GELATO COMBO

Open Now

Now Closed

很喜歡吃雪糕，尤其Gelato，每次見到Gelato Combo ，都會想吃❤️今次吃了椰子及青提子味，正👍🏻青提子味是雪葩，清香的提子味，每口也吃到提子肉，不甜，好味！椰子味濃，有點奶香，對於不太喜歡奶味的地盤佬，剛好！我們還很喜歡蜜桃及朱古力味，大家不妨試試🤤🤤🤤🤤

如我所說呢間雪糕店服務態度好好，雪糕又好好食，尋晚無咩social 講嘢嘅意欲，但係服務員都好Nice，會主動埋嚟同我講嘢，仲俾咗兩隻雪糕我試味。其實之前都幫襯過，基本上啲雪糕都好好味。印象最深刻就係開心果味，有驚喜既。🥰

青衣城新開咗間Gelato嘅細booth，見佢又唔少特別嘅味道就試吓啦 。我就揀咗最 Classic嘅開心果味，最特別嘅南瓜味同奇異果雪葩 。首先對開心果味略失望因為佢味道偏甜開心果味唔夠突出同食普通雪糕冇分別 。南瓜味反而有驚喜味道好接近南瓜蓉可能係南瓜本身嘅Textures就好適合做Gelato，特別綿滑 。食落就好似忌廉南瓜湯變成雪糕咁但同開心果一樣都係偏甜。最後嘅奇異果味反而有驚喜！佢冇檸檬雪葩咁酸到苦，亦都唔會太甜，好好咁還原到水果清新嘅味道，亦中和返其他口味嘅Gelato，令到整體冇咁甜膩 。三隻口味，但份量唔大 。埋單七十幾，個人覺得唔太抵，外面咁多唔同埋Gelato嘅店唔少都做得好過佢，所以亦都唔會再考慮喺呢間食 。

一次雪糕份量的誤會，原來發現香港仍有咁優質服務的雪糕店。我個女好鍾意食呢間雪糕店，雖然價錢有點貴，但係味道好加上我個女好鍾意，所以我都一直有光顧。但因為一次誤會導致找了他們的客服。當他們收到我的意見後，他們迅速回應及即時處理有關問題。其真誠嘅服務態度和重視客人需求，真係令我喜出望外。我一定會再到店幫襯，再次多謝 貴公司嘅即時回覆和該店員良好嘅服務態度😀相信你們客人會越來越多，生意越來越旺👍

之前夜晚經過青衣城見到這間新開的意大利雪糕店🍨都見到有不少人排隊買雪糕👀今日食完晚飯後 終於有機會試下啦😍我揀左近期很熱門的開心果味仲有我自己私心推介的焙茶味😋開心果味都幾香濃 口感順滑👍兩者比較 我更喜歡焙茶味 茶味更出🤎非常濃郁的!等我下次再試埋抹茶味先🍵希望下個月會出多啲新口味 可以一次過試埋🤭👉Salted Pistachio & Hojicha❤️Small cup (1-2 flavours) $45

【召喚榴槤控🙂‍↕️期間限定雪糕 仲有其他口味😝】/////今個5月Gelato Combo青衣城分店出左期間限定榴槤雪糕 宜家月中咋 仲有機會去食🤫佢哋仲有其他口味都特别 例如蜂蜜意式軟芝士 焦糖脆餅乳酪等等 可以有禮貌請店員協助試食決定買邊幾款味道♪(´ε｀ ).｜榴槤｜芒果熱情果醬意式軟芝士｜黑芝麻杯裝分細中大尺寸 中杯裝到1-3款口味👏🏻榴槤雪糕依然保留香甜味道 榴槤蓉嘅口感～芒果熱情果有淡淡芝士味 熱情果平衡酸甜黑芝麻完美還原芝麻糊味道 濃郁到不得了雪糕都算容易溶 一拎上手就快啲食啦😼

之前經過都見幾多人排隊買早兩晚再經過就行近睇下有咩味同價錢大概10pm左右啦 見到重有人買緊店員處理完個客就問我係咪買我話好講完咩size咩味收完錢就大大力放個closed係枱面我先知 哦，夠鐘收工然後店員就開始著手整我個份我見佢慢悠悠面帶微笑(定唔知苦笑？)咁處理又一路唉聲嘆氣整完後我就接手店員就講左句 下次早啲啦下？我唔知你收幾點 唔見有寫出黎同埋你要收工既 可以話收左 可以聽日再過黎但收左錢整完再比說話我聽係咩玩法？我一向都唔係到最後一刻先去買野個啲人我係經過有興趣所以望多幾下有咩味我當日唔食其實又唔會點既咪下次黎試不過咁講野就唔係太ok啦講完店員就講返雪糕本人我叫左4個味 開心果，抹茶，士多啤梨同芒果水果口味清淡清爽 好似沙冰咁 係真水果味 唔係糖漿我自己就鐘意芒果多啲士多啤梨比起芒果再淡味啲 無乜甜味另外開心果同抹茶好濃不過開心果食多幾啖會甜左啲要食其他味中和下我自己top1揀抹茶超好食