名將冰室

Open Now

Now Closed

味道好，份量超足的私房菜。場內設置一張長枱，並有獨立洗手間，環境乾淨；17個大男人四圍走動都很輕鬆。全場任飲可口可樂及啤酒；整隻手撕雞是前菜，另有兩大盆腰果助慶；全隻燒乳豬味道適中，沒有多餘肥膏，可惜較為涼了，豬皮不夠脆；蒸魚是一大驚喜，新鮮海魚，有龍躉般的厚皮；天麻魚頭湯非常美味； 生猛又大隻的白灼蝦，肉質鮮美；17人竟然有四個臘味煲仔飯，烤得金黃香趣的飯焦，實在捨不得放棄，最後將兩煲飯打包走人😅

過新年就梗係食盆菜啦，出面街訂個啲好多都係又貴啲料又薄，加上味道又麻麻。今年親戚去左名將度訂，親自揀料落order，一盆要夠全家人食喎，梗係要大大盆，過年仲要名貴少少添啦，親戚全部都好滿意，即刻睇下有幾足料先初一開爐食第一盆，賣相幾正！鮑魚用靚野自己發，非罐頭鮑，仲有海參，髮菜，瑤柱，蠔豉，冬菇，大蝦等，唔係得個樣，扣得好入味。黎個close up先，係咪睇見都流口水？食完個面，下層都唔係濫充數，有燒肉，燒鴨，雞，豬手，手打蝦丸等，再下層有少量蘿蔔，青菜等，雖然咁多野混埋一齊，個味又唔過鹹，仲食到鮑汁啲鮮味。打破左一向覺得食盆都係得個鹹字，有時仲會有叔味嘅感覺，原來盆菜都可以好好味。親戚訂左四個，幫手拎返外家，個個都足料㗎。幾靚仔一個盆份量大到夠三十人食，哈哈，個人覺得略微太多肉有啲膩，食到中途要加返啲菜平衡下

上海街度新開張左間桌球舖，仲有埋餐廳，晚餐一碟飯加一杯野飲都係$48，好抵食，一於上黎試試。柱候牛腩飯，嘩，超大碟，多汁撈飯一流，牛腩牛筋炆得入味又軟腍，個調味好正，唔會好似坊間現醒嘅柱候醬般太甜，牛腩唔過肥，一啖一口好好下飯呀～揚州炒飯，呢個真係唔講得笑，好好好大碟呀！飯炒得乾身唔油，多料又香口，好味好味。另外餐飲要了熱奶茶同熱檸茶，忘了拍照～奶茶香滑，茶同奶嘅比例調得唔錯，檸茶有檸香茶靚，good！