元朗鬼巴士 (Closed)

今日同朋友行旺角, 朋友介紹我試左一間用羅漢果汁整嘅涼拌滷味店, 聽聞依間細細嘅小食店係元朗同荃灣都好出名吓, 我更係唔執輸要試食一吓啦！朋友發板, 幫我點左個乜都有啲嘅拼盤, 眼見有紅腸, 生腸, 牛柏葉同扎肉, 醬汁有甜醬, 辣醬同芥辣醬, 生腸同牛柏葉食落超爽口, 我覺得其特別之處正就係羅漢果汁, 味道十分清新, 比起平時食開以豉油汁同甜醬撈嘅口味有所不同。鍾意街頭小食, 或對滷味有興趣嘅朋友, 一定要黎試下啦！包你冇介紹錯!

平時上openrice睇食評多，尋日心血來朝係旺角等朋友果陣，有D口痕，又見到夜媽媽咁夜未收喎，咪行過去打算整串試下啦，點知見到鬼巴士個老闆叫我不如樣樣都試D，咁就俾佢SELL到買左個小雜錦，等佢切果陣，我D朋友都到埋，之後我地做左大客，買左四盒。果度啲嘢食咁夜都保持得幾新鮮，又夠凍，唔知係咪因為就收工，份量勁多同樣樣食物都有晒，雖然我食唔出個醬汁係羅漢果醬，但第一次食又覺得同D野幾夾，仲有我最鍾意既芥辣，正 !老闆同老闆娘勁好人，切咗啲墨魚俾我哋試吓，話平時冇既。唔洗十分鐘就剷晒成盒，一舊都冇得剩，都唔知點再食甜品！

一個大雜錦$60, 但個份量好似$35小雜錦咁少！每樣得兩小舊，點做生意呀？完全唔掂呀！荃灣果間好好多。重點係，豬頭肉，一啲肉都無，得肥膏！唔會再幫襯而間太差！差差差

👁‍🗨 小雜錦（7/10）💲35都差唔多成年無食鬼巴士，小雜錦既味道總係會令人回味😇上個禮拜經過銅鑼灣已經想食，不過嗰晚太飽無食到😢呢日經過旺角突然見到佢既蹤影，原來唔聲唔聲係度開左新分店😱小雜錦依舊係生腸、脆腸、反腸、紅腸、火雞腎、牛柏葉、札肉、豬耳、豬頭肉，新鮮爽口最重要，麻油、甜醬、芥末醬齊曬無甩拖🤘🏻👁‍🗨 墨魚（7/10）💲10見呢度嘅墨魚都好賣得，所以今次就試埋佢🤓果然係富有彈性，好有嚼勁🔛 整體評分（7/10）