富臨漁港囍臨門酒家 (Closed)

今早第一次來富臨飲早茶,環境和價錢都ok,大大間易揾位,我們2個女仔點了六碟點心。等候了半小時,點心終於來了！腸粉、鳳爪排骨飯、燒賣、菜肉包、棉花雞都正常，但食到花枝炸雲吞就出事，一路咬落去都食唔倒餡，開另外兩隻，都見唔倒有花枝的踪影，只是在食「炸雲吞皮」，這個點心都花費10幾蚊,冇理由食塊炸皮者。跟伙記理論，伙記說：「係冇花枝架！係咁架！」她就走左去。我們叫她取消這點心，她話喳唔到主意，叫她call經理來，她又冇幫我地，冇理我地。我向一名男的年輕經理理論，他說：「係冇架！」我再問他，他更答得妙：「花枝包出來嘅咪就係雲吞囉！」可能他都不知佢自己在講緊咩野。同枱食客都忍唔住幫我地，叫我地找店長，仲話我知邊個係店長。但等左好耐都唔見店長出現，結果我們直接向收銀阿姐話取消這點心，她即在單取消了，並用傳呼機通知店長，知識又增長了！另外，d 點心傳菜阿姐都好「兇猛」，只是問囉一碟雲呑醬，她發晒爛喳咁好惡鬧我地，她說：「應該問番比點心你果個阿姐，你問我做咩者？」我都不能盡錄她的連珠爆發，好似問佢攞十萬咁，其實我都唔記得放下點心個阿姐係邊個。結果我地問過三個阿姐，都拿不到一碟醬，好彩原本給點心的那個

👎👎昨晚訂了12位枱奶奶生日飯。酒樓環境OK，但原來真的不能只看表面。我們12人，只有11張椅，叫人攞多張椅，侍應話我都唔知去邊度搵張椅俾你喎🤦‍♀️！隔咗一陣有侍應來問我哋有冇訂位😪咁當然有啦，我哋到酒樓門口講晒訂位姓名、電話和酒樓俾我的booking no., 仲要係佢哋帶我哋入嚟㗎喎⋯⋯。叫了個12人套餐後，張點菜咭一直一去不返，失蹤了，想叫多幾罐汽水，冇張點菜咭，同位侍應講嘢但佢一直目無表情，又冇回答我哋，唔知佢想點，最後不發一言行咗去😤。全程晚飯都係’自助餐’形式進行😪，自己搵公筷、加水加茶、冇位上菜，將食物由大碟轉細碟、湯上完第一轉後連湯殼都收咗我哋，仲有D湯我哋自己好似洗完衫倒水咁倒出來、上枱食物冇跟大serving spoon俾你、幾道菜上咗再有一碟嚟到但冇位放，個侍應就和傳菜的嘈，一個話放枱一個話放另一邊，大聲到我要叫佢地收聲，我哋嚟食生日飯的👿！全晚自己serve自己，舉目無乜侍應，佢哋自己做自己嘢，執枱、埋單為先，其他人客話知你。Very bad experience at this restaurant and will not come again. Not

放復活節假喇，一家大細去富臨食晚飯，估唔到幾有驚喜！晚市既精選小菜有好多選擇，而且價錢都合理！ 今次頭盤我地就叫左金裝拼盤，有炸豆腐，燒腩仔，素鵝同煙鴨胸。份量都幾多！最好食係素鵝，香而不膩，香口得黎又唔會太油！正！仲有半肥瘦燒腩仔，味道不過不失既鴨胸同香脆炸豆腐！另外叫左海參花菇鵝掌，夠哂濃味，最重要係鵝掌煲得夠火候又林又入味，連公公都大讚！小菜我地仲叫左爸爸至愛既生炒骨，味道岩岩好酸酸甜甜好開胃，炸粉亦都唔會太厚，不錯！大大煲份量十足既羊腩煲，好足料，好多腐竹冬菇，而羊肉炆得夠味，真係幾抵食！我地仲點左個豬肺湯，味道清甜唔會話太重味精！最後我妹仲點多個生煎包，哈哈，肉汁唔算好多，但都ok，呢個價錢黎講合格！整體黎講，所有小菜都大大份，味道亦不錯，抵食！

就黎放復活節長假期喇，帶爸爸媽媽去食餐飯，老人家都係鐘意食中餐多啲，係黃大仙近近地就簡左富臨，之前都飲過茶，但晚飯真係第一次，估唔到比預期中好！媽媽淨係食豬肉同素，所以就叫呢個金裝拼盤比佢，有燒腩仔、素鵝、炸豆腐、煙鴨胸。媽媽大讚素鵝食落香口但唔算油，燒腩仔亦都肥瘦勻暈，皮燒得夠脆，而我都食左個燒鴨胸同豆腐，呢個拼盤真係冇得輸！海參花菇鵝掌個汁非常濃味，心機之作，鵝掌整得夠林，老人家都食得到！生炒骨，如果連呢味菜都整得唔好，都唔洗係中菜界立足啦富臨果然有保證，個汁岩岩好唔會太酸，骨既粉又唔會太厚，有水準雖然已經回暖，但係見到餐牌上有羊腩煲又好想過下口癮估唔到係咁大煲！嚇到我同老豆傻呀！好正呀羊肉炆得夠林同埋幾入味爸爸話見到隔離叫左生煎包望落好靚，我地就跟風叫左，哇我咁個人都未食過熱到咁既生煎包🤣熱到辣口，證明真是新鮮煎起。肉汁唔算好多，但啲餡好好味！食埋個包真係好飽呀！抵食！

同呀媽基本上得閒就會離呢度食嘢，飲茶又好食飯又好，只要唔想食住家飯就會離呢度，對於我地離講已經變咗飯堂今晚離試下羊腩煲，離到發覺有套餐加埋個蝦先268，抵到爛，而且羊腩煲份量充足，相當入味，羊腩煮得啱啱好，唔會肕，仲有腐竹，馬蹄，冬菇同笋，加多28蚊有生菜慢慢十下十下，好正估唔到嘅係套餐搭嘅蝦都好大碟，蝦係中size,有鮮味，讚最後用coupon 68蚊有個芝士龍蝦，龍蝦都幾大件，而且落咗好多芝士，真係好好味，但會有少少膩全部加埋連加一同酒水先433，有羊有海鮮可以講係相當抵食

食物選擇多肥牛，鮮滑牛，鯇魚片，黑豚肉片，各色各樣丸，魚片頭炸魚皮，鵝腸，雞件，豬紅，菜都有好多種類，但係劃咗就嚟得好小味道就自己諗湯底芫茜皮蛋個名就好聽，嚟到芫茜得果三四條，以上咁多嘢都係嚟兩三樣服務態度真係未見過，待應叫都唔理部長啋你但係態度差到呢

Facebook見到佢哋有新出既極品黃油蟹餐份量好似幾多而且都幾就腳。屋企人住喺附近所以都成日落黎飲茶，決定不如喺呢度試吓佢嘅黃油蟹晚餐。黃油蟹餐嘅七個菜式有脆皮乳豬，響螺湯，魚，蟹，菜仲有甜品同埋甜品，同埋包。真係超豐富。新鮮嘅乳豬份量啱啱好夠4人食，皮脆肉嫩。啱啱上到黎仲係熱辣辣真係好正。原盅既燉響螺湯每人可以大約飲到兩碗，青青甜甜咁樣而且入邊真係捉了見到有雞同埋響螺。蠔皇花膠扒翡翠，花膠都幾大隻而且仲有好友咪配搭埋真係送飯一流。古法蒸龍躉腩，肉質幾鮮，如果份量再多啲會更好。因為我屋企人超鍾意食魚，呢一隻魚唔會好腥味，因為佢嘅調味都幾香，真係好抵食。黃油蟹總共有兩隻，我地開咗邊，入邊黃色嘅蟹真係小有，真係超肥美而且好新鮮，大大隻，而且啲肉都幾多，配埋佢既黃油味。真係好吸引。XO醬爆蝦球蚌片，蝦球超級大粒，而且蚌片份量都唔少架，最緊要炒得好有火喉！生煎菜肉包，同埋桂花糕作為呢一餐嘅尾聲，最緊要一家大細都開心。

呢間的火鍋，不得了，差到一個點。火鍋係平，$138任飲任食，但係佢提供的食物，就好難食，就連魚旦，獅子狗都難食，仲有那些蟹柳極奇怪，我食緊期間，隔離個小朋友仲話烏冬好難食食過今次，以後絕不幫襯，而且就算請都吾會食。我地點菜食，佢地成棵菜上，可見廚司完全沒有心同枱家人都認為糯米飯係最全間店好食。汽水啤酒吾夠凍

假日難得一家大小食飯，去咗黃大仙間富臨食距個極品黃油蟹餐！！上到去因為有book枱，即刻就有得坐低等食啦~~呢個黃油蟹餐有7個菜式，脆皮乳豬，作為頭盤唔算好特別，不過都好味ge，乳皮薄而脆，而且肉嫩，點乳豬醬食無得彈~而且個乳豬唔系凍ge，都唔錯。原盅燉響螺湯，個湯黎到，店員好好咁幫我地分埋湯，仲筆咗湯料出黎，等客人方便食，湯味道甜，而且濃郁，好香ge響螺味，足料！蠔皇花膠扒翡翠，蠔汁非常惹味，花膠大大片咁，口感軟滑，成道菜唔會好咸，個汁好味，送飯一流。古法蒸龍躉腩，腩位非常鮮味，而且啖啖肉，就算有魚骨都係大條ge骨刺，啱曬小朋友食。黃油蟹，主角黃油蟹，每隻都足6兩，大大只，一開只蟹，d黃油已經滲到周圍都系，而且膏都唔小，唔似食大閘蟹咁得膏可以食，黃油蟹系膏又有，蟹肉又肥美，好邪惡啊！XO醬爆蝦球蚌片，炒得非常靚ge一道菜，蝦球飽滿，晶瑩剔透，一口一件，非常正，而且入面仲有d蚌片，鮮味無窮。最後仲有個生煎菜肉包，菜肉香滑，包薄，餡料豐富，唔錯。非常豐富ge一餐，大人都小朋友都食得好開心，好滿足，的確唔錯。

大家知不知道，原來黃油蟹是本地獨有的美食？每年農曆五月至八月，都是吃黃油蟹的好季節，最近和朋友去了豪一次，蟹的黃油由蟹蓋一直流到蟹爪末端，嗯～嗯～Yummy!!! 黃油蟹產自香港后海灣及珠三角一帶，夏天天氣炎熱，母蟹會游到淺水處享受日光浴，潮退時，陽光令淺灘的水溫增高，牠們的蟹膏就會溶化，滲透到體內各個部位，變成老饗們的美食！ 知道公司附近的酒家推出了黃油蟹四人套餐，除開每人約400元，是可接受水平（黃油蟹一向賣得貴），於是相約其他蟹癡來一解相思。 脆皮乳豬（半隻） 豬皮脆口，脂肪不多，豬肉嫰滑，是我喜歡的類型。 清蒸頂級黃油蟹（兩隻，每隻約六両） 然後主角出場啦！黃油蟹算是大隻，掀開蟹蓋，佈滿豐盈的蟹膏，再將蟹身剪開，蟹的橫切面同樣全是黃色！蟹膏甘香，蟹肉鮮甜，好滿足！最開心是吃到蟹爪時，仍然看到黃油，果然不錯！唯一投訴是兩隻蟹四個人分，太少了！ 原盅燉響螺湯 響螺湯很足料，落了很多螺頭和豬肉，令湯十分鮮香味美；大大的一盅，每人可以喝兩至三碗，很能滿足我這個湯怪！ 蠔皇海花膠扒翡翠花膠不算很厚身，但勝在分量多而且炆得入味，與菜是絕配！燉湯夠滋陰，花膠又養顏，今次吃完一

今午，自己又到了＂富临酒家＂的此分店饮餐中茶而乐乐的！😀😀😀我可不是特意到此酒家用膳的呀！只不過的是，在本港，＂富临酒家＂却是像各區域都有它的連鎖店在營業的呀！才如此方便各茶友的喲！😀😀😀😀😀我点了籠＂南乳猪手＂的，👍👍👍👍👍猪手如此的甘兼甜甜的！👍👍👍👍👍皮貭也是那麼地爽口彈牙的，像特有那骨膠原能補充，好讓給人們多添些儿膠原蛋白質那樣的好喲！😀😀😀😀😀也点了碗＂燉鮮奶＂的，可，此的岀品可不及佐敦的分店的呀！此的是，雖也有奶味的，可奶貭太稀稀的及太甜了些儿的呀！😊

今晚又是一個OT的日子，雖然已經習慣，但始終都係覺得好慘，於是我又拉左我個同我一樣要OT而又走得既好同事去咗食宵夜，實行慰勞吓自己先得!諗咗一大輪後，都係去返我哋嘅飯堂大食一餐以我哋兩個算死草既性格，當然就係叫咗個最抵食既部隊鍋皆因現在係做緊推廣特價，咁就當然唔叫唔得喇講返個部隊鍋先! 講真確係諗都無諗過係酒樓食韓國嘢，不過侍應送來後又真心堅覺得抵食，個鍋入面有蟹蝦、青口同其他海鮮之餘，仲有菜又有年糕，好夠料，又有泡菜既微辣鮮香，真係做得唔錯! 份量都夠我哋兩個大食婆食之後由於我同事太想食菜，於是就再叫多咗個金銀蛋皇帝菜，菜煮得剛好，爽甜又清新，另金銀蛋也咸香適中，加在一起，很是美味食畢後我哋兩個都覺得抵食之外都好味，性價比高，開心開心

學完化妝已經成9點鐘，個肚超級肚餓，於是就捉左個同學仔陪我食飯！行行吓就去左附近既富臨，諗住叫幾個小菜食飽算數點知入到去就見到呢個宵夜時段先有既部隊鍋，有蝦又有蟹咁，仲要只係百零蚊，於是就叫左個黎試！黎到個樣又幾好喎！有蝦蟹外，仲有蠔、青口、魷魚、香腸等等.....食落好鮮甜，又有韓式泡菜的微微辛辣香味，味道真的十分不俗隨部隊鍋仲附送左肥牛，放入部隊鍋中輕燙一會兒，淺嚐一啖，肉香四溢，滋味無窮~貪吃的我仲叫左個菠蘿生炒骨，肉質嫩香唔多肥肉，菠蘿新甜多汁，青紅椒則爽口清甜，配在一起很是好味總括呢餐係好味！最有驚喜係部隊鍋，無諗過會咁好味，食得我同我同學仔都好開心

專登打去呢間野問下收幾點 個staff答我收23:30 last order22:45我仲喇喇聲仆過去 都只不過係22:00既事去到一個staff話唔做我地生意一個又話做埋都可以乜依家營業時間咁彈性架咩？最終俾我地坐低左我問佢地有無配料(指天椒個類...)個staff話無 我朋友就話無可能無架咼跟住個staff話咩都要我做 樣樣都係我 之後仲要一路執枱就一路講粗口仲要幾個staff都講呢餐飯食得好無引

就黎母親節，當然要同老媽子食餐好。慰勞下老媽子、奶奶既辛勞，所以我地一家十幾人，去左好耐無食過既既富臨酒家，原來係老豆淨係食中菜（無辦法）哈哈呀媽話富臨有個燒鵝海鮮宴，10至12人全包價$1980，仲有海鮮添，計番每人都係百幾蚊，好似唔錯又幾抵食咁，所以全家決定試下。燒鵝，勁大隻，好多肉，鵝皮保持香脆，而且唔會肥騰騰，鵝肉好腍好入味，食多幾舊都唔會肥由於我地人多又肚餓，唔洗兩三下手勢就搶晒！西蘭花炒蝦球雖然呢道菜無咩特別，但係d蝦球好爽，調味適中。果皮蒸鮑魚有點唔係咁好起肉，肉質淋軟，果皮不過火，沒有下太多，不會太咸，沒有掩蓋鮮鮑的海產味，而份量更多過一打，真是真材實料了，相當抵食海皇炒飯裡面好足料，有好多瑤柱、冬菇、蝦、鮑魚仔，食落去好豐富材料