築地銀だこ (海之戀商場)

Open Now

Now Closed

不錯不錯🫣見到職員係入面整幾得意 佢部機係可以自動轉😳講翻章魚燒 佢有足夠嘅鰹魚乾 所以整體香氣提升！而且沙律醬剛剛好 入面嘅料都好多 一咬落去就會慢慢爆出來 唯一希望外皮可以更酥脆

星期日2點幾去到food court，無咩人，是但揾個近章魚燒嘅位坐低成個food court 最多人幫襯算係呢間，keep住有人排隊落單買叫左一個原味章魚燒8粒，芝士明太子章魚燒4粒，放上一個比較污糟嘅餐盤上，有上一手d食物殘餘，而且餐盤拎上手係痴立立嘅，清潔度好差但章魚燒味道同口感就非常好，入口熱辣辣，外脆內軟，淡淡章魚肉，都好足料。最驚喜係芝士明太子味，好正啊，濃濃嘅芝士明太子醬汁，同章魚燒非常夾，下次要食8粒兩個店員無停手係咁燒

今日係荃灣行開Donki,有D肚餓🤤居然比我見到有築地Gindaco 係food court,平時你想食要到日本先可以食到😋，今日係荃灣Donki food court就有得食了。叫左個8粒裝$48每一粒都大大粒，夠哂圓，外皮好脆，配合埋燒汁醬同沙律醬，真係一流🥰而家不過今次入邊多咗啲生薑，比較spicy,算係美中不足，不過都係好好食！環境指數：🌟🌟🌟🌟味道指數：🌟🌟🌟🌟回頭指數：🌟🌟🌟🌟推介指數：🌟🌟🌟🌟

今日去Donki 買禮物見到food court 有好多嘢食,口痕痕走去買章魚小丸子食下揀咗B餐:有4粒章魚小丸子+大阪燒+抹茶牛奶章魚小丸子:新鮮即製熱辣辣好好食,粒章魚好彈牙有咬口,食落去粉漿唔會太厚,配上原味醬汁和沙律醬,好滋味大阪燒:大量木魚碎鋪在燒餅上,入邊夾住濕潤柔軟菜絲,口感極好抹茶牛奶:抹茶甘香味濃,沒有苦澀

中午時間，諗住去donki買外賣，點知行行下行左出去就見到外面有個美食廣場，見冇咩人就去睇下有咩食。見到呢間築地銀だこ，見到有炒麵同章魚燒就食呢樣，午餐只係50蚊而且仲有凍抺茶，等左幾分鐘就叫我出去攞，之前見到佢有order先會煮，見到一邊炒麵一邊章魚燒都相當熟練，個炒麵賣相好吸引加上章魚燒有4粒，炒麵味道有少少酸甜的口感彈牙，雖然餸料不多但就相當美味，最讚就係章魚燒，皮薄而脆內裡軟熟做得相當出色，章魚粒亦都爽口，最後抺茶就做得泡沫細嫩豐富，回頭率80%

皮薄、脆、多餡（每件都有兩粒章魚、生薑、蔥），有輕微overcooked但不影響口感。😋鋪面的蛋沙律及蛋黃醬味道很好，友人超級喜歡💕，不過即使跟店員說要加錢，也不能另外加添，只能以再多叫幾客的方式，來「加添」蛋沙律及醬汁，因為跟想要的比例（多醬）會有所不同，所以只好作罷。😋這家的章魚燒沒有一般店家都會下的紫菜、椰菜，及章魚燒汁，但有加上一定會有的鰹魚乾。😋配的抹茶一般，另外在別店買了可樂。😳每次經過都一定會買來即場吃。據說這家的大阪燒炒麪也不錯，改天再試試。

毛毛蟲去荃灣donki行街，順手去Food Court搵食。Food Court 好多好嘢食，實在太想去日本旅行，只好食下小丸子、炒麵+大阪燒當自己去左啦!毛毛蟲開餐！❶築地銀だこ🍴築地銀だこ係Food Count最內面，星期六下午的人出奇地小。❷原味正宗小丸子套餐內的小丸子一共有4粒，大大粒，比較軟身，喜歡彈牙口感的可能未必鍾意。❸築地銀炒麵+大阪燒套餐內的炒麵和大阪燒。築地銀炒麵：炒麵好好味，調味有些甜，有些咸，啱我依D重口味的人。大阪燒：大阪燒味道好一般，口感好淋，好粉。❹抹茶牛奶🥛本來有心理準備會比較甜，點知飲落落一點都唔甜。飲到最後發現個底先甜，原來係我無搞勻❺套餐C($80)今餐食左$80。有三樣嘢食+杯飲品其實算係咁。除左大阪燒外，其他二樣都唔錯，下次再叫叫A餐好了。🐛推薦指數美味🌕🌕🌕🌕🌑抵食🌕🌕🌕🌕🌑環境🌕🌕🌕🌕🌑回頭🌕🌕🌕🌕🌑店舖資料🗺荃灣大河道100號海之戀商場2樓激安之殿堂美食廣場內📞26763378⌚星期一至日 1000-2200#hkfood #hkgoodies #yummy #foodiehk #foodblogger #eat#毛毛蟲美食 #香港食評

同🐻仔一齊去荃灣搵嘢食，醒起近住donki嗰邊有個foodcourt，好似幾多選擇，就去咗嗰邊搵嘢食🤤。行過餐廳嘅時候，見到店員整緊章魚小丸子🧆，實在太吸引，忍唔住買返個餐嚟食吓🤭！-🍴B餐: 原味正宗章魚小丸子(4粒)+大阪燒+飲品($50) - 大阪燒同埋章魚小丸子上面都佈滿左照燒醬、沙律醬同木魚，賣相非常吸引😋。小丸子啱啱新鮮熱辣整好，外脆內軟，不過食嘅時候要小心，因為入邊真係好熱🥵，會食到章魚粒，而且唔會只係得粉，都唔錯！大阪燒入邊有唔少椰菜🥬，最頂有一片煎香咗嘅豬腩肉，真材實料，不過可能放咗一陣，唔算話好熱，感覺應該熱啲好食啲🫢。飲品方面，叫咗抹茶牛奶🥛，飲落好多抹茶粉🍵，少少苦苦地，唔夠順滑，牛奶比例高啲會好啲。

差唔多每次去日本都會食呢個品牌的章魚丸，熱辣辣好正！香港有得食番好開心～睇睇大家的食評都好兩極，我唔係專家但呢間的章魚丸算唔錯，每次行donki都會想食，但其實我唔特別鍾意食😆但次次都會想食，外皮脹卜卜脆脆地包住半熟的漿混和埋醬汁沙律醬味道即時加分，粒章魚其實都係點綴下！不過最衰一係要四粒一係就八粒，有時飯前飯後，兩個人口痕食少少野，兩分食四粒又太少，八粒又太多，其實如有六粒分量會更好！行完街食小食又有位坐，係一個唔錯既選擇！

而家去唔到日本，可以來呢度試下日本風味我地3個人叫左個C餐，有原味正宗（4粒）章魚燒，築地銀炒麵，大阪燒和一杯原味抹茶，因爲想食多d章魚燒，又追加左章魚燒幾有日本風味，可惜可能時間夜，章魚燒唔係岩岩整好既，章魚唔係好大粒，但個皮好薄，加埋d醬都好味築地銀炒麵既配菜有豬肉，芽菜同椰菜，炒得好惹味，會有d油，多d人share更滋味大板燒都唔錯，入面主要係菜，好健康，加埋d醬會食到好滿足原味抹茶就普通，陣味有d奇怪，可以唔洗試。

今日去到海之戀，想食輕食，但係原來係好少，想坐低飲杯珍珠奶茶係冇可能，最尾都係行返去DonDonDonki，今次試咗佢哋出邊個food court。最輕食都係takoyaki啦，我嗌左個B套餐，章魚燒（4粒）加大阪燒加嘢飲，都係$50。現場即叫即整（其實咁啱上個批賣晒啫🤣🤣🤣）咁都好，證明佢有流量，啲嘢食都去得好快！等咗10分鐘，終於有得食，新鮮滾熱辣！大阪燒唔錯，味道同份量幾好，我係嫌佢少啲肉，得好薄嘅兩細條🥲章魚燒真係冇乜特別，我認為可以在硬身少少，而家佢啲餡係偏淋。係我先咁好彩即叫即整，我食完呢一餐已經見到佢有六盒章魚燒擺喺度等人買。可能等一陣會乾身啲掛？🤣🤣🤣

之前成日經過Donki既美食廣場已經見到呢間章魚燒排晒隊 可能好好味 但一直都未有機會試到 今次就特登過黎美食廣場食野 當晚餐咁食 就順便買份章魚燒試下 第一次食梗係要試返啲最原始既味 原味章魚燒4粒$48蚊 呢個價錢其實都算係幾貴下 平時食開個啲廿幾三十蚊已經有六粒 不過呢度既章魚燒真係好有驚喜 一放入口係外脆內軟 外層係勁薄 真係第一次食到咁薄皮既章魚燒 入面仲好足粒 每一粒都會有粒大大既八爪魚 呢個價錢絕對係值得既 下次會再黎試下其他味道既章魚燒 值得一試

到donki購物，便順便買一些小食填肚，今次買了原味章魚小丸子和紅豆鯛魚燒。章魚小丸子口感外脆內軟，味道不過不失，如果章魚份量可以大粒一點會更佳。紅豆鯛魚燒外皮很脆，富牛油香味，不過紅豆餡較少，而且到手時食物並非熱辣辣剛做好，有少少失望。

我已經唔係第一次食呢間嘅章魚燒。佢地啲章魚燒好好食，所以會特別想再食多次。粒粒章魚燒都好飽滿，脹卜卜。即使係外賣，拎住佢行左一段路，食嗰陣係暖嘅，個皮仲係脆脆地。佢地仲有個靈魂之處，就係個醬汁。今次新出左個芝士明太子醬，緊係要試下佢啦！雖然芝士唔多，但明太子味就好出，夾埋落章魚燒到都好食。不過我覺得配佢地平時都有嘅玉子醬就仲夾仲好食。

呢排去開荃灣做嘢，成日都會行過Donki，附近勁多嘢食😉咁就梗係要試吓啦，今日食咗兩間，咁先講吓呢間先，一向都好鍾意食小丸子既我，當然唔可以錯過呢一間啦，其實都唔知點叫呢間鋪🙈不過唔緊要，食物先係重點😌😌間餐廳仲有提供套餐嘅，除咗小丸子仲有大阪燒同炒麵，不過我嗌左第二間正餐，所以只係叫個細小丸子囉😜呢個小丸子熱辣辣新鮮製作，可以做到外脆內軟，而且入邊都算足料☺️如果可以多啲汁就更加好啦，就貴咗少少🤏$25得四粒🤪🤪當係一個小食都OK嘅😜