George Coffee (灣景中心大廈)

Open Now

Now Closed

公司附近除咗Starbxxk / Pxxific Coffee最近就嚟間，一直都好開心有間好飲的咖啡店喺附近，但最近幾個月真係每況愈下，完咗WFH，返公司第一件事就去買杯咖啡，滿心歡喜買完，返到公司一打開，呆咗，咁多泡的Latte我真係第一次見....算，飲一啖.... 今日三十幾度，但咖啡的熱度令我覺得我喺零下三十度帶佢返公司，溫度同平時飲開好明顯低咗N度，口感亦同平時完全唔同。近幾個月唔係第一次發生咁的情況，發現只要多過一個客人同時落單，我就唔可以對杯咖啡有期待... 次次都想畀多次機會佢，次次都失望！真。係。好。失。望！

I was walking past after trying Kitchen Bros and this joint caught my eye as it was a coffee yet they had Chinese drinks like Barley Water and Longnan.Initially I was tempted to try them but they said it was sweetened so I had the tea instead.Normally I would pick Earl Grey but as I don't know what brand they use so chose English Breakfast instead.In the end it turned out to be Twinnings.Overall tea was just tea but not a good environment for a drink because I might as well drink tea next to a b

這小店Grand opening 已一段日子，但可惜無機會試。今日食完飯好想飲杯有質素的咖啡 (因為病左成個星期，口都寡埋！)叫了杯piccolo latte，個foam好廷，拉花都吾錯，好奇待！可惜這不是我想像中的味道，不夠nutty，味道較淡。味道這東西比較個人吧。我強調一次，不是不好飲，我推薦大家不妨試下！藉得一提是店鋪有印花優惠，光顧5杯後第6杯免費。後記: 這裡有幾個座位，開放式，天氣不太熱坐著幾休閒寫意

又到coffee time☕️黎一杯mocha俾H先生💁🏻‍♂️一杯cappuccino俾P小姐💁🏻‍♀️呢度既咖啡幾掂播🥰舖頭採用巴拿馬最高火山地區既咖啡豆再直接運到香港自家廠房新鮮烘培.aftertaste 陣香味仍然stay到一段時間😝無苦澀味 唔太濃 啱曬H先生🤣奶好滑 好易入口🤘🏻飲落覺得朱古力佔左大概3至4成 適中👍🏻👍🏻

午餐想食得輕盈啲, 所以試下呢間睇落幾高檔嘅cafe。灣仔嘅分店係半露天嘅, 坐落都幾舒服, 可惜嘢食同咖啡就真係又貴又麻麻地啦。今次嗌咗半份嘅意大利三文治同一杯咖啡, 要成$70+。三文治同McCafe無咩分别, 但半份都要成$30, 又貴又唔飽。< 火腿&芝士意大利三文治> 半份$28另外, 我再嗌咗佢嘅期間限定肉桂薑餅人泡沫咖啡。成杯咖啡真係無咩咖啡味, 好似沖到好淡嘅咖啡, 然後再加咗好多糖水咁。<肉桂薑餅人泡沫咖啡> $43整體嚟講, 呢間cafe真係淨係值得嚟打卡咋。

假日休閒，又睇到優惠半價，當然去hea下。好明顯係入秋了，早上較涼爽。露天茶座有風好舒服。點左杯Flat White 配一件Opera.另外一杯Iced Latte配牛角飽，就輕輕鬆鬆坐了兩小時。 咖啡一口味跟其他咖啡店不同，好奇搜尋下，老闆有自己咖啡園，興仔記亦是佢地產品。因坐位係露天地方，這店好似仲有雪茄賣，旁邊客人在抽雪茄，我們即走。

grabbed a take away flat white. Service was good and quick. They only have small size flat white, taste is good but a bit pricey considering the location and it is a small cup. Am not sure if I will go there again unless I crave for a decent coffee and run out of options.

咖啡香醇幼滑，咖啡師非常認真盡責，好評！支持環保，自帶咖啡杯，希望店家可以推出自帶杯環保優惠啦，令這個地球變得更好！連咁細樽口嘅保溫壺都可以拉出一個小心心，好驚喜呀！

次次去灣仔都有留意呢間coffee shop，但每次都冇入去試，難得有日五點半早收工得閒打算去試，結果店員話last order，失望而回左。最終，今日放假專程去試試佢地既咖啡同埋半份火腿芝士包，終於試到佢地既Latte 啦，杯咖啡熱到辣口好好味啊，cafe latte 真係好cafe latte ，我坐左大概半粒鐘，杯咖啡飲到最後都仲係暖架，出面個啲飲到最後變左凍咖啡。不過，佢地既三文治好貴，細細件就$18，已經係優惠左啦，原價要$28，下次都係買杯咖啡算

Chill place, convenient, quick and much better coffee than burnt coffee and long queue from Starbucks.Had a flat white. My friend and I felt that the milk overpowered the taste of the coffee, but we are not big drinkers of flat white so perhaps our assessment is not fair.  After finishing the cup, I smelt the coffee in the cup and it was quite pleasant. Also, much better than Starbucks in any case. Perhaps I'll order a cappucino next time.Price is also competitive, 34 per cup 

由於係附近番工 公司同事一直推介呢間coffee shop 相比起連鎖店會比較好飲所以今日特登過去試下飲 點知十分失望一飲落去個下完全無諗過杯咖啡會熱到咁 熱到辣親個口 成杯咖啡無奶味 無甜味 得番一種令人感覺好差ge苦味 然後同事問番店員點解今日杯咖啡會咁高溫 佢地解釋話因為公司有新standard 要將d奶打到80度以上 我聽完之後呆左 作為一間coffee shop竟然唔知牛奶入邊蛋白質結構與奶香會隨住過高的溫度被破壞 基本上超過75度就會令牛奶飲落好似飲水咁 其他比較高質素ge coffee shop都會控制牛奶溫度係65-70度 同事都表示好無奈 聽佢講以前唔係咁樣 我試過一次已經夠 同飲涼茶差唔多... 得啖苦...🤦🏻‍♂️拎係手係辣手..

服務態度一般，如可再wlecome客人多一點，多點笑容就好喇😊😊食物：食左個肉桂捲、牛肉三文治及火腿三文治 三文治幾好食，有橄欖係包入面，比較細份但味道唔錯肉桂捲外脆，內林左少少，可能放得奈先食⋯ 但呢個價抵食飲品：叫左杯latte，咖啡味唔係好出，泡沫都算細緻👍🏻環境衛生：係雲石上直接切食物係冇問題⋯⋯但隔離放滿左私人物品⋯袋呀電話咁物品凌亂⋯天氣涼坐都好，但天氣熱就難頂啲，同埋會食到二手煙🤭

因為買左團購卷，所以試左一直想試既巴拿馬藝妓咖啡，正價要80蚊杯團購半價。店員好詳細介紹佢用既咖啡豆係全港最貴既巴拿馬咖啡豆，仲俾我嗅下豆既味道，確定我喜歡味道，沖完仲教我可以先試試個味道，過幾分鐘後味道會唔同左，會更好飲果然非常好飲，係黑咖啡黎咩都無，我覺得糖都唔洗落，因為唔係好苦，反而有一陣陣果香留起個口到超正。我仲叫左個全份芝士火腿三明治45蚊，包入面有藜麥，好特別好好味👍🏻如果唔係有團購卷真係貴左小小，不過食物質素好高，物有所值。

George coffee 我覺得係灣仔既滄海遺珠，佢身處Brim28 同天橋個接駁位，鋪面細細又唔吸引，好多次我都係過其門而不入。直至有一次同行友人話要飲咖啡，又唔想去連鎖咖啡店，先去試一試，點知一試就難忘。杯mocha 為例，朱古力係dark chocolate , 飲落係澀而不甜，而佢咖啡豆酸度夠，最後係會有回甘味。飲mocha咁有層次感都係第一次，之後又試過cold brew, americano , latte 等，都水準以上。佢咖啡味係濃郁而富有口感，偏酸唔係淡而無味，咁既價錢完全係超班之作。以去連鎖咖啡店飲一杯既價錢，就歎到高一個grade 既coffe ，冇得輸

有同事想食salad,所以行左去新鴻基中心食Oliver's Super Sandwiches ，食完路經 George Coffee很香令咖啡癮起，就“閧”入去。 我點左杯Flat White $34, 第一啖飲已覺得很驚喜，個奶同啲咖啡夾得異常出奇，奶都幾rich, rich得來又夠smooth同香。 咖啡又唔淡又唔係重手，成件事好有中融之道，好平衡，同P牌，S牌好唔同， 下次都可以再買。見到佢有promotion, 星期六日買咖啡，都會有馬卡龍送，坐響室外歎住杯咁有水準既咖啡，係一種樂趣！ 紙杯藍杯加金字幾靚，有啲似英國皇家的感覺。 原來尖沙咀美麗華商場都有分店，叫 La Tradicion Cubana.