餃里 (海趣坊)

Open Now

Now Closed

又話30分鐘， 又要再等多 5分鐘 之後都係要等 極混亂 食物質素一般 ， 應承咗嘅時間都畀唔到嘢食嘢食就放喺度 ， 出單又唔係跟次序一碗就做先， 多既就 繼續等， 嘢食放喺度就凍曬冇人拎 叫得多既啲就不停咁等好耐極差

食過好多間唔同嘅餃子店，平時只有煎餃等15分鐘左右，今次食湯餃等咗30分鐘中午時間接近1點黎，餐廳坐滿亦有人等緊外賣。員工好似有5至7個，但每一個人都催，餐廳姨姨都話做唔切，所以建議食啲野先去食，空肚去等真係會唔耐煩講返食物先～今次食咗白菜鮮肉 & 芝士粟米鮮肉，湯底揀咗蕃茄薯仔湯 & 椰子豬骨雞湯。菜脯同醋無碟仔裝，食起上黎有啲唔方便。兩個湯底都好明顯有味精味。蕃茄薯仔湯同另一間都有同樣湯底嘅餃子湯黎講，另一間會比較清甜，餃里個湯底食完好口渴。另一個湯底 - 椰子豬骨雞湯就更明顯嘅味精味，椰子、豬骨、雞嘅味道都無乜。白菜鮮肉餃 - 正常，個餡料包得好實淨，皮好食。芝士粟米鮮肉餃 - 好食芝士味道好岀，仲有少少拉絲，口感好好整體覺得要處理下岀餐速度，如果要等半個鐘就唔想再食了，實在太耐

住碼頭的人都知餃里係悅湖好出名，而我係海趣見到佢圍板就已經好期待架啦！見佢開左幾日就即刻去試。我叫左個芝士粟米煎餃，配上撈麵（本身想配湯麵但前台話煎餃只可配撈麵，湯麵要正價）。咁我自己本身就外送食過悅湖間餃里既，都覺得唔錯，所以心裡都好期待。上菜時間較慢，等左約20分鐘，但當時店面唔係好多人。而落單時員工掛住吹水，要我叫佢地先反應黎。上菜後，佢個湯幾好，而我覺得芝士煎餃係好食的，都好香好惹味，但佢個撈麵實在強差人意，我諗係個醬汁出左事，有點太酸，應該落得太多醋。我食左一半就放棄左。結果個日開始無咩胃口，我自己脾胃一向較差，應該係d醋酸親個胃🥹