銀咖哩 (西九龍中心) (Closed)

甜咖哩好好味😋😋啱晒想食咖哩又食唔到太辣嘅朋友👍🏻其中值得一讚嘅係薯角好食過k記/m記多多聲話說我男朋友叫咗富士山咖喱飯🍛真係好大盤，我一個人肯定食唔晒😂😂啱晒大食嘅男士們😂😂👍👍

又要嗌外賣，今次試下呢間銀咖哩。佢嘅選擇都齊，基本嘅豬扒、炸雞、海鮮都有，單點價錢都係$5x-$6x，要跟嘢飲就貴大概$10，今次我揀咗芝士蟹柳蛋包飯，另外朋友就嗌左日式炸雞咖喱飯、芝士照燒雞肉蛋包咖哩飯、照燒雞肉咖喱飯。選擇嘅時候，有得額外揀大辣、地獄辣等等，由於第一次食，唔知佢有幾辣，於是大家都揀咗原味，結論係，原味一啲都唔辣，而且冇乜咖喱香，但入口都還可以，蛋同配料都煮得好食，朋友話炸雞整得唔錯，唔會好多粉，可惜冇影相。另外就係佢用普通發泡膠盒裝住，黎到嘅時候搭到個盒凹晒，賣相真係一般，但食落口又唔太差，以呢個價錢來講，都食得過。

位於深水埗嘅西九龍中心，去到8樓有好多選擇，我嘅午餐就決定咗食咖喱！٩(˃̶͈̀௰˂̶͈́)و其實我自己對咖哩要求都幾高，一定要睇吓佢夠唔夠性價比，而且而家呢啲係咪真係容易入口，呢度嘅價錢唔錯，而且我聞到咖喱嘅香味，吸引左我☆彡我就揀咗芝士系列嘅咖喱，唔知點解芝士同埋咖喱兩樣野係非常之夾，真係好正㗎(⁎⁍̴̛ᴗ⁍̴̛⁎)不過依度嘅員工態度有點差，而且等候時間真係好耐(つД`)ノ性價比還可以既☆彡！

今日喺深水埗上堂，放飯就梗係去西九龍中心食飯啦！啲同學介紹我食銀咖哩，因為我未食過，咁就試下啦。其實望住佢個菜單，我揀咗好耐，一直諗唔掂食咩餐，佢有個富士山咖喱飯係一個餐兩人份，我網上睇過介紹，真係好癲！不過呢個唔係好啱我，唔係特別肚餓。最後係叫咗個咖喱吉列豬扒飯，佢出餐其實都幾快，我落完單喺個food court度兜咗一圈返嚟就即刻攞得。朋友未攞到餐，我就自己食先啦！豬扒炸得幾靚，金金黃黃咁，又幾香口下。外皮仲卜卜脆的，內裡啲肉質都軟熟，熱辣辣的。表面仲淋上咗啲照燒醬汁。跟住就係主角咖哩啦！試咗一啖，少少辣，除此之外冇乜值得批評嘅嘢，普普通通嘅一碟咖哩。

Japanese pork cutlet with curry.🐽🍛😋Crispy and savory.🤤 with a bit of tonkatsu sauce, nothing beats that.😍The curry wasn't spicy at all, but goes perfectly well with every scoop of rice.🍚🤩Overall the portion was kinda small for me, but it's definitely a bargain! A great deal for sure.

如標題所見銀咖哩絕對係中學生的代表皆因由中學食到今時今日依然未厭多人一齊食既話一定要叫份富士山黎食如果平常一個人食，吉豬蛋包飯都係必食之一基本上食完係反唔到轉頭，成日都想再食既感覺

銀咖喱真係食咗好耐都仲有 有中學食到中學畢業直到依家都仲係個種味道... 銀咖喱啲咖喱送飯真係一流 炸豬扒又係冇得頂 中學時期已經好鍾意咖喱汁撈飯 最好就真係多汁因為可以撈埋晒啲飯再慢慢食！ 所以有時都會諗返中學時期 月尾就會同朋友就淨係叫過咖喱汁撈飯 又平又大碟又頂飽😝😎 可以簡稱係窮人因物 或者可以叫做性價比極高😝

第一次試哩間咖哩飯店，叫左吉烈豬扒飯，豬扒唔夠脆亦唔夠熱，咖喱汁又淡味，唔知係咪日式既關係，如果至在飽肚都還可以，所以我覺得應該食一次就夠了，價錢就唔算貴，合理價。

黎到西九8樓美食廣場都係志在各有所好, 想食咩國家嘅菜都有。諗住銀咖哩分店唔少, 見人地個碟大碟夾抵食, 叫左個芝士野菌蛋包咖哩飯$39 因為foodcourt關係, 係用一次性餐具盛載.. 講返碟飯, 份量一D都唔吝嗇呀, 目測有一大碗飯, 非常飽肚！而個咖哩汁都香濃, 係日式帶有甜味嗰隻, 混入肉碎同片片磨菇好夾口味。個蛋包半熟度適中, 而上面塊芝士其實有少少漏, 但整體來說very good 👌 個飯如果岀去食動輒$50 up, 依度以$39食到簡直係糧尾救星 !!

我印象中哩間咖喱店好似由中學已經有，但我今次先第一次幫襯，隨意點左個咖喱豬扒飯，咖喱淡而無味，覺得似求其整個汁出黎，豬扒都係唔好食，肉好乾，價錢唔算貴，不過我就未必會再食。

我相信西九龍廣場都係好多人嘅童年回憶，我都唔例外，細個最鍾意就係去呢度嘅美食廣場食好野，銀咖喱更加係我最鍾意食嘅嘢啦！今日難得有一次去到西九龍廣場我梗係就要試吓今次就叫咗我以前到而家都好鍾意食嘅薯餅咖喱飯，薯餅香脆可口，薯蓉唔會有硬粒，非常易入口，照燒汁添加左唔少風味。咖喱汁有肉碎同埋有少少蘿蔔粒非常有咬口非常好味😝😝

外賣自取，雖然店員稱大約要15分鐘，才能做好飯盒，但是本人提前三、四分鐘回到，店方已經做好外賣飯盒了。咖喱吉列雞扒蛋包飯，經常點這個外賣飯盒，既有蛋包飯，又有咖喱汁，又有吉列雞扒，蛋包飯還有少許芝士，次次都吃得非常之飽。雞扒不算太乾，而且外皮的不容易脫落，蛋包飯的蛋也不是非常全熟，不會感到蛋太鞋口。非常大盒飯，比起頹飯三十多元，銀咖哩大大盒，多汁多肉，質素不錯，也是不錯選擇，比起三餸飯質素好好多。

朋友未去過西九龍中心 想行下格仔舖 於是我陪佢去.行街錢當然要醫肚先 水牌話八樓有foodcourt 一於去試試 大家各有所好可以食到自己心水 環境唔係話好乾淨 係舊式foodcourt 都幾多選擇 食物好平.我揀左銀咖哩嘅芝士野菌蛋包咖哩飯 $35真係幾抵嘅.咖哩味唔係太濃烈 唔係辣 係日式咖哩果隻味 平時少食咖喱嘅人都會接受到.蛋好滑 蘑菇係罐頭果種 不過加埋咖哩又幾好味 芝士就係成片噠係度 得少少溶好難撈雲 不過整體以呢個價錢係唔錯嘅

銀咖哩」位於九龍深水埗區的西九龍中心(Dragon Centre)美食廣場內，它是全港首設「車仔檔」商店的商場，也是深水埗區內唯一一座現代化平民商場。商場於1994年11月7日開幕，樓高9層，場內衣食住行各行各業幾乎包羅萬有，由蘋果商場、潮流物品及服裝、室內遊樂場和真雪溜冰場，以及香港首座室內過山車 (天龍過山車) ，其過山車軌道架設於商場第9層頂部，可惜後來基於安全問題，過山車已停用多年。此外場內更設有多家知名餐廳食肆，特別是8樓的「大廚」美食廣場，裡面中西美食有十多二十家，真叫人眼花撩亂啊！ 銀咖哩 (前稱銀座二丁目咖哩)與日本的「銀だこGindaco」屬於同一個集團。「銀座二丁目咖哩」是在2008年於香港首先開設的日式咖喱飯連鎖店。在香港要吃日式咖哩似乎選擇不太多，知道的品牌大概只有兩到三家，而且價錢也不低，動輒要七八十元才吃到一份咖哩飯。而銀咖哩價格十分便宜，一般三十多元便可離場，最便宜的淨咖哩飯22元便可，價錢我覺得已經好抵，加上可以免費添飯，簡直是窮人恩物。而且其咖哩餐點更是即叫即做，保證新鮮。相信是因為其價格相宜兼水準穩定的關係，吸引不少學生及回頭客，分店也越開越多，至