富臨皇宮 (Closed)

其實已經好耐冇再食但其實係一間抵食足料嘅晚餐要數係最出色嘅炸子雞熱辣辣新鮮出爐外面脆卜卜 裡面肉質好juicy 一家幾口其實都食唔晒另外亦叫左龍躉雙拼西蘭花我至愛配龍豪躉一絕睇下魚皮金黃色嘅賣相聞落都香噴噴清蒸龍躉鮮甜又滑而且冇骨起晒肉身咬落啖啖肉岩晒懶人小弟如果屋企有長者都岩佢地食呀另外芝士龍蝦伊面都係好足料龍蝦厚肉 又唔難剝殼芝士汁又多 麵底唔乾身其他都不過不失又唔貴一份包又有好多隻蔬菜煲都唔重味精唔會食到口渴

今日星期六同家人一行4人去天平富臨飲茶，下午茶係2點鐘開始，我地1點9左右去等位，本來擔心要等很久，點知等左幾張枱就到我地，入到去侍應姐姐就拎點心紙給我們，服務算中規中矩。我地畫左10碟點心左右，好快就上嘢食啦！點心都幾平，好似桂花糕、煎釀茄子都只係$7.8，燒鵝瀨粉都係$17.8，都唔算細碟，不過失望既係無食到奶黃流沙包，因為之前食過都幾好食既，希望下次去都食到。最搞笑嘅係我哋張枱冇牙籤，侍應姐姐竟然係佢的褲袋拎支牙籤出嚟，試問邊敢會用啊，之後佢都好識做去補番啲牙籤。

今晚唔想煮飯，去咗樓下屋邨酒樓，入座時唔算多人，但招呼我們坐下約10分鐘也未開茶😆要催了3次才有茶到🤨。今次點了龍蝦上湯伊麵$128 👍🏻👍🏻龍蝦肉實新鮮彈牙，份量也很多，食到飽飽😋。我們還再點了黑椒牛仔骨煲$78，牛仔骨及配料也很大份及好惹味😋😋👍🏻，最後酒樓還送了飯後- 紅豆沙😊今餐飯食得好開心😃

夜晚同一大班親朋戚友聚會，通常都會去酒樓，坐埋一枱，食返個套餐，好豐富好多野食，個個都食到lam lam脷～～呢個係恆生客戶特惠既「12人套餐」，有多款美食，先黎一隻極品燒鵝皇，燒得好靚，唔會太肥，外皮香脆，肉質唔會太實～再黎一個脆皮乳豬，乳豬皮同樣燒得唔錯，脆得黎有啲肥膏黏住，爽得黎又有咬口～食返個龍躉兩味，分別係配西蘭花炒龍躉球同清蒸龍躉腩，兩種煮法都可以帶出魚既鮮味，炒就肉質爽彈啲、蒸就適合腩位，油脂香濃肥美啲～反而我覺得椒鹽鮑魚有啲浪費左食材，椒鹽好鹹，遮左鮑魚既鮮味，而且好乾，無左水份，肉質好乾好實，not good!

同屋企人一起去食，等到湯凍都冇人分卑我地，到最後得個卸博，意思話鬼叫我地吾出聲，全無服務可言，頭盆→凍湯！強調要炒菜心，卑換成全家吾食的白菜仔，要求廚房換，點知卑講晒野！要求我地食著沒得咯，火都來埋！吾知有冇帶腦返工，多嘴姐姐腫要講多句，你們這樣冇湯水送！癡線啦

爸爸喜歡飲茶🍵🍵。鮮蝦燒賣好好味，不會過軟過熟。鳳爪排骨飯好味。鳳爪煮的夠入味，星期六日比較多人，等左半個多小時。下次早d。 book定位就唔洗等啦！😬😬😬

今日入左天平邨搵朋友食午餐，幾條友想坐耐少少就揀左富臨皇宮飲啖茶食個包！芝麻流砂包同排骨飯幾好味！呢條椒食落都有少少辣，幾惹味喎，配埋下面碗粥都唔錯！咸魚肉餅飯，我就無食啦，不過朋友話都唔錯，係個飯乾左少少既然颱風「山竹」殺到，我們就點左個「山竹牛肉」食！大大件都好味。價錢唔算貴～屋邨酒樓黎講算唔錯啦～

今日星期六午市都唔算多人喎，實屬難得叫咗午市精選孖寶，只係$118，有菜有飯，夠健康，啲菜都好食，煮得夠軟又保持到鮮綠，個飯就夠清淡但又唔會單調，必選呀少不了的芝麻流沙包，每次必點，保持到水準炸兩還可四人埋單$240，其實算少少貴

假日再到天平邨的富臨皇宮食午市，午市比早市少人，好快有位，唔駛搭枱早市成日上得好慢既芝麻流沙包在午市好快燒腩仔偏咸，以前個水準高啲蘿蔔糕尚可桂花糕太淡味，麻麻地最近有優惠三人最後埋單$133，都算一般飽

芝士龍蝦的味道正常，但食的時候有侍應問要否把麵短一點，然後在面前用剪刀把麵剪碎，如果可以取回廚房處理會更好。蒜茸蒸帶子，味道正常，但帶子有點un，味道勉強可以。本身冬瓜盅，但8:00pm食飯已經無晒，變左粟米湯，如果可以安排好一點就不用失望。沙巴仔在咁多味的食物入面係最正常的一碟，唔係太細條。都算鮮味。椒鹽八頭鮮鮑，成個條都燒焦，如果可以控制時間好一點，應該會可以好味d...。整體感覺有待改善，等食物的時間如果短一點會更好，食物的味道還好，但食野的環境不停有隻小昆蟲飛黎飛去，希望下次會有所改善。

未試過飲茶飲到咁嬲，假日難得同屋企人去飲茶，黎到上水富臨，早市11:30前落單 ，叫左幾樣野食，竟然漏左單，漏左單都算，之後追啦，終於黎左粉果、茄子同粥，但就係無左流沙包，等左差唔多一個鐘再追，最後足足等足個半鐘先黎到。中途覺得肚餓去左拎排骨飯（要自己出去拎的）粉果、茄子都好油（但好味），但可惜流沙包真係等到人都嬲，問親啲服務員都剩係話整緊，根本無人去查，個部長又係咁，最後問左幾次，佢先肯去跟下單，以後唔會再黎

喜出望外既高性價比有雞有龍蝦有乳鴿再加碟菜同併盤，埋單先一人先百幾。屋村生意難做，所以比一般富臨多優惠。員工工作態度都比岩岩開張時好左好多，至少唔會好似以前咁扮睇我唔到。

天平邨的富臨皇宮係我們一家常常去食，因為夠近，同埋通常唔駛等位。多數食午市，今日早咗起身就做孝女陪父母食早點！早市點餐紙！寫就寫在11:30前落單便可，但其實搭三就截架啦！山竹牛肉加喼汁，次次必點，好軟熟。煎釀茄子係有三件的。煮得恰到好處。黑木耳配排骨飯就要託侍應在出面拎，少少盅夠一個人食！最後三個人食咗$83.3唔係好夠飽😂食到12:10入因為我們等咗好耐的奶皇流沙包原來無落單......當日仲有個爐壞咗所以上得好慢🤷🏻‍♀️不是平日午市係上得快既，所以我都會俾個中評佢。*外加：呢個係午市的龍𧄌飯！係近幾個月先至新加既，好好味，龍𧄌夠滑！一家人叫黎食大大份好得體♥️

星期六屋企人放假，同屋企人去飲下午茶，自從裝修左咁耐都冇黎過，裝修左入面好靚，冷氣都夠大，2點鐘下午茶，已經見到有人等位啦，如果唔搭台就等耐D,最後我地簡左搭抬，有下午茶精選，見到好多野食好吸引！蝦餃，皮太厚，蝦都算新鮮古法馬拉糕，好軟熟，好鬆軟家鄉煎薄罉，煎得太燶，食落有少少燶味豉汁蒸鳳爪，辣辣地，汁好好味布拉腸粉，好滑，皮唔會太厚，岩岩新鮮整起四寶滑雞扎，冬菇，火腿，雞，魚肚，大大舊我最欣賞既菠蘿生炒骨，肉同菠蘿分量都好多，酸酸甜甜，好開胃，好好味

今日媽咪生日，上水既酒樓都試過哂，唯獨呢間對我地黎講唔就腳有點遠，但其他太難食就決定黎呢間試下。地方比想像中大，六點黎到我地係第一枱客，見到d價錢有好多都幾抵食，快快手簡兩個套餐兩個菜兩個甜品。🥢脆皮燒雞+海星斑set $338呢個set好抵食，條魚已值回票價，海星斑蒸得剛熟，又滑又鮮甜，抵讚。燒雞都唔弱，外皮夠哂脆。🥢薑蔥肉蟹1隻+海皇冬瓜盅set $198冬瓜盅份量對我地5人黎講有點多，每人平均2-3碗，料足夠哂飽。蟹肉細細地，但好鮮甜。🥢黑椒頂級牛仔骨 $88呢度叫小菜無想像中貴，牛仔骨份量多，肉夠淋，薯仔好綿尤其好食。🥢金銀蛋浸莧菜 $68菜煮得過淋，但勝在份量多，味道好。🥄淮山南瓜露 $12.8呢度甜品相當抵食，南瓜露好滑但偏甜。🥄大良雙皮奶 $12.8呢個真心推薦，新鮮蒸好，又平又滑甜度剛好，阿媽大讚。呢度有免費泊車2hrs，而服務相對其他酒樓好好多，有禮貌之餘仲同我媽講生日快樂添。食物方面整體滿意，預期水準之上，但上水酒樓多，呢度位置較偏遠，所以人流相對較少，但論食物質素值得下次再黎食過。