花墟茶餐廳

Open Now

Now Closed

原來要200字先至可以俾評分我就係為咗要俾評分所以我都盡一切努力唔會懶就係希望大家睇到我呢篇嘢小心為上唔好去幫襯貼錢買難受尋日係星期六大約下午1:00係我嘅第一餐亦都係第一次幫襯見仲有類似早餐嘅通粉米粉火腿奄列多士就入去試吓點知🥶嘢食普普通通唔緊要坐得唔好都唔緊要班上了年紀嘅阿姐唔想做就唔好做無謂搵啲客嚟出氣服務態度真心差到一個極點👎🏼唔好再比佢哋影衰香港飲食業大家如果行過有勇氣可以去見識吓👻

如果一早嚟太子，我都會喺呢間茶餐廳食早餐，平時繁忙時間呢度都幾多人（似乎好多都係熟客），一定要搭枱。今日十點幾行過見冇乜人，諗住入嚟食個早午餐，叫咗早餐牌上嘅雞扒米線。平時早餐時間食啲雞扒新鮮炸，外面脆、入面嫩，好好食。今日叫咗雞扒米線配雙炒蛋、熱鴛鴦同多士走油。賣相唔錯，不過可惜入口就完全唔一樣。今日啲雞扒好肥，要去皮同埋切走啲肥膏，仲有啲米線漲哂，好似煮咗或者浸咗好耐，淋到「入口即溶」🤣，可能有啲人會鍾意咁淋，不過我就覺得麻麻。炒蛋同平時差唔多，不過如果你想要熟啲，記住落單嗰陣講埋。今日塊多士一定唔係即烘，平時又熱又脆，今日又凍又淋又靱，可能到放咗一段時間。😢好彩杯嘢飲仲好okay。今日呢餐有啲令人失望，以為非繁忙時間會好啲，點知原來唔係。不過$39咁嘅份量就抵食嘅。

未食過間茶餐廳服務態度又差野又唔好食頭頂成大個冷氣風扇吹住曬反映完全冇理冇處理過仲要態度奇差如果唔係因為落左單焗住要食都走左仲要啲野食一啲都唔好食喺太子食過咁多間茶餐廳服務態度食物質素最差就係佢地

入到見到已滿座，喺我前面仲有一家三口等緊。有個姐姐坐收銀位，見狀就叫客人去門外排隊等，識用把口叫人去門外等，個人就繼續坐收銀位慢慢揮筆寫餐牌。其他客陸陸續續湧入舖內，任由佢哋打尖，最基本寫張紙仔派籌都唔做(可能佢淨係識做寫餐牌掛)。未入到去坐低食已經一肚氣，本地飲食業點解生意咁差，呢啲舖正正助功唔小。最後本人即離場以示支持。

3月16日幫襯此店，帶位落單的侍應見我地生面口，態度很一般，但她帶熟客就很熱情，大細超。坐旁邊的侍應裝一大碗湯料配自己午餐，我們就得半碗湯還沒湯料。唔係貪啲湯料，咁樣明目張膽畀客人睇住就很不好！！

成條街啲餐廳都坐滿人，經過呢間見新裝修望落都唔錯，仲有位添 就行入去試吓，點知中伏😱。叫咗個湯飯試吓。點知苦瓜又黃又爛，咁客氣地要求更換啦，當時男服務員已經黑口黑面，換完出嚟仍是一樣，見到十分嘔心🤮，要求取消單，男服務員立即態度奇差，喵嘴喵舌，更出言侮辱，還說食幾十蚊嘅係咁㗎喇，呢度唔係五星級酒店，更被他大駡一頓😱😱😱。終於明白同－條街其他餐廳坐滿人，仲要排隊等位。呢間－入去就有位坐😔😟

#小秘書 自小就有磨牙習慣🥴 其實好幾年前，牙醫叔叔🦷已經建議我要戴住 #牙膠 瞓覺🥴 不過我當然轉個頭就無咗件事… 直至今年去檢查牙齒嘅時候，先知道隻大牙比我磨裂咗😅 搞到要比幾千蚊做隻牙套💔每次見完牙醫，都因為麻醉藥未過，起碼要禁食五六個鐘先可以食啲流質食物😅 所以我今次預早出嚟，食個 #下午茶 先上樓👀 #太子 一帶，其實都幾多選擇，不過時間匆忙，只好求其搵間餐廳坐低速食就算！左揀右揀，最終我揀咗街口嗰間「花墟茶餐廳」… 貪佢外型夠晒地道😆 呢餐我揀咗 #生炸雞髀 配 #沙律，#雞髀 名副其實 #即叫即炸，所以就算我趕時間，都需要啲時間等候😅 師傅控制得火喉都唔錯，咬落去仲有啲豬肉汁，味道都唔錯🤤 不過呢… 坐低冇幾耐就被阿姐無理要求調位，仲要邊食邊忍耐枱上飛舞嘅 #烏蠅 🪰 騷擾😅 … 睇嚟下次 #小秘書 都要做定research先好去新店幫襯喇🥴📍 花墟茶餐廳 (太子)花園街207-207A號

50/50 的茶餐廳今日兩個人點咗：常餐：雞扒通粉 + 火腿奄列雞扒炸得幾好味，火腿奄列煎得幾香公司三文治：入面嘅火腿好似炸咗好耐，好乾所以感覺 50/50，有好有唔好😅

因為參加咗旅行團需要喺土瓜灣等旅遊巴上車。早上7點幾已經到達土瓜灣。太早未食嘢😊見到這間茶餐廳。叫了早餐：沙牛麵+腸仔炒蛋配厚多及咖啡$39餐廳食物：牛肉麵可以都好味😋及公仔麵煮到剛剛好👍

Nice taste. Ordered extra PorkChop. Prices seems high side. But late night nice deal together.

食物味道非常一般，不是很油，湯粉麵的湯底偏甜，好奇怪。而且服務態度惡劣，正常落單情況下，早上10 點前，人流不多，侍應仍會搵位寸你，永不光顧，blacklisted

夜晚見moko執左food court咪揾飯食，見門面裝修唔差無睇食評就入左去坐低，本身想叫咩豬扒煎蛋飯，即刻㩒入黎睇下食評見到人地放相上去塊豬扒嘅樣，睇見都知醃到冧pat pat鬆肉粉多又薄會好難食，即刻改食有個類似叫咩鮮雞湯飯，反正叫小菜餐一定仲差。。。。頂。。。。送上黎嚇死，夠膽死用一隻肉質霉嘅雞全翼碎上，隻翼尖仲要斬成一開4忽，做生意唔係咁賺到盡當啲客傻，扮鮮雞用成本低嘅全翼以為斬碎無人知。。。。黑心店希望你地快啲拉閘。。。。仲聽到樓面喺度呷全日得8千數。。。。做到咁食一次都無客回頭。

呢間店不論老細同員工既態度傲慢，第一次寫食評，就係要寫俾呢間野，真係食個早餐都食到成肚氣！一定冇下次！話說一入去，冇人招呼就自己搵位坐啦，但因為泊左架車係門口，驚抄牌，所以想調去近門口位置先落單，點知調完位就叫落單，個貌似老闆娘既女人無視我地，連個員工都專登唔過嚟，一路口up up咁話我哋調位，繼續無視我哋，我哋已經趕時間要返工，如果唔係即刻走啦！食個早餐都食到成肚氣！一定冇下次，你唔俾人調位就貼係門口啦！完！

四點先喺花墟附近上堂，仲有成個鐘，諗住搵個地方坐陣先，一向去開間咖啡店滿晒，所以過咗對面馬路間花墟茶餐廳hea吓。之前食過下午茶都算幾okay，今日見到餐牌有沙嗲牛肉包，即刻問下伙記係唔係用軟包整。佢話係，我本來唔係好餓，都想試吓。個包攞到嚟，望落去都幾好、拎上手覺得好熱辣辣👍🏼，不過一入口就發覺個包好勒，我估喺叮返熱嗰陣耐咗啲，所以個包底好勒，啲牛肉又鹹咗啲😢，好彩杯咖啡都唔錯。不過成個餐先收34蚊，對面一杯咖啡都要咁嘅價啦！（咁樣諗會好過啲）😂如果唔係之前幫襯過，知道佢哋有啲嘢食都可以嘅，可能就冇下次。😅

長輩常常提醒進食時，選擇的食材要有補身效果，但現代城市人，常常怕脂肪、怕膽固醇 ，怕一又怕二。其實，有好能量才能有好體力。平民價錢就有平民食材，今日特別介紹豬潤和牛肉，兩種適量進食，可使身體強壯呀！豬潤厚薄適中， 剛剛熟透，一啖咬落去可以分開兩截，沒有渣宰，沒有苦澀味。牛肉相對就比較遜色，有被強行造成淋滑，使到牛肉味欠奉。普通即食麵，當經過特別處理，用豬潤牛肉上湯浸多兩分鐘，味道特別濃郁，面質都覺得可口多了。奶茶是附送的，最好餐前慢慢享受，避免與豬潤 牛肉上湯混和。溫馨提示： 牛肉豬潤湯就留到最後，要飲曬呀！