大自然素食

Open Now

Now Closed

Lunch 時間過去，本身呢間都已經出咗名差，因為想食齋都照去d阿姐係咁傾計唔做嘢明明大把位無人，係咁喝我要去搭枱做乜？仲大大聲話d位唔坐得唔係俾我坐？？ 唔怪得無客，真係唔好怪人唔喺香港消費

黎銅鑼灣行街，諗唔到食啲乜嘢。之後就試咗依間大自然素食，咁啱又有下午茶發覺有好多下午茶餐，銅鑼灣分店都幾迫。服務態度方面: 我只可以講麻麻，沒有服務可言，可能喺銅鑼灣地段，店員比較串(我覺得)。食物方面:不過不失，亦好驚喜，每次都問係咪真係冇肉㗎，但係菜式上比較油膩，兩個人下午茶二百幾蚊都ok。

尋幽探秘兜錯路，竹林深處有人家，居然有間素菜隱蔵於非常舊式的商廈中，走上電梯陰陰暗暗，再跳入古老升降機直奔八樓﹗冷清清小貓三四隻的食客，侍應們輕輕鬆鬆高談闊論悠然自得。原盅黃耳素翅燉椰皇⭐️⭐️⭐️湯底極素的味道，幸好香濃飽滿沒有水汪汪的感覺，足料無欺場。生煎菜肉餃⭐️⭐️油膩感十分重食不出味道來，不知道是韮菜還是薺菜，雖然外層煎得金黃焦香，但餡料非常清淡。瑤柱金菇炆伊麵⭐️⭐️菜多麵少，菜味溶入伊麵中怪怪，鑊氣欠奉而且落味單調陰沉。

lunch去左好耐無去大自然，因為齋期無套餐就叫左$98羅漢齋炒麵，係大碟但完無味，餸好明顯係白焯完就咁放落去，得返滾水味，所有餸都唔入味，麵底炸到好乾，汁少麵完全吸唔到，好差，我明白點解無咩人去食。埋單連茶介已經唔要蕃茄小食，$118，唔會再食。

適逢全日半價優惠，今午2pm便到大自然吃lunch😄服務員很快便安排入座，優惠期間食完要走不能hea坐🤣，另外有些食物巳沽凊😅。～非一般芝士薄餅👉餅底脆口，芝士味濃且拉絲，不錯✌️～黑松露雜菇焗蘆筍👉雜菇只有秀珍菇用油泡過，蘆筍軟淋，黑松露卻很濃郁味道，👌～法式牛油果焗多士👉出奇鬆脆可口又有拉絲芝士味👍，搶走牛油果味🤣～即磨腰果露👉完全失望，稀爛過甜又無腰果味👎😅整體一般，半價都抵食。😁

平日星期五訂了晚上七時半，一入餐廳已見到好多人正在用餐，好彩訂了枱。看看餐牌，好多野都想食，最後選擇了：🏮原盅黃耳素翅燉椰皇湯清甜好好飲，椰子味重，黃耳爽脆，椰子肉腍。🏮壽司拼盤賣相好靚，壽司卷好食，牛油果或芒果配搭嘅壽司好夾，好好味，口感好正！🏮蜜汁叉燒皇像真度好高，味道同口感都好似真叉燒。🏮芝士焗蒜蓉包賣相好吸引，增加食慾感，烘得恰當好處，外脆內軟，芝士味唔膩，好好味。🏮薑蓉炒翡翠苗翡翠苗好嫩，新鮮。🏮香椿瑤柱魚翅蛋白炒飯炒飯炒得乾身，粒粒分明，味道亦唔會太咸，有香椿嘅香氣。🏮原隻鮮菠蘿咕嚕肉甜酸味做得好好，好開胃，‘啖啖肉’嘅感覺。🏮紅豆西米露糖水甜度係少甜，好合心意！好多款式嘅素食，食得好滿足、好豐富嘅一餐。

近年多咗接觸素食，發覺香港其實都有好多高質嘅素食餐廳！最近就俾我發掘到呢間喺鬧市中嘅餐廳，素菜菜式有好多花款，價錢相宜味道仲要幾不錯😍推介大家試下出面比較少見嘅🐖大紅乳豬件($126) 賣相幾可亂真，好有心思😍 自製掛包加上素乳豬件同乳豬醬，食食下真係覺得自己食緊真乳豬咁🤣🐷芋蓉豬扒焗飯 ($106) 素豬扒嘅口感同真肉又係好似，芋蓉都綿密，不過太多澱粉就有啲填肚～我哋仲試咗芝麻手撕雞 ($56) 同鮮牛油果焗有機大蘑菇配雜果沙律 ($88) ，味道都幾不錯！

已經唔係第一次食了，之所以會再黎，係因為餐牌上樣樣嘢都好吸引，但胃容量有限，上次試唔曬🤣呢一晚食咗好多樣嘢1️⃣ 菠蘿咕嚕肉三色椒份量多過肉🤣 不過好食！2️⃣鮮竹銀杏湯浸翡翠苗清清地又大大碟👍🏻👍🏻👍🏻3️⃣鬆化芋頭魚真係超級鬆化😋 大家都爭住食！4️⃣三色刺身貪得意，叫來試試😂 點知又ok 喎！ 真係有食魚生的感覺😂另外，仲點左金沙南瓜蝦，叉燒荷葉包一樣好食！ 如果要來吃飯，強烈建議叫多啲人，可以叫多幾味吖嘛最後，是日甜點係芋頭西米露！勁香芋頭同椰汁味啊！餐廳嘅姨姨會主動過嚟問大家要唔要，唔洗自己order架記得打電話book位啊

朋友極力推介話大自然素食就順佢意試吓地方幾闊落，晚餐時間客人不多，去廁所就知道有幾污糟，食飯前最好避免去。伙記少，叫左幾次先有人啋吓……. 幸好上菜都好快蜜汁叉燒荷葉包$78素蜜汁叉燒賣相乾柴，味道就冇乜特別，只係有色的硬麪根，用包夾住食，加埋青瓜同甜醬，反而食吾到素叉燒原先味道，感覺仲好。鮮牛油果焗啡菇$88牛油果軟稔如忌廉，啡菇內加入了沙律醬，同時加上芝士焗，所以十分香口，口感亦 juicy, 可惜呢個價錢得一隻菇有點兒那個。鮮竹粒班腩豆腐煲$88份量足，個蠔油軒汁超杰身，食落好漿咀，味道較淡，唔好食。白飯$12一睇就知煮飯落得太多水，超級黏口，連煮碗飯都冇心機，真係等執笠。基本上十叫九吾應，零服務。

來大自然素食，一定會訂枱，因為Walkin未必有位，椒鹽日本淮山片本身淮山淡而冇味的健康食物，但經過炸完再曬上椒鹽，立即變成美味餸菜 燒汁蘆筍牛肉卷 燒汁味好濃，素牛肉香脆夾雜露筍平衡味道唔油膩士多啤梨骨士多啤梨汁好清新，肉質彈牙！海鮮鴛鴦焗飯我較鍾意食茄汁嗰邊， 酸酸甜甜，白汁嗰邊較淡非一般芝士薄餅比個名吸引而order， 但確實有點失望，除了芝士濃濃，其實都好一般 大自然燒味拼盤款式多，每款都好好味玄米茶水滾茶靚總括嚟講餸菜大部份好好食，性價比高！

新年流流諗住食餐好，啲野未食完已經話要收野，又話要收錢，收完錢另一個伙記又話嚟收錢😒衰到食食下野，成個濕嘅盤放上枱話收野，仲撞到小朋友，想趕人走。話佢哋，個女部長仲話「叫左佢拎走啦，仲想點吖」嘩，新年加三劣質服務，俾錢買難受⋯真係多得佢唔少人哋多客等，真係多我一檯唔多⋯門口又塞晒人⋯佢地只係想你俾完錢就入下一檯😔野食本來唔太差，但真係食到無晒心情⋯⋯啲檯又迫，後面不停有垃圾碌來碌去⋯去嘅話真係諗清楚

📍GaiaveggieGrabbed a quick bite for lunch at gaiaveggie, it’s keeps popping up and was excited to finally check it out😋I ordered Seaweed in sesame oil $56Pan fried veggie dumplings $56The food was not bad - they had a good selection on the menu would definitely come here during afternoon tea as everything is 50% off during weekdays

The worst vegetarian restaurant in Hong Kong. I tried the one in Causeway Bay. The food quality is bad. They even served lurk warm noodles to customers.  the portion is small too. Tried take out order. The lady answered the call asked me to wait but she took time to chat with her friend over mobile. No service at all and no respect for customer.   Go somewhere else. There are plenty decent veggie restaurant in Hong Kong.  don't waste your money.  ..............................

呢間素食都好耐歷史，對上一次食應該都唔只十年前，今次再去發現啲野食都冇咩點變，回憶番曬嚟。坦白講呢間素食餐廳唔係話好高質素，但好抵食，想平平地一餐都可以考慮。牛油果多士個樣平平無奇，但真係好食既。烘底夠鬆脆，牛油果夠多，食落去唔會好油，不過一人一塊都好夠，太多就膩喇。每次食素食都會叫芋頭魚，好standard 既一味菜，味道一般，但勝在個皮都脆脆地，口感夠實在。竹笙榆耳滑豆腐 賣相一般，不過啲豆腐真係好滑，雖然味道好清淡，但不知不覺就會食曬。嗌呢個菜本身因為鐘意食竹笙，食落先發現榆耳都不錯。上網一查，原來榆耳好有益，低脂肪，含豐富蛋白質及纖維，有助通便及調節腸胃，調節身體新陳代謝。總括嚟講，想平平地一餐的話呢度都可以係一個好選擇。

將芋頭翻煎不可接受，求其淋D汁上面，大難食了，碟河粉個蕊都未炒熟，新厨都唔會煮得咁差，唯有個湯還可以，可惜來時只有個湯碗一半多少少，D叉燒包只有皮同汁，完全冇口感，同其他大自然素食唔同，不釆了。