大自然素食

Open Now

Now Closed

The worst vegetarian restaurant in Hong Kong. I tried the one in Causeway Bay. The food quality is bad. They even served lurk warm noodles to customers.  the portion is small too. Tried take out order. The lady answered the call asked me to wait but she took time to chat with her friend over mobile. No service at all and no respect for customer.   Go somewhere else. There are plenty decent veggie restaurant in Hong Kong.  don't waste your money.  ..............................

呢間素食都好耐歷史，對上一次食應該都唔只十年前，今次再去發現啲野食都冇咩點變，回憶番曬嚟。坦白講呢間素食餐廳唔係話好高質素，但好抵食，想平平地一餐都可以考慮。牛油果多士個樣平平無奇，但真係好食既。烘底夠鬆脆，牛油果夠多，食落去唔會好油，不過一人一塊都好夠，太多就膩喇。每次食素食都會叫芋頭魚，好standard 既一味菜，味道一般，但勝在個皮都脆脆地，口感夠實在。竹笙榆耳滑豆腐 賣相一般，不過啲豆腐真係好滑，雖然味道好清淡，但不知不覺就會食曬。嗌呢個菜本身因為鐘意食竹笙，食落先發現榆耳都不錯。上網一查，原來榆耳好有益，低脂肪，含豐富蛋白質及纖維，有助通便及調節腸胃，調節身體新陳代謝。總括嚟講，想平平地一餐的話呢度都可以係一個好選擇。

將芋頭翻煎不可接受，求其淋D汁上面，大難食了，碟河粉個蕊都未炒熟，新厨都唔會煮得咁差，唯有個湯還可以，可惜來時只有個湯碗一半多少少，D叉燒包只有皮同汁，完全冇口感，同其他大自然素食唔同，不釆了。

銅鑼灣(大自然素食)吃晚餐=酥皮金湯蟹王翅+小玉子壽司+口水雞+炸天婦羅 個胃無乜位 所以叫左好少 下次來試下其他菜式最後送上紅豆西米糖水炸天婦羅四川口水雞小玉子壽司

大自然素食我雖然不常光顧,但有時候因為某些原因要齋戒,大自然素食就成為我的首選.原因是款式種類多,而且價錢公道及味道不錯.這個素蛇羹我每次必叫,現在做半價優惠,只需要$19就有一盅 非常抵食.而且那個檸檬葉是令你幾可亂真既靈魂, 我們吃了一半再要求店員提供多一點檸檬葉這個香芒軟殼蟹紙米卷我覺得一般.這個琵琶豆腐比起其他中菜餐館做得出色,值得一讚這個軟殼蟹手卷說實在真的不好吃. 紫菜過份地厚,而且沒有什麼味道很淡士多啤梨骨一如以往既好,我令次去到必點菜式這個釀虎皮椒實在有驚喜絕對稱得上幾何亂真既感覺.釀在虎皮椒上既我唔太肯定係乜野素菜材料,但係口感味道非常迫真值得一試

平時諗起食素食首選一定係大自然，食物有質素而且好創新。疫情關係，我去既時候係做緊半價優惠！所以都叫d平時冇點叫既野黎試！環境：疫情關係，大家都保持一定社交距離，所以唔洗擔心同隔離枱好近。呢到位置唔係特別多，繁忙時間可能都要等下位。食物：推介一定要叫猴頭菇！炸得好香，配合酸梅粉成個搭配將猴頭菇升左一個層次！另外必點係牛肉金菇卷，入面有竹筍，蘿蔔，金菇，外面有牛肉包住，再配個燒汁，非常惹味！有興趣黎個Green Day可以黎試下：）

曾一度在網上看到有人激讚大自然素食的焗肉醬意粉，所以一直很想試。今天試過了，可一不可再。三宗罪1️⃣ 找不到肉碎的肉醬肉醬意粉的靈魂本來就是肉醬本身，但這份意粉的肉碎真的『碎』到處於平行時空才遇到一樣，近乎肉眼見不到的地步！🧐2️⃣ 意粉煮過頭肉醬以外意粉底就應該是神輔助。但他們把意粉煮過頭，失去了意粉本身應有的彈牙，弄得軟軟爛爛的。比一般茶餐廳貨仔還要差。3️⃣ 醬汁調味、芡汁過多醬汁本來就已經跟肉醬汁完全脫軌，芡汁過多，一patpat。重點是調味料下太多，胡椒味極重之餘，還要吃到薑蓉、香草料、羅勒等不同的調味，五味雜陳，完全失去重點。本身一向都很喜歡吃大自然的小菜及主食，但對不起都要講句，這味焗意粉真的做得十分失敗。唯一值得加許的是蔬菜量還算多，而且現在外賣自取有半價$44交易。但還是那句，這道菜可一不可再。

呢排食素嘅人越來越多，越多人越注重健康同對環境有關注！今日嚟到銅鑼灣的大自然素食，試一試特別的素食。香芒牛油果苜蓿芽手卷呢個手卷有好多菜，牛油果同芒果份量都比較少，感覺很空的。法式牛油果焗多士焗多士是比較喜歡的，他的多士入口脆薄，而且又很香的牛油果味！原忠黃耳素翅燉椰皇這個椰皇我媽媽十級推介，但是我個人來說一般，可能我平時也不太喜歡食翅的那些口感。原隻木瓜蟹子沙律這個木瓜沙律分量十足，而且他的木瓜很香甜，再加上孩子沙律的口感，也值得一食。迷你招牌三色骨這個由餐牌中看到非常吸引，對於原本不是長期悉數的我，他的三色骨令我非常驚喜，口感真的很像真的肉！而且有三款醬料，也很合我口味👍🏻👍🏻

得閒食下齋身體都好啲，依家啲齋菜整到同肉一樣，豉椒涼瓜倉魚炒河粉，齋嘅魚是用紫菜加黃豆嚟整，食落會有少少腥腥地，同真嘅倉魚冇乜分別，好得意，另外叫咗一碟日式燒壽司，賣相很吸引，壽司飯放喺紫菜上邊然後攞去燒加上芝士溶於飯內，咬落去還有少少煙靱，好好食，創意亦都滿分，午市Setlunch同夜晚份量一樣咁多，但價錢就平咗一半，而且仲有一碗湯送，真超值

今天真是悶了，成日落大雨，由黃雨變紅雨，下午冇落雨了， 可以出街走走了，先先去皇室堡，再去sogo，原來sogo今天大減價，由13樓一路走落到地下，行到買鞋的店舖，看見平時買開鞋的店舖做特價，價錢比平時平一半，開心到跳起，快快買多對，在落超市，買咗少許零食，好多人在排隊畀錢，於是我們要醫肚了，正在商量食什麼呢，我話食日本放題，有啲想去食素，都好呀 ，於是想起黃金商場有一間叫大自然素食，就致電去訂位，我們就去到大自然素食店，就點一個日本刺身拼盤，像真度好高又好食，又點了一個酥炸鰻魚，還有一個 xo醬炒青瓜花，我最鍾意都係食日本刺身拼盤，真係好像在食刺身。

我已經來過這間素食餐廳很多次了，這間素食餐廳除了價錢相宜，菜式選擇豐富，味道也做得到位。每次來這裏除了都見到和尚及尼姑外，偶爾也會見到某幾個主張素食的藝人。這裏算是名人的素食餐廳吧。我最喜歡這裏的芝士牛油果多士，是把牛油果及莫蘇拉里芝士鋪滿在法包上，再去焗香脆。比起其他西餐廳的餐包也更加惹味。我的另一個心水就是沙嗲牛肉粉，雖然是素肉，但廚師也不會馬虎，做牛肉的麵團也會做得彈口。我通常會配合XO醬，令到成個面的味道提升。另外我喜歡這裏的壽司，包括香芒吉列卷等等，適合一些想過口癮的素食人士，壽司點了Wasabi豉油基本上跟真的壽司有七成相似了。值得一題是這裏常常有一些特惠套券，有時折扣低至七折，真的是10分實惠。

我哋係星期日因為下午3點先去食野，灣仔同銅鑼灣一帶嘅素食店好多都冇開，所以穩陣起見我哋去番我以前嘅「飯堂」－大自然素食。而且呢到下午茶有半價優惠，比較抵食。香芒牛油果苜蓿芽手卷芒果肉夠香甜，苜蓿芽爽口，手卷入面加咗沙律醬，整體感覺清新。軟殼蟹手卷手卷入面有軟殼蟹、青瓜絲同酸蘿蔔，伴埋千島醬，軟殼蟹係炸紫菜，夠脆身，但出面包住嘅紫菜有D韌。泰和卷泰和卷入面有素饅魚、酸蘿蔔、豆皮、玉子等材料，味道豐富。瑞士薯仔卷配 黑松露意粉瑞士薯仔卷嘅酥皮薄而脆，入面包住素肉同薯仔，兩者都夠淋身，而且包得飽滿。黑松露意粉一上菜已聞到好香嘅黑松露味。皮蛋豬潤粥皮蛋豬潤粥入面有皮蛋、豬潤、生菜絲同薑絲，素豬潤係出面有得買，食落爽口，整體唔算特別。

入到鋪第一個叫我坐單人卡位，張枱未執，第二個行過，您幾多位啊！您坐隔離個張啦！我未執枱！禁我就坐左系隔離張枱，然後又走左去，無人比餐牌，我舉手舉左好耐，收銀見到吾理，有個侍應找緊錢比人望到我吾理，再有個系我面前行過我嗌吾該~佢話等等啦！又行左去，成間鋪加埋應該十幾張枱左右，都系5張枱左右有客，吾知佢地忙緊咩呢？大概5分鐘先有餐牌，都算！到我嗌完野食有嗌多個可樂，個啊姐話無啵，無可樂啵！我話禁算啦！佢話飲7喜囉！得7喜！我都系話算啦！吾洗喇吾該！然後我個飯到，一放低個飯就叫我埋單，餐牌寫住5點前埋單半價，4點7叫我埋單？咩玩法？其實都其次，重點系每一個既態度都衰到無朋友！吾會有下次！

服務真係好差到不得了，，食物還可以。。但係絕對絕對絕對絕對一萬個絕對不會回頭，，嗰日上到去買外賣，明明已經係全日半價，當時我唔知，收咗我錢，我喺度等外賣嘅時候，聽到另一個職員同啲客講有全日半價。即係佢嗰啲半價呢，你知就有，你唔知就無。

先來一個牛油果芝士多士真係好好味呀，本身我已經好鍾意食牛油果，又好鍾意食芝士，兩樣加埋當然好好味啦，用牛油果取代牛油，揸喺法包上面，再鋪滿芝士拎入去焗，焗到個包邊有少少燶，剛剛好。香脆可口正呀。呢個係素片皮鴨，其實就同平時齋舖嗰啲素肉一樣，不過個汁就真係用片皮鴨嘅汁來做，所以都得意。再叫咗個楊州炒飯，加埋辣椒醬，幾好食架。佢啲肉絲，用咗素菜切到一條一條，另外再加左毛瓜粒，甘筍粒，粟米粒，等等來做。