富臨 (Closed)

見到門口既介紹，2-4人可用48蚊食跳舞雞。即管試試先又不錯wo. 皮下脂肪已被燒走，皮是薄薄沒有多餘脂肪的，但又不是炸雞的脆。雞肉也不少，不是春雞的小，職員說我們是幸運的。我們還點了乳鴿及木耳。兩者味道未算特色。但職員很友善。埋單148蚊，抵食

今晚我們去咗天水圍嘉湖海逸酒店嘅「富臨」食晚飯！我們叫咗冬日孖寶：姫松茸燉海星燉嘅時間火候唔係好足夠，雖然色澤睇落都算濃郁，但味道就比較淡！豉油皇海蝦嘅蝦肉都幾彈牙，但豉油皇醬汁嘅味道都超級鹹！自選孖寶：清蒸珍珠躉蒸嘅火候啱啱好，肉質非常鮮甜嫩滑！果皮蒸鮑魚都幾新鮮，肉質相當爽甜彈牙！西蘭花象拔蚌蝦球嘅象拔蚌好爽脆彈牙，而且都幾鮮味同份量都幾多！蒜蓉炒皇帝苗都幾青嫩，我們特意叫用蒜蓉炒，可以辟除咗啲草青味！白飯魚菜甫煎蛋煎得好金黃同香口，白飯魚都幾肥美同份量都幾多，菜甫嘅味道唔會好鹹！

在 26/11/2016 我同我屋企人去了 富臨(海逸店) 飲茶 .富臨(海逸店) 評論：員工服務態度方面 - 人數太小 , 不過員工有效率 .環境方面 - 好大、好寬闊地方衛生方面 - 地方垃圾多小小 .食物方面 燒賣 (好味、好鬆軟、足料) 韭菜豬肉餃 (好味、皮薄餡多)叉燒腸粉 (好味、皮薄餡多) 乾炒牛肉河 (炒河火候夠、好乾身 , 但是牛肉 太淡、太乾) 潮州粉粿 (好味、皮薄餡多、足料)小籠包 (好味、皮薄餡多) 牛肉球 (大大粒、好好味) 價錢方面 - 好合理我認為 富臨(海逸店) 值得一試 ~~~

員工態度欠佳，無食品不通知 不佳，味精重，小位，冷氣凍，價格貴，廁所情況差，整體員工服務差，影響顧客對酒樓信心，茶味道差淡，員工不善服務顧客，不能提供優質客戶服務

前兩日見星期五六日$148全包，便去試試，環境自成一角，非常安靜。湯底可選單式湯底或鴛鴦湯底，我地選了鴛鴦湯底，是沙嗲和皮蛋，但沙嗲湯底太辣而沒有沙嗲味，食物選擇也多，水準也不錯，有熱盤、有飲品和火鍋料，叫做好齊。丸類較硬，肉類新鮮程度可以，飲品只有啤酒、百事、七喜、橙汁汽水和綠茶，選擇較少。有牛奶公司雪糕。惟醬料款式不足，只有勁鹹的豉油和勁杰既花生醬，這可改善。但在天水圍區叫做係舒服的一餐。

叫了個豬肺湯，七成湯渣三成水，薑葱生蠔，生蠔不新鮮，水汪汪，還加枝竹，大開眼界，如果叫薑葱炒蟹又會不會加枝竹呢，真是九唔搭八，龍躉兩味，炒球還可以，但蒸骨腩，骨佔七成，泰王炒通菜，咸到苦，我現在才知道泰王是這麼咸的，清蒸鮑魚和相片相差極遠，鮑魚得個五豪子咁大，八隻＄138.好像給人打劫感，我給了一元小費，巳示不滿。

點心紙遞比待應時間15:45，待應大聲夾惡地話話左16:00唔收點心紙，我以為自己錶慢左，但個待應自己由衫袋拎電話出黎睇時間都心虛左一下，搵個半更經理黎。第一個半更經理都肯拎張點心紙行開，個待應再返轉頭黑晒面咁講「頭先都同左你地講有點心紙好快d比埋我架啦，而家過左鐘唔收架啦！」仲搵多個半更經理過黎重覆多次同一句說話兼比面色我地睇。被圍攻同時即刻打上富臨hotline同個客戶服務員投訴兼報埋圍攻既待應同半更經理名，仲聲稱影佢呢2位同事口面比佢上openrice睇下，唔夠2分鐘即刻唔見左人。去麥當勞食個$40餐都唔駛受咁既氣，仲話富臨咁大集團

分別在平日早市 同假日早上光臨兩次平日早上9點前未洗等枱 要留意 佢有告示寫明"全場搭枱"第2次去 比左張好大既枱我 好彩人唔多 就算有半張枱剩 都唔洗比人搭枱點心唔係款款都得未至於衰到唔想再幫襯但叫點心要小心揀好味既點心:1.粉果，第一次食粉果係真心覺得好味，皮薄2.蘿蔔絲酥餅，蘿蔔好多!好甜! 外皮顏色略深橙色，不過正價都要食!3.南瓜煎堆仔，一碟有4粒 可以剪，幾好味，唔會太油伏伏地既點心1.菜苗鮮蝦餃，一籠4隻，有3隻d皮都未"練"實，無乜味，得一粒好細好細既蝦2.鳳爪排骨飯，飯好林，舊排骨咬落唔似肉，唔知係肥膏定筋，食左兩淡就無食...3.煎薄罉，食落似熱香餅，幾得意，但完全唔係人地想要既野....4.燒賣，舊肉唔好食既...第一次咬完粒燒賣係唔想食埋餘下個半舊5.芋絲春捲，基本上係無芋絲芋頭既味道，皮係脆既 但成碟都係凍既6.叉燒脆皮包，唔係脆既，係林既整體黎講食物普通，但環境唔錯，唔會好逼