風彩餐廳

Open Now

Now Closed

1:24落單叫午市快餐，2 分鐘上左杯凍奶茶。等到1:38 問伙記係咪漏單，冇回應，1:42 分同佢講未整就唔要，收銀嗰個女人話1分鐘，等多2分鐘都未出，反而遲咗我10分鐘入坐果個就上左，期間其他遲入在同遲落單過我嘅小炒都上咗。收銀話午市快餐分開爐炒。我跟住指遲叫過我落單果枱，遲過我同台嘅人都食完走咗啦，你睇下佢幾點落單。遲過我落單，而家都上咗啦，分行爐炒就唔使跟先後次序？仲要計我杯凍奶茶單單價。 永不回頭！

一行4人入去食嘢，個侍應好似聽唔到人叫佢咁，一直都唔行過嚟，叫到佢嚟落單 都可以落落下單走咗去執枱。 好耐先再幫手落單。佢落完單門口收錢肥女人就過嚟大聲講「你地落咗單未」好似爭佢錢咁。 因為有小朋友找起啲沙糖包但無整爛。個肥女人就話「啲糖好貴架，唔係俾你咁整，再整就收你錢」。咁既態度都仲有人去食。到收錢又唔收八達通。大家自己判斷依間餐廳係咪做香港人生意。仲要加20%服務費而且冷氣不足，地方又窄。 想拎張櫈擺放手袋都俾男侍應鬧。

逢星期五都特別想食多啲野返工前經過佐敦的風彩餐廳。正值午飯時間1點半坐滿食客。內地客較多。難得有卡位位置近窗位舒服些，看看餐牌都幾多野揀有每日的午市推介，各款嘅小菜中式飯西式飯常餐仲有架勢大碗飯。點架勢法叫黎睇睇先。每日推介星期一至日午市推介各式小菜中西式飯類架勢大碗飯架勢大碗飯黎喇（D9 滑蛋公司飯有滑蛋餐肉叉燒蝦仁）66蚊+10蚊飲凍檸樂好吸睛呢蝦仁大大隻數過有8隻叉燒稔大約有6至7片餐肉粒有🎲甘大，約有8-10粒如果豉油多少少仲正。呢碗大碗飯真係超架勢。

員工貪方便霸佔有食客的半張飯枱位置執瀝好水的碗，明明隔離枱是大大張空枱，執到砰砰澎澎，點解唔用隔離枱執，仲要執碗時甩手跌下碗筷，碰撞食客正在享用的飯餸，行為好趕客，不懂基本待客禮貌。野食又一般，不會再幫襯，老闆請員工倒米。

今日同屋企人去食晚飯，叫咗碟薑蔥豬扒飯，薑蔥另上。侍應A態度極差，話做唔到，出餐你就知唔做唔到㗎喇，話自己做咗咁耐都未做過薑蔥另上。哇，講到好似薑蓉唔放上去啲豬扒到就煮唔到咁樣。 但其實只不過將薑蔥唔好放喺飯上，用另外隻碟仔分開放姐。侍應A再話: 廚房做唔到呀，你一係食 ，一係就唔好食！嘩，我真係火都嚟！然後侍應A叫侍應B過嚟解釋。 侍應B態度都唔係好好㗎喇。侍應B: 做唔到薑蔥另上，我哋呢度係茶餐廳嚟，做唔到呢啲㗎。你要另上就加$5哦，原來唔係做唔到，而係唔肯做。加$5就做到同肯做啦。呢間嘢冇下次！！！

不支持微信支付宝电子支付，八达通，只收港币，人民币只能1比1兑换，赚汇率差价，对大陆的真的不友好，搞这种小心思，真是服了，从大陆过来的建议不要去，味道也一般，不是内地的味道，就是位置在路边，游客找不到吃的容易过去。。。。。。。。。。。。。。。。。。。。。。。。。。。。。。

環境唔乾淨，餐枱、餐椅都有食物留低，老闆娘只顧做內地遊客生意，隔離枱打邊爐仲要關掉冷氣。我朋友焗到頭暈唔舒服，要求開少少冷氣，老闆娘都唔肯，連滿佈麈的風扇都唔肯開！

食物普通咗啲，冇咩特色，還算過得去。不過餐廳裡面嘅通風唔太好，覺得有啲焗，食完又成身味。其實呢啲都預咗，冇乜好講，但最令人嫐嘅係侍應嘅態度真係好唔友善，講嘢好大聲語氣又唔好，其實呢個也都預咗，畢竟呢個係香港嘅茶餐廳特色。但買單嘅時候，佢話唔收1000蚊紙幣，同埋竟然連八達通都唔收，個收銀姐姐棟係度完全冇反應。咁我可以點算？？我想問，我可唔可以唔俾錢就走？定係要我自己行出去周街唱完錢再返來？總之，呢種餐廳的服務同埋環境都唔太好，下次應該都唔會光顧，費事浪費錢浪費時間。

我地倒數完去食 入到去 我地坐嗰張枱係上一手食淨嘅嘢 咁我地都見到佢哋好忙 但都要執枱㗎 已經唔該前唔該後咁叫佢地執枱 講左3次就俾佢無視左3次 咁後面張枱冇人坐(都係成枱上手食淨嘅嘢) 我就自己將上一手食淨嘅嘢放去後面 後來有客入座嗰張枱 個阿姐就即刻執🤷🏻‍♀️我同我同行嘅人嗌左3個飯,1個常餐(沙嗲牛麵，火腿奄列同埋牛油多士),1份三文治 首先上左個沙嗲牛麵 佢個麵唔會煮到太腍係OK 但係佢個牛係酸 咁我自己唔食啲牛就算 但係我第二朝屙咗三次佢上火腿奄列 係冇跟牛油多士 上晒其他嘢食 一直都冇上到個牛油多士 跟住就問過阿姐 佢一句話冇晒麵包就完 仲要係態度差 我再去收銀問 佢話佢哋太忙唔知道冇晒方包 一句sorry就講完 但係佢哋依然都係收返同一個價錢 亦冇任何補償 開得廿四小時 做唔到嗰個質素就唔好做 樓面同廚房又溝通得唔好 最後承受嘅係顧客 我朋友嗌嘅三個飯 三個白飯嘅米芯仲係未煮透 入去餐廳期間一直都見到佢哋不停蒸飯 但其實做唔到可以停咗佢 唔明點解一定要夾硬出俾客 依間嘢又唔係平 最後食到一肚氣

落單個女侍應態度好差，盡管我已經好有禮貌，吾該前，吾該後。當我問佢係咪有得揀紅湯或中湯 (因為餐牌寫有得選擇)，但女侍應用唱粤曲Tone 講: 冇得揀呀。請問仲有咩吩咐？然後反白眼離開。老實講，我從來未遇過一個侍應態度係咁惡劣，真係第一次見，好可怕，我以後都吾會再幫襯。

方便地點~今天番工前食沙爺茶餐店員態度有笑容跟我落單很正常 但另一位見她十分權威地跟後來兩客人落單語氣似落部多D： 講... 繼續... 飲...？ 食物上碟不太油跟細杯奶茶味道都正常 可以加錢做正常大小奶茶。曾經一次亦是第一次在這茶餐廳遇到有位稍大少少年紀收銀員 我到柜枱前放上錢和單在收錢盆上問錢是我付的 還是他們之前未攞走 離譜她還解釋她曾經試過

打錯價錢入錯單，叫咗嘢食遲遲都唔嚟都不特止態度差到一個點，嗌完嘢食1分鐘都冇就叫我買單先，其實買單唔係問題態度應該好少少囉🫠我老公食完之後肚痾🙃唔會有下次👎🏼喺我哋食緊嘅途中有一對講英文嘅外國情侶入嚟收銀嗰個係咁問佢食乜食乜人哋用英文答佢好唔耐煩，之後糾纏咗一陣嗰對外國情侶走咗然後就係咁話人哋講英文😒你咁樣招呼俾我都即刻走啦👎🏼👎🏼👎🏼你歧視人哋講英文？定係你自己唔識？差到一個點👎🏼👎🏼👎🏼

服務態度真的很差，我們就普通問一下其中一個餐有沒有配湯，服務員就大驚小怪反問說怎麼會配湯，肯定沒有啦，語氣非常不好。問服務員是否有紙巾，到前台說要三元，作為一個茶餐廳，大多數有免費紙巾，雖然不是第一次見紙巾收費，但考慮到性價比，真的是很不划算了。一共要了三個餐，兩個羅宋湯都沒有什麼味道，兩個飯的性價比很低，量比較少，味道也比較一般，小朋友吃過覺得沒有吃飽。地理位置好，應該就是做遊客生意的，不會再光顧。還看到一隻蟑螂在牆上爬。

大熱天時佐敦道玉器街附近搵地方食晏，剛巧路過風彩茶餐廳門口，阿姐熱烈咁樣推介，所以我就和朋友一齊入咗呢間餐廳，入到入面第一個感覺就係冷氣真係唔係好夠涼，可能天氣真係太熱，但都好彩有個卡位！見有持名嘅乾炒牛河咁當然就唔錯過啦，仲送例湯和奶茶，而奶茶都尚算香滑冇乜苦澀味，可見水吧員工有一定水準！乾炒牛河就真係唔錯，冇乜油淋淋嘅感覺，爽口彈牙嘅河粉，再加淋淋嘅牛肉真係水準之上；回鍋肉飯就變成四川炒豬肉多啲，完全冇回鍋肉嘅風味，雖然食落味道都尚可，但係完全唔係回鍋肉嘅味道！反而例湯唔錯感覺味精唔多，總括來說都係一間性價比高嘅地道茶餐廳。

服務態度差，落錯單，碟頭飯加熱飲72蚊 完全唔值。 煎豬扒飯其實都係炸返熱，豬扒唔熟見紅，侍應竟然講近骨位唔熟正常，講多2句個廚師都主動話炸多件比我 根本豬肉唔熟完全無抵賴既地方，影響食物安全 。呢間野係我近幾年食過最差既餐廳，純粹趕時間一落車隨便揀間餐廳食，估唔到可以中如此大伏。同埋一間餐廳 7點唔夠竟然話無蝦 呢d咁基本既雪藏食材有咩可能無 根本唔想做生意。 從未留過食評都忍唔住登入發表一下，希望大家唔好中伏。