Video
4-min walk from Exit A, Whampoa MTR Station
continue reading
Opening Hours
Mon - Sun
11:00 - 22:00
Above information is for reference only. Please check details with the restaurant.
📍 芙蓉同源 (紅磡)最近幫襯左紅磡嘅一間台灣飲品，店員係台灣人感覺很好很友善。我叫咗一杯芙蓉仙凍奶茶同埋粟林老薑奶。第一次飲薑加奶嘅飲品，估唔到都幾唔錯味道都幾夾，如果有得少甜就好不過佢呢個係特定甜度，都ok ！下次要試吓佢嘅第一名推介！同埋佢飲品嘅名稱都幾得意特別好台灣嘅感覺，行過都可以幫襯下！聽朋友講芋頭味勁好飲，服務仲好好添啊！評分：7/10服務：8/10環境7.5/10地點：紅磡寶其利街53號寶利閣地下4號舖.
continue reading
又係同太太拍拖👫行街嘅時候😂行到有啲口渴當然就要搵嘢飲止止渴啦😬經過見到呢間「芙蓉同源」賣相好似唔錯啵，就試一試佢啦💪厚芋香珍珠奶露$35一開始其實係諗住想叫黑糖珍珠鮮奶，但見到呢杯厚芋香珍珠奶露，好似幾特別，就試下啦，果然不負眾望！佢嘅芋蓉非常多，但又唔會漿住你個口，啲珍珠亦好煙韌，奶露同芋香嘅味道亦好夾👍舉頭望明月$35一見到個名就諗呢杯係咩嚟架呢🤔唔洗估，叫杯黎飲咪知囉😂估唔到又有驚喜！呢杯入面有西柚肉 芒果肉 有啲似楊枝甘露但相比起楊枝甘露嘅味道又有啲唔同，比楊枝甘露好飲😋P.S. 店員一睇就知我哋第一次幫襯，所以好細心同有耐性講解，令有選擇困難症嘅我哋好快就了解自己想飲啲咩而作出選擇🤣
continue reading
紅磡寶其利街呢邊餐廳幾多，但茶飲店就頗少，經過呢間「芙容同源」，店面小小，同隔離兩邊嘅舊式小店有啲格格不入，反而吸引咗我去試下 /呢度好似比較多人會叫芋香系列，睇落都幾吸水引，但咁啱因為我唔想飲到太飽叫個開胃啲，就叫咗酸酸甜甜嘅洛神花紅寶石。洛神紅寶石 $32味道方面比想像中易入口，有好香嘅洛神花味，唔會好似出面嗰啲得個酸字，酸酸甜甜開胃又清新，特別啱夏天飲，不過相信洛神花口味就真係好睇個人口味。店主有特別介紹係用咗台灣運過嚟「洛神花蜜」加埋台灣入嘅「阿薩姆紅茶」，呢款嚟自印度再引入台灣嘅茶種，濃得嚟比較少苦澀味，而自帶麥芽香，喺台灣都好常見。
continue reading
夏天留喺街一陣個人已經蒸發晒咁，好想飲啲有冰，甜甜地既邪惡野。由黃埔地鐵站出閘不斷搵有邊間新野可以試，終於搵到芙蓉同源。朋友叫咗一杯有芋頭有奶既飲品，而我就㨂杯開胃既洛神花茶解解渴，果然有驚喜喎！🥛厚芋香珍珠奶露（微甜）$35新鮮芋泥係最面，要一啖飲晒芋泥、奶露同珍珠，令口感更有層次！不過要一細啖咁飲，先唔會成口珍珠有排咬🤣 珍珠係芋頭製作而成，有咬口之餘又有淡淡香芋味！我個人覺得微甜岩岩好，飲多幾啖都無問題🥤洛神紅寶石（半甜）$23店員話係加入左洛神蜜，健康之餘又帶啲甜，易入口更加開胃！紅茶做底，加入洛神蜜清爽得黎又好夾個茶味，下次都可以㨂哩類飲品解渴。*20/7-30/8 期間全場 40% Off起！
continue reading
芙蓉同源 (紅磡)••••••••••••••••••••••••••••••✄( •8• )✄( •8• )✄( •8• )✄( •8• )••••••••••••••••••••••••••••••♥️餐點：•芋香珍珠奶露 $35•黑糖珍珠鮮奶 $30••••••••••••••••••••••••••••••♥️食評：夏天咁熱，出親街都想飲杯嘢飲吓，今次就試吓呢間台灣過江龍芙蓉同源啦！芋香珍珠奶露係芋頭珍珠+芋泥+鮮奶嘅配塔，芋香珍珠喺呢到嘅招牌，一飲真係好重芋頭味，而且珍珠份量非常之多，有成差唔多一杯！非常之足料啊！另一款黑糖珍珠鮮奶都唔錯，好重奶味，黑糖唔會死甜，黑糖亦明顯做到掛杯嘅效果，珍珠份量都好多，可以一試。••••∩ ∩••••••••••••••∩ ∩•••••••••••••✄( •ω• )♡( •8• )✄( •ω• )♡( •8• )✄芙蓉同源 (紅磡)紅磡寶其利街53號寶利閣地下4號舖
continue reading