蒜爆王

Open Now

Now Closed

有一晚同男朋友一齊去買，男朋友好聲好氣問啲雞翼尖點樣買？某店員態度勁惡劣，叫我男朋友等陣先好唔好啊？我男朋友只係問咗第一句野，之後佢先至講$20雞翼尖，我聽到炆炆地拉住男朋友走咗，心諗咩都冇做過就得罪你有生意唔做唔係咁嘅樣～利申唔係第一次喺呢度買嘢，平時午餐都有嚟買炒飯和炒烏冬食，食物質素不錯，但第一次做到如此對待，本身都幾鍾意食呢間，而家覺得好無奈～

叫左餃子🥟$20/5件，大阪王將餃子，煎得都算香趣，唔會太燶。冇咩特別汁醬點，拎到返去都凍了。好平凡架餃子，不過比想像中細隻同冇咩餡料～～～下次再試其他野食啦！

一入到去良景市集，就見到蒜爆王個舖頭有幾塊鐵板喺度，已經知道係專門用鐵板煮嘢食嘅舖頭嚟。眼見啲餐牌，以鐵板煮食嚟講，啲價錢都算好合理，唔會太貴。鐵板炒麵餐配 3 餸都只需要 38 蚊就搞掂，其實都算物有所值。既然 38 蚊咁抵，就諗住試下個鐵板炒烏冬啦，始終 38 蚊包 3 餸嚟講，造工食材配料等等都一定會有所取捨，但至少有鐵板加持嘅話，相信鐵板帶嚟嘅「鑊氣」對菜式都會有好大嘅幫助。可惜嘅係鐵板炒烏冬，雖然選用嘅烏冬係類似讚岐急凍烏冬而唔係普通嘅「噹噹」圓形烏冬，但成個煮嘅過程一分鐘就完成： 加食材加急凍烏冬加醬料一氣柯成，撈幾下就上碟。烏冬嘅口感就好似只係啲醬汁撈埋啲食材一樣，完全無鐵板炒果種偏乾身，有少少鐵板燶香嘅香氣，只有一種單純用食材醬汁烏冬撈埋一齊果種濕炒嘅感覺。食落去只係撈麵而非炒麵，急凍烏冬嘅吸汁能力同公仔麵等相約，但因為喺鐵板上烹調時間不足而唔能夠好好吸引醬汁…38 蚊鐵板炒麵比較平，唔能夠要求咁多，食材優劣味道等等都未必任係首要，但鐵板風味反而係幾重要嘅一環…

已經9點幾唔知食咩既時候就諗起良景街市蒜爆王…去到既時候人客其實得三四個~但整野食既果位人兄掛住吹水~我心諗會唔會將兩盒飯倒轉左嫁?!😅(因為我唔食牛既, 所以會有小小擔心同人倒轉盒飯係會有牛)到我返到屋企打開盒飯~果然不出我所料, 真係倒轉左~好彩呢盒冇牛肉😂我都係照食既!!! 不過今次啲飯就真係整得好硬🤔真係冇惡意批評, 只係希望可以改善返~仍然會幫襯的😀

是咁的今日我去咗良景諗住食宵夜， 之前見到有網紅推薦蒜爆王，所以我就走咗去蒜爆王諗住買雞軟骨食。 買完雞軟骨之後就開始食啦， 點知同我嘅理想真係有好大好大嘅出入。 個雞軟骨根本上就係好似冇蒜味咁濟， 完全係超級無敵勁淡， 食咗幾粒就唔想食啦， 希望蒜爆王可以改善一下咁樣嘅味道問題。

琴日喺屯門食宵夜，點可以唔去良景食平靚正既小食呀！每次行過爆蒜王都有勁香勁濃既蒜香味，單單聞到啲味已經俾佢吸引住～記得之前佢做小販既時候就有留意佢，今日再黎試試佢！我地叫左個雙拼$30既雞軟骨同魷魚，叫左起碼15分鐘先整好俾我地，我自己就覺得小食檔黎講耐左少少，加上服務態度一般。拎返屋企之後，個陣蒜香味都幾濃下，不過啲份量真係少左啲，得幾粒雞軟骨，比之前縮左水。。味道就唔差既，但係賣相就唔太靚咁啦。應該下次都唔會買雙拼，會試下炒麵會唔會性價比高d～

蒜爆王小食真係好惹味，嗰D蒜味真係香到隔條街都聞到，呢度有好多唔同種類嘅小食，又有炒粉麵，炒田螺等供應，我覺得呢度嘅蒜香一口牛及蒜爆雞軟骨真係好好味，而且價錢幾平，每款都只係$30元，份量算多，味道方面：比較淡，但有好重蒜頭味，送飯真係一流！

之前一路有買開真心佢以前係好多蒜好有蒜味。但今日買左炒雞腎同牛柳粒，勁少蒜不特止仲要屈我冇比錢。之前一向叫完佢有寫落簿即比錢就等佢炒。今日炒完屈我冇比錢。講番比佢知比左$100佢就要找左錢比我都冇記憶。比多$30佢雖然唔係多但加上食物難食左真係好嬲。今日買個個時段已經好少人咖啦。咁都做錯，以後唔再幫襯。

雞絲，豬頸肉，鴨胸炒米一次比一次衰，一開盒就有糊狀鑊屎一塊塊係中間 呢個米粉炒到勁油又濕，完全係糊狀，米粉已經斷晒，夾都夾唔到。我係要炒米粉唔係食糊仔呀，仲要加價$2😤，盛惠$32唔會再食佢！俾機會新人嘗試 係好事 但培訓時麻煩多留意 嚴重影響品質

今日真的忙到天昏地暗，很晚才下班，因為某公司的人太過沒有責任心，讓我的工作量增加。媽媽為了等我回家去了姨姨家聊天，當我下班時已8時半，媽媽問我想吃甚麼，我說不要吃樓下的餐廳，她說不如去良景街市買外賣回家吃。我很久沒吃過蒜爆王的炒粉麵，所以二話不說買了一盒海鮮，肥牛，鴨胸炒烏冬。蒜爆王的配料份量挺多，差不多佔了三份一，而且每片肥牛，鴨胸都很大片。烏冬與配料均勻地吸收醬汁的色澤，可是它的味道比以往的淡，蒜香味不太濃郁，而且烏冬過於軟腍，就像被湯浸到糊爛般，說真的有少許失望，希望下次可回復昔日水準。

好日都不入屯門一次，入去當然要到良景市集逛逛。市集的位置與輕鐵站不遠，步行數百米就到了。到達時大概下午四時，正是下午茶時間。市集有冷氣，不用滴着汗吃着熱辣辣的東西，挺喜歡這個地方的蠔餅（細）$35加了胡椒粉，芫茜，豆瓣醬，香氣撲鼻雖然成張索油紙都係油，但係食落口卻毫無一點油膩的感覺可以食到一粒粒蠔肉，分量毫不吝嗇細蠔餅都咁大塊真係想像唔到大蠔餅係點三個人分享也非常滿足呢下次來屯門試埋個田螺先，期待

收工去左蒜爆王買蠔餅食，等左好耐，番到屋企一打開變左東風螺已經好唔開心，都換番衫落樓下換，點知個啊姐係咁屈我話係我取食物時係2個女仔手上強搶走個東風螺，人地叫我都叫我唔住！嬲，買個時已經等左好耐，仲要明明係個呀姐親手比我！我仲要係慢慢行，又無聽歌咁離開市集既！個時已經好少客，但係個呀姐根本搞唔掂，自已唔記得客人先後次序邊個買先邊個買後邊個買咩都算，自已做錯野比錯人都仲要屈個客實在太過份！仲好意思同個客講蠔餅唔會用合放，我黎買野食架咋，你親手比得我既就走架啦！

坐左在C FU面前, 睇住佢炒, 叫左3拚炒鳥冬。揀左海鮮, 豬頸肉AND 鴨胸~ 30大元~海鮮有魷魚同蜆仔, 無咩鮮味, 應該都是雪藏貨, 鴨胸以為好咸, 點知又唔咸WOR, 豬頸肉肥得滯,有好多肥糕痴住... 炒鳥冬夠獲氣, 雖然睇落好深色, 但一D 都唔咸,  反而甜甜地, 幾好味~下次想試蠔仔煎蛋, 見佢超大塊, 唔似出面D 蠍餅係炸到痴線~

平時都唔覺屯門有什麼好吃的，尤其是完全沒有想過在屯門的街市覓食，但想不到竟然俾我發現到好野，又平又正，所以話呢，食好野唔一定要貴的。街市裡面呢檔蒜爆皇行過已經聞到好香蒜味。我叫左25蚊既魷魚和雞軟骨，既場煮俾我食。落左好多蒜！蒜香味十足。同場叫埋蠔仔餅，好食呀，外脆內軟的，又多蠔，三十至四十蚊。

口痕痕，超想食良景市集既蒜爆王，因為屋企樓下街市同樣做鐵板同炒粉麵，都唔夠蒜爆王咁有穫氣同好味，所以岩岩搵朋友黎同我一齊食😃呢度三餸炒粉麵都只係30蚊，仲有幾款蔬菜配料，洋蔥，椰菜，蒜，蔥，淨講價錢已經好吸引。最後我地叫左豬頸肉，雞絲，海鮮雜錦烏冬。呢度雖然係街市，但可以坐係度睇住老闆係度炒鐵板粉麵，熱辣辣香噴噴，可謂親民級既享受。即炒完既烏冬隨即送上。30蚊黎講份量都ok多，烏冬完全吸索哂醬油同調味料，加上七味粉更為惹味，烏冬亦唔油膩。雜錦海鮮包括蜆肉，魷魚，好豐富。最愛呢度既蒜蓉，非常濃郁。雞肉香氣十足豬頸肉滑嫩爽彈，而且好大片。