峰手撕雞 (鴻運中心)

Open Now

Now Closed

經過諗住試下哩間手撕雞麵，點知一試中伏🤷🏻‍♀️，剩撕雞麵$45+多個牛展（得2塊）$15，麵唔多雞又少就$60🤷🏻‍♀️，職員態度差係真，唔休做應該等執。

見到$35以為好吸引，原來要有制服誘惑先至有得平。最後冇優惠都唔緊要，俾咗$45買個飯，份量細到我要另外再喺屋企搵嘢食先至夠飽。巨人大碗飯？如果真係有巨人我都擔心佢營養不良。我插咗隻叉落去一啖都未食，即時火都嚟，已經好肚餓，買完飯返到屋企得嗰幾啖，個盒正正常常，但係睇到根本只係裝得一半。咁嘅份量收$45，如果個盒滿嘅話係咪收$90。我見呢間舖對自己嘅出品咁有信心收咁貴，影完張相我都試一試，雞唔入味，口水雞個汁同買樽裝嗰啲差唔多。真心想知呢間舖嘅賣點係咩，我見其他食評有人話價錢唔平但係味道好味？我諗公道自在人心，收點嘅價錢就俾返點嘅質量，既無質又無量，就...。以上係我個人主觀感覺啫，等其他人去評價。

第一次問佢幾錢話75 蚊見佢找番15蚊 問佢唔係75咩跟住同我講 講x左兩次85OK 你講錯無問題 你咪認囉 講錯既話唔洗死雞撐飯蓋 啲態度差到_街我第一次買 都係最後一次你自己趕客無問題睇你幾時

食過好多手撕雞舖，亦好鐘意食手撕雞，知道邊d叫好食同唔好食，但e間真係好恐怖！CP值超低，根本就係呃飯食！難食都算，d態度好差，好似我要貼錢買難受！好嬲！以後唔會幫親，想幫親既就自己唸喇！

呢間野，無論食物質素同招呼都差到不得了，話説我去買個手撕雞飯，又貴又少雞，好似食青瓜飯咁，我食左一啖就吐返出黎，佢啲野一陣嗅味，酸酸餿餿，我重見到有隻懷疑係曱甴腳嘅物體，我走去同收錢個女人講，十問九唔應，真心想講粗口，我問佢野答都唔答，淨係同入邊個廚房佬細聲講大聲笑摸身摸勢，間野更本都唔係做生意。間野本身都污糟邋遢，我走果時重見到有老鼠走入去佢鋪頭，我心想幾十蚊唔算係好多錢，但係打開門做生意基本野都要交貨掛。為有當比啲乞衣睇醫生。

個女人啲態度真係差到爆....買個兩餸飯43手撕雞得幾條雞絲全部都係青瓜....諗住唔夠食問佢加個餸要幾錢,個女人好唔想答咁話10蚊8蚊囉....最後加10蚊加個牛展....比左三塊勁薄嘅...我問佢加10蚊牛展得三塊咁薄？佢女人同我講夠你食啦.大佬你啲野係唔錯..但係一份有幾多份量你地都無準則,完全睇佢心情咁..幾好食都無用,最後餐具都無比我.....無下次...................

買完返到屋企一打開見到勁多青瓜，以為自己係叫左青瓜飯！啲雞係完全比青瓜淹沒左，全盒得個幾條雞絲！原本諗住$43覺得幾低，但見到咁嘅份量真係一啲都唔值$43！希望佢會改善下，不過應該都唔會再試😰😰😰

半隻麻辣手撕雞+3款小菜盛惠150幾蚊到啦首先講吓雞 份量望落好多但佢有埋雞腳一大碌雞髀骨咁其實有半盒都係唔食既野真正肉大約有200g到啦味道不錯嘅 偏乾身牛展好好味 好林好入味土豆絲就帶有少少酸個豆腐好搞笑 好似啫喱咁嘅口感第一次食到

嘗不到好不好吃，買了一個胡麻醬燻蹄螺肉飯，在店員放入手挽袋一刻曾向店員詢問有否加胡麻醬，店員眼神堅定地回答加了，回家後發覺的確有加胡麻醬及只有青瓜絲同少量手撕雞，並沒有選購的螺肉及燻蹄，奇怪的是店員加胡麻醬一刻應該發覺並沒有燻蹄及螺肉，存心作弄？難怪其他人對此店店員服務有微言，我亦曾嘗試聯絡手挽袋上的電話，打不通，WhatsApp發覺只有單剔出不到雙剔，顯然易見已關機，可能投訴太多了，這店除前線員工出問題，管理層同樣出了很大的問題，看來食物質素沒有保證，慶幸的是店員沒有將選購的燻蹄螺肉入盒，總算逃過一劫

今日第一次幫襯，冇睇之前食評，原來好多人都話店員服務差。今日終於體驗，店員服務真心差，食物質素中下，價錢冇彈性，性價比低不會再幫襯。睇餐牌有唔明，問店員係唔多睬你，飯好似$35但得一個餸，所以揀咗淨餸，總之都係一句$48，$48咁講，問多句都費事理，爭在未講你自己睇，其實$48可以揀三個餸，但牛𦟌同墨魚就要另外加多$10即係$58蚊。所以我揀咗豬腸，牛肚同燻蹄，牛肚都幾好食，豬腸正常，燻蹄就唔好食，肉質硬又冇味，分量都唔算少，但一個人食太多，兩個人食就差不多，一個人食唔晒要留就冇謂，所以一個人就最好唔好買淨餸！呢個價錢食物一般般，有第二啲選擇唔會再幫襯，而且服務係好重要，店員態度令人不想再幫襯，冇下次。

咁我去買咗個$103嘅套餐半隻雞同3款自選其實短頭髮嗰個店員態度都唔係咁好豬腸同豬肚係勁難食豬腸係勁多肥膏同埋有浸臭味個手撕雞就係冇乜味我叫咗頭抽 裏面有城大隻雞骨架同好多雞皮真心唔會再幫襯好難食你可以幻想下裏面好多肥膏但係係凍個問題係個兜字其實係無味我問佢可唔可以加辣味佢竟然同我講林啲辣椒油上去啲嘢完全係冇味同埋勁劣質好明顯係放咗喺度好耐冇人買重要個店員態度勁差差到依家嘅亦都唔會再幫襯亦都係我唯一一次專登po食評

第一次去幫襯，簡直一肚氣！1⃣️有唔明已經去問清楚，那個態度超差的收銀阿姐嫌我問來問去，不停講「下一位」，老實講，我都係客，要麼咁唔耐煩🔥2⃣️終於落單，點知又話呢樣無，果樣唔得⋯大姐，之前又唔好好地講清楚d3⃣️被佢搞到冇晒興致😡真係唔想嘗試其他嘢食了⋯只買一隻手撕雞，一早同佢講分盒，點不知佢話我冇講，又話已經整咗出嚟，冇得再分；連裏便嗰個員工都頂佢唔順，話俾個盒我，佢硬係要話盒一蚊一個，好似佢冇錯咁相信老闆要三思繼唔繼續留住呢個員工

手撕雞飯，青瓜多過雞五十幾蚊，都唔平架，唔知食左啲咩，青瓜飯？！！個女人態度又差……………..無零錢好似係我錯咁………..你做生意應該唱定啲散銀啦小食就還可以啦………….都未必會再食…………….