元朗鬼巴士 (Closed)

呢到顯示收00:00幾班人 特登揸車入黎買...黎到22:45睇住佢熄燈 個姐姐話星期日收22:30 叫姐姐做埋我地 佢話做唔到 無乜客失望！想食好耐......無人情味嫁佢

咁今日就黎左旺角既元朗鬼巴士，黎食腸腸。首先我覺得佢個店名好有威懾力。😹嚇走D牛鬼蛇神咁。🥴而我就叫左個套餐C︰生腸+脆腸+反腸 ($29)。腸，全部都係腸腸咁。其實我自己就吾太食得出三者個分別。😹但我最鍾意食既係生腸，外層又滑又爽口，而且仲閃閃發光；而內層就爽脆，咬到咔咔聲咁。佢有隻豉油醬係必定要試，甜甜地又有麻油香！隻醬個味就好似冷麵個醬。🥺反而其他芥末醬、甜醬等等都較為遜色，吾落都得。總體而言，會再過去食生腸。😋

食鬼巴士唔一定要去元朗嘅 原來旺角而家都有 咁都比我撞到實在太開心 之前銅鑼灣都有不過執咗好耐之後都好耐冇食過 最鍾意鬼巴士比起出面既滷味有好多小小選擇 好食肥x果兩間今次叫咗兩樣嘢食 反腸同生腸 其實本來係想叫脆腸 唔小心叫錯咗生腸 不過都唔緊要都係好好食同夠凍 反腸比起生腸爽脆有咬口 而生腸就都夠爽同埋唔會太韌同太大夠 最緊要配埋鬼巴士獨有嘅豉油 豉油係好得意 杰杰地既仲有好香麻油味 仲有小小甜味 淨係落一種醬就夠 其他甜醬芥辣根本唔需要落都已經好好味

大家都要幫手懲罰一下既高質鹵味店。曾經只係出現於元朗，但越來越多分店，令我行行下街口痕嘅時候都可以吉返兩串。佢每一串食物都係雪櫃到拎出嚟，保持喺凍嘅溫度，然後加入左甜甜地嘅甜醬同豉油（由於我唔鍾意食芥末，所以就冇加到），仲可以叫店員加佢哋自家製造嘅XO辣醬俾你添！如果你諗唔到食乜嘢嘅話，就建議你食佢嘅套餐A/B/C/D,咁就可以試多啲款式，我最推薦嘅係牛栢葉同埋大墨魚，牛柏葉索晒啲醬汁，又夠大塊夠爽口！墨魚一樣出色，彈牙。仲有生腸辟味做得好好！(有啲舖頭要買夠錢先會俾個發泡膠盒你，但只要你買套餐佢就已經比外賣盒你，唔怕倒瀉！）大家記住去懲罰一下小店啦

今晚又開P, 要搵好野食😍， 肥姐成日食，今次試下新野， 位置好方便， 就喺新世紀天橋底，舖細細， 其實我好單一， 主要想食墨魚，老闆娘好好， 慢慢介紹， 話餐抵食啲， 咁我地就要個A餐同加條紅腸， 共47蚊， 滿40蚊仲有野送, A餐係0甘0既 生/脆/反/紅腸選一 + 🐙八爪魚同雞腎, 我地想食墨魚, 0甘老闆娘就俾我地用墨魚REPLACE八爪魚。整體食落好爽口, 個汁都好味😋, 相對抵食又唔駛點排隊, 可以再ENCORE

一直都有幫襯開鬼巴士，每次出旺角都係必食由佢地一串串計，到以家一個餐一個餐咁計，味道依然好味。最鐘意食佢地個C餐，生腸、脆腸、反腸齊哂😋🤤直至去年，原來係一間良心店舖💛，難得會發聲既店，更加要大大力幫襯。以前就會外賣拼盤+其他餸，以家分餐就容易好多啦😂一個C餐+拼盤，正呀🤤😋試過自己帶食物盒去比佢地裝，一來想環保，二來我要拎返屋企先食，廢事啲汁倒哂出嚟。咁佢地都好好人，無拒絕，仲幫我排得好靚

成日經過但都無試過E間元朗鬼巴士, 今次決定買個B餐試試去先! 雖然都多人排, 不過比完錢好快都有得食!🤭😆 我地揀左B餐, 入面有生腸➕魷魚🦑➕牛栢葉, 每一份店員都會用膠盒裝住, 而且剪好哂等客人自己桔嚟食, 一嚟唔洗食到周身都係😅, 二嚟同朋友share食都方便d!👍🏻生腸同魷魚食落口幾爽滑, 牛栢葉口感爽脆, 加埋佢地嘅自家製醬汁, 味道唔錯!所有野都非常夠凍❄, 而且處理得好乾淨, 份量方面個人覺得都ok, 價錢亦唔算貴, 值得一試!😊😋

由去年開始基本上已經習慣咗無論去邊區食嘢都會打開黃藍地圖盡力支持下D黃店嚟開旺角區想食吓街頭小食就搵到呢間專食滷水涼拌小食嘅小店小店位於Moko天橋落去花園街位置店舖同貢茶相連分拆出兩個舖位元朗鬼巴士綠色招牌好易認到呢排武漢肺炎肆虐店舖有提供消毒洗手液俾客人食嘢前使用A餐 可選: 生腸/脆腸/反腸/紅腸 + 雞腎 + 墨魚由於一直都唔知脆腸同反腸係咩所以次次都揀生腸店員會剪好哂一舊舊用盒裝住方便客人篤黎食好過傳統一串串用竹籤串住 會食得比較論盡生腸同墨魚口感夠哂爽而雞腎相對偏淋，冇咩口感不過搭配麻油、蠔油等醬汁 味道相當好食另外亦試過B餐 B餐可選: 生腸/脆腸/反腸/紅腸 + 魷魚 + 牛柏葉單購墨魚每串$15生腸、鮮魷同牛柏葉口感都好爽滑值得推介香港食滷水涼拌小食比較出名嘅仲有母子檔嘅肥姐同肥仔同呢間元朗鬼巴士相比鬼巴士嘅滷水味相對地唔夠突出全靠醬汁嘅味道搭夠不過佢嘅份量同口感都好好而且切成細細件食起上嚟係幾方便嘅加上係良心黃店，絕對會推介俾大家

元朗鬼巴士係周圍都有好多唔同嘅分店，相信都係特許經營，但係正因為咁，所以唔同分店既質素都有啲參差今日經過旺角決定比多次機會呢間鬼巴士。開頭仲以為因為疫情，大家都唔會出街，估唔到呢間店都仲係人頭湧湧！仲要排一陣隊先買到。一去就發現除咗普通嘅大小雜錦之外，佢仲好多套餐俾大家揀，抵買好多而且係仲收銀位提供消毒酒精俾大家食野之前用，好細心！但係因為一陣仲要食飯，所以今次只係叫咗個小雜錦，味道幾好，又足料，會再幫襯

被代表真係好慘，相信大家作為無得選特首既香港人係完全明白。旺角呢間元朗鬼巴士既特許經營店，受到藍田果間同名藍店既污名影響，比各位誤會。最近佢ig出post澄清，講明同藍店絕無半點關係，自己係6月已經好堅定咁反送中。$39蚊一份細雜錦有牛栢葉、豬耳、生腸、火雞腎、紅腸、豬頭肉等等。我相信佢個日有咩貨多就比咩多，因為我成三分一都係牛栢葉！但！超！好！食！啲栢葉爽到呢～冰凍得黎又唔雪，甜醬加芥辣又係一絕！

早上去咗石門睇嘢， 經過一輪“幸運大抽獎”結果都係抽唔中 ，空歡喜一場😶😶。搭返東鐵去旺角睇下有咩食， 喺 新世紀弼街出口 ， 見到開咗間食生腸嘅舖頭。 朋友好仲食呢啲嘢， 喺佢門口有見到個app嘅標誌， 即刻用app搜尋下係咪有優惠。原來有買一送一優惠， 生腸 、爽腸、反腸 、紅腸， 都可以買一串送一串。估唔到味道又幾ok，我地要了生腸和反腸，我自己覺得反腸好食dd.,因為夠爽又夠凍，又唔洗食買多橙色色素。不過調味架的醬料的衞生就麻麻地🙄🙄🙄，如果可以改善下會好d囉。

再行不遠見到元朗鬼巴士開了分店在此！聽聞此家的滷味在元朗出名好吃，一於試試跟我喜歡的肥姐誰比較優勝！選擇有不少生腸、紅腸、墨魚、脆腸、反腸、牛栢葉、豬脷、豬心、豬頭肉、豬耳、火雞腎、札肉和魷魚等等。檔位旁有一自助汁醬架客人可自行下羅漢果豉油、芥末和甜醬，喜歡多醬的朋友可快樂地添加了！ 而我就最愛吃滷水墨魚＄15/串，此家的滷水味道很香而且滷得很入味，墨魚又夠爽口彈牙口感超正呀！我覺得此家比肥姐的出品更吸引和好吃呢！

🚌 牛柏葉 / 豬耳其實可以揀雜錦，就咩都會有啲啲。可惜我唔係每樣嘢都食，所以淨係單叫算。其實單一串嘅份量都算多，而且佢加好多辣醬、甜醬、芥末醬真係正。係我大愛!!! 特別係夏天，食凍嘅，特別爽。

嗰日行MOKO行到夜左，想搵嘢食先發現啲餐廳都已經過咗last order，點解啲餐廳都收得咁早㗎😔😔咁唯有沿路行落去睇下有啲咩嘢食啦，點知，見到有鬼巴士😂😂😂咁今晚掃街啦買左份細雜錦白柏葉夠爽，豬面肉有咬口👍🏻👍🏻好鍾意佢個醬汁，羅漢果醬汁，甜甜地唔會太咸，好特別😋😋另外，佢可以自訂比例，即係如果有啲咩特別唔鍾意食可以同佢地講，咁佢哋就會唔落嗰啲，而相對，其他嘢就會俾多啲😍

咁啱喺隔離嘅台式飲品店買嘢飲，見到有啲魷魚，就諗住試吓啦，發現都唔錯，幾好食，重點係個汁好正、芥辣唔係普通嘅芥辣，佢係有自家製嘅味道！！ 可惜量太少，下次經過一定會買幾份