富臨皇宮 (Closed)

今天一家四口到富臨食中菜,叫左以下幾碟:龍蝦伊麵:龍蝦有肉又彈牙 伊麵加上蔥頭 特別香生煎包六隻:隻隻都佔上左芝麻  表層脆 入面有菜有肉感覺很營養均衡同時又保留肉汁響螺湯: 好鮮甜 入面既湯料都盛比我地食 仲要好足料 見到入面有螺同雞腳 雞腳剪左指甲令到雞既油脂出曬黎令到個湯好香好甜荷葉豉椒蒸白鱔: 鱔好彈牙 充滿左荷葉香 又大塊 真係好抵食海參花菇玉掌煲: 海參好腍 好似食緊JELLY 花菇隻隻都有手掌心錦大又入味唔錯　菜又一整條上　感覺好實在鐵板黑椒豬手:估唔到中菜都會食到港色既味道 豬手用鐵板呈上 員工係係上菜之前倒上黑椒汁又會張豬手切開真係好細心另外叫左四樣甜品打算分廿同味:紫薯糕: 紫薯味唔係好出 但係紫色好吸眼球桂花糕:好香桂花味 做到精型通透 唔會太甜咋喳:好足料 紅豆綠豆西米都好腍加上椰汁 不錯雙皮奶:係熱既 好重奶味 食到蛋白香 唔會死甜 好好總結:我地食完龍蝦 員工好快手就幫我地換碟 一食甜品又幫我地收走垃圾 佢地做得好好價錢方面有海鮮又足料 算係平價又多分店 可以一試!

富臨皇宮，感覺菜式很高尚，味道很很地道的中菜，一般人都覺得飲茶嘅菜式，都係千篇一律，但富臨皇宮俾人嘅感覺就係不斷創新，好多菜式都係我好鍾意食嘅，跳舞雞，蒜蓉粉絲蒸帶子，冬瓜盅，白灼蝦，杯走焗生蠔，感覺良好，菜式很好之餘價錢亦比較平民化，豐儉由人

今日同大家介紹下位於北角的富臨，一流既裝修真係可以見得大場面，平時同假日飲茶都唔會等好耐位，如果大時大節想擺返幾圍都十分好既選擇，啲海鮮非常之新鮮，廚師煮得非常好食，真係大酒樓既水準。

我住咗喺北角幾年，大大小小嘅茶樓我都試過。今日心血來潮諗住兩條友是旦搵間酒樓飲個茶，點知奶野。點解可以難食到咁。今次點左1.豉汁蒸排骨- 豬肉有陣雪味都算，仲有陣臭味，我有一刻懷疑係非洲豬；2. 豉汁蒸凰爪- 鳳爪都係有陣臭味；3.蜜汁叉燒腸- 腸粉皮未熟；4.醬皇金錢肚- 係「梅」㗎同埋辣到喊。喜辣可以試下，但因為太辣唔知味道或材料如何。5.富臨燒賣皇- 不過不失（唯一食曬嘅一籠）；係呢一刻我首先去買單，之後搵個廁所解決，再跟住過隔離麥當勞食我嘅正餐。最後我強烈建議各位如果想試吓自己腸胃或者香港政府醫院嘅醫療設施之外，就千祈唔好嚟呢度飲茶，謝謝。

星期六晚上到富臨皇宮酒家食飯，我們一行六人，期間我們order了芝士龍蝦伊麵。大家很期待。登登登⋯⋯登～芝士龍蝦伊麵出塲了。賣相很劣，與心目中的龍蝦伊面相比確實是差很遠。看起來似是不新鮮的，大家可睇參考圖片。由於等左好耐，所以我哋都唔理咁多。人人都夾一舊照食。誰不知唔食猶自可，一食把幾火。大家意見一致龍蝦是霉的。其間同伴忍不住找經理。經理話：啲龍蝦係咁㗎，請你飲兩罐可樂。我哋當然係話咁唔使啦。雖然呢度名叫海鮮酒家。但希望大家小心，不要再中伏。所以出呢個post。(附圖是我們大家夾完六舊之後嘅龍蝦伊面，大家可以推算個賣相係幾咁差，最後我哋都係就咁浪費左呢碟食物，因為真係落唔到口，費事食到肚痛，因小失大)

富臨下午茶好多特價選擇 最鐘意就係乳鴿 兩個人一口氣叫左兩隻 味道好好 但就好細隻 不過20幾蚊算係咁啦...風沙茄子又係必叫之選 只係7.8$就有三舊 抵食！其他叫左蝦餃腸粉之類 都唔差 兩個人下午茶食左百零蚊 晚餐都飽到唔駛食

其實唔知大家有冇呢個感受，就係每次去親啲集團式經營嘅酒樓集團，我地往往都係面對一種好似買大細咁樣，嗰日個侍應心情好就對你相對來講叫做有禮貌少少，相反嘅話就好似得罪咗佢咁樣，小編自己自問都對人有禮淨，係需要好基本嘅Service就已經足夠了，例如落單，執碗碟嘅時候溫柔少少同埋當分配入座嘅後，唔好不停咁話好忙，等陣先，小編今次去到呢間餐廳，當分配入座後連續叫咗四至五個職員話麻煩可唔可以幫手執一執枱，但係要去到第六次嗰個先至肯幫我地執，其餘嗰啲都係行過當見唔到咁樣。不過要讚嘅就係佢哋價錢相對來講大眾化同埋味道都唔錯，呢樣嘢係值得讚嘅。

話說應朋友邀請，参加在富臨舉辦同鄉會聚餐。會場寬敞能容納四五十圍，都不覺逼。上菜速度驚人，食物質素不錯。瓜圃瑤柱勁大粒，乳豬夠脆，鮑魚彈牙有口感。本人覺得有些不舒服地方，希望改善是服務生態度好些。

喜歡一班人來到聚會，因為可以坐包房，私隱度較高。高度推薦蟹套餐。3000多元埋單的餐，蛋白蟹一流，其他食物素質都非常不俗，而且很大碟。脆皮雞皮脆肉嫩，非常好食。整體來說，值得！

之前每次惠顧此集團的餐廳都有不愉快的經歷，所以沒有太好的印象，出奇地今天飲茶發覺食物質素有所進步。平常在北角區假日很難找到位置飲茶，但這酒樓面積很大，佔地有兩層，基本上很容易拿到位置。而在接待處排隊的食客通常只是在等待下午茶的優惠。因為不太肚餓，我們一行六人只點了八款點心，分別是：雞包仔、豉汁蒸排骨、煎釀茄子、齋粉卷、蘿蔔千絲酥、煎堆、富臨蝦餃皇、布拉腸粉。當中排骨做得最好！雖然食物質素有所改善，但餐廳竟然正在做一些裝修工程，即使沒有安排食客坐在該位置的桌子，但始終會產生一些塵埃及噪音，影響食客進食。希望餐廳在這方面留意一下！

9月28日與朋友共八人晚飯、點咗五斤重長脚蟹一隻清蒸，另優惠卷叫了一隻乳豬及白灼蝦加散叫了多樣小菜，長脚蟹令人失望，竟然像用鹽水白恰一樣、超級鹹，未知是否給調換了一隻唔新鮮給我們，另外乳豬全體竟在我們將所有小菜都吃完要再三催促才遲遲送上，由點菜落單到送上超過二小時，乜豬都燒好啦！太過份！不會再光顧此酒家！

就甚麼都沒有。沒有客人光顧沒有員工工作餐單食物扮多重重複複重複又重複火煱食物選擇少火煱食物不新鮮炸魚皮浸到淋哂都咬唔開廚房出火鍋配料很慢湯底煲乾都還沒有食物肥牛連冰塊上完

.五香咸肉傻.今日係我屋企正式做節既日子 老豆係富臨皇宮買左幾隻傻返黎 以下係其中一款🤣🤣🤣.食完之後 我只可以講酒樓既傻係好食過連鎖店🤗🤗🤗🤗🤗飯唔會散 味道都香d 唔使點鼓油都夠味😛哩隻係富臨皇宮既蓮蓉梘水傻.佢會送埋糖漿俾你點黎食 個人覺得幾特別 食得多咸既食下甜又唔錯既 酒樓出品係好食少少

今晚同幾個老友收工聚舊，於是約埋去北角地鐵站附近的富臨皇宮。這酒樓裝飾華麗，十分寬敞，坐位舒適，餐牌清晰，圖文並茂，落單方便。這裡的花膠北菇鵝掌煲材料豐富，非常滋補，花膠香甜入味，鵝掌肉厚爽口。生煎菜肉包煎得金黃酥脆，香氣四溢。金銀菜燉白肺湯，味道清甜，止咳潤肺，老少咸宜。果皮蒸鮑魚，果皮清香，味道鮮味，口感爽脆。西蘭花帶子珊瑚蚌，帶子鮮嫩，珊瑚蚌爽脆。古法羊腩煲湯汁香濃，沒有膻味，肉質甘香，外皮彈牙不韌，支竹惹味，竟然不經不覺吃光了!

今日有個外國朋友過黎左香港探我！ 我帶佢去北角富臨皇宮食晚飯，一入到去！ 裏面嘅裝修好有氣派同豪華！ 侍應嘅招呼非常好！ 餐牌上有好多嘢食。我地第一個餸就叫左果皮蒸鮑魚 ！ 估不到隻鮑魚都幾大隻下，有八個頭！ 第二味菜就叫左古法羊腩煲，一黎到已經聞到好香，肉質不錯！再叫花膠北菇鵝煲，而花膠嘅數量都幾多下，夠晒滋補！ 西蘭花帶子珊瑚蚌，味道可以，夠曬翠綠，再嚟多一份生前菜肉包，皮薄餡靚，一咬裏面好多汁！ 仲有叫個湯，金銀菜燉白肺，個湯好材料份量十足！ 值得推介地點，就係地鐵站上面！