花墟茶餐廳

Open Now

Now Closed

在香港，燒味飯一向係普羅大眾所喜愛的。而葱油更是燒味食品中不可或缺的調味料。它有加入薑蓉的，有的是全蔥粒，有的添加乾䓤提升香味，製作繁多也代表廚師的靈感。《 花墟茶餐廳 》推出了三款碟頭飯是加入類似廣東燒味所用的葱油，並稱作“蔥油系列”呀！重要有兩隻煎到條邊脆脆哋嘅雞蛋相伴㖭喔。而甜甜哋嘅豉油也就是最要好的朋友吧 ! 再附送一杯飲品。就是十分飽肚的晚餐了。溫馨提示：白飯加蔥油與豉油，分外好味易入口，如果有需要，請向職員要求添加吧

完咗聚會，照舊同朋友落返太子食晏，本來打算翻兜「Victoria Restaurant」，但多人排，過去隔離嘅「花墟茶餐廳」，純粹貪方便。一心諗住茶記，都唔會差得去邊，加上睇落佢門面又幾光鮮，食個晏啫，無再太多考量就入咗去。其實裡面裝修唔錯，摩登新潮，新簇光猛，整潔企理。大部份都喺卡位，但啲卡位有少少窄，大隻啲嘅客人可能感覺無咁舒服。埋單時晌收銀處見有外賣單張攞，所以，掃瞄貼埋出嚟俾大家參考。唔介多介紹，茶餐廳勝在乜都有，早餐、午餐、茶餐、特餐、常餐、麵餐、碟頭飯、小炒……等等，一應俱全。而午市套餐就另外一個餐牌，日日都有6款供選擇，定價都喺五十零蚊，太子區，差唔多啦。小弟就揀咗個常餐，轉通粉，慣例飲熱奶茶。常餐H $48常餐由A-I共9款，小分揀嘅H喺香煎豬扒麵（轉通粉）配火腿奄列及牛油厚多士，飲熱奶茶。先登場喺嚟咗個通粉，碗粉喺大碟，可惜煮得有少少過腍，而件豬扒好怪，豬扒唔豬扒，豬柳唔豬柳，好薄，炸得好油，亦有啲韌，就算未至於柴皮咁乾，口感絕對麻麻哋，算喺人生中食過最差嘅豬扒，可以講完美示範咗咩叫做「照片僅供參考」。火腿奄列及牛油厚多士又點？份量就好足架嘢，蛋內有唔少火腿，而多士明

至從上手澳門茶餐廳執左，開左呢間嘢，見佢裝修幾好幾乾淨咁，大家對佢滿懷希望，但點知⋯⋯我寧願要返無咁乾淨嘅澳門茶餐廳，起碼嘢食係正常茶記標準呢間嘢下午茶啲煎豬扒柴咁乾（膠叉都斷兩隻）薯條硬到打得死人出面茶記啲常餐難食都有個譜唔知點知佢常餐啲湯怪味，榨菜肉絲米啲湯可以橙橙地色（因為肚餓，所以都要照倒落肚）打電話叫外賣，佢話個餐無做，我叫佢等等即刻問同事再叫咩，聽電話嗰個語氣態度差叫我再打去然後即cut我線茶記啲伙記語氣差我接受，因為香港茶記文化係咁，我ok,但你咁cut線絕對係勁無禮貌呢下真係著左🔥引致我未評過任何餐廳都要幫佢評下之前呢間嘢難食，都比左幾次機會佢，因為佢肯送外賣先迫住叫佢（開工真係無時間落街拎其他外賣）堂食過兩次啲人又唔係個個咁差但經過今次，我發誓以後餓死都唔會再幫襯呢間嘢

今晚去食飯諗住叫個簡單嘅中式牛柳送飯啦！點知唔夠2分鐘個侍應就拎咗一碟橙色野出嚟，一睇就知中伏。個汁好明顯係咕嚕肉嘅汁，因為裏面有菠蘿果汁又死甜一啲酸味都冇，點會用配豬肉嘅汁嚟配牛肉！中式牛柳嘅汁應該有OK汁，冇就用HP汁，但連喼汁都冇，點叫做中式牛柳喎！直頭要攞碗水嚟洗咗啲汁先可以食到！嗰啲牛肉又冇肉味又靭！咁樣做法，個廚師真係好唔尊重自己廚師嘅身份喎！麻煩喺個菜單上面取消咗中式牛柳呢個選擇啦！

衣個係佢既其他餐牌💁🏽‍♀️💁🏽‍♀️ 。 佢個餐牌 D 圖係幾吸引既 😂🤣😹 。 不過平均黎講都好似要五十蚊一個餐既 。因為我係食中午嘅 , 因為見到佢場上有呢個餐牌 。 但又唔知自己想食咩喎 。 咁就是但叫左個F餐。衣個係越式蔥油雞翼煎蛋飯+凍檸茶 $50 。嘩 😅😅 原來係三隻旦加三隻雞翼呀 。個雞翼又廋又柴 🙄🙄 。 個檸檬茶係有兩片檸檬既 , 茶底仲要係苦既🥴🥴 。 成份餐我冇叫多飯既 , 但佢 d 飯都幾多🍚。岩哂做開體力勞動多嘅人 。

行花墟又熱又攰，諗住去咖啡店坐下，見到對面有間有叫花墟茶餐廳，就去試下新嘢啦。一入去感覺良好，因為冷氣夠曬凍😍叫咗個下午茶餐，乾炒肥牛河＋雪糕紅豆冰。用肥牛炒河幾特別，最緊要有鑊氣。雪糕紅豆冰有驚喜，紅豆超大粒，仲要有成半杯紅豆，啱曬我呢個甜品控。❤️我個friend就食公司三文治＋熱O茶。 麵包烘得啱啱好，入面D餡料全部熱辣辣，份量十足。不過我貪心D，如果加多塊生菜同酸瓜就好嘞。😜下次嚟行街，又多個選擇嘞👍👍

路過見到個餐牌蔥油雞髀飯好吸引就行進去食叫佐一個蝦仁飯同埋蔥油雞髀飯蝦仁飯其實冇預佢好食，但真係難食，得個芡汁蝦預咗少，但蛋又少唔知自己食緊咩😭蔥油雞髀飯，蔥油係幾香雞髀好細隻，唔夠香脆好彩有兩隻蛋溝埋啲飯食😟

假期路過花園街，到花園茶餐廳醫肚，看上去人面全非，點了一個椰香咖哩雞飯，只希望可以較快食完，點餐後三兩分鐘，侍應很快端來了一碟飯，很多咖哩汁，飯的份量亦很大，椰香就絕對沒有了，味道不算出色但未至於難食，由於非常肚餓，如是用咖哩汁拌飯吃，一路吃來，偶爾發現有一兩粒薯仔碎及洋蔥碎，花了三幾個字，終於吃完了，驚覺整碟飯只有三大件雞髀骨及兩件雞鎚軟骨，全是骨頭連皮的部份，沒有半點雞肉，實在是非常不知所謂。

太子有個好出名嘅花墟，咁去開行街咁梗係要去食埋嘢喇，咁有間餐廳嘅名不約而同也叫花墟喎，咁阿粗暴直接叫「花墟茶餐廳」咁地道嘅嘢當然要試下啦，疫情關係都係叫外賣😂叫咗個好傳統嘅炒飯太極鴛鴦炒飯😋呢度菜話簡單唔簡單，睇落去好簡單，但個中複雜程度，要做師傅就會知道，要做得好食一啲都唔容易👍🏻👍🏻還好都唔叫難食，而且大件夾抵食老字號店果然名不虛傳，茄汁同白汁比例剛剛好，炒飯底，基本嘢👍🏻佢仲有好多嘢揀嚟食嘅咁如果下次有人去嘅話可以試下其他嘢🤗🤗環境質素🏚：❤️❤️❤️❤️🤍衛生程度🧽：❤️❤️❤️❤️🤍美味程度😋：❤️❤️❤️❤️🤍抵食指數🤩：❤️❤️❤️❤️🤍回頭指數🤩：❤️❤️❤️❤️🤍

好難食，焗飯凍，好難食沒有沙爹味的牛肉、好大風吹到頭痛，冇禮火記對住啲食物講話好似雞啄唔斷噉，以為新餐廳的相片好吸引，點知中伏，狗食都不如，下次無謂再嘥錢，應該下次唔會再去

中午放飯獨自到茶記食個快飯😊行行吓見到花園街有間門口裝修睇落幾靚仔嘅茶餐廳，叫做花墟茶餐廳，咁就入去試試啦佢係一間港式嘅茶餐廳，係香港人嘅回憶味道😀餐廳好乾淨，衛生意識都幾好，我一個人坐四人枱，後來有多一個人坐對面，啲侍應即刻係我哋兩個中間擺咗塊隔板👍我坐低後就叫咗個咖喱吉列豬扒飯再加杯凍央😬等咗大概10分鐘就有得食啦。睇上去色澤唔錯，聞落去香噴噴。豬扒揸得啱啱好咬落去入面仲有肉汁，唔會炸到乾晒，啲薯仔有揸過，食落外面仲有少少脆。但係咖喱汁唔係好夠（我已叫咗佢多汁），食完之後仲有一粒車厘茄同兩舊西蘭花🥦，青青口腔濃烈嘅咖喱味😈，最後梗係要慢慢嘆番杯凍央，凍央奶茶同咖啡嘅比例啱啱好。周邊嘅街坊真係好值得你試吓㗎😂

旺角、太子等區內來來去去都是那些茶餐廳，千篇一律的餐牌、差不多的價格，日復一日確實有點悶🥱幸好最近新開一家，帶來一些新氣息。新店開幕有九折優惠，本身定價都合理。由於是新開的店，所以環境及衛生都很好。當日點了奄列，及炸菜餐肉公仔麵。份量充足，味道正正常常。以此水準，日後有機會都可以再次去食lunch或晚餐，選擇會較多。

見佢咁新諗住有驚喜，點知…奶茶完全吾掂、無茶味、奶又多、叫左杯熱朱古力、但只是用阿華田沖、好差😓😓、菠蘿油包吾夠熱、鮮牛油好細、炸髀沙律、雞髀同圖片相差太多太多、重點係炸到黑😨😨，沙律都免 強可以接受、總之一句講晒：吾會再嚟！

我對蔥有情意結,可以一碟好味嘅蔥就能連送幾碗白飯,見到蔥雙眼會發光!今次幫襯花墟茶餐廳,全因門口 menu 上一款蔥油雞扒煎蛋飯被吸引!女友熊熊點咗蔥油霸王雞.可惜.....蔥油雞扒煎蛋飯, 只係一個普通雞扒飯加蛋加蔥花, 叫多蔥又無加多要追問, 蔥油普通唔係特別惹味, 煎蛋煮得過熟當然無蛋汁流出,雞扒亦普通,超失望! (x_x)霸王雞雞肉尚算肉嫩，但未至於入口無渣，同樣都係普通水準．最滿意係冷氣，好有心思做出風口加裝咗扇，唔會吹到正頭頂.