風流居酒屋 (Closed)

同朋友約咗好耐，成日都話要一齊去呢間風流居酒屋食lunch，今日終於都約到啦😂😂一直都好想過嚟㗎啦，成日都聽同事話呢間餐廳好正！今日一試，果然平靚正😍😍我自己叫咗一個地雞親子丼！呢個地雞真係好好味！而且份量好多，有好豐富嘅雞肉！而且呢個雞肉嘅肉質好有彈性，而且好嫩滑！絕對係高質嘅雞肉！而且加埋呢個親子丼嘅滑蛋飯！令到成個飯同埋呢個雞肉嘅口感配合埋一齊更加香滑❤️❤️朋友就叫咗一份天丼，就係雜錦天婦羅飯！望到佢嘅雜錦天婦羅都已經覺得好吸引，首先賣相好靚，而且重點嘅係天婦羅嘅種類都好多，除咗有大蝦之外，仲有好多唔同嘅蔬菜，我自己試咗一舊，都覺得呢間餐廳嘅天婦羅好好味！本身唔太鍾意食炸嘢，但係見到呢度嘅天婦羅炸粉比例啱啱好！👍🏻👍🏻👍🏻鬆脆得來唔會好熱氣❤️真係好正！

今日朝頭早返工嘅時候好攰，都冇時間食早餐，所以就想食lunch嘅時候可以食好啲，比自己食個餐好嘅🤣🤣於是就揀咗呢一間風流居酒屋！呢間餐廳真係充滿日本風情！食日本嘢，就梗係唔少得要食拉麵啦，本身我自己都係一個拉麵嘅愛好者❤️❤️所以一見到呢度嘅拉麵就已經流晒口水急不及待啦！叫咗呢一個地獄海鮮拉麵 $88，價錢方面一啲都唔貴，因為望到呢度嘅海鮮配料非常十足！而且食拉麵最緊要自己就係湯底，呢度嘅湯底好香！好吸引！而且加埋呢個辣味啱啱好！至於海鮮方面嘅配料都非常充足，我自己好鍾意食呢度嘅蜆肉同埋帆立貝，新鮮嘅帆立貝真係好彈牙同埋好爽滑！而且加埋呢個湯底嘅味道真係冇得輸！食到舔舔脷😋

超級開心，今日去咗搵一個朋友食lunch，去到大圍嘅地方，本身人生路不熟都唔知有乜嘢好食！點知朋友介紹咗我去呢一間風流居酒屋🏮就咁望落去就已經覺得好有特色，而且非常有日本嘅風味！入到去嘅時候果然不出我所料，真係非常有日本嘅風格，用咗好多木嘅裝修，令到成個感覺氣氛非常良好！我自己叫咗一個天丼，係一個雜錦天婦羅嘅飯，一上枱嘅時候就已經聞到好香嘅天婦羅味道，非常正！而且呢個雜錦天婦羅嘅份量非常十足，有唔同嘅天婦羅可以食得到，我自己好鍾意食呢個大蝦嘅天婦羅！炸粉厚薄適中，而且大蝦爽滑彈牙！另外我朋友叫咗鹽燒牛舌丼！好豐富嘅好事，而且呢個牛先用咗鹽燒嘅方式，所以少少簡單嘅調味就已經好香！而且呢個牛舌嘅味道真係好香濃，對於鍾意食牛舌嘅來講絕對係非常喜歡！

沙田區呢類型嘅居酒屋都唔多～今日同朋友兩個人黎呢間試下！我同朋友叫左鰻魚飯&魚生飯～份量唔多唔少～都係同平時食日本野餐唔多！味道中規中矩～ 但Menu選擇其實都多～價錢都合理！店員安排左張大枱比我地 但就要同多兩個人搭枱🙈傾計就有啲唔方便同埋餐廳有幾層 所以我地唔係坐地下嗰層要叫到店員都有啲難度🤣但人流都唔少，要食就可以預早Book定～

非常難食嘅午餐麵豉湯就正常啦算好飲嘅1. 天丼 $882隻蝦，1條秋葵，2舊茄子 收$88飯濕到不得了 難食啲天婦羅壽司郎麵好食過佢一啲唔脆嘅見識少未見過天丼有椰菜底2.鹽燒牛舌丼牛脷係蒸/煮上菜時候乜色都無完全唔係燒飯一樣都係好濕 好難食好彩係質地味道係正常3.豚骨拉麵湯底無味嘅完全未食過咁難食嘅嘢竟然可以係得油味其他算正常 但拉麵湯底唔好無得救好垃圾啊好耐之前食過刺身丼係無問題嘅但今次真係好失望好難食 搞到好唔開心啊

我做咁耐人都真係未試過係想反枱，不過未反枱我先反胃，你居酒屋拉麵唔出息唔會怪你，但你個豬骨湯係豬骨水，食到成肚火，仲要收成90蚊碗，良心何在，咩顏色麵好，點解可以咁難食，想做午市都做好食小小。

本來唔係想試呢間，但啲路太亂、行到太餓先入去試試…………點知咁伏……………………..鰻魚飯 $98 勁伏…..第一次食到鰻魚飯係咁乾身，真係勁乾…..乾到好難進食…..又鞋又乾………喺有對比之下，呢個食落就比較正常了……另外餐廳座位比較窄，侍應服務態度都麻麻，侍應多數幾個人喺廚房傾偈，落單都要等侍應傾完計出嚟先落到………真係落個單都唔係咁容易……..無論係環境、食物質素或服務，都唔係太好，價錢亦唔算平。可一不可再

行過大圍嘅澤楷小巷，俾佢呢一間風流居酒屋嘅名吸引住，究竟居酒屋有幾風流，一於一齊去試吓🤣食左個early dinner，趁都算係夜晚，所以叫左d酒飲tim🤤居酒屋來講，離不開全消啤酒壽司刺身等等，咁我就當然叫左我最鍾意嘅壽司食，價錢一啲都唔貴，睇相亦好吸引，其中個壽司set可以轉手卷，價錢都只係$88！Total 6件壽司加小卷加手卷，雖然壽司用嘅料唔算特別貴㗎，但其中甜蝦亦算大隻，劍魚腩我亦都覺得幾好味，不過不失，呢個價錢已經冇乜好挑剔。活燒日本蠔，配左一杯山和sake，唔好睇小呢一杯，佢嘅後勁非常強， 而蠔就大大隻，肉質飽滿，甜咸適中，配一杯濃味嘅酒的確幾match

最近多左入大圍搵野食，就上個星期放工以後，拉埋朋友去左「風流居酒屋」小酌一杯，還記得那種微醺嘅感覺多好☺️當時見到餐廳正promote Seafood Loves Sake，於是order試吓。活燒日本宮城蠔配純米吟釀，燒過的生蠔🦪，蠔味會更突出，一口咬落去仲好juicy。配純米吟釀，啖啖的米香，與燒蠔出奇地夾。西京銀鱈魚🐟配濃醇辛口純米酒，以西京日式去烹調銀鱈魚，醬油香甜又不掩蓋魚的鮮甜，配上濃醇辛口純米酒，米酒味道較強烈，後回甘，同時中和菜式的油膩感。估唔到海鮮同日本清酒🍶都可以咁夾喎，實在令人有驚喜啊！

正所謂有咁耐風流.....就有咁耐......餞行！又多一位朋友出發了，明白的，加酒！先來一客活燒日本宮城蠔配山和純米吟釀。據說這酒是為配合吃蠔而釀造，所以樽身有蠔的貼紙，酒引發的旨味和酸味之間取得良好的平衡，更提升蠔的旨味。味道這東西就像場化學份子之間的戀愛，夾就夾，唔夾就很難說了。西京銀鱈魚配濃純辛口純米酒，酒樽貼紙有大大隻的「貴」字！米酒入口濃郁，應該是很珍貴的意思吧。濃厚的米味同時亦感受到纖細的旨味和酸味，和西京燒的醬油味是絕配。銀鱈魚基本上都不用沾沙律醬已經相當不錯。店內有很多和式風格，起初以為地區小店，原來後面有多層堂食，可以容納三五知己小酌多杯。

喺大圍約咗朋友啊求其玩，玩到一半肚仔餓落樓搵間餐廳也肚啦，今日見唔係特別肚餓嘅原故，都唔想食太Heavy嘅嘢，所以行吓見到呢間深色木系裝修風格嘅居酒覺得好啱我哋，終於就食吓佢嘅質素如何。🤓呢度晏晝下午茶主要都有啲壽司定食或者丼飯為主，想食少啲嘅亦有串燒，選擇唔少喎！牛舌啊雞啊呢啲當然唔少得，估唔到連燒蠔都有，係來自日本宮城嘅蠔，一份2大隻，燒到啱啱好開殼，原隻上，海水味澎湃，蠔味鮮甜，加上佢個海鮮menu配左杯吟釀，話平唔平話貴唔貴，又可以喺蠔同海水之間帶出平衡，中和返個咸度。估唔到佢地自己做配搭都幾有趣，唔使自己盲中中咁嗌枝唔夾嘅酒🤣

大圍嚟緊好快就會有大型商場，但係未有大型商場之前，要喺呢度食到日本嘢真係數一數二咁難，食肆小店等唔係少，但係日本餐廳就真係少之又少，除咗大圍站對出嘅一間之外，我平時就係最鍾意呢間風流居酒屋。今日食左佢嘅活燒日本宮城蠔2隻仲配一杯山和純米吟釀sake，真係好有日本feel🤤燒蠔大大隻，比較重海水味，但同時好飽滿多汁，一開蓋就流晒出黎！加少少檸檬汁亦可以提升佢嘅鮮味，當然呢杯sake都有返d名堂，飲落少嗆，但配埋蠔食簡直一絕。另外火炙三文魚親子丼亦好出色，三文魚份量多，三文魚籽卜卜脆，咸鮮味啱啱好，價錢認真唔貴又好食，跟埋前菜同麵鼓湯，得閑經過會再黎食👍🏻

今日與男友咁arm經過附近，記得有間黃店就去幫襯下。老實講，兩年前食過一次，覺得唔錯。但今日再去食，真係十分之失望！😞😞😞首先，講下服務態度。我地係星期日lunchtime時間去，唔洗等位，但亦都無人招呼我地。我地自己搵位坐低左，等左好耐先見到有侍應出現。落完單，等左半個鐘連飲品都未到，然後同侍應跟進，佢竟然一面不在乎咁問番我地嗌左d咩。食物方面，串燒還好。但個拉麵真是無改錯名，名乎其實嘅地獄拉麵。食左一啖，已經有彷如置身於地獄嘅感覺，知道中左大伏！🤬個麵底好似一團麵粉咁嘅質地，其他海鮮食材亦感覺不太新鮮。真係完全不能接受！食左一啖，就再食唔落肚。至於衞生方面，亦有待改善。同好多香港餐廳一樣，餐廳面積比較細，而用餐嘅枱同廁所距離都幾近。但餐廳居然一直由得廁所門打開，d細菌氣味會傳哂出嚟🤢咁樣令人真係唔太有胃口食嘢。最後都係想講一句：黃藍是政見，好食是良知。 我唔會因為呢間是黃店而盲撐。如果餐廳是用心經營，相信就唔會出現上述嘅情況。

⭐️風流居酒屋⭐️大圍大圍村第三街32號地舖今日約咗朋友食生日飯，好開心！因為終於都可以食日本嘢啦🤩❤️約咗去大圍嘅呢一間風流居酒屋食嘢！！餐廳非常有特色，且咗佢好多，我哋都叫咗好多嘢食！⭐️日本阿波尾雞心係傳銷方面，最鍾意嘅係呢一個雞心，非常爽口，而且燒得啱啱好，加埋少少調味料喺上面，簡直係好滋味！⭐️壽司盛合 流呢個壽司組合性價比好高，其中最鍾意嘅一定係呢個海膽壽司，呢個海膽非常creamy，而且好甜好友鮮味！另外就係三文魚壽司亦都好出色，好甜好肥美！🤩❤️⭐️大蝦天婦羅🍤至於呢個大蝦天婦羅亦都好出色，炸粉控制得啱啱好，而且一啲都唔會太熱氣！再加上入面隻蝦非常彈牙新鮮！！係好食嘅天婦羅！

十分垃圾。幾個𡃁妹侍應態度十分差，掛住吹水同玩，上錯菜，又放到碟飯凍晒先拎比客人。飯已經係凍，啲配菜直頭係冰，極度懷疑係無煮過食物極之普通，掛個日本野同黃店名就收咁貴價錢，根本完全唔值，真係影衰晒其他黃店。