堅信號上海生煎皇 (軒尼詩道)

Open Now

Now Closed

同事之前黎過, 今日終於輪到我了.午餐時間有套餐. 包兩粒小籠包. 一個主食同一杯飲品. 我叫左呢個秘製豬扒菜飯$70, 飯order左小飯但都超大碗, 有嚇到.秘製豬扒甜甜地. 好好味. 重點係一d都唔un. 好林.  個菜飯都幾多菜. 但點解少飯都咁大碗. 正常size究竟有幾大碗?套餐內包的小籠包, 呢個等得比較耐, 即叫即蒸, 有晒煙夠晒熱. 小籠包內有湯汁. 食時除左要小心熱之外, 重要小心佢的湯汁會爆出黎.味道不錯而且皮唔算厚. 幾推介.同事超推介呢個生煎包, 套餐可以加$16就有兩隻. 若果normal 一碟係有四隻.睇落去平平無奇, 點知一咬落去. 裡面的汁爆到我d頭髮同個身都係.. 真係好彩身邊無人坐. 咪真心好大鑊. 生煎包其實同小籠包好似, 只不過一個蒸. 一個煎. 同樣係好足料. 個皮都好薄.但大家第日食時真係要小心食.同事叫左擔擔麵套餐, 但男同事話呢個份量就算再加生煎包都係唔夠飽. 另一個就單叫酸辣湯麵, 呢個係無餐. 所以唔夠食就要再加其他小食同飲品. 總結, 食品不錯. 但食飯時間坐位都會幾迫. 同埋食完就即收搭碗碟.  坐唔耐. 

📍堅信號上海生煎皇 - 灣仔返工成日經過堅信號但一直都未食過！今日自己享受個metime Lunch一於去試下個午餐Set先😋L2.四川擔擔麵 $59有前菜小食同埋個麵都係60蚊有找👍🏻灣仔lunch嚟講都算經濟實惠！前菜小食揀咗灌湯小籠包(2件)等一等食物就好快上枱啦！小籠包入面都幾多湯汁💧趁熱食 食嘅時候要小心淥襯嘴🤣 層皮都算幾薄！味道咸香😋餡料都幾飽滿💪🏻擔擔麵辣得幾惹味🌶有花生醬底！麵質適中唔易浸到淋晒！食到尾仲可以保持原本麵質都算唔錯🍜麵身掛汁😋食麵同時飲埋湯汁👍🏻今次食小籠包入面都有咁多湯汁！下次要試埋最出名嘅生煎包👍🏻睇佢究竟會幾爆汁🌊

週末響灣仔附近匆匆忙忙食午飯，所以一如以往都係買外賣上去人哋度食會方便好多，跟住響附近睇緊有乜嘢好食，就會有人提議食下堅信號，加上佢都幾靠近地鐵站，響地鐵站行過去都好快到，等嘢食嘅時間都唔算泰萊，係可以接受嘅，個人認為總好過午飯時間要搵位。今次帶咗個一人餐，主食係椒鹽脆王魚湯麵，Siri唔吹黃魚返到去食嘅時候都仲係趣嘅，味道亦都唔會太鹹，面嘅份量都可以，湯嘅味道亦都唔錯，整體嚟講係可以嘅。另外個餐加咗兩隻生煎包，包裝盒都幾環保，同埋冇咁多倒汗水，生煎包嘅正面感覺好似唔係煎得好透，生煎包嘅皮有少少煙韌，唔係好似上海嗰隻，不過裏面嘅肉同湯都算多，整體不過不失。仲有叫咗個酸辣湯嚟試吓，酸辣湯嘅味道都係比較偏向港式口味，同埋材料方面比較少，跟餐嚟講都算係不過不失咁啦。

性價比超低，例如$32的凉拌菜，只是能夠吃一口。餃子不好吃，湯面亦差勁。酸辣湯亦冇味，上海粗炒比起來叫最抵食，味道可以但可惜油太多。我個人認為非常差，不好食，下次不会再光顧。

今日中午去咗灣仔堅信號食飯，有個見習侍應拎杯豆漿嚟嘅時候，倒瀉咗杯豆漿，仲整到我哋隻腳，但一句對唔住都冇，仲要話倒瀉嘢咋嘛，之後杯豆漿冇咗少少，都照擺上台比客人，冇換過第二杯。之後發現呢個侍應上餐時都係好粗魯，好似掉個餐喺枱面咁，碗麵仲要得好少，冇下次，唔平又食唔飽。

商業區早餐都係茶記多，而且早餐又唔食得好多野。平平地試下，32蚊有雪菜肉絲上海麵，仲有豆漿。早上9時堂食冇人，外賣都係我一個，生意難做！個麵好彈牙，不過豆漿就冇咩味。

幾位同事咁啱都冇帶飯，當然要趁機會出去食餐好嘅！灣仔堅信號開咗冇耐，一於午餐試試佢🤪🐽必食🥳秘製豬扒配湯麵 $70靚女同事揀男朋友叻，原來揀野食都好有眼光👀豬扒調味好特別，應該落咗秘製調味料。平時嘅豬扒得咸味，但呢度嘅豬扒應該加咗糖醃，食落甜同咸味都好平衡。肉質嫩滑唔會太硬太乾，烹調時間控制得好準確。碟野係靚女同事order，但好味到我食到停唔到口，仲食得多過佢😆🥟堅信號生煎包 （2隻 ）（跟餐）新鮮熱辣辣，個底真係金黃香脆㗎💕知唔知點解？因為煎嘅時候會加水乾掉底部。入口唔黐牙，發酵面皮厚度岩岩好，皮軟脆底！加上肉餡滿滿、一咬香濃肉汁溢出，juiccccy💦🥟蟲草花杞子養生小籠包 （2隻 ）（跟餐）精心加入多種滋補食材，如蟲草花、雞脾肉等，用杞子點綴，揉合木耳提升口感。補身得黎皮薄餡靚，健康又好味😄🥟灌湯小籠包  （2隻 ）（跟餐）呈上時都夠熱。秘製上湯包裹住鮮嫩豬肉，濃湯加肉感，雙重享受，食過唔停😻🍜四川擔擔麵 $59傳閒擔擔麵係由一位小販用扁擔挑喺膊頭上叫賣而有呢個名🧐豐富湯料包括肉碎、花生碎和蔥花。花生醬味特別濃郁，中意嘅朋友唔好錯過！🐣川味口水雞配湯麵 $78辣汁正常發揮，雞肉

新開張門面企理，加上大大個餐牌貼門口，本來想買外賣返公司又唔知食乜，見到即刻過去睇下。買咗個擔擔麵餐，有個小食加杯熱綠茶，外賣$62，比錢時見佢啲座位都唔會好迫。買完先知用App order 單點餐牌食物有85 折… 佢有個窗口專攞外賣，好在收銀員見我傻下儍下企喺門口等，提我過去窗口攞，都唔算等得耐。個擔擔麵質地比較濕爽，而且分湯放，唔會淋晒，個醬都幾多肉碎。小食揀咗紅油韭菜餃（兩件），辣香加韭菜，好味！可以外賣預點，下次要試吓生煎包！