雁來居潮州飯店

Open Now

Now Closed

送別同事最後一程，就同其他同事食埋餐飯先至返屋企。心血來潮想食潮州嘢，咁就近近地試吓呢一間。老舖裝修過，缺乏咗一種懷舊嘅感覺，但係味道係屬於舊派嘅感覺。鹵拼唔可以彈性配搭，要跟餐牌一式一樣，呢度有少少失望。根本就係要獨立嗌一碟鵝件或者鵝片。既然佢要分開嗌當然唔嗌我片，一般嚟講齋鵝片嗰份量都會好少，我見個感覺良好好多。食落去個滷水汁唔會太鹹。另外滷肉肥瘦適中。啲辣椒油都係潮式，用嚟點墨魚片一流。蠔仔粥啲蠔仔大大粒脹卜卜，一啲腥味都冇，剛剛好唔會太老。比較失望少少就係個豉椒炒蜆，食落去汁蜆分離，應該係烚咗啲蜆，之後撈埋d汁，成碟嘢都係唔熱嘅又冇乜鑊氣，成晚最失望係呢一個小炒。

估唔到喺旺角都可以搵到間抵食嘅潮州飯館，三個人諗住叫四個餸，飲埋啤酒應該每人$200走唔甩，點知叫咗3枝啤酒，炸蠔餅、鵝片、豬紅加埋炸花生,先每人$150有找，所有地理位置嚟講，又可以坐低傾耐啲吹水，真喺性價比高。鵝片嚟講都不錯，雖然份量好似少咗啲，不過真喺啖啖肉嘅，而炸花生配啤酒真喺一流，真喺要叫碟嚟成晚吹水時送下酒，韭菜豬紅大大碗真喺好抵食，味道都唔錯。至於個蠔餅又真喺幾出色，啲蠔仔每一粒都好肥好有咬口。如果喺旺角搵唔到個地方吹水食飯，真喺要bookmark低。

風味豐富的中式佳餚評論前陣子，我享受了一頓精彩的中式晚餐，其中包括生腸拼墨魚、豉椒炒蜆、胡椒豬肚湯和椒絲腐乳通菜。這些菜餚都展現出豐富的風味和令人愉悅的口感。首先，生腸拼墨魚給我留下了深刻的印象。這道菜以鮮嫩的生腸和彈牙的墨魚搭配而成，呈現出獨特的口感。生腸的質地柔軟，墨魚則帶有微妙的海鮮風味。配以蒜蓉和辣椒提味，這道菜既有豐富的口感，又展現出中式烹飪的精湛技巧。接下來，豉椒炒蜆讓我驚艷不已。蜆貝的鮮美與豉椒的微辣完美結合，令人回味無窮。蜆肉鮮嫩，帶有微妙的海洋風味，而豉椒醬增添了稍微的辛辣。這道菜以簡單的調味料展現出豐富的味道，是一道不容錯過的美味佳餚。在胡椒豬肚湯中，我品嚐到了濃郁和溫暖的口感。豬肚的韌度和胡椒的辛辣相互平衡，創造出一個令人舒適的湯品。湯底濃郁，胡椒的香氣瀰漫其中，令人口齒留香。這道湯品不僅味道出眾，還具有舒緩消化的功效，是一道完美的開胃菜。最後，椒絲腐乳通菜為整餐增添了清爽的風味。通菜的脆嫩與椒絲的微辣相得益彰，而腐乳則帶來了豐富的鮮味。這道菜的口感平衡，味道清新，是一道適合搭配其他菜餚的健康選擇。總的來說，這頓中式晚餐給我留下深刻的印象。生腸拼墨魚和豉椒炒蜆展現

這一間一定要早到，6點30分已經坐滿樓下，唯有坐樓上，原來都有唔少後生仔女會來食，包括我哋， 我哋叫咗好多嘢， 蠔仔粥，豬紅， 鵝片， 蜆，螄蚶 ，大眼雞 ，墨魚片，生腸和我至愛蠔餅，蠔餅真係超級好食！ 好多蠔仔 好足料！其實其他餸都唔差的， 下次要帶阿爸阿媽嚟食呢間潮州打冷。

雁來居前身係於同一條街隔幾個鋪嘅新泉發，點要搬鋪諗返起都有洋蔥。話說舊鋪開咗好耐裝修用具都老舊晒，人稱阿叔(老闆)於是投放資金進行全鋪裝修，不過之後做咗大約兩年多到，因為業主易手咁就被迫要搬鋪真係唔好彩。搬鋪代表又要用上唔少時間資金去裝修，不過都好彩佢可以搵返同一條街開過間。 食開新泉發當然會繼續幫襯阿叔，鐘意喱度個鹵水味(其實都幾重味精)，不過勝在唔會太甜同埋唔會美極味，所以耐不耐都返嚟食吓 坐低飲返枝獅威，叫咗鵝件食瘦，師傅會比背脊位我哋，可以啜吓骨送下酒慢慢傾下偈 今次再叫多一鍋蠔仔粥，份量夠配料足加埋胡椒粉正，兩個人食到飽飽

Hadn't been to Geese In Place for like a year because last time during the pandemic, the food quality dropped a lot. Probably because they were very quiet and prepared too much food. We still wanted to give this restaurant one more try and we made the right decision. The food quality has returned to their normal standard.The goose was served warm and even the breast was still tender. The oyster congee took quite a while as they had a full house of customers. Less MSG than before, lots of oysters

價廉物美，旺角抵食之選。地點方便，就在創興廣場後面條砵蘭街，好容易搵到。餐廳環境，是舊式小飯店格局，店子地方不大，大約有9張4人小圓枱。全店都好夠光，不會有灰灰暗暗的感覺；而牆身都算潔白，地下亦沒有濕答答的情況。洗手間有獨立男、女廁所，我今晚去算乾淨。食物方面，我點了滷水拼盤、韭菜豬紅、蠔餅、1個粥、1個飯及1罐可樂，埋單共$266-。滷水拼盤除了鵝片之外，可以任你拼幾多款都可以。我選了紅腸，墨魚和鵝腸，鵝腸真係正，很爽口，唯一美中不足係太肥，因為保留了肥膏，我要挑走才可以食，但喜歡肥腸的應該會鍾意食。原來可以要求用花生墊底，我冇要求，所以給了我韭菜，我下次知道要怎樣點餐了。蠔餅都好，比坊間一般嘅好食。韭菜豬紅都好入味，豬紅不會一夾就散，但韭菜老咗少少，有渣。服務方面，店員都好熱情，招呼很好。好耐冇見過用算盤計賬，阿叔都計得好快，睇得出全部人都做咗好耐。最後，在這裏食飯，你要對某啲位要放低要求，如果真係好介意就唔可以來這店了。例如，有少量食物會放在店門外作招徠，雖然有蓋蓋着；另外，蠔餅是在店後方，廚房外邊煎的，去洗手間會經過見到。

心血來潮行完旺角想食潮州菜，誤打誤撞咁搵到呢間就試試佢🤪🤪都真係幾有驚喜！啲員工都好nice好有禮貌，同埋應該係潮州人，令成個感覺又再加分☺️☺️☺️講返野食先 哈首先我地一行二人叫左5樣野食大眼雞鹵水鵝好味😋👍🏻韭菜豬血好入味👍🏻醃獅蚶有驚喜，一啲都唔腥👍🏻👍🏻👍🏻炸蠔餅會需要等多陣，因為係即叫即炸，一上枱又脆又熱辣辣總結係，會再返嚟食😆😆下次可以再試下其他嘅菜式😜

相約朋友到旺角潮州打冷，原本幫襯開的老店叫新泉發，搬舖後名字也改了，現在叫雁來居。潮州打冷的好處是很多滷水食物也可以自由配搭做雙拼或三拼。為方便起見今天點了滷水拼盤、蠔餅、春菜、滷水鵝肝拼鵝腸。配以自攜的紅酒，全都是送酒佳品。飲着吃着跟住再追加了花生雞腳，都是下酒的好選擇。自攜酒水免開瓶費，十分有人情味。每人平均消費也不需要$150，在旺區實在是平靚正👍

N年前吃過這舊，N年後又經開過，又天口熱Hihi....打個冷的確唔錯的選擇叫了一個筍蝦丶鵝片丶韭菜豬紅、魷魚蠔仔粥！喜歡潮州菜又路經旺角嘅話不妨嚟到呢度試吓啦！而且整體地下枱面也很乾淨！各樣的味道也好好，很值得一次又一次光顧

食物係好味嘅，鵝片好薄好嫩，豬腸爽口，蠔餅香口，但每次一去到埋單，店員就立刻收起餐牌，如果你飲咗兩杯幾啤酒就出事了，不過冇飲都出事，因為叔叔攞住計數機都計多十幾廿蚊，所以大家埋單最好自己睇住餐牌計數。

要支持本地消費 唸起食打冷 就去旺角睇下 見到似係新裝就試依間啦 最緊要係環境舒服食打冷都離不開叫鵝片，墨魚鵝腸，九菜豬紅，蠔仔粥， 1)先黎滷水鵝片咸得剛剛好，肉片唔會太軔，林林地下面的豆腐和花生又夠入味2)墨魚鵝腸滷得爽脆入味,爽彈煙韌又豐膄，吸收晒鹵汁香，好好食3)蠔仔粥蠔仔都算大隻,仲好新鮮夠味，而粥底都好香4)九菜豬紅韮菜豬紅 好味,豬紅爽口夠彈性,韮菜新鮮,醬汁濃厚再叫啤酒一路傾一路食,享受最可惜係掛住食冇影相值得再 ENCORE 下次補相

好幾個月冇嚟旺角砵蘭街，諗住去幫襯咗好多年嘅「新泉發」食潮洲嘢，忽然發現舊址變咗間粥鋪，以為執咗唔做﹗失望之餘，離遠見到豉油街口有間新食肆，行過去睇，見到門口企咗個老伯伯伙記，好熟口面，同佢傾咗幾句，先知三個月前「新泉發」原班人馬搬咗嚟呢間「雁來居」﹗差啲走漏眼，即管入去試吓。新店裝修光猛新淨、簡單舒服，廁所乾淨冇味，非常難得，勝過好多餐廳。我哋得兩丁友，點咗滷水鵝片、韮菜豬紅、鹹酸菜魚同潮洲粥，再整支藍妹。鵝片肉嫩入味，韮菜豬紅爽口，醎酸菜好夠味，佐粥一流，食到舊店嘅傳統味道﹗一路食、一路同幾個伙記有傾有講，知道其中一個阿伯由「新泉發」開店做到依家，打工超過三十年，好忠心喎﹗呢啲具風味嘅小店，賣少見少，絕對值得支持，我一定會再嚟，仲會帶多幾個朋友嚟，試多幾味菜。

砵蘭街新泉發搬遷新鋪，取名(雁來居)，舊鋪已幫襯多年，新鋪名字雖變，味道不變，依舊美味，店員友善有禮，晚飯、宵夜必到之處！亦是借酒消愁的好去處，啤酒夠晒凍！必食推介：鹵水鵝、鵝片、鹵水拼盤、蠔餅、大眼雞。雁來居令我想起的一首詩，鋪名不知是否因此詩已來：萬里衡陽雁,今年又北歸，雙雙瞻客上,一一揹人飛,雲裏相呼疾,沙邊自宿稀,系書元浪語,愁寂故山薇,欲雪違胡地,先花別楚雲,卻過清渭影,高起洞庭羣,塞北春陰暮,江南日色曛,傷弓流落羽,行斷不堪聞！！！

讚1. 伯伯既服務勁熱烈！好有禮貌，印象中真係係香港打冷咁多年都無遇過咁好笑容，入去已經有伯伯帶位，坐低仲加句慢慢睇，然後叫野食時仲會計份量2. 份量幾大，滷水拼盤真係兩個人都食唔晒彈1. 真係污糟，一定要洗碗筷先好食野2. 味道麻麻，重油但味淡，蠔仔粥湯底係有鹹味，但其他乜味都無；滷水紅腸夠滑，但又偏偏唔入味