滿屋廚房 (Closed)

好耐無嚟過愉景新城，原來商場已大變格，多咗好多兒童設施，今次朋友聚餐就搵咗哩間充滿童真感覺嘅Fullhouse……睇完一輪餐牌，我地點咗新加坡雞飯，賣相唔錯，但食落輆澀澀；海鮮喇沙湯米一啲都唔覺似喇沙，又唔香又唔辣，啲米粉仲硬梆梆；巴馬火腿雞肉白汁意粉，雞肉無味；夏威夷薄餅是所叫嘅主菜中最好嘅一款，因為感覺係最正常；東南亞併盤有蔗蝦，辣魚餅，金絲蝦卷，啱晒小朋友食；柚子雞翼嗰柚子醬好彩係分開上，個人認為個醬好稀，一啲都唔似柚子味叫咗4杯飲品，除咗朱古力咖啡較為好，基本上都麻麻地