富臨漁港囍臨門酒家 (Closed)

噚日放假去左富臨飲茶，都有半年無黎過，好掛住佢地D中式點心。我叫左籠叉燒包，包皮好鬆軟，裡面叉燒肥肉唔多，半肥瘦，好甜同香口；鳳爪好大隻，好腍，有少少辣椒，特別惹味。點心一向有水準，可以推介

事源早上10點幾我加單叫左碗生滚魚粥及2款早點。過左30mins 2款早點都食完，其後叫既食物都上緊，都未見碗粥出現，我都估到漏左單，於是向企係一旁無野做緊既樓面ar姨招手，佢就企係原位，距離我2米視以問我咩事，(我心諗你行4步黎我台邊都廢事)我唯有隔空唔該佢幫我check下碗粥係咪漏左單，等左30mins都未黎。樓面超唔好態度：「人多係咁」邊講邊掉頭走。服務態度十分差劣！我夠知客人多，但整碗粥唔會整咁耐囉(之前都係尼間食過，都冇試過等咁耐，如果唔係附近兩間茶樓等唔到位，真係唔會黎尼間野食)我都明白樓面忙，但我未試過d態度咁差劣！俾錢買氣受。咁我又等到11點幾，見到隔離台前後5mins內黎左兩碗粥，可笑既係隔離台只係到步落單後10mins就有生滚粥喇。當場我再向部長詢問，點解隔離台岩岩到就有粥，我叫左成個鐘都未見！個部長：幫我睇下，睇左15mins都無回頭覆過我囉。最後係要我自己出收銀台要求check單，見到真係miss左我碗粥囉。早前叫個樓面幫手跟進下又忽視我，答咩人多係咁，我坐左個幾鐘，就見你最hea囉！食個早餐食到一肚氣。坐左近2hrs叫12碟野，漏左粥，仲有2樣野食由頭到尾都無

下午茶先點南瓜煎堆，炸到脹卜卜，見到都好 high！識食一定要襯熱食，咁先煙韌軟綿。凍左就好油好膩，完全係另一回事。所以中國人話飯要襯熱食真係好有道理！另外點左香茜牛肉腸同埋七件點心拼盤，total $27.8。最好味係碟腸粉好滑，其他點心都正正常常。個菜肉包就普通過普通...相信富臨既點心都係中央製作，再運到各分店加熱。全餐係煎堆最令人驚喜，另外點心上枱時都係熱辣辣既。算係咁啦！

筆者今日同身住黃大仙的親戚飲茶黎到新光中心二樓係新光酒樓　三樓係富臨我地亳不猶豫就上左三樓拎飛等左一陣好快就入得座麻蓉流沙包真係好正流沙夠哂熱，甜甜地好好食而且個包好軟熟，食落口感好正叉燒包的原塊叉燒好吸引蜜汁都幾甜，雖然叉燒較薄，不過無咩肥膏所以都幾好味南瓜煎堆不得了睇落大大舊已經令人嘩言金黃色的望落成個波咁，食落鬆化香脆不足之處係油分較多而且煎炸野始終比較熱氣所以大家記得食完要飲涼茶啦

由於收到OPENRICE的EMAIL，說明食評含嚴重指控 / 投訴，所以OPENRICE要求我修收食評或再次提交食評以確認食評內容完全屬實。此食評內容屬實，本人已經在該公司網站發送意見到該公司CS要求跟進事件，但該公司兩日內並沒有任何回覆，本人於11月12日亦打電話到熱線，只可惜該熱線亦形同虛設。各位亦可於該公司的FB看到對於黃大仙分店不同的投訴，投訴什至包括涉及歧視!!請看圖片!! 可見該分店的服務如何惡劣!!事件如下: (因為是11月11日的，所以是口語化)早幾日我爸拎左一張Q-PON出黎，係任飲任食打邊爐，四人同行，一人免費，。因為Q-PON上冇手寫幾時到期，冇用蓋印蓋上到期日子，亦只有一D好簡單好行貨既條款，所以我地就一行4人去左食~入座都OK~ 野飲自己拎~ 夠凍~我地個湯底要沙嗲，一般，唔香...落左ORDER，冇叫果D野食就有黎，有叫果D就黎得幾樣...叫2碟牛肉就黎左1碟，叫1碟駝鳥肉就黎左3碟...叫加湯，個侍應阿姐話要等個侍應阿仔返黎先有得加，我地叫果個係侍應阿姐，唔係傳菜阿姐，咁點解要阿仔先加得湯，你就唔加得? 等加個湯要等成十分鐘...食完賣單~ 拎張Q-PON

又到星期天, 又到富臨.今天同老公兩個. 吃到尾聲還第一次遇到富臨要搭枱. 糊椒豬肚湯每次我都要求吃, 好像上星期又沒有吃到一樣.這裡的味道, 糊椒味很重, 有時候還可以吃到一大粒的糊椒粒.不過份量越來越少, 器皿小了, 酸菜過多, 有點偷工減料.但我還是繼續幫襯! 煎腸粉老公必點.這次做得一般, 煎到的表面已有一大片硬皮, 好像吃飯焦而飯又煲乾水那種 千層腐皮卷腐皮卷就吃得多, 這個因為被千層兩字吸引.雖然有獻汁但味道淡淡的. 沒有餡料, 是千層糕款, 賣相也不錯.但有餡的腐皮卷更適合我. 蝦餃已經很久沒吃了, 每次想到它是特點, 頂點價...蝦肉多又有蝦味, 又彈牙, 一定要熱吃同沾辣醬呢! 蒸牛肉貪佢小點其實都做得很好, 加上有腐皮淋了喼汁.兩個後生仔去飲茶真係有好多奇異眼光望住, 不過整個過程好enjoy, 直到下午茶時段有人搭枱, 而搭枱果位的眼神好像跟我說"這張枱是我的, 你吃完好走咯".可能是午飯時間客人好多, 有d唔會問拎枱就直接走入去自己等枱, 其實要管呢, 會好混亂.人手也嚴重不足, 一直存在的問題, 何時會解決?

我跟家人上午到位於黃大仙龍翔道新光中心富臨飲茶，其中落第二次單的時侯足足叫人叫咗30分鐘都冇人回應。要樓面的幫忙叫個可以寫單嘅嚟，佢地就要你自己叫，有D甚至見到就扮睇唔到。叫人加水都要叫10分鐘，服務十分差劣。當叫到有一個著黑色制服打髮髻嘅女部長，態度更差，我們點咗”炒牛河”，而個部長更囂張嘅語氣問我們即是用乜炒，我想問下炒牛河唔用牛肉唔通用雞肉? 之後仲反過嚟話我地態度差。都唔知係D乜野人!都唔明白咁大嘅集團會有這樣的服務水準，呢餐真係飽，不過係激飽!

在黃大仙的富臨是區內的街坊生意, 相信客戶不會由於酒家比較舊而不去. 而是看酒家可接供的親和服務以及新鮮的食物. 週六晚上與家人就於黃大仙就餐. 點菜時, 要了一個金銀菜白豬肚, 一個燒味香脆燒雞和琵琶豆腐. 在家裡要煮醋肚湯是一件十分複雜的事, 故此現代人都會為方便在酒家和餐廳飲這個湯. 湯的造法是老火湯的造法, 飲不到有味精, 味道亦有濃厚的菜乾味, 很爽. 就是佩服他們的是幫忙分湯的樓面分的湯確實沒多少油. 而我分的都是油, 到現在我都學習不上. 湯是不差, 而燒味呢, 燒雞肉味一般, 不夠嫩, 有點是燒的時間長了, 特別是雞胸部分便更粗. 不過, 醬油卻十分好吃, 是廚房特別煮製的醬汁, 只是加多一點在雞上, 剛才比較粗的雞肉部分都有了幫助. 最後, 是琵琶豆腐, 這個菜的造法應該是先將豆腐炸脆一點, 香口, 才達到這個菜的重點. 而醬汁內加了瑤柱等材料, 但是醬汁太厚, 用不著將醬汁和豆腐合併起來吃. 故此達不到整個菜的效果. 這個酒家最令人不滿的地方是洗手間太不清潔, 而且在洗手間附近的地方六因傳菜而濕滑, 不小心很容易會滑倒.

叫了這碟$68的炒魚肚。但很奇怪，１０條所謂的「魚肚」有９條都係豬皮。請經理過來問，拿著筷子翻了翻：請問哪裡有魚肚？那經理是旦指一條，我吃掉，但卻是豬皮囉！跟他理論～佢就求其甘話：係甘架啦！就閃人去了！咩野係甘呀？你這道菜明明是炒魚肚，卻拿豬皮充數，要賺錢也不能這麼騙人呀！還敢收＄６８！以後也不來這家店吃！

平時很少來呢間飲早茶, 今日就試下, 星期一至五, 早市茗茶每位HK$6, 星期六及日收HK$7, 較附近酒樓貴, 但早市的優惠點心款式較多亦較貴, 三人點了咸魚肉餅飯HK$2.80, 潮州粉果HK$7.80, 潮式三寶飽HK$9.80, 臘味糯米飽HK$11.80及原隻鮮蝦腸HK$11.80咸魚肉餅飯:飯乾身, 肉餅紙咁薄, 還有一舊少得可憐的咸魚, 但入口沒有咸魚的咸香味, 肉餅太薄也吃不出味道, 但入口不肥, 以價錢HK$2.80來說, 填肚一流潮州粉果: 用了菜脯, 沙葛, 蝦米和韮菜, 一點肉也沒有, 入口既有蝦米的香味, 又有菜脯和 沙葛的咬口, 入口非常爽, 早上不想吃太多肉的人士來說, 確實不錯選擇潮式三寶飽: 真不知何解用了"潮式"兩字, 配搭是一件糯米卷, 一件曼頭, 一件菜肉飽, 糯米卷都有聽聞過潮式糯米卷的名字, 但不知有什麼分別, 入口一般都是甜甜的, 至於其他兩樣不是屬於上海的嗎? 曼頭入口微甜, 菜肉飽有菜有肉, 沒有欺場, 糯米卷則沒有吃過, 故不作評論臘味糯米飽: 故名思義都以糯米為主, 糯米蒸得很軟熟, 但欠了一份腊味的香味, 可能腊味下得太少

話說，17號做冬，8大3細去左富臨食飯我地book左頭圍 (6:30入席)去到先知得ABCDE餐 (5個套餐)，無散菜叫 但係有老人家係食素菜...所以當晚只好叫老人家屈就 一直到8點其實都冇用人但係佢地打從一開始已經大混亂上菜次序全部錯晒 (一開始就上翅...)餐具污糟到爆炸 (仲黐住啲肉、飯、菜汁...)食評:蟹肉花膠魚翅 - 味道似碗仔翅、唔多熱 (微暖)、蟹肉係急凍拆蟹肉、花膠&魚翅我冇見到有喎燒味併盤 - 最正常嘅餸菜白汁炸蝦伊麵 - 個粉醬好唔掂，明顯唔係用炸炒脆醬開，白汁好難食、神奇係上檯時蝦係熱，但係伊麵係凍 節瓜候柱甫 - 節瓜生生地、候柱無味道，生菜係唯一又熱又熟味道又正常鮑片冬菇生菜 - 簡單形容係: "得蠔油味"炸子雞 - 呢個味道okay、皮夠脆，問題係啲肉好勒...我諗拎去做手撕雞會好啲lor蒸大斑 - 蒸過左龍...老晒生炒糯米飯 - 我無食，因為我一見到鼓油白飯相間 (即係鼓油炒都未炒得勻)已經無興趣食杞子桂花糕 - 桂花味okay，不過似啫喱多過中式糕點

難得放假一家人去飲茶，但係屋企人就好懶去遠D都唔肯，食來食去都只係個幾間，前排富臨學人攪服務態度，黎到又歡迎光臨，走又個個同你講多謝哂下次再黎咁...有D 機械人既感覺，可能係公司要求啦，可能佢地都發覺E 招唔係好WORK，所以E家無推行啦。不過就係既...我都唔係要求你地要D 好假既禮貌。但少少服務態度都要求都唔係好過份姐。D WAITER 十問9唔應，我地落左9個字單只係要2樣野...1個炸南瓜煎堆，炸左9個字，催左3次都唔黎啊，仲要個WAITER HEA 我地，咁嬲唔好番工LOL.....不過問心個南瓜煎堆真係好味又夠熱!! 其他野食都OK 不過不失。去就自求多福啦...

今晚和朋友一行四人到黃大仙"富臨"食晚飯. "富臨"其實在好多區都有分店, 我亦試過部份其他分店, 感覺這酒家很平民化, 屬一般家庭飲茶普通食飯的酒家. 朋友說有免費贈食海斑的"魚券", 所以我們是晚便到這酒家用膳. 除了免費贈食的海斑外, 我們還點了生炒骨、腐竹豆腐及燒雞半隻.燒雞(半隻): 水準一般, 都可以叫做皮脆肉嫩的. 如果一家酒家連普通的燒雞都做不好, 相信廚師的手藝都只不過是不外如是.生炒骨: 亦是水準一般. 排骨不算太肥, 亦沒有太多麵粉蓋著.腐竹豆腐: 味道還可以. 不過如果此菜式並不是用一般蠔油作醬料, 而是以上湯烹調的方法來處理, 相信口味會更加清淡新鮮.海斑: 重約一斤半, 稍為蒸得過火了些少, 否則肉質一定更加嫩滑. 魚汁煮得不錯, 為海斑增色了不少.整體來說, "富臨"真的屬於一般家庭聚會, 享用一般家常便飯的酒家. 只要你不是抱著太大的期望, 或你不是希望嘗試新式/特別菜餚的話, 這酒家的確適合家庭親子用膳. 坦白講, 以這樣的價錢, 你還期望什麼特別精美/超水準的菜式呢?

今日同幾個朋友去飲下午茶,諗住要等好耐位,估唔到等左十分鐘左右就有位,心諗間酒樓好食有限啦,假期都唔駛等好耐位,好在都唔係,D食物都唔錯 鮮蝦腸粉--腸粉皮薄,蝦新鮮又大隻,仲要有蝦味,證明D蝦都唔錯酥炸魷魚酥--炸得過火左少少,不過都幾好味,係有D鹹奶黃馬拉糕--色澤OK,食落唔會太甜,幾好蝦餃--蝦新鮮又大隻,仲好爽口燒鵝瀨粉--好抵食,下午茶時間只係$9.8,仲要見到好多人叫,而且好多都會有燒鵝腿,唔會張貨就價綿花雞--OK,食左件雞及蟹柳,無食到綿花,味道都OK黑椒牛仔肉粒--有黑椒及牛肉味,真係唔錯喎! 整體上都幾好,係員工的反應慢左D,搵左三四個職員先可以搵到BB凳,叫野食想搵個人都要等好耐

一向對呢間酒樓都幾有信心,但個態度奇差,,失望!失望!一間極之差既酒樓 ,開左三圍食飯 ,每圍成5千幾蚊竟然俾既係3千蚊一圍既野,好難食,用蝦仔當炒蝦球,瑤柱甫D瑤柱只係大個個5毫子小小,仲要係無瑤柱味,一向出去飲宴食既瑤柱甫都一定有瑤柱味,炸蝦球炸鮮奶,蝦球同粒魚蛋差吾多大,炸鮮奶得手指尾咁長,鮑片得5蚊銀咁上下大仲要勁薄,D野勁吾夠大碟,我最鍾意食既炸子雞竟然鞋到咬吾開 ,炒飯炒麵細碟加無味超難食 ,竟然紅荳莎既蓮子係硬既我諗應該未熟.....真係離晒譜普...難食 huffy: