富臨 (Closed)

成日掛住掛住想食..但今次叫錯左野...龍蝦一定要叫$388....冬瓜盅淨叫好喇.套餐配啲野❌❌❌芥蘭煲老公都話正.$18一隻雞唔叫唔得喇..呢間野真係好好食.每次都有驚喜咁囉鴛鴦炒飯.冇六個人都食唔到

桂花糕先上，不錯，很清甜，但不該第一樣上枱; 鳳爪排骨飯一般，無特別;叉燒包的餡不多肥膏，還可以; 牛肉腸是幾乎無牛肉的，全是青豆，草青味重，是有史以來最難吃的牛肉腸，之前都不是這樣的，差勁! 炒米粉同樣難食，鹹味不均，我吃那口鹹到喊!

這酒樓在酒店內，環境好，空間感大。我們選了卡位坐下，尚算舒適。只有兩個人飲茶，點了一個漁香茄子炒米。味道怪怪的，茄子寥寥可數，應該只有兩小塊，米粉也不好吃，炒得過濕了，完全不合格。

一路都覺得呢間無得彈架..之前兩次家人生日食佢一圍圍.好足料架..今日同老公囡囡食..都係無得彈.188龍蝦伊麵..28一隻雞98一大煲湯係個咕嚕肉差左啲...咁既價錢抵到爛

幾年冇寫過食評，不吐不快。今日團年飯，帶長輩食飯緊係想佢哋食得開開心心。食物質素差都算：翅，冇味炸海鮮卷唔脆，厚皮靭皮，而且係凍嘅法式焗蝦球伊麵底，又係唔熱，蝦球用厚粉包住炸乳豬拼盤，遲上，懷疑冇貨。長輩一咬落去啲勳蹄，喊咁好，係剛剛冰格拎出嚟嘅，有冰粒，而且硬會收加一茶芥酸菜錢，我地問佢要酸菜，佢哋話：集團寫係咁寫，但係我地呢度冇酸菜仲夠膽收我酸菜錢？團年飯，係咁架啦，局住食，認命啦，唔通帶長輩去麥當當咩。

叫五籠點心有三籠係凍叫佢換佢話係咁 唔食幫你cut左佢未問你意願已經幫你cut左差鳳爪用油浸住食落冇味差差服務差嘢食差價錢貴咁嘅質素邊度搵暫時係我食過全港最差嘅酒樓

今日下午4姨媽約咗我們嘉湖銀座嘅「富臨」一齊飲下午茶！我們叫咗魚茸釀茄瓜嘅魚肉唔算好厚身，味道亦有啲腥，而茄子就唔算好軟滑，質感有啲硬身！家鄉煎薄𦉘嘅餡料雖然都幾豐富，質感都幾煙韌，但就煎得唔係好香口，感覺好似食緊「嚿」仲未煎熟嘅麵粉咁！南瓜煎堆仔嘅外層好煙煙韌韌，入面嘅南瓜蓉嘅味道都幾香甜，但份量非常少，差唔多係空心咁，真係令我們覺得好失望呀！鮑汁叉燒包嘅包質都算香滑軟熟，鮑汁嘅味道都幾惹味濃郁！蔥花炸兩腸嘅腸粉外皮好軟滑，入面嘅炸兩亦炸得好金黃香脆，個名話係蔥花，但一粒蔥花都無，真係又再一次令我們覺得好失望呀！銀芽肉絲煎麵嘅麵煎得都幾香口脆身，肉絲都幾爽滑，而且份量都算多，特別係銀芽，簡直係超級多！

雙黃白蓮蓉月餅$198一盒四個的富臨月餅，以鐵盒裝著，帶有傳統懷舊氣氛。月餅大件重手，份量十足。 印上富臨兩字的外皮焗至吸引的深啡色，賣相吸弘。內裡是軟熟稠密的白蓮蓉，香甜膩口，配以鹹香充足的雙蛋黃，果然要吃傳統月餅才像過節阿。

今日在天水圍工作，天氣差時晴時雨，親落大雨去了酒樓坐一坐吃午餐。坐下不久侍應小姐已推介午市靚湯三寶$168包豐料海皇燉冬瓜盅（原本$98）配鮮竹浸菜苗龍躉件蒸飯。$168三樣嘢，足夠五人食，不過同事口痕，除咗飯還想吃個濕濕地的，所以叫了雪菜火鴨炆米。其實呢度啲點心大部份都係中點以上，小點只有兩款，例如鮮竹牛肉球和潮式靚粉果。午市係星期一至六早上630-430（公眾假期除外）小點$13.8，中點$17.8，大點$20.8，特點$26.8,頂點$31.8,茗茶每位$6。最後還叫了一客滷水掌翼（$42）和桂花杞子糕。每人消費$70。

今晚因為家人生日，所以出街食飯唔係屋企煮～一行五人係星期六既銀座真係好難揾位呀！！到到都好多人！行下行下黎到富臨門口見到poster 講打邊爐，價錢仲要唔貴bor 因為大家都肚餓啦， 而且時候都唔早成八點，既然唔洗等位就入左去。其實好少黎呢間富臨食飯，所以都唔太了解入面個環境係點。原來呢度內籠好大！行極都有得入去！晚市分左兩個部分，一邊係食小菜，一邊係打邊爐區。入到去人都唔係好多，所以打邊爐區既位係任坐，阿姐話我地想既話霸兩張檯都得呢度係行半自助既打邊爐形式，丸呀、菜呀就係出面自己助bar 拎，其餘既野食就自己剔剔因為大家都肚餓，所以一坐低就係咁剔野食無影到點菜紙同環境，唯有口述呢度食物同飲食既款式都唔多，所以睇相都見到我地叫既野食都有d 少⋯⋯不過都叫有驚喜既，估唔到有出前一丁任拎。但係打邊爐都唔會食飯食飽架啦，一個起兩個止。好多出面都有既墨魚滑呀、花膠呀呢度都無。而且任食邊爐仲要係天水圍開呢都唔預d食材新鮮。不過因為地點既關係，對於野食既要求就自然會降低。如果百五係旺角呢d 地方食我會覺得no good，但係天水圍呢，我會話ok 啦呢度既雪糕同雪條都係雀巢啦～同想像中既一樣無驚喜～

今日同屋企人飲早茶，早上10點幾唔洗等位，11點後特價時段，樣樣野都10幾蚊甘，食左個燒賣，呢個價錢甘既質素十分唔錯，一半價錢但拍得住美心.之後食左2份蘿蔔糕，煎得好香口幾奶食，食到蘿蔔絲唔會得麵粉，抵食！15蚊一盅鳳爪排骨飯，味道唔錯，食完飽左一半，夠哂抵食！個杞子桂花糕望落甘靚，原來係大伏！啲杞子好似壞左甘係酸既，成個桂花糕都係隻酸左既杞子味，食左一半就食唔落！整體價錢質素唔錯，天水圍既酒樓呢間性價算高，屋企人鐘意飲茶可以一試

同屋企人飲茶，下午茶好平，雖然點心一般，純粹坐下飲下茶都抵啦。菜苗餃有四隻，皮太濕太爛，菜都嫩嘅，蝦爽。生煎包飽肚之選，煎得香，餡ok。蘿蔔糕好多蘿蔔，但調味偏甜，同好散。銀羅xx腸，唔記得咩名了，炸薄脆包蘿蔔絲，好大陣油益味。花姿油炸鬼，炸到好硬，上枱冰凍，明顯地炸定十世，本身味道唔差，係凍左啫，最失敗配黑醋，又臭又酸，好好地配喼汁咪好囉。茄子一直特價，7.8三舊，仲平過街啲煎釀三寶，大件夾抵食。小籠包熱辣辣，皮勁厚好飽肚，肉滑仲有肉汁，味道ok，但無醋無薑絲附送，啲點心阿姐直接淋上去個小籠包度，然後滴到四圍係，thanks。芒果布甸好甜好滑，好味。

很久沒飲中茶了，今日突然癮起，又見差不多到下午茶時段，便到門口處排隊取籌。一坐下，點了茶，便急不及待填寫點心紙，實在有太多東西想食了1. : 燒腩仔(肥瘦適中，皮又很脆，沾上芥末來吃，正!)2. : 蝦餃皇(皮薄蝦肉又多，但注意每籠只得3隻咋，不似其他酒樓會有4隻)3. : 豬潤腸粉(此款點心不是每間酒樓都有，所以不妨一試)4. : 原籠馬拉糕 (雖然價錢貴一點點，但真的好好味，推介!)5. : 南瓜煎堆 (外皮煙韌，不會一咬落去就流晒D油出黎，好味，推介!)6. : 檸檬蛋散(就咁望落去好似好淺色咁，但檸檬味都幾重架)整體來說，是中式下午茶不二之選

位於嘉湖海逸酒店一期一樓的富臨酒樓， 算是在天水圍區一間比較有規模有水準的酒家，這裏還境面積佔地很廣，即使有很多圍枱，不會覺得地方很逼狹很擠迫，在這裏擺50圍酒席相信沒有難度。食物方面有一定的水準，而且也衛生。雖然位於商場的位置不算很顯眼，但門面很大好容易找到 海鮮檔所放置的都是高價游水活海鮮 芒果糯米卷裏面是芒果布甸加鮮果肉 蝦餃新鮮彈牙 原籠黑糖馬拉糕很香很甜 豬膶腸粉不是很多酒家也可以食到 脆皮豬腩仔是必食的 煎堆與蛋散都非常香脆酒樓來說這家的甜品算是不錯 雖然很多圍枱但是也不會出現椅背貼椅背的情況 價錢算是平民化 蝦餃份量比較少只有三粒如果是四人的話就要多叫一籠才夠分富臨酒樓算是一間保持到一般水準的酒家， 環境不錯，在天水圍區算是一個不錯的選擇

今日出完灣仔返來同家人飲茶，破壞左我去灣仔試其他餐廳嘅機會，又來呢度飲茶....來到家人食左第1輪嘅野，話都上得好快。但第2輪食物就上得好慢，都試左未食過嘅紅網米腸，唔好睇又凍，唔好食，似紅色粉皮包隔夜春卷😖綠茶糕嘅蒸籠勁污糟，啲黑芝麻迹係內籠邊，痴到啲糕囉，爸無留意已食入口 ...我就頂唔緊，唔敢食囉…點可以污糟到咁，唔洗都唔係咁dirty比人見到嘛！食野前真的要細心睇真啲，食埋人地啲渣滓真係唔掂