放一下食物照~藍莓芝士蛋糕 ($32)芝士味道唔算太濃，藍莓果醬甜度適中微酸。餅底鬆化，都唔錯。兔子陀錶蜜桃紅莓梳打 ($28)外表好靚，

經過見到門面好得意，入去坐坐。見到公仔頭雞蛋仔十分可愛，order了！雞蛋仔十分鬆軟，一個仔一啖！但味道略嫌淡左啲！不過公仔頭雞蛋仔十分少見，可愛分爭番分！再叫了pizza,份量太細了！！！！真係似比小朋友食嘅份量。味道叫做還可以，足料，啖啖芝士，但沒有好吃到嘩出黎！最後叫左杯香戶珍珠奶茶。略嫌太甜！

早前，行荃灣愉景新城發現兩間門面吸引又多公仔的餐廳，分別是 Fullhouse Kitchen 及 <夢見屋>！  今次，我約了空姐朋友先到訪以童話裝潢的 Fullhouse Kitchen！ 由於，愉景新城商場設有專為小朋友而設的遊樂設施，而餐廳亦相當週到，餐廳外設有泊 BB 車位置！ 這間充滿童話氣氛的餐廳，令人輕鬆愉快！  空間感充裕，可舒舒服服享用美食！ 供應：東南亞美食，加錢配飲品或甜品；價錢是出乎意料之外抵食！  還有兒童餐，連小朋友也兼顧得到！ 除了供應餐飲之外，還有售賣文具精品、家品...等。  不只是餐廳那麼簡單！ 這裡以自助形式，食客走到 counter 落單付款後，隨即店員會給予一個電子感應器，感應器閃動，便可自行取餐！  快捷方便又節省了加一服務費！ 食客可自行倒水，食完可把盤子拿到「餐盤回收站」！新加坡娘惹喇沙 $48散發的香氣相當惹人垂涎，令人即時開胃起來！ 湯底香而不辣，整體幾足料，  麵質帶煙韌有彈性，味道算是不錯，略嫌稍欠辣度！ 意式野菌燴飯配波特菇 $52口味清新，一點膩卻沒有，菇身充滿水份，食起來零舍多汁

今日同frd子一齊黎到依個有著濃厚可愛卡通風格既餐廳，一入去已經感受到滿滿既粉色風格。粉藍色，粉紅色，粉紫色，米色，都是很舒服柔和的顏色，坐下來看看，會覺得煩惱都好像比滿是喜感的廚師少女擺設給驅走了呢我和frd子一齊食左個水牛芝士比薩。為防唔夠飽，就多叫了兩個燒烤串: 雞肉同豬肉沙嗲串。必必必! 當桌上的點餐盤響起，就代表食物已經準備好，可以自己去拿來吃了。水牛芝士的色澤很鮮亮，就這樣看著已經讓人嗅到牛油，芝士，和車厘茄的味道。咬下去很脆呢，是薄批底，芝士很濃很多，輕輕拉出一條絲來再把它吞掉。滿口都是熱乎乎的牛油和芝士香味!比薩吃到一半，就有串燒吃了，兩款之中，我比較喜歡雞肉的，因為雞肉比較嫩。沾上沙嗲醬的串燒滿滿的東南亞風味，味道很香很濃郁，不是只有表面的香味而已，吃下去也是有著沙嗲的酥香感和花生的味道，很是惹味! 早知道這麼好吃，就多叫兩串啦..哈哈只是說笑啦，因為已經飽了。

愉景新城開左啲新餐廳都一段時間，一直都冇去試，見今日得閒就嚟睇下有咩食，見到呢間又有東南亞食物，又有西式意粉，pizza同沙律食，於是就試下，重點係冇乜人唔需要等位😂雞唔算好多，肉質好林，冇骨，油飯顏色比較淺，味道只食到麻油味，同一般出面食嘅油飯有啲出入豬軟骨啲骨硬硬地，需要啲時間咬，除左豬軟骨外，底部有小量紅蘿蔔同白蘿蔔，仲有紅棗，白果！本想將啲汁加落白飯到等食落有啲味，可惜加左味道都好淡😐

其實今日唔係為我自己而來，而係陪佢而來，點解，就係因為佢聽聞依度裝修好靚，好有日式可愛風格，所以要我同佢一齊過來食飯。甘你知，雖然男人老狗，覺得冇乜特別，但係有啲野，係要還。於是係依個靚靚既餐廳入面坐低，尤如置身於幻想童話世界，個種感覺，就好似蠟筆小新甘講，張牆乾淨到令人想塗鴉....呀唔係，係個餐廳令到我回想起童年那段無憂無慮返完學睇電視卡通既日子....好啦，其實我見到佢已經將整副心思迷倒在卡通擺設，各種影相熱點...當中。依一刻，我感到自己係dororo，呀唔係，係tamama先岩.....沉醉係佢既幸福中既我，點左一個星加波娘惹喇沙。那金黃帶點嫣紅色澤的湯底，就好像佢臉上既紅暈，當佢不斷講近來的趣事，又有時忍唔住望下周圍既陳設既時候，我就低頭咬一啖魚蛋，以圖分享到那種爽脆而興奮既情懷。當那帶點椰奶香和微微辛辣的味道滲入口腔，我就微微一笑，告訴佢我完全明白依間餐廳有幾夢幻，個種可愛童真既風格如何美麗。 我深深吸了口湯，吸進一口順滑的麵條，嚼著那爽中帶彈的質感，以及附在其上的很香的喇沙葉的酥酥味道，我才發現，其實依碗麵真係幾好食，辣度不是很強，但很香，麵條，魚蛋，豆卜等都很有水准，