堅信號上海生煎皇 (福榮街)

Open Now

Now Closed

🔻1️⃣ 灌湯小籠包（四個）推薦指數：★★★★☆食開上海野都知道，小籠包一定係即叫即蒸😋 靚嘅小籠包當然係入邊有滿滿嘅濃湯👍🏻 加少少醋點綴，又新鮮又夠熱下午茶真係一流！2️⃣ 生煎包 （2個）推薦指數：★★★★☆比想像中Juicy，呢間既生煎包入邊鎖住好多肉汁！！！食嗰陣一咬即刻飛咗啲汁出嚟，所以食嗰陣真係要小心！ 同朋友一人一個生煎包， 食完嗰陣真心覺得唔夠想叫多set🤣🤣🤣3️⃣ 雞絲粉皮推薦指數：★★★☆☆雞絲份皮最緊要夠凍同夠麻醬😋 如果份量大啲就好啦😆評價：7.5/10

做完野咁啱經過深水埗堅信號，見好多人排隊，都想試下，買咗幾個生煎包超好味，入面好足肉沖，好有肉味，生煎包仲熱辣辣超好味！員工都好有禮貌，有耐性、態度又好，會話你知要等幾耐。好想再食多次！去到深水埗真係必食😋😋😋

#📍 堅信號上海生煎皇 (福榮街)深水埗福榮街98號地舖🔸 堅信號生煎包 (4隻 $36） ～外賣自取85折～🍒點評時間有冇人好似我咁中意一路食野一路睇mukbang🤣大家估下我睇緊邊個youtuber😆堅信號宜家外賣自取85折真係抵食可惜食飽飯只可以買到生煎包食🤣估唔到返到屋企 生煎包外皮仲脆脆一咬仲要爆哂汁🤣 有啲後悔買咁少添🤭好味指數😋：⭐️⭐️⭐️⭐️抵食指數😛：⭐️⭐️⭐️⭐️⭐️服務指數⚜️：⭐️⭐️⭐️⭐️環境指數🧽：⭐️⭐️⭐️⭐️

抗疫重要 但餵飽個肚仲重要放工行過見到佢既外賣做緊優惠 儘管望望見到有個寫住一口爆湯生煎包好吸引一口爆湯生煎包 $30/4隻一咬落去就爆湯啦 唔係講笑係湯 如果係汁都會感覺係慢慢滴出黎 佢係用瀉黎形容而且啲湯好鮮甜 肉質打得好實好大舊 平靚正紅油水餃 $24/6隻外國既紅油抄手大多都係油浸同埋得個紅字一啲辣味都無但佢既水餃用韮菜做餡 好味加上佢既辣油好香 夾到好好 又係抵食之選上海韮菜餃湯麵 $30外賣會幫分開湯同麵裝韮菜餃都有4粒 咁既價錢唔好以為好細粒一粒起碼要咬2啖㗎

第一次試堅信號的豬扒擔擔麵，唔知係咪外賣關係，d麵一坨野，成舊麵餅咁，整唔開，一整就爛。賣相唔討好都算啦，覺得外賣係會差d。但個味道難食先係最大問題，完全無花生味，而且唔知點解擔擔麵入面有酸菜，成個湯又酸又鹹咁，難食到爆燈啊。而且唔知點解，d麵係有小小苦澀尾，好奇怪，難道係堿水味？但又好似唔係，完全都唔正宗嘅，勁失望啊。食左三分一真係頂唔順倒左。印象中以前食過佢嘅生煎包係好食架，但擔擔麵居然係咁。絕對唔會有下一次。

行開去深水埗。見到個招牌有素食。坐低用手機app點咗個新豬肉絲四川擔擔麵。配個上海菜飯加豆漿。同個持應講我認識老闆個老婆。我係Elanie粉絲。個持應講如果認識老闆Oscar，有九折。最後埋單$65。個新豬肉絲四川擔擔麵好辣，好重花生醬味。要飲好多水去化辣。個豆漿好冰凍。好好飲。個四川擔擔麵好細份。唔夠食。個新豬肉好似真豬肉。食落好似食咗真豬肉。但係因為新豬肉成本好重。變咗個豬肉絲去配四川擔擔麵。唔夠飽將個上海菜飯加埋入去四川汁。當泡飯食。咁就造成個四川汁泡飯。好美味。個人誠意推介咁樣食素食餐。

兩點開始就有下午茶食，價錢好抵，平時一個擔擔麵五十幾蚊，下午茶三十幾蚊就食到擔擔麵可以揀辣度，個人鍾意食辣，所以揀咗中辣。豬首湯麵嘅豬手好高質，望落都好吸引。生煎包好好味仲有有趣嘅教程教你如何食生煎包。生煎包好多汁，個底煎到好脆。環境裝修開敞明亮，下午茶價錢好抵，絕對係下午茶之選

之前一直都想試，終於有機會試下。點咗生煎包、小籠包、蟹粉小籠包、醉雞翼、雞絲粉皮。生煎包 咬落去個底煎到好脆好似餅咁，入面勁多肉汁，啲肉汁好味道 嚿肉屬軟焾口感，我覺得再有少少咬口會更好。小籠包 味道無特別驚喜，但同樣多肉汁蟹粉小籠包 （季節限定）咬落去蟹味ok，但湯汁俾另兩款嚟講無咁多。雞絲粉皮使用平時凍豆腐嗰啲胡麻醬，粉皮夠彈但啲汁好似唔多黏，我覺得一般。而醉雞翼同樣一般。下次會試下生煎包外賣，睇下係咪keep到脆

招牌生煎包，成品面白，軟而鬆，外皮底部煎得金黃色，上半部撒了一些芝麻、香葱，聞起來香香的，咬一口滿嘴湯汁！肉餡鮮嫩！對生煎包的評價是：「皮薄不破又不焦，二分酵頭靠烘烤，鮮餡湯汁滿口來，底厚焦枯是敗品。」不僅介紹了生煎饅頭的優點，也提醒食客，凡是「底厚焦枯」的可以不買，其至「罷吃」。這裡的生煎包基本符合上述條件，收貨！小籠包符合上海小籠包的「體小、餡大、汁多、味鮮、皮薄、形美」等要素，小巧玲瓏，形似寶塔，呈半透明狀！吃時再佐以薑絲、香醋，風味更佳！總括而言，正宗、美味！

.📍 堅信號上海生煎皇 📍香港深水埗福榮街98號地舖剛好路過就買了生煎包(32hkd@4)，底部很硬脆，裏面的湯汁很多，一口就爆汁，必須要先咬一小口喝一點湯才可以整個咬😂不然就先叫你旁邊的朋友走開吧⚠️不過話說回來，大家有覺得生煎包放涼30分鐘後再吃底部會更脆嗎？#foodiblum中式

未裝修之前食過一次，今日經開再幫襯，試咗幾道菜：生煎包小籠包擔擔麵雪菜黃魚湯麵上海粗炒爆汁生煎包略嫌硬身，但呢次覺得啲餡料有啲蘇味。小籠包味道正常，可惜有三隻黐埋一齊，一夾起就穿晒。擔擔面味道香濃，正辣度適合大人小朋友，我覺得要加多個淨水餃就fit哂😊可惜人少少驚食唔晒，留返下一次啦！推介一定要試吓👍黃🐟好滑，口感好，唔會太咸，湯都飲埋，屬清淡之算。上海粗炒正常。一定要加豆瓣醬呀！週末關係，人流較多，但環境尚算闊落，上菜速度亦快。價錢非常合理，開心又一餐😎

今日去完黃金買遊戲機🤪就周圍搵野食 深水埗真係多野食到花多眼亂😚最後揀左依間上海野食😚😚餐廳有晚餐set 嗌 都超級抵 除左會送2個小籠包之外 加10蚊就可以有個小食另外佢有張餐牌係十大龍虎榜 好似出名食麻辣野 所以我地都嗌左幾樣試試佢小籠包果然係招牌菜 皮好薄 一咬落去 好多汁同湯湧出黎 超級鮮甜 多汁到差d淥親個嘴😂😂😂至少生煎包都相當出色 好鮮味 同埋鐘意佢唔會太油冧冧咁😚😚主食方面就嗌左雪菜黃皮濃湯麵 份量都好足夠 估唔到既係湯底咁鮮甜濃味 另外我地仲嗌左個厚切豬扒擔擔麵 麵就正正常常冇咩太大驚喜 不過豬扒要讚一讚 都幾juicy 幾好食

位於福榮街既呢間堅信號係以生煎飽出名的，既然係咁當然要入去試一試啦～以午餐嚟講佢價錢都算中等，但就有主食加小食同野飲～今次就試下佢個口水雞翼飯同兩隻生煎飽，試吓睇吓係咪貨真價實先～而我叫完野食之後店員已經將筷子同匙羹擺左落杯水度一次過遞過黎，呢啲小細節係值得一讚既👍🏻首先上左兩隻生煎飽，賣相幾飽滿，食第一啖真係唔好太大啖食，因為佢裡面既湯汁真係好多，好容易就淥親個口，而佢入面既湯汁真係幾鮮甜，而包亦煎得幾香脆，外脆內軟既味道做得唔錯👍🏻所以搞到我食左一隻先記得影相😂口水雞翼菜飯（$59），雞翼上鋪左啲芝麻，花生同芫荽，加左呢啲配料後的確香左，令到成份雞翼更正👍🏻而雞翼亦斬開一半，變成雞翼變成一條骨，咁樣可以令雞翼更加入味，亦方便客人食👍🏻👍🏻的確唔錯，至於口水汁辣度麻度都唔多夠，鐘意重口味既朋友就未必覺得夠味啦～總結呢間既食物水準不過不失，味道OK，係順路經過可以食既一間鋪～

今日同朋友黎到呢左深水埗尋寶！😂行到攰就搵左間小店坐低食野！😆呢間餐廳食上海菜！上碟好靚😊我地先叫左個酸菜魚 呢個幾好食！唔會太濃太重味精味😆上海菜必食既生煎包同小籠包😆生煎包煎得好香！☺️小籠包皮薄多湯😎兩樣野都好好食😋再叫左碟厚切豬扒擔擔麵！豬扒煎得好香脆 浸住擔擔麵既湯底黎食真係舉起手指公😆💕另外擔擔麵都好彈牙🤗仲有叫左酸辣湯水餃🥟雖然唔係有好多隻水餃 但酸味味咁好惹味又想encore🥰

出黃金買新game順便去附近食野好耐冇食過生煎包所以又嚟呢間食😋唔係好肚餓就同朋友散叫share🌟原味黃魚濃湯拉麵（$68）依個黃魚拉麵🍜真係有驚喜係完整一條黃花魚起半邊肉出嚟所以冇骨啖啖肉食得好爽除左有2大塊起骨黃魚之外佢個魚湯仲好鮮甜我都忍唔住飲左半碗湯🌟堅信號生煎包（4個）（$36）枱面有張好搞笑嘅食生煎包教學🤣上枱嘅時候店員亦好細心咁提醒我地啱煎好 入面啲汁好熱細細啖咬開已經爆晒汁差啲淥親條脷😛加埋煎到香脆嘅包皮真係百吃不厭🌟灌湯小籠包（4個）（$32）作為小籠包愛好者依個又係我每次嚟都必嗌因為佢真係做到皮薄多汁而且encore左咁多次都依然keep到水準👍🏻🌟孜然雞中翼（2隻）（$16）平日食連鎖米線一定叫嘅雞翼估唔到依度嘅仲好食🤩孜然味香濃加上少少辣嘅刺激最重要係隻雞翼炸得啱啱好入面嘅雞肉仲好滑🌟雞絲粉皮（$28）雞絲超多😛嗰粉皮用上日式胡麻醬冇傳統中式麻醬咁膩✩嗰招牌生煎包同小籠包食咗咁多次都保持到水準不愧係呢度嘅招牌菜😋而且叫左咁多每人都唔洗$100真係抵食之選🤩