Video
1-min walk from Exit A, Tung Chung MTR Station
continue reading
Telephone
24595368
Opening Hours
Mon - Sun
11:30 - 22:30
Above information is for reference only. Please check details with the restaurant.
東涌呢個死城仔，夜晚9點幾就冇咩嘢食，仲開緊嘅食肆十間有九間都黑口黑面咁招待你。如果想9-10點搵嘢食，我多數會去元気，環境算舒服，嘢食都尚算可以。三文魚壽司麻麻地，下次試吓油甘魚。最正： - 鰻魚好滑 - 螺肉爽口，味道唔錯 - 鐘意飲佢哋啲湯，尤其係魚湯，比味增湯仲好飲仲有心 - 魚子唔新鮮 - 烏冬加溫泉蛋，必食 - 墨魚咀，香口嘢經過接近一粒鐘坐過山車咁嘅車程，終於由大澳返到東涌。一落車就已經諗住食元気，原本想用手機app攞飛，點知個app又死。好彩嚟到餐廳仲有位，唔使等就可以坐低食。炸墨魚咀 $35：熱辣辣嘅墨魚咀幾大粒，炸得好香口而且口感爽彈，唔錯。每次嚟元気都叫差唔多嗰啲嘢，軍艦三味、辣味三文魚同辛辣長鰭吞拿魚之類都係一貫水準。不過佢哋新出嘅汁燒油甘魚，蔥花蒜片落得太多，食落去淨係食到蔥蒜味，油甘魚原本嘅油香就食唔出。仲有炙燒左口魚裙邊，俾人燒到斷開兩截，食落去淨係得油膩感，食唔返以前嗰種香氣。至於第一次試元気嘅厚燒玉子，表現令人失望。始終覺得和花亭（已經執咗）嘅厚燒玉子先係最好食。有彈，都有讚嘅。帶子食得出鮮甜味，而且肉質都幾厚。大滿足三文魚腩，油花雖然唔算好豐腴，但係以$10嚟講已經算超值。最後叫咗碗日本溫泉玉子烏冬，估唔到麵條爽彈，同溫泉蛋撈勻之後，多咗幾分蛋香味，口感嫩滑好多，俾個like佢。本來仲諗住叫杯煎茶雪糕，但明明雪櫃有貨，店員居然話雪糕俾人hold起咗。咁奇怪嘅，唔食算數。 臨近2016年，元気會員惠顧滿$250可以獲贈2016年枱曆一本，入面附有12張優惠券，用嚟享用折扣同美食。2016年都要繼續食元気喇~
continue reading
今次嘅食記係講述元氣壽司嘅地道風味～首先，我啱啱食咗佢哋嘅海膽手卷，呢個真係正！👍 海膽新鮮滑溜，即刻係我口腔內為我嘅味蕾開咗個Party，簡直就係點綴咗我嘅日子！然後我試咗嗰個招牌炙燒三文魚腩，見到佢上面嗰層脂肪光澤照人，一入口，啲脂肪就溶化喺口裏，好滿足！講到卷物，我就一定要提提佢哋嘅火炙鰻魚卷，外表普普通通，但味道確實一流。鰻魚肉質鮮嫩可口，加上嗰陣陣炭香，咁嘅味道夠晒撲鼻，真係食飽咗都想再食！至於餐廳嘅氣氛同服務，都算係溫暖同親切，令人有種好似食緊屋企飯噉嘅感覺。總括而言，元氣壽司就似一個美食寶藏，每次去都可以發現新驚喜，實在係啱晒啲愛品嚐日式料理嘅街坊。下次走過路過，千萬唔好錯過咯！🍣🥢💯
continue reading
基本上都不知實際去過多少次元氣壽司，要不是這次剛好從馬會取得美心集團的$50現金券，應該都不會無端端獨自去元氣吃午餐。雖然自稱是日式食肆，但想不到，內裏冷氣竟然非常之虛弱，坐近門口位還要靠風機來替客人消除悶氣可能因為估計到午市去吃迴轉壽司的食客不太多，因此可以見到迴轉運輸帶上邊的壽司也寥寥可數。結果就點了一個先前已經看中的，炸雞配雜錦魚生丼，除此之外還有一個茶碗蒸旦，碰巧這天有沒有麵豉湯，因此可以以罐裝汽水代替，那就更合我心水了。炸雞的份量極少，只是微微的兩粒炸雞，而且外皮偏厚，幸好他還不是炸雞番熱，不至於冷冷的兩粒厚皮炸雞。可能因為室內冷氣不算太勁，就連可樂都不算太凍，真是浪費了汽水。魚生丼飯有各式魚生：三文魚、吞拿魚、大蝦、以及青瓜以及玉子。大蝦尚算新鮮，大隻肉多，不會腥；反而三文魚有幼骨，口感何奇差。茶碗蒸味道不錯，細細個碗裏邊，但雞蛋還算蒸得非常滑總括來說，而且嗰日食午餐來說，都要接近$100 ，也不算太過抵食。和它差不多$100午餐來說，現在東涌又重新開了美食廣場，雖然都不甚了了，但是夠時間的上班一族，應該都會去看看新事物，總好過捱着$100午餐，再吃這些質素不高的午餐吧。👋🏿
continue reading
在店門外等候多時，眼見有多張枱已清理多時而並未安排入坐，空位置大概有十五個左右，維持大約十分鐘，之後才突然一次過陸續安排入坐，而當男職員叫出我的號碼時，我已馬上上前到櫃臺，我等了五秒男職員都冇望過我，我唯有將號碼紙放於他面前才得到理會，之後跟隨他的步伐前往我的座位時，他突然在我耳邊大叫日文的歡迎光臨，真的是在耳邊沒有誇大，因為我真的被他嚇到了，食物方面，三文魚是室溫的，令我有啲害怕在保存時到底有沒有放入冰箱，最後在座位準備前往結賬時，發現店員沒有給我號碼板，跟職員說了之後，只叫我直接去櫃枱，櫃檯職員問我坐那個座號，我以為我步行去櫃臺時，他們已經用walkie 交代了，幸好我有把自己的座號記起來，不然我要跑回去看，服務態度每況愈下，職員態度懶散，坦白說我也很久沒來元氣光顧了，要不是突然想食壽司我也不會來，食物選擇少，我每次光顧都是點一樣的食物，現在這樣讓我更不想再去吃了,多人排隊唔係因為好食定服務好，係因為東涌真係冇得選擇，請大家唔好誤會
continue reading
前排4月4號兒童節， 本身只不過係我lunch去食飯，點知一入咗元氣嘅職員就俾咗一盒紅色嘅禮物我，原來係元氣為咗慶祝兒童節送俾大家一份小小嘅兒童節禮物。我就抽左一盒飛行棋啦。有時候元氣做埋呢啲活動都幾好，感覺上好似成日比驚喜。講返嘢食先，我嘅午市套餐，入邊有一個芝士薯餅，一個三文魚飯，一個味增湯同埋五件壽司仲有四五件刺身。加埋一都係$102好抵食。我自己一個人食到超級飽，仲要元氣嘅質素都算係唔差，所以平時如果想食壽司都會特登去食元氣嘅午市套餐，平之外份量又多。
continue reading