築地銀だこ (海之戀商場)

Open Now

Now Closed

同🤴🏻食美食廣場，係同場嘅‘北之坂’食左過唔係好滿意嘅豬扒飯，搞到🤴🏻心情唔好要買章魚🐙燒平衡吓😂😂～～～原味正宗章魚🐙燒丸子～～～成個美食廣場最出名嘅都係呢間，周不時都見佢大排長龍，🤴🏻買左8粒裝（$48），記得要趁熱食，熱食先會感受到佢嘅香脆可口，脆‘確確’咁，配埋內裏嘅粉漿熱辣辣幾過癮🥰🥰，仲要每粒都有大粒嘅章魚🐙腳多一層趙口感😊😊，沙律醬適中但建議可以放多啲海苔粉多個味道😚😚

築地銀だこ在日本超過400間分店，是一家專門售賣的連鎖食肆，屬Hotland的子公司之一。除日本本土外，在香港、台灣、泰國及韓國及均設有分店。嚴選食材製作出美味的八爪魚燒，外面鬆脆，內裏軟滑，加上大大的八爪魚粒。原味正宗💰25可加💰8飲品一杯🔸小丸子每粒都有大大粒章魚，肉質彈牙，漿不太厚身，咬落脆卜卜🔸💰25（4粒）有點兒偏貴🔸抹茶牛奶，有抹茶味，甜度適中呢間店鋪是開在FOODCOURT裏面，因此餐廳環境一般，店員服務質素一般，價錢方面偏貴了些少。

係DONKI買完野好肚餓，於是乎就係FOOD COURT食少少野補充下，見到呢間賣章魚丸同大阪燒既排哂長龍，忍唔住排埋一份，結果都排左成半個鐘先有得食。叫左個B餐，有餐章魚丸同大阪燒兩樣野食，套餐有章魚丸4粒，大阪燒一個同埋一杯飲品。章魚丸入面都有唔少章魚，外形夠圓，而4粒份量亦剛剛好，而大阪燒既賣相亦都唔差，但略嫌粉漿厚左少少，沙律醬同木魚碎亦好夠。飲品就揀左抹茶牛奶，抹茶味都好夠濃。整體黎講都唔錯，但略嫌排隊排得太耐。

嗰日去行Donki，行行吓有少少肚餓，就係food court叫咗啲嘢食。呢間舖係日本好多地方都有，我叫咗個set同朋友share，有四粒日式八爪魚丸，大阪燒炒麵同綠茶。八爪魚丸整得幾好，外脆內軟，丸入面嘅八爪魚粒都算多，充滿蛋香嘅蛋黃醬同八爪魚丸真係好夾。至於大阪燒都係日本傳統嘅做法，個質感都整得夠實，又唔會煎得太燶，配埋木魚絲同日式沙律醬食一流。個鐵板燒炒麵麵質OK，但調味偏鹹，佢有煙肉同蛋做餸，算有啲誠意，可惜個煎蛋煮過火，食落有啲老。飲品綠茶不過不失，略嫌綠茶粉落唔夠，味道比較甜。

同寫銅鑼灣SOGO分店, 但搵唔到, 所以寫係度平日下午見無乜人排隊, 就外賣買來食啦,X, 見到係整定放係度, 啲章魚丸表面已經乾哂同硬哂,咁肚餓就殺啦,食完4粒章魚丸, 發現2粒係無章魚, 今次已經唔係第一次,對上幾次我食, 又係咁情況,我以為係佢哋唔小心啦或者自己無留意,但今次我係一路食, 一路螺返出來驗,真係一半無章丸,$25, 有兩粒係食粉, 食水深到嘔, 無良奸商

每次行過Donki都會好想食佢，今日都唔例外，叫左套餐A食，有小丸子、炒麵同飲品，價錢$50▪️原味正宗章魚小丸子🧆小丸子外觀漲卜卜，上面佈滿沙律醬、燒汁同木魚絲，因新鮮熱辣，木魚絲係上面郁郁下，賣相討好！一咬落去外面漲卜卜，內裡軟淋淋，仲有粒彈牙章魚係入面，章魚丸內粉漿味道調味好好，非常好食，同醬汁好夾！呢間係我最愛嘅小丸子店！▪️築地銀炒麵🍝炒麵份量適中，麵條有口感，味道亦好濃！但豚肉份量少得可憐，得1-2舊，太唔好彩！味道係好味架，但勁唔夠喉囉▪️抺茶牛奶🍵味道正常，奶味唔重，淡淡嘅抺茶味，如果鍾意飲甜啲就要自己攪拌，糖漿沉晒係底

行完donki諗住hea一hea，入左呢個food court都搵野食，時間尚早好易搵位，見咁耐無食就叫份小丸子食下先。叫左B餐，有小丸子，大阪燒同一杯飲品，$50蚊都叫價錢合理嘅，但…小丸子確實每粒都有章魚係入面，外觀圓潤係合格嘅，但係凍左就係一舊粉漿黎囉。大阪燒同樣係凍嘅，椰菜唔多亦食唔到其他料，自己整都好食過佢。飲品有汽水、原味抹茶同抹茶牛奶揀，幾乎90%以上嘅人都揀呢杯抹茶牛奶，味道唔差，好濃抹茶味亦無過甜。但發生左段小插曲，見店員落單落左原味抹茶，咪同佢講返聲係抹茶牛奶先啱囉，個店員勁惡咁覆話知啦，斟緊㗎啦，你係咪拍八達通？係就快拍啦！其實當時無人排隊，唔知點解要咁急…Anyways，雖然無排隊，但都見到不斷有人去買嘅，係銷量咁高嘅情況下，啲小丸子同大阪燒都仲係凍嘅，究竟做定幾多貨？仲有係個托盤四邊都黐笠笠，全部都係大阪燒醬，拎埋位隻手已經瀨曬嘢，唉…好失望嘅一餐。

女朋友好鐘意食章魚小丸子🐙，每次行過donki佢都話要食~今次又再帶佢食喇~我地買左原味同明太子醬8粒~新鮮熱辣章魚小丸子上面有燒汁同沙律醬~仲有木魚係上面郁下郁下；明太子醬其實係明太子加沙律醬，明太子脆卜卜～粒粒丸子都漲卜卜，外面脆，入面軟，再加上一大粒彈牙章魚～加埋外面既醬汁，真係好好食！同佢都食過好多度既章魚小丸子，最好食都係呢間~ 其他就算即刻整個皮都唔夠脆.. 女朋友一定會即刻食，因為佢成日話一焗就會淋左，無咁好食，然後次次食個陣因為太熱，好易會唔小心辣親口...🥵所以女朋友影低左我吹凍粒章魚小丸子比佢食既樣~🥰

星期六下午food court 居然很少人，門口職員很細心叫我們探測體溫之後，位置任選皆因客人寥寥可數。因為已經吃過午飯，只是想吃點小食。當然是去買平日人山人海排隊的小丸子。眼望小丸子外觀不差，用竹籤拿起來感覺外皮分硬，咬下去居然是冷冰冰的，明明看到職員在裏面不斷製作新鮮熱辣的，感到非常失望。之後到我滿心期待的紅豆鯛魚燒，打開紙袋已經心知不妙，一樣是冷冰冰的。酥皮一點都不鬆化，一定放了很久變得十分煙韌，上面的大粒糖已經幾乎溶掉了。共$45 …. 徹底失望！

本身仲諗住係日本咁出名應該唔錯! ⬇️《築地銀だこ-》@荃灣Donki Foodcourt🔹原味 $25 4粒 🔹-其實原味D醬都係咁既味道，主要睇個口感。個粉漿真係唔識欣賞🤢食落好似未熟咁一Pat pat，過淋都唔算好熱，就算有D醬都搭救唔黎😵。 🔸築地銀炒麵 $30 🔸-好普通既炒麵，豚肉片乾身量少。重點係甜，好甜，甜到膩！🙉（想問師傅加左幾多羹糖😵）🔅之前口乾經過買過佢杯抹茶，雖然 $15都唔可以要求D咩，但有陣草腥味咁，努力飲到一半扔左🤡。

小編朋友話好想好想食小丸子，所以我地就去左荃灣海之戀商場內Donki美食廣場內，由日本開黎既築地銀だこ小丸子。◾ 玉子照燒醬小丸子 $27 (4粒)一個幾特別的配搭，小丸子上的玉子有點像玉子沙拉，凍凍的玉子配上熱熱的小丸子，岩岩整好小心燙傷口，其實都幾夾，幾好味，而且內幢的八爪魚幾新鮮。◾️ 明太子吞拿魚小丸子 $27 (4粒)明太子呀～～～太美好啦，雖然去唔到日本，但都可以食到咁日本既感覺，太好味啦，好濃濃的吞拿魚味，食完一粒想再食一粒。但價錢會偏貴，但如果想懷念一下去日本旅行的感覺，好值得食下。▫️食物：3.5 / 5▫️環境：3 / 5▫️抵食：3 / 5📍地址：荃灣大河道100號海之戀商場2樓激安之殿堂美食廣場內

原本只係行過口痕...想是但搵啲嘢食下...好耐冇食過章魚小丸子... 叫個細嘅食住等朋友啦... 咁食得我都有碗話碗有碟話碟...寫返個食評出嚟...原本我滿心歡喜章魚燒....應該係熱辣辣配埋啲醬...好可惜.. 現實同想像都係有距離嘅. 我今次食咗四粒凍冰冰梁浸浸嘅章魚小丸子.. 雖然我個嗰幾粒個外皮依然係鬆脆... 但係feel到佢好似已經涼咗好幾個鐘頭嘅冷氣... 入面完全係凍冰冰嘅.. 搞到原本揸到四粒章魚小丸子嘅我滿心歡喜..結果🥲

食品質素好有問題，嘢食唔熱，杯綠茶牛奶係一杯無味嘅凍水，點解香港出品都可以做到咁？完全做衰晒所謂嘅日本招牌…… 仲要喺正Donki出面唔好意思要寫劣評，請好好正視！

章魚燒狂迷一定唔會唔識呢間店，食落完全係日本大阪嘅味道，立即思鄉愁緒得到紓解。以往想食就要去到銅鑼灣SOGO，依家近啲嘅荃灣都食到大大提升咗我地食嘅次數，更一度變咗飯堂。漲卜卜章魚燒係必點，外衣脆脆的，內裡漿漿的，水潤水潤仲有紫菜同蔥花味，章魚粒唔大但依然彈牙，唔會變韌。另外大阪燒及炒麵之前食過都唔錯。今次嗌呢個套餐就係跟咗炒麵，炒麵味道足之餘口感仲好挺身qq的，唔會軟爛晒，同埋豚肉片量都剛剛好，所以都係必食㗎！

好耐冇食過章魚燒啦章魚燒(4粒)+大阪燒+抹茶牛奶 HKD50 章魚燒真係熱辣辣 外脆內軟 裏面粒章魚夠彈牙 夾住小小雜菜粉漿 但唔算好厚粉 都算接近日本味道啦大阪燒就一早整完 order咗之後再淋上漿汁凍冰冰就係一啲都唔吸引 粉漿好厚實在太難食索性將啲雜菜撩哂出嚟可以食吓附送嘅抹茶牛奶又係世紀級難飲啲糖漿沉喺底應該有3cm厚 為咗健康著想真係要果斷地放棄成杯•當日好肚餓又中咗呢個大伏 惟一係章魚燒喺放得入口🐙要食嘅話真係食章魚燒好啦~🚩築地銀だこ 荃灣大河道100號海之戀商場2樓激安之殿堂美食廣場內