銀杏館-越老 (Closed)

呢間油麻地既銀杏館，唔係openrice冇意搵到，我諗都唔會有機會遇到佢。暗暗的燈光、濃濃的人情味！餐牌都未打開，就送上熱湯，話係送嘅，立時暖晒！午市三餸飯$58，都有驚喜！三個餸逐碟黎、白汁魚柳、馬蹄肉餅、苦瓜豆乾、精美又美味！+$10有菜白菜仔！食食下、侍應婆婆仲問我地仲要唔要加湯，竟然可添飲！不得了！讚！應該會再返黎幫襯👍🏻

As far as I know this restaurant is a social enterprise that employs elderly people since ageism is very real here in Hong Kong and I think it's wonderful that there are restaurants giving the elderly job opportunities so they can make some earnings and support themselves with dignity. Now on to the food. It was very tasty. Was it very authentic Vietnamese food? Probably not. But everything tasted great so I ain't complaining. The standout dishes for us were the chicken wings, curry, and pandan

越老是一個社會企業旗下的餐廳，各分店在香港各地，有著各自的定位和特色。相同的是大多販售越南料理，並且雇用長者為員工，使其有就業機會，一方面獲得收入，一方面可以和人互動。各種基本的越南菜式這裡都有，午餐和下午茶有飯、撈檬、湯檬、河粉等，春卷和法包也很受歡迎。晚市絲毫有各種豐富的越南菜，還會有樂隊駐唱。這裡的裝潢很不錯，沙發也很舒服，很多套餐有附沙律吧，雖然每次的沙律似乎菜色差不多，但使用有機的大塊馬鈴薯沙律和涼拌清瓜都清爽又吃得到食材的原味。湯也是很又特色，冷飲更使用有機材料，雪梨水、洛神花汁都不會太甜，喝起來很清爽，讓人一喝再喝。

公司附近，連續两天都來吃午餐。陪吃對象，两天都不一樣，唯一相同是他她們首次來。飯很軟糯，朋友全清香味茅牛肉/豬肉很香口，嫩滑，惹味。春卷香脆可口。加10元，配沙律吧及餐湯，和飲品。

這是一家社企餐廳，據說老闆是兩位老人家。所以餐廳內的員工也是上了年紀的老友記，十分欣賞他們的服務態度。今天放假就同媽咪一同來到支持一下，這家餐廳理念十分健康，午餐是半自助形式，沙律菜及湯任添。裏面的裝修一點也不古老，很摩登及有時代感，有一點酒吧的感覺。無限量的沙律, 菜很新鮮,不會變黃，還有很多豆、粟米、車厘茄.......健康之選越式扎肉粉，湯底十分清甜，真材實料餚製河粉也薄而滑；加上越式香料配幾粒指天椒更覺鮮甜即磨咖啡很香滑，杯子的份量剛剛好，不會過量很適合老人家。而且全玻璃的杯子及咖啡店十分精緻店員用心的服務及餐廳時代感的裝修，食物新鮮，值得再來。

服務員叔叔 伯伯好熱心講解 仲會推薦菜式 食到滿滿人情味 態度勝每道食物都有心思擺設 唔會因爲叔叔伯伯 年紀大而影響食物及 服務質素 相比大公司既高級餐廳 簡直係滿分💯 支持社企餐廳

社企旗下管理的餐廳，但氣氛絕不是一般社企地方，雇用長者做店員，開始人生第三春。長者侍應回應都好精令，而且那份親切和豁達感是別處找不到的。室內設計有用心規劃有種舊香港翻新味道，食物是茶餐廳價格，但態度是物超所值。午市吃有自助沙律吧和湯水，很適合我這種常外食不夠纖維的食肉獸。豬頸肉撈檬是每次來愛點的，豬頸肉醃得夠味，不會死咸。大熱天時來點撈檬汁酸甜清爽，如果可以更酸更完美每次都是午市來吃，價格與連鎖店無疑當然光顧這兒更愉快。

在佐敦和油麻地找地方一個人吃午餐。幾十元一個午餐，連自助沙律和湯，很便宜。加了碟生菜$28，再加一，埋單$88又比預期中貴。份量很大，服務很好，有心思，不過味道勉強可以。豬扒還好，偏腍，醃得有偏甜。流心蛋黃有誠意。還有生菜絲、蘿蔔絲和青瓜絲等，添上越式風味。一大碗白飯，太濕太腍，不太合我口味。店員見我吃剩這麼多飯，臉帶微笑說這裡的份量很大，下次可以少飯。最後還有一杯餐飲。質素一般，但心機和服務都值得欣賞。

同朋友聚會，支持下社企，希望日後自己老咗，繼續可以有工作。 我們仨，叫咗5個菜，剛剛好。小食拼盤有雞翼、 紙米卷等等， 滿足曬所有願望。 因為拼盤只有兩隻雞翼， 另外叫多咗個牛油雞翼， 就可以每人食兩隻雞翼啦。 本身好喜歡食酥炸軟殼蟹， 今次覺得有少少油， 但其實又炸得好乾身，加少少醬汁好好味。香辣豬手煲，係有辣椒，但一啲都唔辣， 豬手亦都係好有膠質。 推介番茄蟹膏雜錦湯河， 蟹膏湯好 rich 但一啲都唔 流喉， 加上一隻大蝦及丸類， 好味滿足 晚上9:30就 last order，餐廳收10點，明白既，長者不能工作太夜。繼續支持長者就業

呢間係我飯堂之一嘅餐廳，每次食完都會覺得好滿足，而且，久唔久會有新菜式，前菜又會轉，之前食過咖喱同厚切豬扒都相當好味，今次終於有機會帶男朋友一齊食。入面裝潢時尚有特色，侍應係一班老友記黎，服務相當好，係一間好有水準嘅社企餐廳。今次叫左兩個午餐，每人平均$70。自助前菜雖然只有幾款選擇，但樣樣都好有誠意，唔敷衍。我特別鍾意食呢個通粉沙律，今次好好彩又比我食到，微微黑胡椒味加甜甜地嘅醬，通粉整到好彈牙，仲有火腿粒係入面。湯係中湯黎，味道好濃，有好多紫菜同蛋花好足料。烤豬肉越式法包 $68法包外脆內軟，中間餡料有芫茜，白紅蘿蔔絲，蕃茄，青瓜同豬肉，口感好豐富，豬肉好嫩好香，再有醬咸咸地係入面，所以唔洗擔心會好乾。南乳雞扒撈檬 $59近來新推介嘅菜，份量一如過往都係咁多，南乳醬平均搽滿雞扒面，味道濃又無過咸，雞扒好大塊，好嫩滑好多汁。蛋煎到好靚，維持到蛋白熟透得蛋黃流心。檬粉正常無變一舊，甜酸汁比較偏甜，酸味岩岩好，好開胃，好岩夏天食。

咁岩係油麻地學野，朋友隨手係openrice搵到呢間越南菜，餐廳名好貼合主題：越老，支持長者繼續工作！講真第一次去到平安大廈嗰門口到，真係諗左一諗有冇行錯，有少少恐怖。不過上到餐廳門口，發覺係另一個世界。啲裝修好有feel，又有live唱歌。環境唔錯，好岩傾計。坐左一陣仲full house。本來諗住社企餐廳食物會一般般，點知估佢唔到嘅好味喎。因為我同朋友都想食light啲，所以就叫咗沙律系列。燒牛肉木瓜沙律賣樣吸引，好大份。嗰dressing勁開胃，帶微酸，青木瓜好新鮮，勁爽口。燒牛肉夠入味，不過用係肥牛，食落有少少油，如果改左係用香茅牛肉應該會正好多。不過好在青木瓜沙律夠青新，減低油膩感。手撕雞椰菜沙律好多越式餐廳嘅沙律都會用同一個dressing。不過呢個係唔同㗎，同青木瓜沙律嗰汁好唔同，不過同樣好開胃，嗰汁好夾椰菜嘅味道，不錯。最後食米紙卷呢個同我去越南食嘅味道係一樣㗎，雖然價錢差好多😂我地最後清哂碟，埋單二百幾蚊，好食，環境不錯，服務又好，所以食完係開心滿足嘅！

呢間社企餐廳之前黎過一次，係同事升職請食飯時黎食過。呢間社企餐廳係鼓勵老年人就業，所以員工都係上左年紀既姨姨同伯伯。今次兩個人食，叫左4樣野，一共$300左右，樣樣都好好食，俾大家睇下相片！老實講，雖然呢一間係越式餐廳，但係你話佢好越式咩？又算唔上喎...... 至少個飯都真係唔多似越式... 不過呢味道真係好OK架！好多時去社企餐廳重點都係支持下咁，但呢個社企餐廳我就覺得真係味道都吸引到我去食既。

哩間餐廳的員工係老人家入到去將要的野寫係點餐紙，再比樓面大概等十幾分鐘就上餐.雙併湯粉 $59我揀左牛肉同牛丸牛肉有啲肥得濟，牛丸正常味午餐黎講，份量都好足夠另外佢地有沙律吧，有唔同的蔬菜可以揀，仲有湯

好友聚會樂透一個晚上。地點㨂選了佐敦一間越南菜館，頗有名氣。店員大多數採用己退休人士，咪質疑他們的能力啊！感覺比起一般的服務更加貼心。一行六人原打算點六位套餐，誰知店員溫馨提示，四至五位己足夠，太多會浪費食物。太好了.....窩心啊！頭盤有法式麵包，米紙卷，炸雞翼，木瓜沙律，春卷。木瓜沙律清新醒胃。好喜歡食雞翼，炸得不油不膩，非常入味。白灼蜆肉新鮮無比，嫰滑得另人愛不惜手。香露大蝦頭夠曬吸引。蝦隻新鮮勁彈牙。蝦頭位置爆膏，誘惑！食到舔舔脷。咖哩雜菜煲有各種蔬菜，咖哩汁濃郁芳香，蔬菜吸盡精華，滋味無窮。香蔥牛柳粒又一惹味菜式。牛肉軟腍，牛脂味濃厚。整體水準不錯，服務又好，值得推介。

第一次黎尼間食時唔係朋友帶都唔識黎尼個係社企餐廳員工好多係聘請退休人士尼個好有意義因為有時好多65以上既長者依然係好有工作能力尼度可以俾佢地繼續發揮佢地服務態度好好亦都好親切好有人情味尼度既半自助午餐唔錯咁既價錢既越南餐真係ok已經黎食過幾次環境好好坐得好舒服半自助午餐既薯仔沙律係我至愛是日湯水或者糖水幾乎次次唔同好鐘意食佢個碎米肉碎飯入面蝦干味濃郁好香炒肉碎送飯真係好開胃仲有佢個越南滴漏咖啡☕️又係好香但要等一陣，唔係即刻有食飯趕時間就早點order 呀因為order 完仲要等佢滴出黎😂佢係每人連埋漏壺俾你你自己睇住佢慢慢滴試過朋友一齊叫有人滴得快有人慢😂一定要飲熱既凍既話會俾冰粒沖淡個咖啡尼度係會再黎食既餐廳👍🏻